🎼 Тым, хто больш не слухае расейскую папсу. Трымайце падборку YouTube-праектаў, якія расказваюць і паказваюць беларускую музыку:

1️⃣ Міністэрства сепультуры
Навінка года па версіі нашых падпісчыкаў у беларускім YouTube, канал журналіста і пісьменніка Аляксандра Чарнухі, які распавядае файныя гісторыі пра беларускіх музыкаў, а таксама паказвае трэш, які ладзіць дзяржаўная эстрада. Дарэчы, хутка будзе новая лукашэнкаўская «Песня года». Чакаем справаздачы з пекла.

2️⃣ MUZYKOWSKI
Праект беларускага музычнага журналіста Максіма Маханеўскага пра непапсовую музыку 90-х і 00-х. Тут і гісторыя гуртоў і музыкаў: ад сусветнавядомых да беларускіх (Ляпис Трубецкой, ТТ34, Rasta, 5DIES, EXTERMINATION DISMEMBERMENT і іншыя), і падборкі выканаўцаў у розных стылях: ад ска-панка да беларускага хардкора, а таксама інтэрв'ю і агляды вядомых рок і метал-фэстаў.

3️⃣ TuzinFM
Бадай, найвялікшы архіў беларускай музыкі ў YouTube: 912 відэа і больш за 7 мільёнаў праглядаў. На канале ёсць кліпы айчынных выканаўцаў, эксклюзіўныя інтэрв'ю, відэарэпартажы з канцэртаў, зладжаных музычным парталам, які цяпер вымушана спыніў сваю дзейнасць.

4️⃣ БЕЛСАТ MUSIC
Музычныя праграмы, канцэрты і кліпы тэлеканала "Белсат". Поўныя канцэрты, праграма Belsat Music Live, кліпы беларускіх артыстаў і гумарыстычныя песні ад праектаў "Галубыя какарды" і "ХайТак ТВ".

5️⃣ Перапёлка - Беларускія песні
Падборкі песень на беларускай мове для розных нагод і настрояў. Тут і новая беларуская музыка, і песні на вершы нашых класікаў, і беларуская калыханка, і музыка для трэніровак, і нават піўны плэйліст.

Падпішыся на канал ТРЭНДЫ: ПАПУЛЯРНЫЯ ВІДЭА БЕЛАРУСІ

🔫 Прапануем падборку яскравых праектаў у TikTok, на якія варта падпісацца:

🎨 Гэта Менск, дзетка! - галоўныя навіны Беларусі ў саркастычна-пагардлівым стылі. Усё, як мы любим!

🎨 ЧинЧинЧенэл - пацешныя скетчы ад акцёраў Купалаўскага тэатра Міхаіла Зуя і Дзмітрыя Ясяневіча пра двух тыповых лукашэнкаўскіх чыноўнікаў, якія супрацьстаяць дэмакратыі і свабодзе.

🎨 kykyorg - вядучы акаўнта Глеб Сямёнаў - сапраўднае пасланне з нябёсаў для беларусаў! Гэта не апісаць словамі, гэта проста трэба пабачыць.

🎨 ЧестнОК - самы яскравы TikTok пра беларускі футбол і тое, што з ім адбываецца апошнім часам. Саня Івулін аджыгае!

🎨 Ягор Яраш-Каранец - TikTok сапраўднага беларуса, у якім аўтар распавядае пра асаблівасці беларускай мовы і цікавыя факты з гісторыі Беларусі. І ўсё гэта прыпраўлена стромкім гумарам.