#ጽንሰታ_ለማርያም - ነሐሴ ፯

ነሐሴ ሰባት በዚች ቀን እግዚአብሔር የመላእክት አለቃ ቅዱስ ገብርኤልን ወደ ከበረና ከፍ ከፍ ወዳለ ጻድቅ ኢያቄም ላከው አምላክን የወለደች የእመቤታችን የድንግል ማርያምን ፅንስቷንና ልደቷን በእርሷም ለዓለሙ ሁሉ ድኅነትና ተድላ ደስታ እንደሚሆን ነገረው።

ይህ ጻድቅም ሰው ኢያቄምና የከበረች ሚስቱ ሐና ልጅ ሳይወልዱ ሸመገሉ የከበረች ሐና መካን ሁናለችና ስለዚህም እጅግ ያዝኑ ነበር የእስራኤል ልጆች ልጅ ያልወለደውን ከእግዚአብሔር በረከትን ያጣ ነው እያሉ ያቃልሉት ነበርና ። እነርሱም ልጅን ይሰጣቸው ዘንድ ወደ እግዚአብሔር ዘወትር ፈጽሞ ይለምኑ ነበር ። ከዚህም በኋላ ወንድ ልጅን ወይም ሴት ልጅን ቢወልዱ ለእግዚአብሔር ቤት አገልጋይ ሊያደርጉ ስለትን ተሳሉ።

የከበረ ኢያቄምም በተራራ ላይ ሳለ ሲጸልይና ሲማልድ እነሆ በላዩ እንቅልፍ እንቅልፍ ብሎት አሸለበ ያን ጊዜ ከእግዚአብሔር የተላከ የመላእክት አለቃ ቅዱስ ገብርኤል ተገለጸለት እንዲህም አለው ሚስትህ ሐና ትፀንሳለች ዓለሙ ሁሉ ደስ የሚሰኝባትን የብዙዎችም ዐይነ ልቡ ናቸው በእርሷ የሚበራላችውን በእርሷም ድኅነት የሚሆንባትን ሴት ልጅን ትወልድልሃለች።

በነቃ ጊዜም ወደ ቤቱ ሒዶ ለሚስቱ ለቅድስት ሐና ነገራት ራእይዋን እውነት እንደሆነች አመኑዋት ከዚህም በኋላ ነሐሴ ሰባት በዚች ቀን የከበረች ሐና ፀነሰች ለዓለም ሁሉ መመኪያ የሆነች በሁለት ወገን ድንግል የሆነች የአምላክ እናት እመቤታችንን ማርያምን ወለደቻት።

ለእግዚአብሔር ምስጋና ይሁን እኛንም በከበሩ ኢያቄምና ሐና ጸሎት ይማረን በረከታቸውም ከእኛ ጋር ይኑር ለዘላለሙ አሜን።

(ስንክሳር ዘወርኀ ነሐሴ)

📣ኦርቶዶክስ ፕሮሞሽን📣
📜የእግዚአብሄርን ቃል 📜ትምህርትና የቤተክርስትያንን ታሪክ ትውፊትና ስርአት ለምእመናን ማድረስ መባረክ ነው።✝እግዚአብሄር ለዚህ መልካም ስራ የጠራችሁ ምእመናን በየቻናሎቻችሁ የተለያዩ አገልግሎቶችን የምታቀርቡ ሰዎች በሙሉ በመጀመርያ ምስጋና ይገባችኋል።👏👏👏👏👏🙏
🔵በመቀጠል በርቱ እያልን ለብዙ ምእመናን አገልግሎቶቻችሁን የምታደርሱበት 🔈ፕሮሞሽን🔈 መጀመራችንን ልናሳውቅ እንወዳለን።
🖊ፕሮሞሽናችን የሚለየው🖊
⚫️የሃይማኖታዊ መንፈሳዊ ቻናሎች ብቻ የሚተዋወቁበት
⚫️አለማዊ እና የማይጣጣሙ ቻናሎች የማይገቡበት
⚫️በአዳዲስ የመጀመርያ ጽሁፎችና ትምህርቶች የሚቀርብ(የማያሰለች)
⚫️ህዝብን ወደ እግዚአብሄር የሚሰበስቡ የተዋህዶ ቻናሎች በደንብ ተጠንተው የሚቀላቀሉበት
⚫️ፕሮሞሽን ሰአትና ቀናት የማይበዛበት ⚫️ለአገልግሎቶቻችሁ በቂ ጊዜ የሚሰጥ
⚫️ በሽፍት ፕሮሞሽን የሚሰራበት ⚫️ለጀማሪ ቻናል ባለቤቶች ጠቃሚ ምክሮችን ከለማጆች የሚያገኙበትና የበለጠ የሚበረታቱበት
⚫️ለቻናሎች እድገት ፍጥነት ሁሌ የምንተጋበት ፕሮሞሽናችን ነው።
🔸እርስዎ አገልግሎትዎን ያቅርቡ ተከታይዎችዎን ማስተማርና ማነጽ ለይ ብቻ ያተኩሩ ስለ አባላት አያስቡ እኛ አባል ብቻ ሳይሆን ተከታይ የሚሆኑ ምእመናንን ወደ እርስዎ እናቀርባለን።

ቻናላችንን ይቀላቀሉ
@tewahdopromot
ለክሮስ ፕሮሞሽኖች ግሩፓችንን ይቀላቀሉ
@tewahdopromo
እኛን ለማግኘት (ቻናል ለማስመዝገብ ከፈለጉ)👇👇👇👇👇
@mesekeregziabher
@mesekeregziabher
🔶"የእግዚአብሄር ቃል ለምእመናን ይደርስ ዘንድ እንተጋለን"🔶
🔴ኦርቶዶክስ ፕሮሞሽን🔴

🇪🇹ዘፈን ጥበብ ነው?🇪🇹

#ዘፈን ጥበብ ነው የሚሉ አሉ። አዎን ጥበብ ነው ከእግዚአብሔር
ሳይሆን ከሰይጣን የተገኘ ጥበብ ነው፤ ቅዱስ ሳይሆን ርኩስ
ጥበብ ነው፤ መዳኛ ሳይሆን መጥፊያ ጥበብ ነው፤ የህይወት
ሳይሆን የሞት ጥበብ ነው፡፡ ይህን ሳስብ ቅዱስ ጳውሎስ የዚች
ዓለም ጥበብ በእግዚአብሔር ዘንድ ሞኝነት ነው ያለው ትዝ
አለኝ።

