ለውብ ቀን
💚


እግዚአብሔርም ብርሃኑን ቀን ብሎ ጠራው፥ ጨለማውንም ሌሊት፡ አለው። ማታም ሆነ
ጥዋትም ሆነ፥ ማክሰኞም ሆነ ለውብም ማክሰኚት እንዲሆን እንዲህ አልን💓


👉🍂ሲታሰብ ከባድ ቢመስልም በአንድ ወቅት ውስጥህን ያቆሰሉትን ያቆሸሹትን
የጎዱህን የጣሉህን ሁሉ ተዋቸው።
አንተ ደስታህን ሊሰጥህ ስለሚችል ነገር ብቻ ላይ ትኩረትህን አድርግ።


ባሳዘኑህ ነገሮች ላይ ባተኮርክ ቁጥር አሁን ያለህን የደስታህን ጊዜ ታጣዋለህ። በቻልከው
መጠን አስተሳሰብህን ቋጥሮ ከያዘክ የሀሳብ እስር ቤት ራስህን በራስህ አውጣ።


ስለ ህመምህ ብቻ ካሰብክ ከፊትለፊትህ ያለውንንና እንዳትንቀሳቀስ ያደረገህን ግርግዳ
ራስህ በራስህ ታጠነክረዋለህ።


ከፊትህ ያለውን ግርግዳ ናቀውና እለፈው ትልቅነቱን ሳይሆን
የአንተን የአሁን የደስታህን ትልቅነት ብቻ አስብ።


ስላለፈው ሳይሆን ስለአሁኑ ስለቀረው ሳይሆን ስለመጪው የምታስብ ሁንና ደስታህን
በእጅህ አድርግ።

ውብ ቀን!💚

@wegoch
@wegoch

ዘመቻ 'X' ን ፍለጋ! ዳይ!
~~~~~~~~~~~~~
ወደ ፈተና አታግባን ብለን ብንፀልይም ይኸው ዘላለም አለማችንን 'X' ን እንፈልጋለን፡፡ 'X' ሁል ግዜ እንደ ጎረቤታችን አሰለፍ ቀዥቃዣ ልጅ እንደጠፋች ነው፡፡ የጎረቤታችን ልጅ መጥፋት ልማዱ ነው፡፡ በቀን እንኳን አንድ አራቴ ይጠፋል... እናቱ ትጮሀለች... "ኡኡኡኡኡ ልጄን መኪና በላው! እኔ አሁን እናት ነኝ ወይይይይይ" (ወይይይይይ የምትለዋ የመጨረሻዋ ቃል ረዘም ያለች ነች እንደ ቅጥቅጥ መኪና ሞተር፡፡) የሰፈሩ ሰው እንደ ቆዳ ፋብሪካ ጩኸታም ደወል እሷ ስትጮህ ጠብቆ ቁርሱን ይበላል... ወንድ የቀጠረች ኮረዳ እየተጣደፈች ትወጣለች... ባለ ዲግሪው ወጣት ስራ ሊፈልግ ወጣ... ደወል ነች አሰለፍ (በበጎ ፈቃደኝነት ሰፈሩን ታነቃለች፡፡ "ኡኡኡኡኡኡ ልጄን መኪና በላው! አሁን እኔ እናት ነኝ ወይይይይይይይይ... ልጁም ሰዓቱን ጠብቆ ይመጣል፡፡ አይደንቃትም... አመል ሆኖባት ነው የምትጮኸው... ትንሽ ይቆይና ጩኸት እንሰማለን... "ኡኡኡኡኡኡኡ... አሁን እኔ እናት ነኝ ወይይይይይይይ" ሰፈሩ ምሳውን ይበላል... ያ ከይሲ ልጅ ነው ይባላል...ማንም አይፈልገውም ያንን እንደ አዲሱ አንድ ብር በየደቂቃው የሚጠፋ ልጅ... አንዳንዴ ልጁ አርፎ እቤት ከተቀመጠ የሰፈሩ ኑሮ እና ህይወት ፍፁም ይስተጓጎላል፡፡ ሰራተኞች ያረፍዳሉ (ደሞዛቸው ይቆረጣል፡፡) የቀጠረ ይቀራል... የተነፋፈቀ ይጣላል... "እድሜ ለአሰለፍ ልጅ!" ይባላል... የታመመ የሚመስላቸው ራሱ ብዙ ናቸው፡፡ በቀጣይ ቀን ኑሮ ይቀጥላል... አሰለፍ በጠዋቱ ቶጮሀለች!
