የታማኝነት ተምሳሌት-ከንጉሥ አባቱ ቤት ወጥቶ የጠፋውን ሙሽራውን ቅዱስ ገብረ ክርስቶስን 30 ዓመት ሙሉ በትዕግሥት የጠበቀችው እጮኛው!

የቍስጥንጥንያው ንጉሥ ቴዎዶስዮስና እናቱ ንግሥት መርኬዛ በስለት ያገኙት ብቸኛ ልጃቸው ስለሆነ ቅዱስ ገብረ ክርስቶስን ሃይማኖትን እያስተማሩት በምግባር በእጅጉ ተንከባክበው አሳድገውታል፡፡ የአባቱን ንግሥና በመውረስ ቍስጥንጥንያን እንዲገዛላቸው በመፈለግ ወላጆቹ ለአካለ መጠን ሲደርስ የሮሙን ንጉሥ ሴት ልጅ አጋቡት፡፡ እርሱ ግን ዓለምን ፍጹም በመናቅ የክርስቶስን መስቀል ለመሸከም የተዘጋጀ ነበርና የሠርጉ ዕለት ሌሊት የእርሱንም ሆነ የሙሽይቱን ድንግልና እንደጠበቀ ከጫጉላ ቤት ወጥቶ በመርከብ ተሳፍሮ ሩቅ ሀገር በመሄድ በቤተክርስቲያን ተቀምጦ ከነዳያን ጋር ተደባልቆ በመለመን ለምኖ ያገኘውንም ለሌሎች እየመጸወተ በጾም በጸሎት ተጠምዶ 15 ዓመት ኖረ፡፡

እመቤታችን ተገልጻ ለአንድ የቤተክርስቲያኑ አገልጋይ የገብረ ክርስቶስን ጽድቅ ብትነግረው ምሥጢሩን ለሀገሩ ሁሉ አዳረሰበት፡፡ ሙሽራው ገብረ ክርስቶስም ‹‹ግብሬ ታወቀ፣ ከዚህ ውዳሴ ከንቱ ልሽሽ›› በማለት ወደሌላ ሀገር በመርከብ ሲጓዝ ፈቃደ እግዚአብሔር መርከቢቱን ያለ አቅጣጫዋ ወስዶ አባቱ ደጅ አደረሰው፡፡ ማንነቱን እንደደበቀና ዓለምን ምን ያህል እንደናቃት ይረዳ ዘንድ በአባቱና በንጉሡ ደጅ የኔ ቢጤ ለማኝ ሆኖ ለአባቱ ውሾች የሚሰጠውን ፍርፋሪ እየተመገበ አሁንም 15 ዓመት ሙሉ በትዕግስት ተቀመጠ፡፡

የአባቱ አሽከሮች እንኳን እጣቢና ቆሻሻውን ሁሉ እየደፉበት ሲያሠቃዩት የአባቱ ውሾች ግን የእግሩን ቁስል ይልሱለት ነበር፡፡ በአጠቃላይ ገብረ ክርስቶስ እጅግ የተከበረ የታላቅ ንጉሥ ልጅ ሲሆን ነገር ግን ዓለምን ፍጹም በመናቅ ስለ ጽድቅ ተሰዶ እየለመነ ያገኘውን እየመጸወተ በጾም በጸሎት እየተጋደለ 30 ዓመት ሙሉ ተቀመጠ፡፡

በመጨረሻም ቅዱስ ገብረ ክርስቶስ በሞት ሲያርፍ የክብር ባለቤት ጌታችን ከድንግል እናቱ ጋር ተገለጠለት። ቅዱስ ገብረ ክርስቶስም ስለ አምላኩ ፍቅር ብሎ ለ30 ዓመታት ያሳለፈውን እጅግ አሠቃቂ መከራ በተለይም በአባቱ ደጅ ማንም ሳያውቀው ያሳለፈውን እጅግ አሳዛኝ መከራና በኀዘን የሚያስለቅሰውን ታሪኩን በራሱ እጅ በዝርዝር ጽፎት ተገኝቷል፡፡ ንጉሡ አባቱና ንግሥት እናቱም ይህንን ልጃቸው የጻፈውን መልእክት ባነበቡ ጊዜ የሚሆኑት ጠፋቸው፡፡
በጣም የሚገርመው ደግሞ መጀመሪያ ላይ ወላጆቹ ሚስት አድርገው ያመጡለት የሮሙ ንጉሥ ሴት ልጅ ለባሏ ታማኝ ሆና 30 ዓመት ሙሉ በእናት አባቱ ቤት በትዕግስት ስትጠብቀው መኖሯ ነው፡፡

