🔥 Падрыхтавалі для вас другую частку незвычайных праектаў пра Беларусь і беларусаў:

1️⃣ Навокал
Андрэй Ігнацік і Уладзіслаў Мігдалёнак ганяюць ва ўсю моц па такіх мясцінах нашай роднай Беларусі, якія яшчэ не намылілі вока дасведчанаму беларускаму турысту.

2️⃣ placoüka×culture
Шыкоўны падкаст пра беларускую культуру ад PLACOÜKA з таленавітымі гасцямі, якія аб'яднаны ідэямі развіцця, свабоды, беларускай ідэнтычнасці і творчасці.

3️⃣ СВАБОДНЫЯ КУПАЛАЎЦЫ
Зварот Свабодных Купалаўцаў да цёмных постацяў з беларускай гісторыі, якія нагайкай і штыхом здушвалі памкненні беларусаў да вольнасці і незалежнасці.

4️⃣ Министерство Правды
Эксперыментальны фармат шоу аб дзяржпрапагандзе ад супольнасці "Сумленныя Людзі" і комікамі з Pan Standup. Мабыць, адзіны фармат, у якім вы зможаце даведацца, што распавядаюць па ТБ, але не страціць розум.

5️⃣ Гісторыя за 5 хвілін
Гісторыя за 5 хвілін з доктарам гістарычных навук Алесем Краўцэвічам - гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы пра тое, чаму стужка мінулых часоў у пэўныя моманты паварочвала так, а не іначай.

Стаўце 👍, калі хочаце бачыць падобныя падборкі часцей.