#ማርያም ብቻ

ይህንን መልእክት share የማያደርግ የማርያም ወዳጅ አይደለም!

1.አምላክን የወለደች-ማርያም ብቻ!

2.ከመውለዳ በፊትም ሆነ ኋላ ድንግል የሆነች - ማርያም ብቻ!

3.ከሰው ወገን ተለይታ መርገም ያልነካት - ማርያም ብቻ!

4.የእግዚአብሔር ሀገር ከተማ የተባለች - ማርያም ብቻ!

5.በድምጽዋ መንፈስ ቅዱስን የምትሞላ ንግስት- ማርያም ብቻ!

6.ጽንስ በማሕፀን የዘለለላት ብጽዕት - ማርያም ብቻ!

7.ያላፈውም የሚመጣውም ትውልድ የሚያመሰግናት - ማርያም ብቻ!

8.ጸሐይን ተጎናፅፋ ጨረቃን የተጫማች ልዩ እናት - ማርያም ብቻ!

9.በጌታ ሞት ያዘነውን ዓለም እንድታፅናና ጌታ የሰጠን ሥጦታችን - ማርያም ብቻ!

10.በስጋዋ፣ በነፍስዋና በሕሊናዋ በሶስት ወገን ድንግል የሆናች - ማርያም ብቻ!

11.ከፈጣሪ በታች ከፍጡራን በላይ የሆነች - ማርያም ብቻ!

12.ከፍጥረት ሁሉ ተላይታ አምላኳን "ልጄ" የምትል - ማርያም ብቻ!

13. ፍቅርዋ በልቤ የሚቀጣጠል አማላጅነትዋን ነፍሴ የሚመሰክርላት እናቴ - ማርያም ብቻ!

14.ከሰው ወገን 'ቤዛዊተ ዓለም' የሚል የጸጋ ስም ያላት - ማርያም ብቻ!

15.በንጉሱ ቀኝ ቆማ የምትማልድ ንግስት - ማርያም ብቻ!

16. ሰው ሁሉ እናታችን ጽዮን የሚላት - ማርያም ብቻ!

17. አባ ኤፍሬም ያወደሳት፣ አባ ሕርያቆስ ያመሰገናት፣ ቅ.ያሬድ የተቀኘላት እመቤት - ማርያም ብቻ!

18.ከሰው ወገን በስጋ ከሞት ተነስታ ያረገች ንጽሕት እናት - ማርያም ብቻ!

19. የመላእክት እህታቸው፣ የሰማዕታት አክሊላቸው፣ የመነኮሳት መመኪያቸው - ማርያም ብቻ!

20. ዘንዶው በሰው ልብ እንዳትቀረፅ ሊውጣት የሚፈልግ፣ ዘርዋንም ሊዋጋ የሚሻቸው ባለ ሁለት ክንፍ እመቤት - ማርያም ብቻ!

21. ጌታ ከፍጥረት ሁሉ ለይቶ "እናቴ" የሚላት - ማርያም ብቻ!

22.እንደ ማንኛውም ሰው ጸጋ ተካፍሎ ሳይሆን ጻጋ ሞልቶ ያላት የጻጋ ግምጃ ቤት - ማርያም ብቻ!

23.መለኮት ስጋዋንና ነፍስዋን ነስቶ የተወሐደላት - ማርያም ብቻ!

24. በቤተመቅደስ ኣድጋ ከመላእክት ጋር እየተጫወተች፣ ሰማያዊ ሕብስትና ጽዋዕ የተመገበች ንጽሕት - ማርያም ብቻ!

25.ከፍጥረት ሁሉ ተለይታ መንግስተ ሰማያትን የወረሰች ብቸኛዋ ወራሽ ንግስት - ማርያም ብቻ

ቤተክርስቲያን ባህረ ጥበባት
አትመረመርም እጅግ ጥልቅ ናት
የገሀነም ደጆች አያናውጧትም
እናታችን
አ
.
.
.
ት
.
.
.
ታ
.
.
.
ደ
.
.
.
ስ
.
.
.
ም!

ፀልዩ በእንተ ሰላም ቤተክርስቲያን አሐቲ ቅድስት ጉባኤ እንተ ሐዋርያት ርትዕት በኅበ እግዚአብሔር! የሐዋርያት ጉባኤ ስለሆነች ስለአንዲት ቅድስት ቤተ ክርስቲያን ሰላም እንማልዳለን! (መጽሐፈ ሚስጢር)

ለሌሎች እንዲዳረስ SHARE እና LIKE እንዲያደርጉ በሚጠፉትና በሚድኑት መሀል የክርስቶስ መአዛ በሆኑት በቅዱሳን ስም እንጠይቃለን!