#እግዚአብሔር ድምፅ የሰጠን እሱን እንድናመሰግንበት እሱን
እንድናወድሰው፣ እሱ የፈቀደላቸውን እሱ ያከበራቸውን ቅዱሳኑን
እንድናመሰግንበት ነው እንጂ ለሰው እንድንዘፍን አይደለም።
ወይ የእግዚአብሔር ወይም የዓለም ልንሆን ግድ ይለናል፤
ሁለት ጌታ የለም። ዘፈን መዝፈን ኃጢያት ነው። አሁን ባለንበት
ዘመን ዘፈን ኃጢያት እንደሆነ፤ የዲያቢሎስ ታላቅ መሳሪያ
እንደሆነ፤ ዘፋኝነት ከክርስቶስ ማህበር እንደሚለይ በግልጽ
እየተመለከትን ነው። ዘፈን ስራ ነው የሚሉ አሉ አዎን ለዘፋኝ
መዝፈን ስራው ነው፤ ለሌባም መስረቅ ስራው ነው፤ ለዝሙት
አዳሪዋም ዝሙት ስራዋ ነው፤ ለቅጥረኛ ነፍሰ ገዳይም መግደል
ስራው ነው ግን ደግሞ ኃጢያት ናቸው ስራዬ ነው ብሎ
ኃጢያትነቱን ማስቀረት አይቻልም፡፡ እንግዲህ ምን እንላለን
ኃጢያትን ስራ ነው ብለን ሙግት እንገጥማለንን??
እየመረጥን ብንዘፍንስ ለመልካም የተዘፈኑ ዘፈኖች አሉ
የሚሉም ብዙ ናቸው። ዘፈን ሀጥያት ነው በቃ ምንም ጥያቄና
መልስ የለውም ቴዲ ስለዘፈነው መዝሙር መሆን አይችልም
ስለ ሀገር ሆነ ስለምን.. ስለ ሀገር ጸልዩ እንጁ ዝፈኑ
አልተባለም፣ እናት ቢዘፈንላትስ ይላል ደሞ አንዱ፣ እድሜህ
እንዲረዝም እናትና አባትህን አክብር ይላል እንጂ ዝፈንላቸው
አይልም!! ብዙ ሰው ጥብቅና ለቆመለት ሰው ቃሉ ይህን ይላል
<< ዘፋኝነት፥ ይህንም የሚመስል ነው። አስቀድሜም እንዳልሁ፥
እንደዚህ ያሉትን የሚያደርጉ የእግዚአብሔርን መንግሥት
አይወርሱም!!።">>
(ወደ ገላትያ ሰዎች 5:21)
አንድ ሌባ ሰርቆ የተራበ ቢያበላ ጽድቅ ነውን???

#የተቸገሩ ሰዎችን ከችግራቸው ያላቅቅ ዘንድ አጥብቆ የሚተጋ አንድ ሰው
ሌሎችን ለመርዳት የሚያስፈልገውን ገንዘብ ለማግኘት ዝሙትን
መፈጸም ግድ ቢሆንበት እርሱም ሰውነቱን አርክሶ ዝሙትን
ፈጽሞ ገንዘቡን ቢቀበል ችግረኞቹንም ከችግራቸው ቢያላቅቅ
መልካም አደረገ እንለዋለንን??? ዘፈን ያስደስታል፣ ዘና
ያደርጋል፣ ደስታ ይፈጥራል ... ወዘተ ምክንያቶች እየደረደርን
ጥብቅና አንቁም! መልካምን ነገር ለማድረግ በኃጢያት ውስጥ
ማለፍ አይጠበቅብንም፤ ኃጢያትን ያደረገ ኃጢያተኛ እንጂ
ጻድቅ ሊባል አይችልም፡፡ ነገሩ ከዝንጀሮ ቆንጆ ምን ይመራርጡ
ነው እንዲያ ካልሆነማ፤ ከኃጢያት ከተመረጠማ ለዘፈን ብቻ
ለምን???

#የዘፈነው ለመልካም ነው፤ ፍቅርን ለመስበክ ነው፤ አንድነትን
ለማምጣት ነው ካልን ሌባውም የሰረቀው የተቸገሩትን ሊያበላ
ነው፤ ሰውየውም ዝሙት የፈጸመው ችግረኞችን ለመርዳት ነው፣
ነፈሰ ገዳዩም እንጀራ ሆኖበት ነው።
ስለዚህ እነዚህም አብረው
ይጽደቁ? እንዲህ ከሆነ ደግሞ ኃጢያተኛ ሁሉ ጻድቅ ሆነ ማለት
ነው። ራሳችንን ከማታለል እንውጣ፤ ከአዚም እንላቀቅ አትግደል
ከተባለ አትግደል ነው፤ አትስረቅም አትስረቅ ነው፤ አትዝፈን
ሲልም አትዝፈን ነው፤ በእግዚአብሔር ዘንድ ተመራጭ
አገዳደል፤ ተቀባይነት ያለው ስርቆት፤ የሚወደድ ዘፈንም የለም፡፡
ይቆየን።
🇪🇹🇪🇹🇪🇹🇪🇹🇪🇹🇪🇹🇪🇹🇪🇹

