"بإِمكاننا ان نحاربَ حتى الرمقِ الاخير،
فقط حينَ نؤمن بِجدوى ما نحارب لأجلِه "


#سلام

مساء الخير والعافية استاذ لوهيج المحاضره لو متنراد استاذ محاضره لاحياء ونسه وتخلف عن كل المحاضرات عاشت ايدك استاذ اني طالبه خارجي وداخله عندك الاكتروني

استاذ شكرا متقصر وشكرا لان انت مدرسنه سهلت علينه كلش هواي شغلات بالأحياء🥹

يالله.

عليك الله استاذ تقرها حرف حرف.

السلام عليكم.
الاستاذ يوسف حاتم.
طبعا ودي اجي اكعد يمك. واكعد اسولف وياك سوالف  . يمكن ب5 ساعات ماخلص. بس للاسرع حدزلك رسالةة. وان شاء الله. على يوم. اجيك. 
المهم رح احجيلك عن قصتي  باختصار .

طبعا اني طالب سادس خارجي. مواليد 98

من جنت طالب. ابتدائي. واني اعاني. من العلوم. ماذا تعلمت هاي الي بل احمر اذا تذكرها
لحد الثالث متوسط.  عقدة عندي الاحياء عقدةة  لان اني كولش ضعيف بل حفظ.  وخاصةة الاحياء.  لان التعريف البيها.  يطلع منه موقع واهميهه وضيفةة..... الخ.   ف كولش اعاني منها.
واكره دراستها. وبسببها او الجزء الاكبر  خلتني اترك الدراسةة من وصلت للثالث متوسط.   وسنتين. متحنت منجحت وعفتها.
هل حجي ب2013
بعدين سافرت. ورجعت ب21.  وكالو اكو حذوفات. والاحياء بس 9 افصل.وهيجي المهم قدمت خارجي ب22 ونجحت. دور اول ودرجاتي حلوةة . والاسئلةة جانت سهلةة.
وهسةة اريد اقدم سادس. 
بلشت ادرس طبيعي كل المواد حلوةة وعاديةة الةة الاحياء.  يمكن اني لان عندي عقدة منها من البتدائيةة.  ماتقبلها.  بحثتت ردتت
ماخليتت. ماكدر ادرسها وافهمها.
بيومها ابن عمي مخضرم بل سادس.  ف كالي شوف الاستاذ يوسف حاتم راح يفيدك.
جيت دخلت ع قناتك. صراحه اول ماشفتها ضلمتك. لان احنه مجتمع  تقليدي يقيس مستوى نجاح المدرسين على شهرتهم.
ف شفت قناتك متواضعه.  كلت يعني القبلةة الي عدهم الف والفين طالب. مافهمت عليهم شلون رح افهم على هل استاذ.
وطلعت. 
وهم ورا يومين رجعت كلت اني وين اروح. خلي اشوفةة. اكمل محاضرةة. وبعدين اقرر.
وسبحان الله من اول محاضرةة طريقة شرحك.  واسلوبك. والرسم. راسن يدخل لدماغي.
ومن ذاك ليوم لليوم. حبيت المادةة بشكل مو طبيعي.
تخيل استاذ.  من  عندي استراحه. هيجي عل الماشي. اروح افتح محاضرتك.. حرفياً (the king of biology)
وصرت. اي احد اشوفةة اكلةة. عليك. ولحد الان.  3 جبتهم للطريق والجاي اعظم😂 
وكلش انقهر انو انت ب هيجي مكانيه والطلاب متعرفك. يعني حيل مضلوم اعلامياً. على هل امكانيه الي عندك لمفروض تاخذ بعد صدى اقوةة
بل مناسبةة اني لازم انتضر سنتين يلا اقدم للسادس . بس اني من هسةة بلشتت. يعني اني انحسب على دفعة 26.  ف تخيل من هشةة دادرس وياك يعني منا للوزاري. مو اخلي ال100 تخضع. غصباً عليها وياك؟  ف صراحه عندي الثقةة بيك. مو بيةة . بيك انت.  انو توصلني. لل100

ف اول شي ماعرف شون اجازيك.
واسئل الله ان يوفقك. وتوصل. بعد اعلى. ومو على مستوى تدريس. لا. على مستوى. العراق كلةة. لان انت احد اهم الكفائات الي نمتلكها بل عراق.  ونحتاجه بتطوير  المجتمع
الله يجازيك لخير. يارب. ويحفظك. الاهلك.

هسةة بس عندي كم شغلةة.
درست الفصل الاول. على دفعة 24.
وهسةة رح ارجع على ال25. بس تصوير ال24. جنت تخلي صور للصبورةة. اخر لفديو  اتمنى ترجعها بتصوير الجديد . لان اريد اسوي دفتر وياك وعلى رسوماتك.  هاي شغلةة
وشغلة لخ.  بل وزاري. يقبل اعرف لتعريف مثل ما تشرحه أنت. 
يعني  شون ما بل يوتيوب
_ المعلومه. ......
_موقع. .......
_اهميهه ......
وبس . وكلش ممتن وجزيل الشكر الك.
العملاق أ.يوسف حاتم🤍

قريتها كلها #شكرا عيني

دكتور تتذكر هذا الكلام الي كتبته إلي ؟

قبل أربع سنوات

واليوم من أمام مستشفى الكاظمية آني طالبة طب مرحلة ثالثة

ما شاء الله تبارك الله

عفية #دكتورة

استاذ اهم شييي اكون ممقصرة وياك (بحضوري ودرجاتي) مثل ما انتَ ممقصر ويانه بالشرح والمحاضرات ودائماً ملتزمة مو انُ امدح بنفسي لا انتَ تعرفني وصدكني استاذ تعبك مايروح نفرحك بدرجاتنا احنه مطمئنين وضامنين 100 احنه اقوى دفعة يجي يوم وتتذكر هذا كلامي واحنه دائماً نشوف ابتسامتك الحلوة وفرحتك بدرجاتنا ربي يديمك ويحفظك النا اسـتاذي الغالي🥹♥️✨

استاذ اسئل الله بحق محمد وآل محمد يوفقك ويعلي شأنك لان جنت حافز الي خلال السنه الدراسيه كلهه واعتذر لان رسالتي متأخره هسه يله حصلت حسابك طالب يوتيوب الدرجه 95 وشرحك كلش حلو والتوضيح الي عل رسم كله ذكرته بل امتحان شكرا من القلب ❤❤❤❤

ياخي راحة نفسية هيج درجة بمادة الاحياء💘🌜

الاحكام حضوري في منطقة البنوك

غدا الاربعاء
البنين ٤-٦ (معهد العلوم والتقنية ٢)
البنات ٦-٨ (معهد العلوم والتقنية ١)

وهذه من #اهم محاضرات الاسلامية ولكل يكدر يحضر ويستفاد كل لهلا بيكم

وألو مفرحت بيها ابد🥹