እኔ የቅዱስ የገብረ ክርስቶስ ዕጮኛ ይህን ያህል መታመኗን የታማኝነት ተምሳሌት ብዬዋለሁ። እርሷ ወዲህም የንጉሥ ልጅሆና ሣለበዚህ መጠን ከነጭራሹ ደብዛው የጠፋን ሰው 30 ዓመት ከዛሬ ነገ ይመጣል እያሉ በትዕግሥት መጠበቋን የእርሷን የታማኝነት መጠን ከእኛ ሕይወት ጋር እናነፃፅረውና ፍርዱን ለራሳችን እንስጥ።

ዛሬ በዓመታዊ በዓሉ ታስቦ ይውላልና የሙሽራው ቅዱስ የገብረ ክርስቶስ ረድኤት በረከቱ ይደርብን፣ በጸሎቱ ይማረን፡፡

📕ልብሱን ጥሎላት ወደውጪ ወጣ📕

🎙ቢንያም ብርሐኑ እንዳነበበው🎙

⛪አዘጋጅ:- የድንግል ማርያም ልጆች⛪

አስተያየት:- @Rediyemariyam

@yemariyam2121
@yemariyam2121

✞ላገልግልህ ጌታ✞

ላገልግልህ ጌታ እድሜ ከሰጠኸኝ
ኃይልና ብርታት ጉልበትም ከሆንከኝ
የማልጠቅም ስሆን ለዚህ ከጠራኸኝ
መንፈሳዊ ትጥቄን ጌታ ሆይ አጽናልኝ(፪)

እንግዳ ስሆን እንደ አባቶቼ
አንተን መረጥኩኝ ሁሉንም ትቼ
ያኔ ስጀምር ከኔ ጋር እንዳለህ
አምናለሁ ጌታ ፈጻሜዬም ነህ(፪)
አዝ = = = = =
በሰጠኸኝ መክሊት ሰርቼ
እጥፍ ድርብ ዋጋን አግኝቼ
ምሳሌ አድርገኝ አምላኬ አደራ
መልካሙን ፍሬ በሕይወቴ ላፍራ(፪)
አዝ = = = = =
ከፀሐይ በታች እርስት የለኝም
የማየው ሁሉ ዘላቂ አይደለም
አንተ ብቻ ነህ አክሊሌ ክብሬ
ይኸው ነው ትርፌ ቤትህ መኖሬ(፪)
አዝ = = = = =
ሥጋዊ ሆኖ መውጣት መግባቴ
ወጥቼ እንዳልቀር ከሰማይ ቤቴ
ቅዱስ መንፈስህ አይለየኝ
ከኃይል ወደ ኃይል አሸጋግረኝ(፪)

መዝሙር
ሙሐዘ ስብሐት
ዲያቆን ልዑልሰገድ ጌታቸው

"እግዚአብሔርን አመስግኑ፤ ለስሙ ዘምሩ፥ መልካም ነውና፤"
መዝ ፻፴፭፥፫

✞✞✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞✞✞

❖ ግንቦት 1 5 ቀን የሚከበሩ ዓመታዊ የቅዱሳን በዓላት

+"+ ቅዱስ ናትናኤል +"+

+በቤተ ክርስቲያን ትውፊት መሠረት ከቅዱሳን ሐዋርያት
መካከል ዘግይቶ ሰማዕትነትን የተቀበለ ይህ ቅዱስ
ሐዋርያ ነው::

+ቅዱሱ ሐዋርያ የተወለደው ከእሥራኤላውያን ወላጆቹ
ጌታችን በተወለደበት ዘመን አካባቢ ነው:: ይህ በምን
ይታወቃል ቢሉ
እርሱ ሕጻን እያለ ሔሮድስ 144,000 ሕጻናትን ሲፈጅ
እርሱ ግን በእግዚአብሔር ጥበብ ተርፏል:: እናቱ
በቅርጫት ውስጥ
አድርጋ የበለስ ዛፍ ላይ አስቀምጣው ተደብቃ ታጠባው
ነበር::