'X' ራሱ እንደ አሰለፍ ልጅ ትመስለኛለች፡፡ አሰተማሪው የትም ይንዘላዘልና ማጣፊያው ሲያጥረው ጩኸት ይጀምራል "ኡኡኡኡኡኡ Xን ወረቀት በላው! አሁን እኔ ቲቸር ዘውዴ ነኝ ወይይይይይይ?!"
X ዘመዴ ምናምን ትመስለኛለች... ያለ X ኑሮ ኑሮ አይሆንም! ለዛ ይመስለኛል ዘላለም አለማችንን የምንፈልጋት... በህይወታችን ከእግዜር... ከሚስት እና ከገንዘብ ቀጥሎ እንደ X የፈለግነው ነገር የለም፡፡ X እንደ አሰለፍ ልጅ ነች... ልክ "ፈልጋት" ስትባል የፈተና ሰዓት መድረሱን ትገነዘባለህ፡፡ ራስህን ይዘህ ትጮሀለህ... አሁን እኔ ተማሪ ነኝ ወይይይይይይይ?!
X ሆይ ወዴት ነሽ?
ዘመቻ Xን ፍለጋ ቀጥሏል...
ምን ለማለት እንደፈለግሁ በግልፅ ባይገባኝም ለመግለፅ ልሞክር በግልፅ... (ኸረ ገለፃ! :) )
የወደፊት ሚስቴ ሆይ የመፈለግ አቅሜ 'X'ን በመፈለግ ስለተዳከመ ግማሽ መንገድ ወደ እኔ በመምጣት ካልተባበርሺኝ ዘላለም አለማችንን በብቸኝነት በረንዳ ላይ ተቀምጠን ነጠላ እና ጋቢ እየቋጨን በብቸኝነት መሞታችን ነው!... አስተውይ! :)
እንደዛ መሰለኝ...
(በረከት ታደሰ)
(በረከት ታደሰ)

@Wegoch
@wegoch

ስለ መገለማመጥ... (ይሄ ውስጣዊ ብሶት ስለሆነ መሀረብና ሙሉ ስኒ አጥሚት ይዘህ አንብበው)
፠፠፠፠፠፠፠፠፠፠፠፠፠፠፠
ገላመጠችኝ!
ልክ ደረጃውን ስንወርድ ደረጃው በሰው ተሞልቷል! የአንበሳ ባስ ተሳፋሪ እንኳን በእስታይል መገፋፋት በጀመረበት ሰዓት አገጭ ለአገጭ እየተሻሸን እንወርዳለን፡፡ ልጅቷ ቀይ ነች ሰው በሞላበት ደረጃ እንዴት አይን ለአይን እንደተያየን እንጃ! አየችኝ አየኀት... ብዙ ነገር በሀሳቤ ሳልኩ (ይሄ ሁሉ ሲሆን ዙሪያዬ በሰው ተጥለቅልቆ እታች ወተት የሚታደል ነው የሚመስለው) ደስ ትላለች! ተዋውቀን ተሳስቀን መለያየት ትልቅ ትርጉም ያለው መሰለኝ... ዞሮ ዞሮ የህይወት ትርጉም ነጭ ፂም ካበቀለ ሽማግሌ አንደበት ውስጥ የምትፈልግ ከሆነ ፍፁም ተሳስተሀል፡፡ የህይወት ትርጉም በመተዋወቅ ይጀምራል... ከዛ ምንም ይፈጠር! በቀኑ እና በእድሜያችን መጨረሻ ግን የምናተርፈው ቁርጥራጭ ትዝታ መሆኑን እንዳንረሳ!
ልጅቷ ጋር ነበርን... ልክ እንዳየችኝ እንደ አባቷ ገዳይ ፣ እንደ እህቷ ልጅ አባት (አስረግዞ የጠፋ...)፣ እንደ የሆነ ነገር አይታ መብረቅ ቀረሽ ግልምጫ ገላመጠችኝ፡፡ እርግጠኛ ነበርኩ ከዚህ በፊት አይቻት እንደማላውቅ...
ጥያቄ!
ቆይ ግን ምን አመጣው መገለማመጡን?
እንደተያየን ዝም ብሎ መተላለፍ ሲቻል... ትንሽ ሲሻሻል "አንተ እለፍ፣ አንቺ እለፊ" እየተባባልን አርባ ደቂቃ ጥሩ ሰው መሆን ሲቻል... በጣም ስናሻሽለው ሰፈሯ ድረስ በበጎ ፈቃደኝነት አዝዬ ላደርሳት ስችል... ግልምጫውን ምን አመጣው?