ስዕለ-አድህኖ*
ቅድሲቷ የኦርቶዶክስ ሃይማኖታችንን ከሌሎች ሁሉ ልዩ ከሚያረጋት አንድ ነገር አለ፡፡ እሱም ሁሉንም ነገር በምክንያት ማድረጓ ነው፡፡ከሃዋርያት ዘመን ጀምሮ ሰዎች ከትክክለኛው አምልኮተ እግዚአብሄር እየራቁናእያፈነገጡ ቢሄዱም አንዲቷ የኦርቶዶክስ ቤተ-ክርስቲያን ግን ሁሉን ጠብቃ እስካሁን ድረስ ትገኛለች፡፡ ከጥንት ጀምሮ ይዛ ከመጣቻቸው ሃዋርያዊ ትሩፋቶች አንዱ ደግሞ ስዕለ-አድህኖ ነው፡፡
*ስዕለ-አድህኖምንድነው?ታሪኩስ?*
ስዕለ-አድህኖ ማለት በቤተ-ክርስቲያን ውስጥ የሚሳሉት የጌታችን የመድሃኒታችን የእየሱስ ክርስቶስ ፣ የእመቤታችን የቅድስት ድንግል ማርያም ፣ የቅዱሳን መላእክት ፣ ሰማዕታት እና ቅዱሳን ስዕሎች ናቸው፡፡በእንግሊዚኛው Icon ተብለው የሚጠሩት እነዚህ ስዕላት በሁሉም የኦርቶዶክስ ቤተ-ክርስቲያኖች ውስጥ ጥቅም ላይ ይውላሉ፡፡ እነዚህ ስዕለ-አድህኖዎች እንደወቅቱ እና እንደ ሰዓሊው ወይም ቤተ-ክርስቲያኒቷ አቅም በድንጋይ ፣ በሸራ ፣ በብራና ሆነ በሌሎች ነገሮች ላይ ሊሳሉ ይችላሉ፡፡
የቤተ-ክርስቲያን እና የታሪክ ተመራማሪዎች ስዕለ-አድህኖዎች ከ ሶስተኛው አመተምህረት ጀምሮ ጥቅም ላይ መዋል የጀመሩ ቢሆንም መሰረታቸውን ግን ከክርስቶስ ጊዜ ጀምሮ እንደያዙ ይናገራሉ፡፡አንድ ታሪክ እናስታውሳችሁ፡፡
‹‹ከአስራ ሁለት አመት ጀምሮም ደም የሚፈሳት ሴት ነበረች፡፡ ትዳርዋንም ሁሉ ለባለመድሃኒቶች ከስራ ማንም ሊፈውሳት አልተቻላትም፡፡ በኋላውም ቀርባ የልብሱን ጫፍ ዳሰሰች፡፡ የደምዋም ፈሳሽ በዚያን ጊዜ ቆመ፡፡››ሉቃስ 8፡13
ይህቺ በሉቃስ ወንጌል የተጠቀሰችው የደም መፍሰስ ሲያስስቸግራት ኖሮ የእየሱስ ክርስቶስን ልብስ ጫፍ በመዳሰስ የዳነች ሴት ነዋሪነቷ በዮርዳኖስ ወንዝ አጠገብ በሚገኝ ባንያስ በሚባል ሰፈር ውስጥ ነበር፡፡ ‹የቤተ-ክርስቲያን ታሪክ› በተባለው መፅሃፉ ላይ የጥንቱ ታሪክ ተመራማሪ የቃሳሪያው ዩሴቢየስ በሶስተኛው አመተ-ምህረት የምትኖርበትን ሰፈር ጎብኝቶ ነበር፡፡ የሷ ቤት መግቢያ በር ላይም የሳለችውን ጌታችን ቆሞ እሷ ደግሞ ከእግሩ ስር ተደፍታ የሚያሳይ ስዕል በአይኑ አይቶ ምስክርነቱን ፅፏል፡፡
አንዳንድ የአርኪዮሎጂ ባለሞያዎች እንደሚሉት ከሆነ ስዕለ-አድህኖዎች በመጀመሪያ በአማንያን ቤቶች ውስጥ ጥቅም ላይ ሲውሉ ቆይተው ወደ ሶስተናው አመተምህረትመገባደጃ አካባቢም ለቤተ-ክርስቲያን ጥቅም ላይ ሊውሉ ችለዋል፡፡ በጊዜው ክርስትና እየተስፋፋ ያለበት ጊዜ እንደመሆኑ በቤተ-ክርስቲን እየመጡ የሚጠመቁ አዳዲስ አማኞች በፊት ጣኦት አምላኮ ውስጥ የነበሩ እና መፃፍና ማንበብም የማይችሉ ስለነበሩ የመፅሃፍ ቅዱስን አስተምህሮ ፣ መንፈሳዊ መልእክቶችን እንዲያውም የተፃፉ ታሪካዊ እውነታዎችን ለመረዳት ይከብዳቸው ነበር፡፡ ይህንንም በማስመልከት ቀደምት የቤተ-ክርስቲያን አባቶች እነዚህ አዲስ አማንያን ክርስትናን የበለጠ ይረዱ ዘንድ በምስል የሚያስረዱ ስዕለ-አድህኖዎችለቤተ-ክርስቲያን አገልግሎት እንዲውሉ ፈቀዱ፡፡ ይህም አዲስ የሆኑ እና የቀድሞው አማንያን በግልፅ እና በቀላል መንገድ ትምህርቶችን ይረዱ ዘንድ አስችሏቸዋል፡፡ በሮም ነግሶ የነበረው ንጉስ ኮንስታንቲን ክርስትናን ከተቀበለ ቦሃላ በሃገሪቱ የነበሩ የጣኦት አምልኮት ቦታዎች እንዲፈርሱ ከማድረጉ በተጨማሪ ስዕለ-አድህኖዎችእንዲስፋፉ ከፍተኛ አስተዋፅኦ አድርጓል፡፡
*የስዕለ-አድህኖዎች ጥቅም ምንድነው?*
ስዕለ-አድህኖዎች በቤተ-ክርስቲያን ውስጥም ሆነ በአማንያን ዘንድ ያላቸው ጥቅም ብዙ ነው፡፡ በመጀመሪያ ደረጃ የስነ-መለኮታዊ ትምህርቶችን ለሁሉም በሚገባ እና በማይረሳ ሁኔታ ለመግለፅ ይጠቅማሉ፡፡ በሁለተኛ ደረጃ ደግሞ በፀሎት ጊዜ ሃሳብን ለመሰብሰብናበምናብ የሰማያዊውን ህይወት በመሳል ከአምላክጋርጥልቅ የሆነ ግንኙነትን እንድነፈጥር ዘንድ ይረዱናል፡፡ አንድ አማኝ አንድን ስዕለ-አድህኖ በጥልቀት በመመልከት የተለያዩ የመንፈሳዊ ህይወት የሚገነቡ መልዕክቶችን ያገኛል፡፡ እነዚህ ስዕለ-አድህኖዎች የሚሳሉት እንዲመለኩ እንዳልሆነ ግን እያንዳንዱ አማኝ ልብ ሊለው ይገባል፡፡ አንድ አማኝ በስዕለ-አድህኖዎች ፊት በሚንበረከክበት ወይም በግንባሩ በሚደፋበት ጊዜ ያንን አክብሮት የሚያሳየው ለስዕለ-አድህኖው ሳይሆን ስዕለ-አድህኖው ለሚወክለው አካል መሆን እንዳለበት ሊያውቅ ይገባል፡፡ ለምሳሌ ያህል አንድ አማኝ በሊቀመላእክት ቅዱስ ሚካኤል ስዕል ፊት ተንበርክኮ ሲፀልይ ፀሎቱን የሚያደርሰው ለስዕሉ ሳይሆን ስዕሉ ለሚወክለው ለሊቀ-መላእክት ቅዱስ ሚካኤልእንደሆነ ሊያውቅ ይገባል፡፡
በስዕለ-አድህኖዎች እና በሚወክሉት አካል መካከል ጥልቅ የሆነ ግንኙነት አለ፡፡ለምሳሌ ያህል አንድ ታሪክ እንንገራችሁ፡፡
በድሮ ጊዜ በአሁኗ ሲሪያ የነገሰ አንድ ንጉስ ይታመማል፡፡ ይሄ ንጉስ ታዲያ የእየሱስ ክርስቶስን ዜናይሰማናይፈውሰው ዘንድ አንድ አገልጋዩን ከቻለ በሱ አገር ይኖር ዘንድ ካልቻለ ደግሞ ምስሉን እንዲያመጣለት ይልከዋል፡፡ እየሱስ ክርስቶስም ለንጉሱ በማዘን ፊቱን ጨርቅ ላይ ተጭኖ ለአገልጋዩ ይሰጠዋል፡፡ ይሄ የእየሱስ ክርስቶስ ፊት ምስል ተቀርፆ ያለበትን ምስል ንጉስ ጋር ሲደርስ ንጉሱ እሱን በመንካት ይፈወሳል፡፡ እሱና ቤተሰቦችም ክርስትናን ይቀበላሉ፡፡ ይህ በስዕለ-አድህኖዎችና በሚወክሉት አካል መካከል ያለው ግንኙነት በአሁኑም ወቅት በእምነት የአምላክን ፣ የእመቤታችንንም ሆነ የቅዱሳንን ስዕል በመዳሰስ የሚድኑ አማኞችን በመመልከት ማጤን ይቻላል፡፡
*የእመቤታችን ስዕለ-አድህኖ*
እስከዛሬዋ እለት ድረስ የሁሉም ስዕለ-አድህኖዎች መሰረት ከሆነው ከጌታችን ከመድሃኒታችን ከእየሱስ ክርስቶስ ቀጥሎ እንደ እመቤታችን ቅድስት ድንግል ማርያም በብዛት የተሳለ ማንም የለም፡፡ እመቤታችን ቅድስት ድንግል ማርያም ከጌታቸን በመቀጠል በትህትናም ሆነ በቅድስና የሚያክላት የለምና በብዛት በስዕለ-አድህኖ መገኘቷ የሚያስገርም አይደለም፡፡ የክርስትና አላማ ክርስቶስን መምሰል ነው፡፡ ለዚህ ደግሞ በምድር ላይ የእመቤታችንን ያህል ክርስቶስን መምሰል ምን ማለት እንደሆነ ያሳየ የለም፡፡
እመቤታችን ቅድስት ድንግል ማርያም ልጇን አቅፋ የምትታይበትን ‹ምስለ ፍቅሩ ወልዳ› የተሰኘውን ከስር የምታዩትንና በአብዛኛው ኦርቶዶክሳዊ ዘንድ ይገኛል ተብሎ የሚገመተውን ስዕለ-አድህኖ ለመጀመሪያ ጊዜ የሳለው ወንጌላዊው ሉቃስ እንደሆነ የኦርቶዶክስ ቤተ-ክርስቲያን ታስተምራለች፡፡ በመጀመሪያ በቅዱስ ሉቃስ የተሳለውና ቦሃላም በተለያዩ የቤተ-ክርስቲያን ሰዓሊያን የተሳለው ይህ የ ‹ምስለ ፍቅሩ ወልዳ› ምስል ማብራሪያውእንደሚከተለው ነው፡፡
በጥንት እስራኤላውያን ባህል መሰረት ሴቶች ፀጉራቸውን ይከናነቡ እንደነበር በታሪክ እናነባለን፡፡ እመቤታቸን ቅድስት ድንግል ማርያምም ትህትናዋን እና ቅድስናዋን በሚያሳይ መልኩ በስዕሉ ላይ ተከናንባ መሳሏን እናስተውላለን፡፡ ብዙውን ጊዜ ከላይ የለበሰችው ልብስ ሰብዓዊነቷን ያመለክት ዘንድ በሰማያዊ ቀለም ተደርጎ ሲሳል ከውስጥ የለበሰችው ደግሞ አለምን በደሙ ያዳነው እየሱስ ክርስቶስ ከሷ መወለዱን ለማሳየት በቀይ ይሳላል፡፡የእየሱስ ክርስቶስ ልብስ ደግሞ በተቃራኒ መልኩ ከላይ በኩል ቀይ ለብሶ ይታያል፡፡ ይሄም ደግሞ በሱ ደም ምክንያት የአለም ድህነት እንደመጣ ይመሰክራል፡፡ ልብ ብሎ ላየው ሰው እመቤታችን ከላይ የለበሰችው ልብስ ላይ ሶስት ከዋክብትን ማየት ይቻላል፡፡ እነዚህ ከዋከብት በዙሪያቸው ካሉት ለየት ብለው እንዲታዩ አደይ አበባ በሚመስል መልክ ተስለዋል፡፡ የመጀመሪያው ኮከብ በትከሻዋ ላይ ሲገኝ ሁለተኛው ደግሞ ከግንባሯ በላይ ይገኛል፡፡ በአንዳንድ