ቤተክርስቲያን....
መሰረቷ ጉልላቷ እርሱ ነው
ሙሽራዋ መስቀል ላይ የሞተው
ዛሬም ነገም ያው ነው ለዘላለም
አትንገሩን አዲስ ጌታ የለም!

ወስብሐት ለእግዚአብሔር ወለወላዲቱ ድንግል ወለመስቀሉ ክቡር አሜን-ይቆየን።

✝"ቅዳሴ ጠበል እንደ ስጋ ወደሙ ነው?✝

አንዳንድ ሰዎች ለቅዳሴ ጠበል ያላቸውን አክብሮት ከመጠን በላይ ሲገልጡና አንዳንድ የዋሃንም ባለማውቅ ቅዳሴ ጠበልን ከስጋ ወደሙ ጋር አስተካክለው " አንድ ነው " ሲሉ ይደመጣሉ። ይህ ግን ፈፅሞ አይባልም ምክንያቱም ለሃይማኖታችን መሠረትና ለቤተክርስቲያናችን አስተምህሮ ማዕከል የሆነውን የክርስቶስን ቅዱስ ስጋና ክቡር ደም የሚስተካከልና የሚተካ አንዳንዶች ነገር የለም። " ስጋዬን የሚበላ ደሜን የሚጠጣ የዘለላም ሕይወት አለው እኔ በመጨረሻ ቀን አስነሳዋለሁ" ዮሐ 6:54
ስለዚህ በዚህ መሠረት ሰው ስጋና ደሙን ተቀብሎ በልዩ ልዩ ችግር ምክንያት ማይ( ውኃ) ባይኖር የቅዳሴ ጠበል ላይጠጣ ይችላል። የቅዳሴ ጠበል ጠጥቶ ግን ስጋ ወደሙ ባይቀበል አይድንም።
የቅዳሴ ጠበል መገኛው ቤተመቅደስ ሲሆን የሚከብረውም በቅዳሴ ፀሎት ነው። ለምዕመናኑ የሚታደለው ደግሞ ስርዓተ ቅዳሴ ደርሶ ቅድሚያ የክርስቶስን ቅዱስ ስጋና ክቡር ደም በንስሐ ተጠብቀው ለቀረቡ ምእመናን ከታደለ በኋላ ስርዓተ ቅዳሴ ሲፈፀም ነው።
ፍትሐ ነገስቱ በአንቀፅ አስራ ሶስት ላይ የቅዳሴ ጠበል አገልግሎቱ ምዕመናን የተቀበሉትን ቅዱስ ቁርባን (ፍህመ መለኮት ) ማብረጃ ፣ማውረጃና ማዋሀጃ ነው። ስለዚህም ማንም ሰው ይህንን የቅዳሴ ጠበል ተቀብሎ ሲጠጣ " ከአፉ ጠብ አይበል " በማለት ያስጠነቅቃል።
በዚህ መሠረት የቅዳሴ ጠበልን እናከብረዋለን። ከሌሎች ጠበሎች ልዩ በመሆኑ ለምዕመናን በጥንቃቄና በትንሽ ዕቃ ይሰጣል። ከመጠጣት ውጭ ሰውነታችን ላይ መገልበጥና መሬት ላይ ማፍሰስ ፣ እንዲሁም በትልቅ ዕቃ እያስቀዱ መውሰድና በስስት ደጋግሞ መጠጣት ወደ ቤት ይዞ መሔድ አይፈቀድም።
ሌላው ደግሞ ቀደም ሲል የቅዳሴ ጠበል የሚሰጠው ሲቆርቡ ብቻ ነበር አሁን ታዲያ ለሁሉም የመሠጠቱ ምክንያት ምንድነው? ቀደም ሲል የቅዳሴ ጠበል የሚታደለው በዕለቱ ለቆረቡ ምዕመናን ብቻ ነበር። ምክንያቱም ደግሞ ያን ጊዜ ለቅዳሴ የተገኙ ምዕመናን በሙሉ ሥጋ ወደሙን እንዲቀበሉ ግድ መሆኑን ሥርዓተ ቤተክርስቲያን በመቀመጡ ነበር። ስለዚህ የቅዳሴ ጠበልን ይጠጡ የነበሩ ቆራቢዎች ነበሩ መባሉ ትክክል ነው።
ዛሬ ግን የሚታየው ይህ አይደለም ሰዎች በረባና ባረባ ምክንያት ከሥጋውና ከደሙ እየራቁ መምጣታቸው ነው። አባቶችን አንድ ምዕመን አስቀድሶ ባይቆርብ የቅዳሴ ጠበሉ ይሰጠው ሲጠጣው ግን ለቅዱስ ስጋውና ለክቡር ደሙ አብቃኝ እያለ በፍርሐት ይጠጣው ሲሉ ፈቀዱልን። ይህ ደግሞ መቁረብ ላልቻሉት አታስቀድሱ ከማለት የተሻለ ነው እንጅ የቅዳሴ ጠበልንና ስጋወደሙ አንድ ነው እያሉ ከመቁረብ የሚያዘናጋ አይደለም። "ሰው ስንዝር ሲሰጠው ክንድ ይመኛል" እንዲሉ እንዲህ ሆኖ የተፈቀደልንን የቅዳሴ ጠበል አክብረን ሳናነጥብ ወይም ሳናፈስ መጠጣት ሲገባን በራሳችን ላይ በመከልበስ ከማፍሰስ ባሻገር ወደ ቤት እናግዘው ጀመርን። የቅዳሴ ጠበል እንደ ስጋና ደሙ ነው እያልን ያከበርነው መስሎን ስናቀለው እንዳንገኝና እንዳንስት መጠንቀቅ ያስፈልጋል። የክርስቶስ ስጋና ደም የሚተካውም ሆነ የሚስተካከለው አንዳች ነገር የለም።
✝ወስብሐት ለእግዚአብሔር ✝
ዲ/ያ ምትኩ አበራ
ላላዩት ያዩ ዘንድ ያጋሩ
👇👇👇👇👇👇👇👇👇👇
@yemariyam2121
@yemariyam2121