+ለሐዋርያው ወላጆቹ ያወጡለት ስም ስምዖን ሲሆን
ጌታችን ኢየሱስ ክርስቶስ ደግሞ ናትናኤል ብሎታል::
በባልንጀሮቹ
ሐዋርያት ደግሞ የቃናው ስምዖን (ገሊላ ቃና አካባቢ
ስላደገ): አንዳንዴም ቀናተኛው ስምዖን ይሉት ነበር::
ምሑረ ኦሪት
ነበርና ዘወትር ለሕግ ይቀና ነበር::

+በገሊላ ቃና ሰርግ የደገሰው ዶኪማስ የቅዱስ ናትናኤል
የአጎት ልጅ ነው:: ጌታና ደቀ መዛሙርቱን ዶኪማስ
የጠራበት አንዱ
ምክንያትም ይሔው ነው::

+ቅዱስ ናትናኤል ኦሪትን ከገማልያል ተምሮ: ከበለስ ቁጭ
ብሎ ይተክዝ ነበር:: "መሲሕ ምነው ቀረህ" እያለም
ይተክዝ
ነበር:: ማዕምረ ኅቡዓት አምላካችን ክርስቶስ ይህንን
አውቆ በፊልዾስ አማካኝነት ጠርቶታል::

+ናትናኤል ለጊዜው ተከራክሮ ነበር:: በኋላ ግን የጌታችንን
ማንነት በደቂቃዎች ተረድቶ አምኗል:: ጌታችንም "ክዳት
ሽንገላ በልቡ ውስጥ የሌለበት ንጹሕ እሥራኤላዊ" ሲል
አመስግኖታል::

+ሐዋርያው ቅዱስ ናትናኤል ከጌታችን እግር ሥር
ምስጢረ መንግስተ ሰማያትን ተምሮ: በጸጋ መንፈስ
ቅዱስም ሰክሮ ብዙ
አሕዛብን ከጨለማ (ጣኦት አምልኮ) ወደ ብርሃን (አሚነ
ክርስቶስ) መልሷል:: እጅግ ብዙ መከራንም ተቀብሏል::

+የጌታችን ወንድም የተባለ ቅዱስ ያዕቆብ በአይሁድ
ከተገደለ በኋላም ቅዱስ ናትናኤል የኢየሩሳሌም 2ኛ
ኤዺስ ቆዾስ ሆኖ
አገልግሏል:: ከአይሁድም ዘንድ ብዙ መከራ ደርሶበታል::
በመጨረሻም በዚህች ዕለት በሰማዕትነት አልፏል::
በገድለ
ሐዋርያት ላይ እንደተጠቀሰው ቅዱሱ ሰማዕት የሆነው
በ150 ዓመቱ ነው:: ያ ማለት ደግሞ ከሐዋርያት አባቶች
በመጨረሻ
ያረፈው እርሱ ነው ያሰኛል::

❖እግዚአብሔር በቅዱስ ናትናኤል ምልጃ ሃገራችንን
ከጥፋት: ሕዝቦቿንም ከመቅሰፍት ይሰውርልን::
ከበረከቱም አይለየን::

=>ግንቦት 15 ቀን የሚከበሩ ዓመታዊ የቅዱሳን በዓላት=
1.ቅዱስ ናትናኤል ሐዋርያ (ቀናተኛው ስምዖን)
2.ቅዱስ ሚናስ ባሕታዊ
3.ቅዱስ ቀርጢኖስ ሰማዕት
4."400" ቅዱሳን ሰማዕታት

=>ወርሐዊ በዓላት
1.ቅዱስ ቂርቆስና እናቱ ኢየሉጣ
2.ቅዱስ ኤፍሬም ሶርያዊ (አፈ በረከት)
3.ቅዱስ ሚናስ ግብፃዊ
4.ቅድስት እንባ መሪና
5.ቅድስት ክርስጢና

=>+"+ ጌታ ኢየሱስ ናትናኤልን ወደ እርሱ ሲመጣ አይቶ ስለ እርሱ 'ተንኰል የሌለበት በእውነት የእሥራኤል ሰው እነሆ' አለ:: ናትናኤልም 'ከወዴት ታውቀኛለህ?' አለው:: ጌታ ኢየሱስም መልሶ 'ፊልዾስ ሳይጠራህ ከበለስ በታች ሳለህ አየሁህ' አለው:: ናትናኤልም መልሶ 'መምሕር ሆይ አንተ የእግዚአብሔር ልጅ ነህ:: አንተ የእስራኤል ንጉሥ ነህ' አለው:: +"+ (ዮሐ. 1:48-51)