‹ምስለ ፍቅሩ ወልዳ› ምስሎች ላይ ሶስተኛው ኮከብ በሌላኛው ትከሻዋ ላይ ሲታይ በአብዛኛው ምስሎች ላይ ግን በእየሱስ ክርስቶስ ተሸፍኖ እናገኘዋለን፡፡ ሁለቱ ከዋከብት አብንና መንፈስ ቅዱስን ሲወክሉ ሶስተናው ኮከብ የሚገኝበት ቦታ ላይ ደግሞ እየሱስ ክርስቶስ ይገኛል፡፡ ይህም ምስሉ የስላሴን ሶስትነት ብቻ ሳይሆን እየሱስ ክርስቶስ ሶስተኛውን ኮከብ መሸፈኑ (ተክቶመታየቱ) ከሶስቱ ከዋክብት (ከሶስቱ ስላሴዎች) አንዱ እንደሆነም ጭምር ይመሰክራል፡፡ ከዚህም በተጨማሪ ሶስቱ ከዋከብት እመቤታችን ጌታችን መድሃኒታችን እየሱስ ክርስቶስን ከመውለዷ በፊት ፣ እየወለደችው እያለም ሆነ ከወለደችው ቦሃላ በሶስቱም ወቅቶች ድንግልናዋን እንደጠበቀች ይናገራል፡፡በዚህ ምስል ላይ ‹ንግስቲቷ› ተብላ በመፅሃፍ ቅዱስ የተጠቀሰችው እመቤታችን የንግስት አክሊል ደፍታ ስናያት ‹የአለም ንጉስ› የተባለውልጇ እየሱስ ክርስቶስ ደግሞ የንጉስ አክሊል ደፍቶ ይገኛል፡፡ በተጨማሪም ጌታችን ባዶ እግሩን ይሳላል፡፡ ይሄም በሰው ልጆች መሃል መመላለሱን ለመግለፅ ነው፡፡
እመቤታችን በፊቷ ላይ የተላበሰችውን ገፅታ ትህትናዋን ፣ ቅድስናዋን ፣ ሃዘኗን እና ርህራሄዋን በአንድነት ያሳያል፡፡ የእጇን አቀማመጥ ስናስተውል አመልካች ጣቷ ፍፁም ቅዱስ ፣ አዋቂ እና የሃይል ሁሉ ባለቤት ተደርጎ ወደተሳለው ልጇ እየሱስ ክርስቶስ ይጠቁማል፡፡ ይህም ደግሞ እመቤታችን እሱን በመውለድ የአለምን ድህነት እንዳመጣች እና አሁንም ወደ ልጇ እየሱስ ክርስቶስ እንደምትመራን ይመሰክራል፡፡ ልጇ እየሱስ ክርስቶስም የእመቤታችንን እውራ ጣት(ዋናጣት) በመያዝ ለአለም መዳን የነበራትን ዋና አስተዋፅኦ ይመሰክራል፡፡ እሷም ወደ እሱ በመጠቆም ከሷ ይልቅ የሱን ምስክርነት እንደምታበልጥ ትመሰክራለች፡፡
ጥያቄዎቻችሁን አሁንም በ ውስጥ ብታደርሱን እንደምንረዳ ቃል እንገባለን፡፡ !
ወስበኃት ለእግዚአብሔር አሜን ይቆየን