አንድ መናፍቅ እንዲህ አለኝ ኢየሱስ ጌታ ነው።
አዎ ኢየሱስ ጌታ ነው አልኩት።
ቀጥሎም ኢየሱስ ያድንሀል አለኝ
አዎ ያድናል አድኖኝማል አልኩት። ተናደደ😡
መናፍቃን ኢየሱስ ሲባል የማንወድ እና ስሙ ሲጠራም የምንፈራም ይመስላቸዋል።
ኢየሱስ ክርስቶስ ይሄንን ብቻ አላለም
ጌታችን አምላካችን መድኃኒታችን ኢየሱስ ክርስቶስ እንዲህ አለን፦
1) «ብርሃንን ላጡ በጨለማ ለሚመላለሱ»
ደግሞም ኢየሱስ፦ እኔ የዓለም ብርሃን ነኝ፤ የሚከተለኝ የሕይወት ብርሃን ይሆንለታል እንጂ በጨለማ አይመላለስም ብሎ ተናገራቸው።
( ዮሐ 8፥12)
2) «መግቢያ መውጫ በር ለጠፋባቸው »
ኢየሱስም ደግሞ አላቸው። እውነት እውነት እላችኋለሁ፥ እኔ የበጎች በር ነኝ።
( ዮሐ 10፥7)
3) «ለተራቡ »
የሕይወት እንጀራ እኔ ነኝ።
( ዮሐ 6፥48)
ከሰማይ የወረደ ሕያው እንጀራ እኔ ነኝ፤ ሰው ከዚህ እንጀራ ቢበላ ለዘላለም ይኖራል፤ እኔም ስለ ዓለም ሕይወት የምሰጠው እንጀራ ሥጋዬ ነው።
(ዮሐ 6፥51)
4) «ለተጠሙ »
ማንም የተጠማ ቢኖር ወደ እኔ ይምጣና ይጠጣ።
( ዮሐ 7፥37)
5) «ጠባቂ ላጡ »
መልካም እረኛ እኔ ነኝ። መልካም እረኛ ነፍሱን ስለ በጎቹ ያኖራል።
( ዮሐ 10፥11)
6) «ለደከሙ »
እናንተ ደካሞች ሸክማችሁ የከበደ ሁሉ፥ ወደ እኔ ኑ፥ እኔም አሳርፋችኋለሁ።
( ማቴ 10፥28)
ክብር፣ኃይል ምስጋና ውዳሴ ለመድኃኒዓለም ኢየሱስ ክርስቶስ ይሁን ዛሬም ዘውትርም ለዘለዓለሙ አሜን🙏🙏

ከ እስልምና ወደ ክርስትና ሰለተመለሰ ብቻ በቁሙ ተቀብሮ እንደ እባብ ተቀጥቅጦ የተገደለው ሰማእትነትን የተቀበለ ወጣት ነው
ሰማዕትነት ስር ነው
ሰማእትነት ስር ነው ክርስቲያኖች ደግሞ ከዚህ ስር የሚያቆጠቁጡ ምርጥ ዘሮች ናቸው፡፡ ብዙ ዛፍ የሚያቆጠቁጥበት ስር በለም አፈር ስለሚሸፈን አይታይም፡፡ ከዚያ በሚያቆጠቁጡ ዛፎች ግን ስሩ እንዴት እንደተመቸው ይታወቃል፡፡ ሰማዕታትም በግዙፉ ዓይናችን እንደምን ያለ አክሊል ሽልማት እንደተቀበሉ አይታየንም፡፡ ፍሬያቸው ግን እነርሱን መስለው እነርሱን አኽለው በሚጋደሉ ምርጥ ዘሮች ይታወቃል፡፡
ሰማዕታት አክብሩን ብለው አይናገሩም፡፡ ነገር ግን በክርስቲያኖች ልብ የሚዘሩት ፍሬ ምእመናንን በፍቅር ያስገድዳል፡፡ እነርሱን እንዲመስሉ ያሳስባል፡፡ ለዚህም ነው ለእምነታችን ታምነን መስእዋት ስንሆን ደስ የሚለን።
ስለስሜ በሰው ሁሉ ዘንድ የተጠላችሁ
ትሆናላችሁ ማር 13 ÷ 13
ወላጆቻችሁ ኣሳልፈው ይሰጧችኋል ፡፡ ሁሉም ስለ ስሜ ይጠሉኣችኋል
ይገድሉምኣችኋል ፡፡ ሉቃ 21 ÷ 10-19
እነሱ እኛን ለማጥፋት እንደተባበሩ እኛም እንዳንጠፋ ካልተባበርን ገና እንገደላለን።