ይኸውልሽ... ነገ ተያይተን የማይሰፈር ሳቅ መሳቅ ስንችል ይሄ ጉርድ በርሜል የሚገለብጥ ግልምጫሽን ባትለጥፊብኝ ምን ነበረበት?
ብቻ ዋና ሀሳቡ positiveness ይባላል፡፡
የሆነ ሰው በአንቺ ፈገግታ ቀኑ እንደ ስጋ ቤት አምፖል ሲበራ አየሸታይሽም?
የሆነ የተስፋ ውሉ የጠፋው ሰው በፈገግታሽና ጥሩ ፊትሽ የተወዳጅነት ስሜት ሲሰማው... ሲያልፍም ወዳጅሽ ሲሆን አይታይሽም?
ፀሀይ ብርሀን አይደለችም! ሰው ነው ሙሉ ብርሀን! ፀሀይ ፊት እንጂ ስሜት አታበራም!
ብቻ... ፈገግታሽ ልብ እና ነፍስ እንደሚያሞቅ ካልገባሽ... ትልቁ ስህተትሽ እሱ ይሆናል፡፡
በመጨረሻም...
ስትስቂ ሲያምርብሽ ብታዪ... ሳቅሽን እያየ ስንት ሰው እንቅፋት እንደመታው ብታዪ... እንቅፋቱ የአውራ ጣት ጥፍሩን እንደነቀለው ብታዪ... አውራ ጣቱ ላይ ያስጠመጠመውን ክቡን የቁስል ፋሻ አይተሽ "ማንኪያ ይመስላል" ብለሽ ስትስቂ... ያ ደግሞ ለሌላ ሰው ትርፍ ይሆናል ብለሽ አስቢ!
እንደዛ መሰለኝ...
(በረከት ታደሰ)


@wegoch
@wegoch

ለውብ ቀን
💚

የእናቶች ፀሎት እና ልመና ጠብ የምትል አይደለችም!! ያደለው ቅዱሳንን ተማፅኖ እንዲህ
ቤቱ በተአምራት ይሞላል! ይባረካል ይፈወሳል


እግዚአብሔር ሁላችንም ወደ ልቦናችን ይመልሰን እና በእጃችን የያዝነውን እንቁ
እንድናስተውል ይርዳን።



መልካም የፍልሰታ ጾም ይሁንላችሁ። የጾሙ ጊዜ በጸሎት፣ በፍቅር፣ በእርቅ፣ በተስፋ፣
በትብብርና በመልካም ስራ እንዲያፍልን የሚቻለንን ሁሉ እናደርግ

ውብ ቀን💚

@wegoch
@wegoch

የሚቀጥለው ፋሲካ
(በእውቀቱ ስዩም)
(የሚያስተክዝ ትዝታ)

ያኔ ልጅ እያለሁ ፤ የፍልሰታ ጦምን እስከዘጠኝ ሰአት እፆም ነበር:: የፆም አላማ ፤ወደ እግዚያብሄር ለመቅረብ፤ በረከት ለማግኘት እና ሀጢአትን ለማስተረይ እንደሆነ ይታወቃል :: እኔ ግን የምጦመው በፆም ወቅት ቤት ውስጥ ምግብ ስለማይሰራ ነው፤ ጦሙ ሊገባ ሁለት ቀን ሲቀረው እናታችን፤ ያንን ትልቁን ብረትድስት ፤ ለሁለት ወራት ስለማትፈልገው፤ ለእትየ ፋጤ ታከራያቸዋለች፤ እትየ ፋጤ በመላው ዳሞት ብቸኛ የሙስሊም ምግብ ቤት ያላቸው ሴትዮ ነበሩ፤
በፍስክ ወቅት፤ትምርት ቤት ከምንዘምራቸው መዝሙሮች ውስጥ፤
"ሳይንስ ሳይንስ መዳኒቴ
አስታወሰኝ ጤንነቴ ( ምን ለማለት ተፈልጎ ነው ግን?)