✝️ "የህይወት እናት ድንግል ማርያም ሆይ ትንሳኤሽ ሳይሆን ሞትሽ ይደንቀኛል፤ እርገትሽ ሳይሆን ወደ መቃብር መውረድሽ ይገርመኛል፤ የብርሃን እናት ድንግል ማርያም ሆይ ትወጂኛለሽን? ብየ አልጠይቅሽም ፍቅርን የወለድሽ አንቺ ለአለሙ ሁሉ ፍቅርሽ የበዛ ነውና፤ አትናፍቂኝምን? ብየም አልጠይቅሽም ዘወትር እኔን ለመጠበቅ ከጎኔ እንደማትለይ አውቃለሁኝና፤ ሆኖም
፡
#እመቤቴ_ሆይ፦ እንደ ቶማስ አይሽ ዘንድ በእጅጉ እጓጓለሁ የቶማስ ንፅህናና ቅድስና ግን የለኝም እንደ ዮሃንስ ከጎንሽ ልሆን እጓጓለሁ የዮሃንስ ፀጋ ግን የለኝም፤
፡
#እናቴ_ሆይ፦ እንደ ኤልሳዕ የልቦናዬ አይን በርቶ ሰማያዊ ክብርሽን ላይ አልተቻለኝምና አዝናለሁ ኤልሳዕ በፀሎት ሃይል የግያዝን አይን እንዳበራ አንቺም አይኔን ታበሪልኝ ዘንድ ሃይልሽን በእኔ ላይ አበርቺ፡፡
፡
#ድንግል_ሆይ፦ ይህን የምል የእምነት ማረጋገጫ ፈልጌ አይደለም በልጅሽ መሰረትነት የታነፅኩኝ በልጅሽ ስምም የተጠመቅኩኝ ነኝና፤ ነገር ግን ስለምትናፍቂኝ ይህን አልኩኝ ስለዚህም ነይ ነይ እምየ ማርያም እያልኩኝ እንደ እናቶቼም እለምንሻለሁ፡፡
፡
የብርሃን ልብስሽን ለብሰሽ ነይ የክብር አክሊልሽን ደፍተሽ ነይ አንቺ ሱላማጢስ ሆይ ነይ እናይሽ ዘንድ ነይ፡፡"

★★★ወዳጆቼ እንግዲህ ቃል በገባሁት መሰረት 80፣ 120 ፣ 140 አመት እድሜ መኖር የሚያስችል ቃል ኪዳን የተሰጣቸው አባት ላስተዋውቃችሁ★★★