"ነፍሳችሁን ተመልከቱ፡ ስውነታችሁን ንጹሕ አድርጉ፡ የባልንጀራችሁንም በደል አታስቡ፡ እግዚአብሔር ያያል፡ ልቡናችሁን ከፍ ከፍ አድርጉ፡ ወደ ሕይወት መድኃኒት እንቅረብ፡ ጸጋ ሆኖ የተስጠንንም ሥጋውንና ደሙን በእግዚአብሔር ጥበብ እንቀበል፡፡"
ቅዳሴ እግዚእ

💔 ቂም በቀል ምንድነው?💔

ቂም ነገርን እያሰላሰሉ ለብዙ ጊዜ በልቡና ማቆየት ነው።
ኤሳውም አባቱ ያዕቆብን ስለባረከው በያዕቆብ ቂም ያዘበት ኤሳውም በልቡ ለአባቴ የልቅሶ ቀን ቀርቧል ወንድሜ ያዕቆብን እገድለዋለሁ ዘፍ27:41 ዘፍ 37:19

💚የሳኦል ቂም 💚 ሴቶች እልል እያሉ ከበሮና አታሞ ይዘው ንጉሥ ሳኦልን ሊቀበሉ ከእራኤል ከተሞች ወጡ ሴቶችም ሳኦል ሺህ ገዳይ ዳዊት እልፍ ገደለ እያሉ እየተቀበሉ ይዘፍኑ ነበር ሳኦልም እጅግ ተቆጣ ይህም ነገር አስከፋው። ለዳዊት እልፍ ሰጡት ለእኔ ግን ሺህ ሰጡኝ ከመንግሥት በቀር ምን ቀረበት አለ1ኛ ሳሙ 20:30 1ኛ ሳሙ 18:6

ሔሮድያድ ዮሐንስን በቂም ልታስገድል ትፈልገው ነበር
ማር 6:19

💛ቂምን እንዴት ማስወገድ ይቻላል?💛

በቀልን ለእግዚአብሔር በመተው
ልበ ንፁህ በመሆን
ቂምን መርሳት ጠላቶቹሁን ውደዱ የሚረግሟቹሁን መርቁ ለሚጠሏቹሁም መልካም አድርጉ
ማቴ ፭፥፯ ማቴ፭፥፰ ማቴ ፭፥፶፬
የሚወዷቹሁን ብትወዱ ምን ዋጋ አላቹሁ ቀራጮችስ ያደርጉት የለምን? ማቴ ፭፥፶፬
⭐️⭐️⭐️⭐️⭐️⭐️⭐️⭐️⭐️⭐️
Join በማድረግ ለቤተክርስቲያን ልጆች Share አድርጉ
@yemariyam2121

#ቅዱሳት ስዕላት ለምን ይሳላሉ???
*******************
የስዕል ጥበብ የመጣው ከሰማይ፤ አስገኚው
አምላካችን እግዚአብሔር ፤መሠረቱም መጽሐፍ ቅዱስ ነው!!!

ቅዱሳን ስዕላት” የሚለው ከሁለት ቃላት ማለትም “ቅዱሳን” እና “ስዕላት” ከሚሉት ሁለት ቃላት የተገኘ ነው። “ቅዱስ” ማለት ልዩ ማለት ሲሆን “ስዕል” ማለት ደግሞ የዓይን ትኩረትን የልብ ተመስጦን የሚሹ ለሚመለከታቸው ሁሉ የመግባቢያ ቋንቋ የሆኑ ማለት ነው፡፡“ቅዱሳን ስዕላት” ማለትም ከዓለም ሁሉ ልዩ የሆኑ የዓይንን ትኩረት የልብን ተመስጦ የሚሹ ከተሳለው ቅዱስ ጋር የምንግባባበት ቋንቋ ማለት ነው፡፡ቅዱሳን ስዕላት ከዓለማዊ ስዕላት ሁሉ ልዩ የሚያደርጋቸው ነገር እግዚአብሔር በስዕላቱ አድሮ የሚያነጋግርበት ድምጹንም የሚያሰማበት በመሆኑ ነው፡፡ቅዱሳን ስዕላትን መሳል ዝም ብሎ በሰው ፍላጎት ላይ ተመሥርቶ የተጀመረ አይደለም፡፡ስዕላት መሳልን ያዘዘው አምላካችን እግዚአብሔር ነው፡፡