ፊቴን ታጥቤ ፤ቁርሴን ስበላ
ሳይንስ ትዝ አለኝ፤ ከጤና ጋራ"
የሚለው አይዘነጋኝም፤በፆም ወቅት ግን ፤መዝሙሩን ትንሽ አስተካክለን እንደሚከተለው እንዘምረዋለን፤
ሳይንስ ሳይንስ መዳኒቴ
……
ፊቴን ታጥቤ ቁርሴን ባልበላም
እናት አገሬ ሁኝልኝ ሰላም
በፆም ወቅት፤ አያሌ ምእመናን ጊዝያቸውን፤ በፆሎትና በስግደት ያሳልፉታል:: እኔ ግን በፆም ወቅት ቀኑን የማሳልፈው ፤ አላፊ አግዳሚውን እያስቆምኩ ፤ ሰአት በመጠየቅ ነው:: (ዘጠኝ ሰአት ካልሞላ እህል ወደኛቤት አይደርስም፤)
ለምሳሌ ጋሽ በለው በቤታችን በር በኩል ሲያልፉ ጠብቄ፤
"ጋሼ ስንት ሰአት ነው?"
ጋሽ በለው ፤ የእጅ ሰአት ለማሰር ከታደሉት ጥቂት የማንኩሳ ነዋሪዎች አንዱ ነበሩ:: ከሴኮ ሰአታቸው የሚመነጨው ኩራታቸው ወሰን አልነበረውም፤ ሰአትን የፈለሰፈው ሰውየ እንኩዋ የሳቸውን ያህል አይንጠባረርም !! የእጅ ሰአቱን ፤የዳሞትን አውራጃ በመወከል ፤በውሃ ዋና ውድድር አሸንፈው፤ ከጃንሆይ የተሸለሙት ነው ይባላል:: የዋና ችሎታቸውን ለማጋነን በየጠላ ቤቱ እሚወራው ብዙ ነው፤ አንዳንዴ ጋሽ በለው፤ ሲደብራቸው፤ ጣና ላይ ዳይቭ ገብተው ፤ ቀይ ባህር ላይ ብቅ ይሉና የባህር ሃይላችንን ሰራተኞች “ጉዋዶች በርቱ!” ብለው፤ ይመለሳሉ ይባላል::
በነገራችን ላይ "አሳ በለው በለው" የተባለው ዘፈን ለሳቸው ነው የተዘፈነው ለእሳቸው መሆኑን ስንቶቻችን እናውቃለን?፤ እና ሰአት ስጠይቃቸው፤ በኩራት ፈገግግግ ብለው፤ እስክስታ እንደሚመታ ሰው ግራ እጃቸውን ትንሽ ርግፍ ርግፍ አድርገው፤ በክርናቸው ነፋሱን ጎስመው፤ አይበሉባቸውን ወደ ፊታቸው ያመጡና ግንባራቸውን ቁዋጠር ፈታ ሲያረጉ ቆይተው፤
" ሰባት ሰአት ነው" ይሉኛል::
“ትንሽ አጠገባቸው ቆሜ ኦና ሆዴን ሳክ ከቆየሁ በሁዋላ “አሁንስ?"
“ሰባት ካምስት”
“አሁንስ?”
"ወግድ ከዚ"
እኔም ከዚ እወግድና ሌላ ሰአት አስሮ የሚያልፍ ሰው እጠብቃለሁ:: ዘጠኝ ሰአት የሚባለው ነገር እየተንቀራፈፈ፤ እሪህ ያለበት ኤሊ እየጋለበ ፤ እስኪመጣ ድረስ እጠብቃለሁ፤
ጦም ሲታሰብ ፍስክ ትዝ ይለኛል፤ ፍስክን ሳስብ ትንሽ ወንድሜ ሞሴ ይመጣብኛል ፤ ሞሴ እንቁላል አጥብቆ ይወዳል ፤ ሞሴ እንቁላል ከመውደዱ የተነሳ የሰጎን እንቁላል ከቤተክስያን ጉልላት ላይ አውርዶ ቢቀቅል አይጠላም፤ ያኔ እንቁላል የሚባል ነገር መኖሩ ትዝ የሚለን በሁለት አጋጣሚዎች ነው፤ በሳይንስ ክፍለጊዜ ስለገንቢ ምግብ ስንማር እና የፋሲካ ሌሊት ፤ የፋሲካ ሌሊት እናታችን በትልቁ ሰታቴ ብስል ያጋም ፍሬ የመሰ ዶሮ ወጥ ሰርታ አስራሁለት ቅቅል እንቁላል ትጥልበታለች ፤
ያገራችን ዶሮዎች፤ ከላይ ጆፌ አሞራ እያንጃበባቸው፤ ከታች ጎረቤት በቅዝምዝም እያባረራቸው ፤ ተሳቀው ጭረው፤ የሚጥሉት እንቁላል ከውሃ ብይ አይበልጥም፤ እንድያውም አንዳንዳንዴ ፤ከዶሮይቱ እንቁላል ፤የዶሮይቱ አይን ይተልቃል፤
ባንዱ ፋሲካ ዶሮ ወጥ ከብበን ስንበላ፤ እናታችን በየፊታችን እንቁላሎችን አስቀመጠችልን፤ ሞሴ ድርሻውን አንስቶ፤ በትንሽ በትንሹ እየቆረሰ፤እየቆጠበ በልቶ ጨረሰ፤በጉንጩ ገበር ላይ ተለክኮ የቀረውን የንቁላል ቅሪት በምላሱ ጠርጎ አጣጣመ፤ከዚያ ፤
“እማየ”
“አቤት ልጄ ”
“የሚቀጥለው ፋሲካ ስንት ቀን ቀረው?”