<<< ወስብሐት ለእግዚአብሔር >>>

Music

እግዚአብሔር እረኛዬ ነው፥ የሚያሳጣኝም የለም።
በለመለመ መስክ ያሳድረኛል፤ በዕረፍት ውኃ ዘንድ ይመራኛል።
ነፍሴን መለሳት፥ ስለ ስሙም በጽድቅ መንገድ መራኝ።
በሞት ጥላ መካከል እንኳ ብሄድ አንተ ከእኔ ጋር ነህና ክፉን አልፈራም፤ በትርህና ምርኵዝህ እነርሱ ያጸናኑኛል።
በፊቴ ገበታን አዘጋጀህልኝ በጠላቶቼ ፊት ለፊት ራሴን በዘይት ቀባህ፥ ጽዋዬም የተረፈ ነው።
ቸርነትህና ምሕረትህ በሕይወቴ ዘመን ሁሉ ይከተሉኛል፥ በእግዚአሔርም ቤት ለዘላለም እኖራለሁ።
መዝሙረ ዳዊት ምዕ. 23 ቁ 1-6

እኛ እንቸኩላን እንጂ እግዚአብሔር አያረፍድም
ሁሉንም በትእግስት ጠብቅ🙏🙏🙏❤️

"ማዝናኛው" ማሳዘኛ እንዳይሆን!!!
@አርክቴክት ዮሐንስ መኮንን
------------------------

በፋና ቴሌቪዥን ከካም ግሎባል ፕሮዳክሽን ጋር በመተባበር የሚያስተላለፈውን "ድራማ" ዐይን ጥሎኝ ዛሬ ምሽት ዐየሁት። ቀልቤን የሳበኝ በድራማው ላይ የኦርቶዶክሱ "ቄስ" የተሳሉበት መንገድ ነው።

- የለበሱት ባለ ሠፊ ጥለት የሴት ነጠላ ነው። አለባበሱም የአባቶች አይደለም (ካህናት እንዲህ አይለብሱም)
- በመስቀሉን በሥርዓት ማማተብ አይችሉበትም።
- የሰው ችግር አይገባቸውም።
- ወሬያቸው ሁሉ "ድል ያለ ድግስ" ይደገስ እና እንብላ የሚል ነው
- አረማመዳቸው ከርፋፋ እና ሸፋፋ ነው
- ጥምጥማቸው ያላዋቂ ነው ...

ብዙ ማለት ይቻላል። ቁምነገሩ ግን አዘጋጆቹ ዐውቀውትም ሆነ ሳያውቁ የቤተክርስቲያኒቱን ምልክት ላይ ማፌዛቸው ነው። ፈረንጆቹ ይህን የመሰለን ነገር "Character assassination" ይሉታል። መልካም ስምን ጥላሸት መቀባት እንደማለት።

በአውሮፓ በ16ተኛው መ.ክ.ዘ የነበሩት ቶማስ ሙርን የመሰሉ ተቺዎች ያዘጋጇቸው ጽሑፎች የካቶሊክ ካህናትን "ስህተት" ለማሳየት ያለሙ ቢሆንም በሂደት ህዝቡን ከካህናት ሳይሆን ከክርስቶስ፤ ከቤተክርስቲያን ሳይሆን ከክርስትና እስከወዲያኛው አለያይተውት ቀርተዋል።

በአደባባይ በሚታዩ ድራማዎች እና ቴአትሮች የጦር መሣሪያ መያዝ ካስፈለጋቸው አስቀድመው ከመሣሪያው ባለቤት እና አስተዳዳሪ ከፖሊስ በጽሑፍ ፈቃድ ጠይቀው የሚያገኙ ሲሆን የቤተክርስቲያኒቱን ነዋያተ ቅድሳት እና ምልክቶች ግን ያለማንም ፈቃድ በአደባባይ መቀለጃ ማድረጋቸው ያሳዝናል። ያስቀይማልም።

የቴሌቪዥን ጣቢያውም ቢሆን ይህንን የመሰለ "ድራማ" ምእመናን ማዝናናቱ ቀርቶ ስለሚያሳዝናቸው ተመልካች ደምበኛ የሚያስገኝላቸው አይመስለኝም። ሳያውቁ ከሆነ ያደረጉት ስህተታቸውን እንደሚያርሙት ተሥፋ አደርጋለሁ።