ቅዱሳን ስዕላት በብሉይ ኪዳን
****************
እግዚአብሔር የታቦትን አሰራር ለሙሴ በነገረው ጊዜ ስዕል እንዲስልበትም አስታውቆታል፡፡(ዘጸ 25÷ 18-22) “ሁለት ኪሩቤል ከተቀመጠ ወርቅ ሥራ በስርየት መክደኛውም ላይ በሁለት ወገን ታደርጋቸዋለህ፡፡ከስርየት መክደኛውም ጋር አንዱን ኪሩብ በአንድ ወገን ሁለተኛውን ኪሩብ በሌላው ወገን አድርገህ በአንድ ላይ ትሰራቸዋለህ…” እንዲህ እያለ የመጀመሪያውን ስዕል እንዴት ሊስል እንደሚገባው ይገልጻል፡፡ በታቦቱ ላይ የኪሩቤልን ስዕል መሳሉ ምን ጥቅም እንዳለው ሲናገርም “በዚያም ካንተ ጋር እገናኛለሁ፡፡የእስራኤልንም ልጆች ታዝዝ ዘንድ የምሰጥህን ነገር ሁሉ በምስክሩ ታቦት ላይ ባለው በሁለት ኪሩቤል መካከል በስርየት መክደኛው ላይ ሆኜ እነጋገርሃለሁ።” ዘጸ 25÷22

በዚህ መልኩ የተጀመረው ስዕል ለሙሴ በቤተመቅደስ መጋረጃዎች ላይ፣ ለጠቢቡ ሰሎሞንም በቤተ መቅደሱ ግንብ ዙሪያ በውስጥ እና በውጭ እንዲሰሩ በታዘዙት መሠረት በመሥራታቸው እግዚአብሔር ወድዶና ፈቅዶ ተቀብሎላቸዋል፡፡ዘጸ 26÷1 “ደግሞም ከተፈተለ በፍታ ከሰማያዊ ከሐምራዊ ግምጃ የተሰሩ ዐሥር መጋረጃዎች ያሉበትን ማደሪያ ሥራ ብልህ ሰራተኛ እንደሚሰራ ኪሩቤል በእነርሱ ላይ ይሁኑ” የሰሎሞንን ቤተ መቅደስ አሰራርም ሲናገር “… ቤቱንም ሰረገላዎቹንም መድረኮቹንም ግንቦቹንም ደጆቹንም በወርቅ ለበጠ በግንቦቹም ላይ ኪሩቤልን ቀረጸ…” እያለ ስለ ኪሩቤል አሳሰል በዝርዝር እያተተ ይቀጥላል፡፡2ኛ ዜና.መዋ 3÷7፡በትንቢተ ሕዝቅኤልም ስዕል መሳል እንደታዘዘ በግልጽ ተጽፏል ።
"አንተም፥ የሰው ልጅ ሆይ፥ ጡብን ወስደህ በፊትህ አኑራት የኢየሩሳሌምንም ከተማ ስዕል ሳልባት ክበባት፥"ሕዝ 4፥1

ቅዱሳን ስዕላት በአዲስ ኪዳን
*******************
"የማታስተውሉ የገላትያ ሰዎች ሆይ፥ በዓይናችሁ ፊት ኢየሱስ ክርስቶስ እንደ ተሰቀለ ሆኖ ተሥሎ ነበር፤ ለእውነት እንዳትታዘዙ አዚም ያደረገባችሁ ማን ነው?"(ገላ. 3 ÷ 1)

"ሙሴም በምድረ በዳ እባብን እንደ ሰቀለ እንዲሁ በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ የሰው ልጅ ይሰቀል ይገባዋል።"(ዮሐ.3 ÷14)

የቅድስት ቤተክርስቲያንን ታሪክ ስንመለከት ደግሞ ጢባርዮስ ቄሳር የጌታችን የኢየሱስ ክርስቶስን ፍቅር እንዲያስብ ለሰው ልጆች ሲል በመልዕልተ መስቀል መሰቀሉን ዓለምን በደሙ መፍሰስ እንደቀደሳት እንዳይዘነጋው በቀራንዮ እንደተሰቀለ ሆኖ በሐዋርያው ዮሐንስ ተስሎለታል፡፡