@WEGOCH
@WEGOCH

ከውልብታ ገፅ ላይ ስንቆነጥር
(ለመዝገን ፈልጋቹ አንብቡት)

ሥም ያለው
(ገፅ 22)
ታክሲ ውስጥ ገብታ ልትቀመጥ ከወደኋላዋ ድምፅ ሰማወሁ "ጡ...ጥ"

ከሷ ፊት ስለተቀመጥኩ በመገረም ዞር ስል በሀፍረት ጥሬ አክላ አገኛታለሁ ያልኳት ባለድምፅ እኔ ላይ አፍጣ:-

"ምነው? ስምህ ነው እንዴ?"አለችኝ።

"ስም ያለው ሞኝ ነው" ደገመችኝ።
***

መምጣትና መሄድ
(ገፅ 21)
ተገናኙ
"በምን አፈቀርከኝ?"
"በውስጣዊ ውበትሽ"
"ውበት ከፈለግክ ሌላ ቦታ ሂድ÷ ውስጣዊ ውበት ሳይሆን ሥነምግባር ነው ሚባለው።"

....ተለያዩ።

***
ግብይት
(ገፅ 49)
"ቅቤ፣ ቅቤ።……ቅቤ!"

"ባለ ቅቤ"

"አቤት"

"ሁለት ኪሎ ቅቤ ለቅዳሜ አምጣልኝ"

"እሺ"

"አደራህን"

"እረ ግዴለም፣ደንበኝነት ለመቼ ነው?"

"አደራህን፣ አደራህን"

"ምን ሆነዋል? ግዴለም እያልኮት"

"አደራ ያልኩህ ለምን እንደሆነ አላወከውማ"

"ለምንድንነው?"

"ሙዙን ጠቃጠቆ አድርገው"
--------------
"ውልብታ"
ደራሲ- አለማየሁ ገላጋይ
ዋጋ -71.50
ገጽ ብዛት - 160

@WEGOCH
@WEGOCH

🇪🇹🇪🇹🇪ዘጠነኛው የብርሃን ዕለት የመጀመሪያው ማክሠኞ ነሀሴ 7። ይምጡና አብዝተው ያትርፉ እንድቅትዮን በ አዲስ አበባ ትያትር እና ባህል አዳራሽ(ፒያሳ) ።
ልዩ እና እውቅ የጥበብ ሰዎች ግጥም እና ወግ በባህላዊ ሙዚቃ ታጅበው ያቀርባሉ።

እማይቀርበት ልዩ የጥበብ ምሽት!