#የድሆች_መጠጊያ

የድሆች መጠጊያ ቤተክርስቲያን/2/
እነሆ ተደሰች ልጆችሽ መጣን/2/

ሰላም /2/ የዘላለም ቤቴ /2/
ካንቺ አልለይም እስከለተ ሞቴ

ሰላም ላንቺ ይሁን ቤተ ክርስቲያን/2/
በደሙ ያጸናሽ ኢየሱስ መድህን/2/

ቤተክርስቲያን ሆይ የአማንያን እናት/2/
ወዳንቺ ቀርበናል እንድናገኝ ህይወት/2/

ቅረቡ ወጣቶች ባንድነት ሆናችሁ/2/
እጆቿን ዘርግታ ልትቀበላችሁ
ተነስታለችና ቅድስት እናታችሁ

💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

ውዳሴ ማርያምን እየጸለዩ ከታንክና መትረጊስ አረር ዳኑ

ሊቁ መልአከ ብርሃን አድማሱ ጀምበሬ የቤተ ክርስቲያንን ሊቃውንት መንፈሳዊ ሕይወት በአጭሩ በተረኩበትና ቅኔያቸውን ሰብስበው ባሳተሙበት “መጽሐፈ ቅኔ” የሚያስደንቁ ተአምራትና የሊቃውንጽ የተጋድሎ ሕይወት ተካትቶበታል። አስደናቂ ከሆኑት ታሪኮች አንዱ የአለቃ ፈንቴ ዘዋሸራ ከጻንክና ከመጽረጊስ አረር መትረፍ ነው።
የአለቃ ፈንቴ የትውልድ አካባቢ ጎጃም ዋሸራ ማርያም ነው። ሊቁ ዜማና ቅኔ በሚገባ ተምረው አስመስክረዋል። ወንበር ዘርግተው፣ ጉባኤ አስፍተው የሚኖሩት ግን ቅኔ በማስተማር ነው። አለቃ ፈንቴ ከጉባኤ የተረፋቸውን ጊዜ ሳያቋርጡ ውዳሴ ማርያም በመጸለይ ያሳልፉት ነበር። ፍሽስት ኢጣሊያ አገራችንን ኢትዮጵያን በወረረች ጊዜ በየገዳማቱ የነበሩ ሊቃውንትንና መነኰሳትን ከዐርበኞች ባልተናነሰ የጥቃት ዒላማው አድርጓቸው እንደነበር በጦርነቱ የተሳተፉ ኢትዮጵያውያን ዐርበኞች በጻፏቸው መጻሕፍት ብቻ ሳይሆን ራሳቸው ጣሊያኖችም፣ እንደ ኢያን ካምቤል ዓይነት ምሁራንም አረጋግጠዋል።
በፋሽስት ኢጣሊያ ወታደሮች ዒላማ ከሆኑ ገዳማትና አድባራት አንዷ ዋሸራ ማርያም ነበረች። ጠላት የደብሩን ካህናትንና ሊቃውንት ሰብስቦ በመድፍ እና በመትረጊስ ሲፈጃቸው የመከራ እሳት ከሚያዘንብው መድፍና መትረጊስ አረር የተረፉት “ውዳሴሃ ለእግዝእትነ ማርያም ድንግል ወላዲተ አምላክ፡- አምላክን የወለደች የእመቤታችን የቅድስት ድንግል ማርያም ምስጋና” በማለት እየጸለዩ ወጥተው በመሔድ መሆኑን መልአከ ብርሃን አድማሱ ጀምበሬ ይነግሩናል።
በአገራችንም፣ በቤተ ክርስቲያናችንም ሆነ በግላችን የተወረወረ ጠጠር፣ የተሰበቀ ጦር ሲመክን የኖረው፣ ወደ ፊትም ሲመክን የሚኖረው ሳያቋርጡ “ውዳሴሃ ለእግዝእትነ ማርያም ድንግል ወላዲተ አማላክ” በማለት አባት እናቶቻችን በሚጸልዩልን ጸሎትና እኛም እንደ አቅማችን ሰአሊ ለነ ቅድስት በማለት መሆኑን የሊቁ ሕይወት ያስገነዝበናል።