የዑር ንጉሥ አብጋር ኡካማ በታመመ ጊዜ መጥቶ እንዲያድነው ወደ ጌታችን የላከው ባሪያው በጌታችን መልክ ተመስጦ ስዕሉን ነድፎ ያስቀረውና ወደ ንጉሡ መስዶ ከበሽታው ያዳነው ስዕል እንዲሁም 12 ዓመት ያህል ደም ይፈሳት የነበረችው ማርያም ለውለታዋ ያሰራችው የጌታችን ስዕል ጥሩ ምሳሌዎች ናቸው፡፡

ወንጌላዊው ቅዱስ ሉቃስም የእመቤታችንን ስዕል ስሏል፡፡ እነዚህ ማስረጃዎች የሐዲስ ኪዳን የስዕል ማስረጃዎቻችን ናቸው፡፡ሌሎችም እንዲሁ ብዙ ማስረጃዎች እንዳሉ ታሪክ ይነግረናል የሳይንስ ባለሙያዎችን ያስረዱናል፡፡

በተጨማሪም የመጀመሪያዎቹ ክርስቲያኖች በሮማ ነገሥታት አዋጅ ምክንያት በተሰደዱ ወቅት በ68 ዓ.ም በዋሻና በፍርክታ ውስጥ ሃይማኖታቸውን በስዕል ለመታሰቢያነት ይቀርጹ ነበር፡፡ ይህም የተረጋገጠና እስከ እስከ 8ኛው መ/ክ/ዘ ድረስ ጸንቶ የኖረ ሲሆን በነዚያ ሥዕሎችም የእግዚአብሔር ኃይል በተአምራት ይገለጽ ስለነበር እጅግ ይከብሩ ነበር፡፡ በ8ኛው መ/ክ/ዘ ግን ሥዕልን ከመውደዳቸው የተነሣ አማልክት የሚሉ ኢኮኖስትሪያ በአንጻሩም ፀረ ሥዕል አቋም በመያዝ የተነሡ ኢኮኖሚኺያ ተነሥተው ጠባቸው ተካረረ በ784 ዓ.ም ይህንን ጠብ አስታረቀ። ክብርና ስግደት እንደሚገባቸው ቀኖና የሰራው ጉባኤ በመደረጉ በዘመኑ ተከራካሪዎች መፍትሔ ለእኛም ሥርዓት ሆኗል፡፡ ስዕላት ሲሳሉም በእጅ የማይዳሰሱ ሆነው ነው፡፡ ያ ማለት ቅርጻ ቅርጽ ሥዕላት ፈጽመው ተከልክለዋል ማለት ነው፡፡

ከዚህ እንደምንረዳው ስዕላት እንደ እንግዳ ደራሽ እንደ ውኃ ፈሳሽ የመጡ ሳይሆን በአምላክ ትዕዛዝ የተጀመሩ ናቸው፡፡ይህንን የአምላክ ትዕዛዝም መሠረት በማድረግ በብሉይ ኪዳንም በሐዲስ ኪዳንም ቅዱሳን ስዕላት ተስለዋል፤ እየተሳሉም ናቸው፤ ወደፊትም ይሳላሉ፡፡

#በሥዕል ፊት ቆሞ መጸለይና መስገድ
=======================
ለስዕል መስገድና መጸለይ ከባለ ሥዕሉ ረድኤት፥ በረከት እና ምልጃ መለመን፥ መማጸን ነው። ለሥዕል መስገድ እና ሥዕልን መሳም ደግሞ በፊት የሥዕል ተዋጊዎች ወይም ፀረ ሥዕሎች (ኢኮኖማኺ) እንደሚሉት ዛሬም ብዙ ፀረ ማርያሞች እንደሚያጥላሉት ለጣዖት መስገድ ጣዖት መሳም አይደለም።

ከላይ እንደገለጥነው በሥዕሉ አማካይነት ለሥዕሉ ባለቤት ክብርና ፍቅርን ለመግለጽ ነው። ይኸውም የቤተ ክርስቲያን ሕልውና ከታወቀበት ጊዜ ጀምሮ የነበረ ጥንታዊ ትውፊት (Tradition) ነው። በእምነትና በፍቅር የሆነ ነገር ደግሞ ያንጻል እንጂ አይንድም።የእግዚአብሔር መንግሥት የሚወረሰው በፍጹም እምነት ቅንነት በተሞላበት ፍቅርና ትሕትና እንጂ በተጥባበ ነገር (Rationalism) አይደለምና።

ሙሴ በእግዚያብሔር ታዞ ኩሩቤልን(መላእክትን) ሰርቶ ነበር በታቦቱ ግራ እና ቀኝ ይቀመጥ ነበር እና እስራኤላዊያን ለታቦቱ ሲሰግዱ ታቦቱ ለተሰራበት ግራር(እንጨት)አይደለም የሚሰግዱት በታቦቱ ላይ ለሚያድረው እግዚያብሔር ነው። ይህን ከተረዳን እኛም ለስዕል ስንሰግድ ለስዕሉ ባለቤት የሚሰገድ ነው ለታቦት ስንሰግድ ለእንጨቱ አንሰግድም ለባለቤቱ እንሰግዳለን እንጂ!

