🔥 Працягваем расказваць вам пра файныя праекты ў беларускім YouTube пра нашу гісторыю. Трымайце трэцюю частку падборкі

👉 Частка 1
👉 Частка 2

⚔️ Каранні і вытокі
Вялікі канал з гістарычнымі вандроўкамі па беларускіх мясцінах у «Гісторыі без межаў» з Лявонам Казаковым, а таксама праграмамі «Ладны пераклад» з беларускімі загадкамі і прымаўкамі і «Паданні старога месца» з гісторыямі пра стары Менск.

⚔️ СВЯДОМЫ
Праект з вельмі інтэрактыўнымі ролікамі пра гісторыю беларускай мовы, герба «Пагоня» і знішчэнне культурнай спадчыны. База, якую трэба ведаць.

⚔️ HOSCIECHKA
Аўтарка канала Карына распавядае пра беларускую гісторыю за гарбатай простымі словамі. Пытанні, якія хвалююць кожнага: адкуль пачыналася Беларусь, хто стварыў ВКЛ, што было пасля Вітаўта і шмат чаго іншага. Таксама тут ёсць атмасферныя відэа пра Гародню.

⚔️ Непарадный путеводитель
Аўтар праекта Дзмітрый Новікаў распавядае пра цікавыя, але невідавочныя месцы і славутасці Беларусі, якія звычайна не пішуцца ў стандартных гідах і даведніках. Тут шмат цікавостак: дзе шукаць гомельскіх ваўкалакаў і сляды лагойскага астэроіда, расповеды пра міфічнага князя Літвы Рынгольда і Ракаў, як міжваенную сталіцу кантрабандыстаў.

⚔️ Годна
На канале грамадскай арганізацыі вы знойдзеце шмат цікавых плэй-лістоў па гісторыі Беларусі: Годныя вандроўкі, дзе захоўваюцца праграмы «Бусь Беларусь» з цудоўнымі падарожжамі ад Лепеля да Пінску, «Навокал» з вандроўкамі па родных мясцінах Ларысы Геніюш і знакамітай Шчучыншчыны, Годная гісторыя, дзе блогер Тутэйшы Шляхціч распавядае пра некаторыя старонкі нашага мінулага.

Падпішыся на канал ТРЭНДЫ: ПАПУЛЯРНЫЯ ВІДЭА БЕЛАРУСІ