★★★አባታችን ፃድቁ አቡነ ዜና ማርቆስ በተሰጣቸው ቃል ኪዳን መሰረት በገዳማቸው መጥቶ የፀበሉ ፍንጣቂ የነካው ሰው ሀጢያቱ ሁሉ ተደምስሶለት ወንዱ የ40 ቀን ሴቷ ደግሞ የ80 ቀን ልጅ እንደሚሆኑ በአምላካችን ፅኑ ቃል ተሰጥቷቸዋል። ቦታውን የረገጠ ሁሉ ሀጢያቱ ይሰረይለታል።
★★★ታላቁ አባታችን አዲስ ሀዋርያ አቡነ ተክለ ሃይማኖትም « ሰውም እንኳን ቢሆን ለምንኩስና ወደ እኔ ዘንድ ወደ ግራርያ ከመምጣቱ በፊት ይህን ምድር ሳይሳለም ወደ እኔ አይምጣ» በማለት የከበረ ቃል ኪዳናቸውን ከገዳሙ ጋር አፅንተዋል።
★★★አባታችን በወንጌላዊው ማርቆስ ብስራት ከእነ አቡነ ተክለሃይማኖት አገር ኢቲሳ ፅላልሽ ዞረሬ ተወልደዋል ሲወለዱም እጅግ ብዙ ተአምራትን አድርገዋል።
★አባታችን አቡነ ዜና ማርቆስ ፀሀይን እንደ ኢያሱ ደጋግመው አቁመዋታል።
★አባታችን በምሁር ኢየሱስ ሬብ በሚባል ዋሻ ውስጥ ለ40 አመታት ዘግተው ተጋድለዋል።
★★★ድንቁ አባታችን እንደ ሀዋርያው ደመና በመጥቀስ ወደ ቅድስት ሀገር ኢየሩሳሌም ሄደው ሁሉንም ቅዱሳን ቦታዎች ተሳልመዋል። ከጌታችን መቃብር ላይም አፈር ዘግነው ከዮርዳኖስ ወንዝም ውሃ ቀድተው በንስር አሸክመው ወደ ገዳማቸው በማምጣት በደብረ ብስራት ካለው አፈር እና ውሃ ጋር ቀላቅለውታል። ጌታችንም «ይህን ምድርህን እንደ ኢየሩሳሌም አድርጌልሀለሁ» ብሎ በማይታበይ ቃሉ ቃል ኪዳን ገብቶላቸዋል።
★★★ፃድቁ አባታችን በምድር አክሱም፣ ላሊበላ፣ ሀይቅ እስጢፋኖስ እንዲሁም ሌሎች ትላልቅ ገዳማትና አድባራት በመሄድ ቡራኬን አግኝተዋል በተጨማሪም በደመና ዙፋን ተጭነው ወደ ብሔረ ህያዋን ማለትም ስውራኑ ወደአሉበት በመሄድ ከቅዱስ ኤልያስ፣ ሔኖክ፣ እዝራ፣ አቡነ አረጋዊ፣ ቅዱስ ነአኩተለአብ ከሌሎችም ስውራን ዘንድ በረከትን ተቀብለዋል።
★★★ፃድቁ አባታችን አቡነ ዜና ማርቆስ ወደ ዋልድባ በመሄድ ከአባ ሳሙኤል ጋር ተገናኝተው እንዲሁም ከሌሎች ቅዱሳን አባቶች ጋር በየቦታው እየሄዱ በረከት ተቀብለዋል። ወደ ትግራይም በመሄድ የተሰአቱ ቅዱሳንን ገዳማትን ተሳልመው ወደ ሰሜንም ሄደው ዜማውን ሲያዜም ያሳያቸው ዘንድ ወደ ቅዱስ ያሬድ መሰወሪያ ስፍራ ሄደው ሰባት ቀን ሲማፀኑ ቆይተው አክሱም በተጓዙበት ጊዜ ከቅድስት ድንግል ማርያም ከቅዱስ ኤፍሬም እና ከቅዱስ አባ ህርያቆስ ጋር ሆኖ እነርሱ ድርሰታቸውን ሲያነቡ ቅዱስ ያሬድ ደግሞ በውብ ዜማው ሲያዜመው ተገልጠውላቸው ተመልክተዋል።
★★★ፃድቁ አባታችን 8 እንጀራን አበርክተው 8 ሺህ ህዝብ በመመገብ ጌታችን መድኃኒታችን ኢየሱስ ክርስቶስን መስለውታል።
★ወደ እስላሞች ሀገር በመሄድ ለ 1 አመት ቆይታ በማድረግ በዚያ ያሉ ህዝቦችን በተአምራታቸው በትምህርታቸው አሳምነው አጥምቀዋቸዋል።
★★★በታህሳስ ወር መባቻ በገዳመ ደንስ ያገኟትን ተአምረኛዋን ስእለ ማርያም ወዳለችበት ቤተ ክርስቲያን ሄደና ለመቅደሰ ሰራኢ ካህን ሆኖ ተሰየመና እንደሚገባ የቅዳሴውን ስርአት ጀመረ። ማእጠንት ይዞ እየዞረ የቤተ ክርስቲያን በሮች በሚያጥንበት ጊዜ ስጋ ወደሙ ሲያቀብል ጊዜው መምሸቱን ተከትሎ ፀሀይን በፀሎቱ ገዝቶ አቁሟታል።
★★★አባታችን በደብረ ሊባኖስ አውራጃ ራሱን ያስመልክ የነበረን ሰይጣን ገዝተው ይዘው እስከ ደብረ ብስራት ድረስ የቤተ ክርስቲያን መስሪያ እንጨት አሸክመውታል ብዙ አመትም እንጨት በመሸከም ሲያገለግላቸው ኖሯል። እስኪ ተመልከቱ የአባታችንን ድንቅነት አምላክ ነኝ ሲል የነበረን አውሬ አገልጋያቸው አድርገውታልና ለአባታችን በእውነት ክብር ይገባቸዋል።
★★★አባታችን አቡነ ዜና ማርቆስ በኤልያስ ሰረገላ ሆነው እግዚአብሔርን ወደማያውቁት ወደ አዳል ህዝቦች ሄደው ከጣዖት አምላኪው ንጉስ አብደልማል ፊት ወንጌልን ሲያስተምሩ ንጉሱ በጦር ወግቶ ገድሏቸዋል። ነገር ግን መልአኩ ሩፋኤል መጥቷ ከሞት አስነስቷቸዋል። የንጉሱን ጣዖትና አገልጋዮቹን መብረቅ ከሰማይ ወርዶ ሲያጠፋቸው ንጉሱና ሰራዊቱ ከመሬት ወድቀው ቀርተዋል። ከአርብ እስከ ሰኞ ድረስ ጨለማ ሆኖ ከቆየ በኋላ ከአባታችን ከተወጋ ጎናቸው የፀሀይ ብርሃን ወጥቶ ለንጉሱ አብደልማል አብርቶለታል። እርሱም አምኖ ከነቤተሰቡ የተጠመቀ ሲሆን ሚስቱም በአረማውያውን ዘንድ ለክርስቶስ ምስክር ሆና አንገቷን ተሰይፋ ሰማእትነትን ተቀብላለች። በሀገሪቱም የተጠመቁ ሰዎች ቁጥር 800,000 ያልፍ ነበር። ተመልከቱ ምን ያህል ብፁእ ቢሆን ከደረታቸው የፀሀይ ብርሃን ያበራላቸው ምን ያህል ድንቅ ቢሆኑ ነው ፀሀይ ለሦስት ቀን የጠፋላቸው በእውነት ለአባታችን አክብሮት ይገባቸዋል
ከዚህ በኋላ አባታችን መልአኩ በዋሻ እንደነበሩ በነገራቸው መሰረት ታህሳስ 2 ቀን የደቀ መዛሙርቶቻቸውን እግር ሲያጥቡ ውለው ታህሳስ 3 ቀን በ140 አመታቸው እጅግ በጣም ብዙ ቃል ኪዳናቶችን ተቀብለው በገዳማቸው አርፈዋል።
★★★በእውነት ነብይም፣ ሀዋርያም፣ ካህንም፣ ባለራዕይም የሀገራችን ብርሃን የነበሩትን የታላቁን አባታችንን ታሪክ ዘርዝረን ለመጨረስ ወራቶች ባልበቁን ነበር በእውነት አባታችን እጅግ ግሩም ድንቅ ናቸው እኛንም ሀጢያተኞቹን በፀሎታቸው በረድኤታቸው ይጎብኙን በረከታቸው ይደርብን አሜን።
ገዳማቸው 1 ደብረ ብስራት አቡነ ዜና ማርቆስ ገዳም በአማራ ክልል በሰሜን ሸዋ ዞን ጅሩ እነዋሪ ከተማ የ1 ሰአት 30 ደቂቃ የእግር መንገድ እንደሄዱ። ከአ·አ 195 ኪሜ
2 ምሁር ኢየሱስ ገዳም በደቡብ ክልል በጉራጌ ዞን በሰባት ቤት በምሁር አክሊል ወረዳ ይገኛል። ከአ·አ 210 ኪሜ

​​🌼 #አበባዮሽ 🌼

እሰይ /ደስ ደስ ይበለን/(2)
አዲሱ አመት መጣልን ደስ ደስ ይበለን

ሆ ብለን መጣን ሆ ብለን(2)
ጌቶች አሉ ብለን
ሆ ብለን መጣን ሆ ብለን(2)
እሜቴ አሉ ብለን
ሆ ብለን መጣን ሆ ብለን(2)
ዘመን መጣ ብለን

አበባዮሽ ለምለም(2)
ባልንጀሮቼ ለምለም
ግቡ በተራ ለምለም
በእግዚአብሔር መቅደስ ለምለም
በዚያች ተራራ ለምለም
እንድታደንቁ ለምለም
የአምላክን ሥራ ለምለም
ህይወት ያገኛል ለምለም
እርሱን የጠራ ለምለም

አበባ አበባ ፈካ ዘመን ሲተካ(2)

አበባዮሽ ለምለም (2)
ክረምት አለፈ ለምለም
ጨለማው ጠፋ ለምለም
የመስቀሉ ቃል ለምለም
ሆነልን ደስታ ለምለም
እናገልግለው ለምለም
ቤቱ ገብተን ለምለም
ትንሽ ትልቁ ለምለም
ተሰልፈን ለምለም

አበባ አበባ ፈካ ዘመን ሲተካ(2)

አበባዮሽ ለምለም(2)
ያንን ኩነኔ ለምለም
ዘመነ ፍዳ ለምለም
የሞቱ በራፍ ለምለም
ያ ምድረበዳ ለምለም
ልክ አንደ ክረምት ለምለም
ሄደ ተገፎ ለምለም
ፀሐይ ወጣልን ለምለም
ጨለማው አልፎ ለምለም

አበባ አበባ ፈካ ዘመን ሲተካ(2)

አበባዮሽ ለምለም(2)
ይኸው መስከረም ለምለም
ይኸው ፀሐይ ለምለም
ንጉሡ ወርዶ ለምለም
ከላይ ሰማይ ለምለም
አውደ ዓመት ሆነ ለምለም
ደስታ ሰላም ለምለም
ፍቅር ሲገለጥ ለምለም
በአርያም ለምለም

