Ууф! На перамогу сёння прэтэндуюць як мінімум 5 намінантаў 🔥

Гэта праекты panstandup, ЧинЧинЧенэл, о(б)суждаем, Жопа с усами і еўраначОс. Усе дастойныя перамогі. А за каго вы?

Галасуйце тут:
➡️ https://www.tg-me.com/youtube_by/8475

У часы, калі нам цяжка, важна, каб побач былі беларускія забаўляльныя YouTube-каналы з годным кантэнтам, таму не забывайцеся падтрымліваць падобныя праекты. На жаль, іх не так і шмат, а пазбавіцца ад расейскай інфармацыйнай іголкай — першапачатковая задача.

Галасуем і дзелімся апытанкай з сябрамі і сяброўкамі, калі гэта для вас бяспечна.

Сустрэнем зіму,
Гарбату я завару.
Сустрэнем зіму,
На жаль я не прыеду

Спявачка і блогерка Лера Яскевіч выпусціла кранальны кліп на беларускамоўную песню «Сустрэнем зіму» 🥰

На канал беларускі падпісана 665 тысяч чалавек.

Галасуй за «Забаўляльны праект года 2023» у беларускім YouTube

🐸 Няўжо нас чакае другая перамога Марго Ляўчук?

У нашым апытанні канал «еўраначОс» ужо пераваліў за 20% ад агульных галасоў 💪

Пры гэтым за другое і трэцяе месца ідзе сапраўдная заруба! Канал «Жопа с усами» мае ў сваім актыве 16% галасоў, а «о(б)суждаем» і «ЧинЧинЧенэл» маюць па 13% і дзеляць трэцяе месца 🤼‍♀️

Засталася ўсяго адна гадзіна для галасавання. Падводзім вынікі ў 23:00 па Мінску.

Ты можаш паўплываць на выніковую сітуацыю - аддай свой голас за любімы канал па спасылцы 👉 https://www.tg-me.com/youtube_by/8475

«еўраначОс» — пераможца намінацыі «Забаўляльны праект 2023 года» 🏆

🎉 Шчыра віншуем Маргарыту Ляўчук і яе каманду з перамогай! Праекту ўсяго паўтара месяца, але ён змог хутка закахаць у сябе вялікую колькасць гледачоў.

Вынікі галасавання:

🥇 «еўраначОс» — 19% (117 галасоў)
🥈 «Жопа с усами» — 16% (98 галасоў)
🥉 «о(б)суждаем» — 14% (88 галасоў)

Усяго ў апытанцы ўзялі ўдзел 616 чалавек.

Заўтра а 11-й па Менску чакайце новую намінацыю.

Кожны год пачынаецца і заканчваецца аднолькава ♾

👉 TikTok yarashkaranets

Падпішыся на канал ТРЭНДЫ: ПАПУЛЯРНЫЯ ВІДЭА БЕЛАРУСІ

Выбіраем найлепшага блогера 2023 года ☄️

🕚 Пачынаем праз 10 хвілін. Вынікі сёння ў 23:00 па Менску.

Намінанты:

Валер Руселік — мае свой канал daroha, дзе дзеліцца трапнымі разважаннямі на актуальныя грамадска-палітычныя падзеі. Таксама аўтар праграмы «Хрусь і папалам» на «Будзьма Беларусамі»

Мікіта Мелказёраў — у гэтым годзе акрамя класічнай «жыццё-маліна» займеў праект «Загляне сонца» з расповедамі пра гісторыю Беларусі для чайнікаў. Два выпускі на тыдзень у розных тэматыках — топ-узровень

Жэня Сугак — кожны тыдзень мы заканчваем яе праектам: гэта можа быць гарачая спрэчка ў шоу «Мне таксама не падабаецца» ці ўтульная вечарына на «Часики тикают» разам са Шрайбманам і Астапеням

Сяргей Бяспалаў — стваральнік праекта «Мая Радзіма Беларусь» вельмі актыўны і ў YouTube. Хуткія 1-хвілінныя відэа для shorts — адметная рыса канала блогера Bes Live

Аляксандра Ханевіч — 71-гадовая беларуска двойчы за кароткі тэрмін змяніла сваё жыццё: падтрымала пратэст у жніўні 2020-га, а потым дала інтэрв'ю Кулевічу і Дудзю і натхнілася для свайго YouTube-канала Александра Ханевич, відэа на якім паглядзелі 750 тысяч разоў за 9 месяцаў

Аляксей Картыннік — аўтар папулярнага IT-канала «АйЦіБарада», які паказвае жыццё айцішнікаў без цэнзуры і пафасу. Што важна, Аляксей — стваральнік YouTube-праекта «Цёмны лёс», дзе беларусы захапляльна распавядаюць пра тое, чым займаюцца

Аляксандр Кныровіч — яго тыдзень літаральна распісаны: рэгулярныя эфіры на розных каналах, аўтарская праграма «Атмасфера» і ўрэшце канал «Кныровіч», дзе бізнесмен штотыдзень разбірае кейсы беларускай эканомікі

Маргарыта Ляўчук — тут нечага і пісаць: двухразовая пераможца нашых намінацый прэтэндуе на хет-трык. Ці атрымаецца ў Марго і яе еўраначоса, залежыць толькі ад вас

Андрэй Курэйчык — рэжысёр, драматург і блогер: не ведаем, калі Андрэй Курэйчык усё гэта паспявае, але якасць не падае. Заўжды ёсць сваё меркаванне па самых актуальных беларускіх тэмах

Іншы варыянт — цісніце сюды, калі не падабаецца шортліст. Магчыма, мы не пабачылі таго, што любіць большасць

Хто стане блогерам 2023 года ў беларускім YouTube? 📹

Вырашаць толькі вам. Цісніце на спасылку, каб прагаласаваць:
👉 https://www.tg-me.com/youtube_by/8489

На дадзены момант лідзіруе Мікіта Мелказёраў, за якім размясціліся Маргарыта Ляўчук і Сяргей Бяспалаў. Але мінулыя галасавалкі паказалі, што сітуацыя можа вельмі хутка змяніцца.

Галасуем і дзелімся апытанкай з сябрамі і сяброўкамі, калі гэта для вас бяспечна.