ለስዕል ስንሰግድ ለወረቀቱ ወይም ለብራናው ወይም ለተሰራበት ቁስ አይደለም ለባለቤቱ እንሰግዳለን እንጂ! ለኢየሱስ ክርስቶስ የአምልኮት ስግደት፤ለድንግል ማርያም፤ ለመላእክታት፤ ለቅዱሳን፤ ለሰማእታት ስዕል ደግሞ የጸጋና የአክብሮት ስንሰግድ ለወረቀቱ ለፍሬሙ አልያም ለቀለሙ አይደለም የምንሰግደው ለስዕሉ ባለቤት እንጂ!

ተራ የመሰሉ ነገሮች በእምነት ታላቅ ናቸው! ድንቅ ተአምራትን የፈጸመች የሙሴ በትር ተራ እንጨት አትሆንበትም ( 4:12)፤ ባህር የከፈለች የኤልያስ መጎናጸፊያንም እግዚአብሔር መንፈስ ቅዱስ ኃይል አድርጎባታልና በተራ ጨርቅ አይመለከታትም (2 ነገ 2:8)፤ ብረት ከባህር እንዲያወጣ ነቢዩ ኤልሳዕ የተጠቀመበት ቁራጭ እንጨት (2 ነገ 6:5-7) ፥ @yemariyam2121

አባቴ አዳምን ሳስብ ብቸኝነቱ ያሳዝነኛል።
እንደ እኛ እናት አልነበረውም። አባት አልነበረውም።
ወንድም አልነበረውም። እህት አልነበረውም። ጓደኛ
አልነበረውም።
ሚስት ብቻ ነበረው። ቆይቶም ልጆች ወለደ። ዘመዶቹ
እነዚህ ብቻ ነበሩ።
እኛስ? በሰው በዘመድ የተማመነ ፈጥኖ ይወድቃል።
የአዳም አባቱ፣ እናቱ፣ ወንድሙ፣ጓደኛው...እግዚአብሔር
ብቻ ነበር።
ሁሉ ነገራችን በእግዚአብሔር ካልሆነ ውሀ መጨበጣችንን
ማወቅ አለብን።🙏🙏🙏

እግዚአብሔር ወረት የለውም በትላንት ከወደደህ ይልቅ ዛሬን አብዝቶ ይወድሀል። እለት እለት ብትበድለውም እለት እለት ምህረቱ ይበዛልሃል። እለት እለት ጥበቃው አይጎልብህም። የበዛውን በደልህን ኣሳንሶ ጥቂቷን መልካም ስራህን አግዝፎ በቸርነቱ ያኖርሃል። ክብር ምስጋና ለስሙ ይሁን🙏🙏

ድንግል ሆይ
ደስ ብሰኝ በንቺ ደስ እሰኛለሁ፣ ባዝንም ባንቺ እፅናናለሁ።
መከራ ችግርም ቢያገኘኝ ወደ አንቺ እጮሃለሁ።
የአመፀኛም ምላስ ቢያስከፋኝ ወደ አንቺ ፊት እማለላለሁ።
ሰውነቴም የወደደችው ነገር ቢኖር አንቺን እለምናለሁ🙏
በመታመን ያሻሁትን የተመኘሁትንም በንቺ አገኛለሁ🙏
(መፅሐፈ አርጋኖን ዘአባ ጊዮርጊስ)
ድንግል ማርያም ሀዘናችሁን በደስታ ትቀይረው🙏