አበባ አበባ ፈካ ዘመን ሲተካ(2)

አበባዮሽ ለምለም(2)
ይኸው አበባ ለምለም
ለምለም ቄጤማ ለምለም
አዲሱ ዘመን ለምለም
አምጥቷልና ለምለም
በሩን ክፈቱ ለምለም
መኳንንቶቹ ለምለም
የክብር ንጉሥ ለምለም
ይግባ ቤታችሁ ለምለም

አበባ አበባ ፈካ ዘመን ሲተካ(2)

አበባዮሽ ለምለም(2)
ቤታችሁ ይሙላ ለምለም
ሰላም ደስታ ለምለም
ሰጥቷችሁ እርሱ ለምለም
የሁሉ ጌታ ለምለም
ከዘመን ዘመን ለምለም
ያሸጋግራችሁ ለምለም
የሽበትን ዘር ለምለም
ይሸልማችሁ ለምለም

አበባ አበባ ፈካ ዘመን ሲተካ

ይሸታል ዶሮ የእማምዬ ጓሮ
ይሸታል ጠጅ ጠጅ የአባብዬ ደጅ

አብዬ ኧኸ ደግሞም እማምዬ
መጣሁ ለሰላምታ ከቤት አሉ ብዬ
እንኳን ለአዲሱ ዓመት አደረሰዎት ብዬ

ከብረው ይቆዩን ከብረው
የክብርን ወንጌል ሰምተው
የበጉን ሥጋ በልተው
የአምላክን ፊቱን አይተው
ከብረው ይቆዩን ከብረው

🌼🌻እንኳን አደረሳችሁ አደረሰን🌻🌼2013
🔵እንደሃጥያታችን እንደበደላችን ሳይሆን እንደቸርነቱ ለአዲሱ አመት ያደረሰን ✝ቅዱስ እግዚአብሄር✝ የተመሰገነ ይሁን።
👉ይህ አዲስ አመት ከሁል ጊዜውም በበለጠ
🔹 ከአምላካችን ከመድሃኒታችን ኢየሱስ ክርስቶስ ጋር የምንቀርብበት
🔹 መልካም ስራዎችን የምንሰራበት 🔹በጾም በጸሎት በምስጋናና በስግደት የተሞላ
🔹ጻድቃን ሰማእታትን የምናስብበት የምንዘክርበት እነሱንም አብነት አድርገን የምንለወጥበት መልካም ዘመን ይሁንልን።
✝አዲሱን አመት☀️በአዲስ መንፈስ☀️ ✅ህይወታችንን የምንገመግምበት ✅ችግሮቻችንን የምንፈታበት
✅አዲስ ምእራፍን በእውነተኛው ክርስትያናዊ ማንነት የምንገነባበት ✅የለውጥ ዘመን ይሆንልን ዘንድ እግዚአብሄር ይባርክልን እያልንበዚህ ዙርያ በስፋት ወደሚሰራው✝▶️ ህይወት ቲዩብ▶️✝የዩትዩብ ቻናላችንን እንጠቁሞት🔵ህይወት ቲዩብ🔵
ቻናላችንን በመመልከት❤️ከወደዱት❤️ ደግሞ🔸ሰብስክራይብ🔸በማድረግ እርስዎም ✝የመልካምነት ጉዞው✝ ተካፋይ ይሁኑ።
🔵ከላይ የተጻፈውን ጽሁፍ ወይም
ይህንን ሊንክ በመንካት ቻናላችንን ይክፈቱ🔵
👇👇👇👇👇👇👇👇
Youtube.com/c/hiwottube
Youtube.com/c/hiwottube
☝️☝️☝️☝️☝️☝️☝️☝️

ስምሽን ጠርቼ መቼ አፍራለሁ

ስምሽን ጠርቼ መቼ አፍራለው
ማርያም ብዬ መች እወድቃለው
የምፅናናበት ስምሽ ነውና
ድንግል ሆይ ላቅርብ ላንቺ ምስጋና

።።።።።።።።።አዝ።።።።።።።።።።።።።

ጨለማ ውጦኝ በጠላት ሀገር
ለዘመናትም ስረገጥ ስኖር
ዲያቢሎስ ማርኮ ሲያሰቃየኝ
የአለሙን መድን ወለድሽልኝ
ከአባቶች እርስት ከሀገር ወጥቼ
በአሕዛብ ሀገር ስኖር ተሽጬ
ደርሰሽ አፅናንተሽ አከበርሽኝ
ብቸኝነቴን አስረሳሽኝ

።።።።።።።።።አዝ።።።።።።።።።።።።።

ድንኩዋኑ ሞልቶ ሰው ታድሞ
አስተናባሪው በጭንቀት ቆሞ
ምን አቀርባለው ብዬ ስቸገር
ምልጃሽ ደርሶልኝ ዳንኩኝ ከማፈር
ያሰብኩት ሀሳብ ደመና ሆኖ
ቢበተንብኝ እንደ ጉም ተኖ
ይሆናል ያልኩት ሳይሆን ቢቀርም
በእማምላክ እኔስ ተስፍም አልቆርጥም

።።።።።።።።።አዝ።።።።።።።።።።።።።

እናት አባቴ ባያስታውሱኝ
ይቺ አለም ንቃ ገፍታ ብታየኝ
አንቺ ካለሽኝ ምን እሆናለው
አውሎንፍሱን ባህሩን አልፍለው
ጠላቴ ደርሶ ቢያንገላታኝ
መከራ አብዝቶ ቢያሰቃየኝ
አላቁዋርጥም ያንቺን ምስጋና
ውለታሽ ድንግል አለብኝ ገና

።።።።።።።።።አዝ።።።።።።።።።።።።።

ክፍዎች ደርሰው ቢዝቱብኝ
አንቺን መውደዴን አያስተውኝ
በአሕዛብ መሀል ስምሽን ስጠራ
መከታ ሁኚኝ እናቴ አደራ
ጠላቴ ደርሶ ቢያንገላታኝ
መከራ አብዝቶ ቢያስጨንቀኝ
አልአቁዋርጥም ያንቺን ምስጋና
ውለታሽ ድንግል አለብኝ ገና

@mezimur
💚💚💛💛❤️❤️

ስምሽን ለልጅ ልጅ እነግርሀለሁ
እናቴ በምልጃሽ ሰው ሆኛለሁ
እመቤቴ ስልሽ ነይልኝ
ማዕበል ሳይነቅለኝ
አዝ
እመቤቴ ብዬ ስምሽን መጥራቴ
ቢራቆትብንኝ ነው ባዶ ቢሆን ቤቴ
አይኖቼን ከንእንባ ከለቅሶ ከልክይ
ልብሽ ይራራልኝ ወደኔ አዘንብይ