‘የኖኅ መርከብ የቤተ ክርስቲያን ምሳሌ ናት፡፡ ሆኖም ቤተ ክርስቲያን ከኖኅ መርከብ እጅግ ትለያለች፡፡ ወደ መርከቡ የገባ ዶሮ ሲወጣም ዶሮ ነው፡፡ ተኩላውም ከመርከቡ ሲወጣ ተኩላ ነው፡፡ ከቤተ ክርስቲያን ግን ዶሮ ገብቶ ርግብ ሆኖ ይወጣል፡፡ ተኩላውም በግ ሆኖ ይወጣል፡፡ ቤተ ክርስቲያን ኃጢአተኞችን ተቀብላ ጻድቃን አድርጋ የምታወጣ መርከብ ናት’’ ቅዱስ ዮሐንስ አፈወርቅ

ይህ ለሙስሊሞች የተሰጠ መልስ ነው በዲያቆን ቢኒያም ፍሬው የተሰጠ መልስ ሰሞኑን #በዋልታ ላይ ባደርጉት ስህተት የተሰጠ መልስ ነው አዳምጡት እሽ እንንቃ👆👆👀

Share በማድረግ ላልሰሙት አሰሙ
@Mariyam_Kidest

ዲያብሎስ ወደ እኛ የሚልካቸውን መዳለያዎች እንዴት ልንቋቋም እንችላለን???

የመጀመሪያው ነገር በጸሎት ነው።

✅ደካማነታችሁን ወደ ጌታችን አምጡት በአጋፔ ጸሎታችን እንደምንለው <<ጻድቅ በጭንቅ የሚድን ከሆነ እኔ ኃጥኡ የት ልቆም እችላለሁ? በድካሜና በተሰባሪነቴ የቀኑን ሸክምና ቃጠሎ መታገስ አልቻልኩም።>> ብላችሁ ለምኑ። ከቅዱስ ጳውሎስ ጋር፦ <<ለዚህ ለሞት ከተሰጠ ሰውነት ማን ያድነኛል?>> ብላችሁ አልቅሱ። ከመዝሙረኛው ጋርም፦ <<ድውይ ነኝና አቤቱ ማረኝ>> (መዝ ፮፥፪) በእግዚአብሔር ፊት ደካማነቱን የሚገልጽን ሰው ዲያብሎስ ሊያጠቃው አይችልምና።

✅ሁለተኛው ነገር ኃጢአትን መጥላትና የኃጢአት ነጋዴ የሆነውን ዲያብሎስን እንዴት መጥላት እንደሚቻል ራስን ማስተማር ነው። ከእራት ላይ የሚያስነሷችሁን ነጋዴዎች መቋቋምን እንደምትለምዱ ኃጢአትና ዲያብሎስን መጥላትን ተማሩ።

✅ሁላችንም በመጨረሻ በክርስቶስ የፍርድ ወንበር ፊት እንደምንቆምና የኃጢአት ደሞዝ ሞት እንደሆነ አትርሱ። የአጋፔ (ጸሎትን) ቃላትን አስታውሱ፦ <<እንሆ በጌታ የፍርድ ወንበር ፊት የምቆም ነኝ፤ በኃጢአቴ አፍራለሁ፤ እጨነቅማለሁ!!>>

ስለዚህ ጸሎትና የፍርድ ቀንን ማሰብ የመከላከያ መንገዶቻችሁ ናቸው።

እግዚአብሔር አምላክ ያስተማረንን በዕዝነ ልቦናችን ያሳድርብን።

አቡነ አትናቴዎስ እስክንድር እንደጻፉት
ዲ/ን ሄኖክ ኃይሌ እንደተረጎመው
በረድኤት ቀረበላችሁ!

መጽሐፍ ቅዱስ እንዲህ ይላል፦ <<ባለጋራችሁ ዲያብሎስ የሚውጠውን ፈልጎ እንደሚያገሳ አንበሳ በዙሪያችሁ ይዞራልና።>> (1ኛ ጴጥ ፭፥፰)

ሰዎችን አድ እያደረግን ቅዱሱን ቃል እንማማር እንደምታውቁት ቅድስት ቤተክርስቲያን ያለችበት ሁኔታ ግልጽ ነው ቢሆንም ግን ቃሉን እግዚአብሔር በፈቀድ መጠን ቢያንስ እቤትም ሥራ ቦታችንም ላይ ሆነን መከታተል እንችላለንና ወዳጅ ዘመዶቻችንን በሥራ ቦታችንና በዙሪያችን የሚገኙ እህት ወንድሞችን #አድ በማድረግ ቤተሰብ እናድርጋቸው።
#share
💚@yemariyam2121 💚💛@yemariyam2121 💛❤️@yemariyam2121