#ሼር_ፖስት_ላይክ_ታግ_አድርጉት🙏🙏
#የሽንቁሩ ቅዱስ ሚካኤል ጠበል ተአምር
ይህን ድንቅ ተአምር # ሼር
እባክሆን ይህን ያላመነ የሚያምንበት ያመነ የሚፅናበትን
ተአምር ለወዳጅ ዘመድዋ ያድርሱል...!!!
በስመአብ በወልድ በመንፈስ ቅዱስ አሃዱ አምላክ አሜን
ደዌ ለፈተናም በ ሀጢያት ምክንያትም በብዙ ብዙ ምክንያት
ይመጣል እግዚአብሄር አምላክ ፈቅዶ በቸርነቱ ይህን አደረገልኝ
እንጂ እንደኔስ ሀጢያት ሌላም በተገባኝ ነበረ ለበሽታዬ
ምክንያት ሀጢያት እንደሆነ ስለገባኝ እግዚአብሄርን
እየተመላለስኩ በ እንባ ይቅርታ መጠየቅ ጀመርኩ።
ያልሄድኩበት ፀበል ያልያዝኩት ሱባኤ አልነበረም ነገር ግን (የእግዚአብሔር
ምህረት በጊዜዋ ነው ብሎ ነብዩ ቅዱስ ዳዊት
እንደተናገረ ሁሉ በመጨረሻ የ ሽንቁሩ ቅዱስ ሚካኤልን
ታምር እና ዝና ሰምቼ ወደ ሽንቁሩ መጣሁ እንደቦታው ስርአት
ንስሀ ገብቼ ፀበሉን ተጠምቄ መጠጣት ስጀምር ፀበሉን
ከጠጣሁ ቡሀላ ባሉ 5 ደቂቃዎች ውስጥ ከሆዴ ውስጥ በስርአት
የተከተፈ ስጋ
የሚመስል ነገር ይወጣ ነበር።
በሁኔታው ስደናገጥ በቦታው የቆዩ ፀበልተኞች አይዞህ ይሄ
የሚወጣው መርዙ ነው በርታ ይሉኛል ቆይቶ አረንጉዋዴ ፈሳሽ
ከሆዴ ወጣ ከዛቡሀላ ከበሽታዬ ሙሉ ለሙሉ ተፈውሻለሁ
እኔን የረዳ እናንተንም ይርዳ አሜን
በሙሉ እምነት በመሄድ ዕፀበሉ ቦታ በመሄድ ንሰሃ ገብቶ ካንተ
በቀር ማንም የለኝ ብሎ በበሽታው ሲጨነቅ ሲጠበብ ይሄው
እንደምታዩት ለዘመናት ሲያሰቃየው የነበረውን በሽታ በቅዱስ
ሚካኤል ሀይል ፀበሉን በመጠጣት ይሄን ከሆዱ ውስጥ
አውቶለታል።
እንግዲህ እኛ
የምናመልከው የምናምነው ፀበል ይሄ ነው ታምሩ ኦርቶዶክስ
በማንኛውም በምታደርገው ነገር አትሳሳትም።
አምላክ ስንት በየቤታችን የሚሰቃዩ ያልጋ ቁራኛ ሆነው
የሚሰቃዩ እህት ወንድሞች አሉን በምህረቱ አይን ይጎብኝልን።
ታምሩን ሼር በማድረግ ይተባበሩን ሁላችንም ለደጁ አብቅቶ
ታምሩን ለመስከር ያብቃን
በእውነት ለእግዚአብሄር የሚሳነው ነገር አለን

#ቅዱስ_ሚካኤል

(📻 ሊቀ መዘምራን ቴዎድሮስ ዮሴፍ)

ቅዱስ ሚካኤል /3/ ነፍሴ ሲጨነቅ ሲዝል ስጋዬ
ፈጥነህ ተራዳኝ ዋስ ጠበቃዬ /2/
°°°°
አንተ ስለሆንክ። ሚካኤል
የአምላክ ባለሟል ሚካኤል
ልመናህ ፈጥኖ ሚካኤል
ከአምላክ ያቀርባል ሚካኤል
የዋህ መላዕክ ነህ አዛኝ ለሰው
ምልጃህ ፈጣን ነው ለምናምነው /2/
°°°°
ደዌ የጸናበት ሚካኤል
ባንተ ይድናል ሚካኤል
በአደባባይህ ሚካኤል
ምስክር ሆኗል ሚካኤል
ከቤትህ መጥቶ የተማጸነ
በቃል ኪዳንህ ሕይወቱ ዳነ /2/
°°°°
ከአምላክ ተሰጥቶህ ሚካኤል
ክብርህ ያበራል ሚካኤል
ለጎስቋላው ስው ሚካኤል
መጠጊያ ሆኗል ሚካኤል
ትልቅ ትንሹ ድሃው ሐብታሙ
ለምኖ አግኝቷል ከአምላክ በስሙ /2/
°°°°
በብሉይ ኪዳን ሚካኤል
ከአምላክ ተልከህ ሚካኤል
ህዝበ እስራኤልን ሚካኤል
ነፃ ያወጣህ ሚካኤል
በአዲስ ኪዳንም ድንቅ ስራ አለህ
በተዓምራትህ ትፈውሳለህ /2/
°°°°
ባለመድሃኒት ሚካኤል
ያቃተውን ሚካኤል
ፈዋሽ ጸበልህ ሚካኤል
ሆኖኛል ኃይል ሚካኤል
እንደ መጻጉ ድህነት አገኘሁ
ፈውሰኸኛል ባንተ ተመካሁ /2/
°°°°
✝✝✝✝✝✝✝✝✝ 
✅  @yemariyam2121 ✅
✝✝✝✝✝✝✝✝✝
🎚ተዋህዶ ለዘላለም ትኑር🎚
          🟢🟡🔴