-------
አዝ
ባህሩም ቢሞላ አምናለሁ በልጅሽ
አንገት አያስደፍም እናቴ ጸሎትሽ
ስምሽን ስጠራ እጆቼን ዘርግቼ
ቀስታቸውን ሁሉ ጣሉ ጠላቾቼ

----------
አዝ
ሰላም አለኝ አሁን ይህንን አውቃለሁ
እጅግ ብዙ ነገር ባንቺ አግኝቻለሁ
ማድጋዬ ሞልቶ አለም ተመልክቷል
ምድረ በዳው ልቤ በጸሎትሽ ረክቶል

---------
አዝ
ባህሩም ቢሞላ አምናለሁ በልጅሽ
አንገት አያስደፍም እናቴ ጸሎትሽ
ስምሽን ስጠራ እጆቼን ዘርግቼ
ቀስታቸውን ሁሉ ጣሉ ጠላቶቼ

ስምሽን ለልጅ ልጅ እነግራለሁ
እናቴ በምልጃሽ ሰው ሆኛለሁ
እመቤቴ ስልሽ ነይልኝ
ማዕበል ሳይነቅለኝ

@mezimur
💚💚💛💛❤️❤️

🔵ጭንቀትን ማቆምያ ትምህርት 💐
🔹ጭንቀት የህይወታችን ትልቁ ፈተና ነው።ብዙዎቻችንም መፍትሄ ልናገኝለት አልቻልንም።ጭንቀትን ዛሬ ሳይሆን አሁኑኑ አቁመን በእምነት እንጽና 🔹ሰላማችንንም እንመልስ🔹።
✔️የጭንቀትን ምንነትና አይነቶች
✔️ተጽእኖዎችና መፍትሄዎች የሚዳሥሥ ቪድዮ ይዘንላችሁ ቀረብን።
🔵ይመልከቱ ይማሩ መፍትሄውን ያግኙ።
🇪🇹Ethiopia 🔵HIWOT TUBE🔵✝
▶️ህይወት ቲዩብ▶️ ቻናላችንን ይመልከቱ👍ከወደዱትም👍
🔵ሰብክራይብ🔵ያድርጉ
💐ከላይ ያለውን ጽሁፍ ወይንም ይህንን ሊንክ በመንካት ይክፈቱ💐
👇👇👇👇👇👇👇👇👇
https://youtu.be/OG0cNvszpFk
https://youtu.be/OG0cNvszpFk
☝️☝️☝️☝️☝️☝️☝️☝️☝️
✝ በህይወት የሚገጥሙን የተለያዩ ችግሮችና መፍትሄዎችን ለማግኘት
👉- HIWOT TUBE: https://www.youtube.com/playlist?list=PL9NZyjJ88TwM7ClzP9Hc1qdSXDaFD-xSJ

🔵ጭንቀትን ማቆምያ ትምህርት 💐
🔹ጭንቀት የህይወታችን ትልቁ ፈተና ነው።ብዙዎቻችንም መፍትሄ ልናገኝለት አልቻልንም።ጭንቀትን ዛሬ ሳይሆን አሁኑኑ አቁመን በእምነት እንጽና 🔹ሰላማችንንም እንመልስ🔹።
✔️የጭንቀትን ምንነትና አይነቶች
✔️ተጽእኖዎችና መፍትሄዎች የሚዳሥሥ ቪድዮ ይዘንላችሁ ቀረብን።
🔵ይመልከቱ ይማሩ መፍትሄውን ያግኙ።
🇪🇹Ethiopia 🔵HIWOT TUBE🔵✝
▶️ህይወት ቲዩብ▶️ ቻናላችንን ይመልከቱ👍ከወደዱትም👍
🔵ሰብክራይብ🔵ያድርጉ
💐ከላይ ያለውን ጽሁፍ ወይንም ይህንን ሊንክ በመንካት ይክፈቱ💐
👇👇👇👇👇👇👇👇👇
https://youtu.be/OG0cNvszpFk
https://youtu.be/OG0cNvszpFk
☝️☝️☝️☝️☝️☝️☝️☝️☝️
✝ በህይወት የሚገጥሙን የተለያዩ ችግሮችና መፍትሄዎችን ለማግኘት
👉- HIWOT TUBE: https://www.youtube.com/playlist?list=PL9NZyjJ88TwM7ClzP9Hc1qdSXDaFD-xSJ

​​✞ እሰይ እልል በሉ ✞

እሰይ እልል በሉ
ተገኘ መስቀሉ ✞ (፪)

የጥል ግድግዳ - አበባ -የፈረሰበት -አበባ
ሰው ከእግዚአብሔር ጋር -አበባ -የታረቀበት -አበባ
የእግዚአብሔር ልጅ - አበባ -የነገሰበት -አበባ
የሞት አበጋዝ - አበባ -የወደቀበት- አበባ
አዝ = = = = = =
አይሁድ በቅናት -አበባ -መስቀሉን ቀብረው - አበባ
ቢከድኑት እንኳን - አበባ -በቆሻሻቸው - አበባ
ጌታን መቃወም - ስለማይችሉ - አበባ
ይኸው ተገኘ - አበባ -ወጣ መስቀሉ አበባ
አዝ = = = = = =
ደጉ ኪራኮስ - አበባ -ሽማግሌው -አበባ
እሌኒን መራ - አበባ - በደመራው - አበባ
ጌታ በሱ ላይ - አበባ - በመሰቀሉ - አበባ
ጢሱ ሰገደ - አበባ - ወደ መስቀሉ - አበባ
አዝ = = = = = =
የእምነት ምልክት - አበባ - መስቀል ነውና - አበባ
ተራራው ሜዳ - አበባ - ሆነ እንደገና - አበባ
እንደ ተነሳው - አበባ -ጌታ እንደቃሉ - አበባ
ከጉድጓድ ወጣ - አበባ - እፀ መስቀሉ - አበባ
አዝ = = = = = =
እኛም በመስቀል - አበባ -እንመካለን - አበባ
በእግዚአብሔር ጥበብ - አበባ -መች እናፍራለን - አበባ
ሞኝነት እንኳን - አበባ -ቢሆን ለዓለም - አበባ
ኃይል እፀ ወይን ነው - አበባ - ለዘላለም - አበባ
አዝ = = = = = =
ግድግዳው ፈርሷል -- አበባ - የልዩነቱ - አበባ
ምድርና ሰማይ - አበባ - ሆኑ እንደ ጥንቱ - አበባ
ነፍስና ስጋ - አበባ - በሱ ታርቀዋል - አበባ
ሕዝብና አሕዛብ -አበባ - ወንድም ሆነዋል - አበባ

መዝሙር
ዘማሪ ዲያቆን አበበ ታዬ

"እልልታን የሚያውቅ ሕዝብ ምስጉን ነው "
መዝ ፹፱፥፲፭
╭══•|❀:✧๑♡๑✧❀|: ══╮
@yamazemur_getemoche
╰══•ೋ•✧๑♡๑✧• ══╯