@getem
@wegoch
@tebeb_mereja

ህይወት እንዲሁናት መሰለኝ.. ..።


ከእለታት አንድ ቀን ድንገት ከእንቅልፍህ ስትነቃ .....ሁሉም ነገር የሌለህ መስሎህ
በሚሰማህ ግዜ ሁሉን ነገርህን የምትሆንልህን እናትህን አጥተህ እራስህን
ታገኘዋለህ.....ትኖራለህ።


ደሞ ሌላ ግዜ ድንገት ሁልግዜ የምትኮራበትን ይምትመጻደቅበትን አባትህን እራስህን
ታገኘዋለህ.....ትኖራለህ።
ደሞ እንደገና በመኖርህ ውስጥ ድንገት ስትነቃ ፍልቅልቅ ጨቅላ ልጆችህን አጥተህ
እራስህን ታገኘዋለህ......አሁንም እየኖርክ ነው።
ኑሮ እየቀጠለ ነው።


አሁንም በምንቃትህ ውስጥ ደሞ ድንገት በህይወት መንሸራተት ወንድሞችህ ርቀውህ
አጥተሃቸው እራስህን ታገኘዋለህ ........መኖር ቀጥሏል።
......ደሞ ድንገት ስትነቃ እንዲሁ የወደድከውን ያፈቀርከውን አጥተህ እንደተለመደው
እራስህን ታገኘዋለህ......ህይወት እንደቀጠለች ነው።
የማጣቱ ምክንያቱ....ተፅእኖው.....አይነቱ ይለያያል።
.....ግን ግን ሁሉም ማጣትን መለየትን ያሸክሙሃል።
ሌላ ግዜ ደሞ ድንገት ዝሸክምን ችሎ ለመኖር በልምምድ ውስጥ ሆነህ እራስህን
ታገኘዋለህ .... ከተስፋ መቁረጥ ጋር ትንቅንቅ ገጥመህ። አንዳንዴ ለመኖር የምትፈተነውን
ያክል መኖር ለማቆምም ከባድ ፈተና መሆኑን ትረዳለህ። .
.
.
.
.ድንገት ደሞ ሌላ ግዜ ስትነቃ የትዕግስትህ መጠን አድጎ ....ቻይነትህ
ጎልብቶ.......ማስተዋልህ በዝቶ በህይወትህ ያገኘሃቸው...የተደረጉልህ......ያሉህ ነገሮች
በህይወትህ ካጣሃቸው....ካልተደረጉልህ....ከሌሉህ ነገሮች እጅግ በጣም የበዙ
መሆናቸውን ተገንዝበህ ፈጣሪን ስታመሰግን እራስህን ታገኘዋለህ ። .......
.
.
.
.
ለጊዜው ድንገት በመንቃቴ ውስጥ
በዚህ ስሜት ውስጥ ሁኜ እራሴን አገኘሁት። ""ተመስገን ፈጣሪዬ!!!!!! እባክህ ትዕግስቱን
ስጣኝ "" ስል ሙሉ ለሙሉ ነቃሁ።


ውብ ቀን!💚

@wegoch
@wegoch
@balmbaras

ኑሮ ግን ሲጢጢጢጢም!
፠፠፠፠፠፠፠፠፠፠፠፠፠
ወደ ክላስ እየሄድኩ ነው፡፡ ሁሌ ታክሲ የምይዝበትቦታ ቆሜያለሁ፡፡ ፀሀይዋ በጋለ ጣቷ አናቴን ስትነካኝ ይሰማኛል... ፊቴን አጨፍግጌ ቆሜያለሁ፡፡ የሜክሲኮ ታክሲ እየጠራ ሰማሁ፡፡ መኪናው ጋር ስደርስ ከኀላ ካሉት ወንበሮች ውጭ ሞልቷል፡፡ ከኀላ የተቀመጡት ሰዎች ተጠጋጉልኝ... የኀላ ወንበር አልወድም! ከርዝመቴ ጋር ተደምሮ እንደ እኛ ቤት ሳሎን በጣምምም መጥበቡ አይመቸኝም! የሆነ በህገወጥ መንገድ ወደ የመን እየተሰደድኩ ይመስለኛል፡፡ በተለይ ደግሞ ትልቅ ቂጥ ያላት ሴት ካለች ሲኦል ነው፡፡ በሩ ስር ያለው ትርፍ ቦታ ተቀመጥኩ፡፡ የሆነ እጅ ነካኝ! ስዞር ሀይማኖት ነበረች... ሀይማኖት ማለት በአካል ብዙ አንተዋወቅም፡፡ የሰፈር ልጅ ነች... ሰሞኑን በፌስቡክ ማውራት ጀምረናል፡፡ ዘፋኝ መሆን ስለምትፈልግ ግጥም እንድሰጣት ጠይቃኝ ነበር፡፡ ሲጀመር የዘፈን ግጥም አልፅፍም! ሲቀጥል ደግሞ ሀይማኖቴ ዘፈንን ይቃወማል! ስላት ግጥሙ ቀረና ትንሽ ወዳጅነት ጀመርን፡፡ በአካል አሁን ገና ስትነካኝ ማለት ነው... "ሀይሚ እንዴት ነሽ?" አልኳት (ነች ብዬ ያሰብኳት ልጅ የምር እንዳሰብኳት ነች? ብዬ እየገመገምኩ...)
ፈገግ አለች፡፡ ጓደኛዋ አጠገቧ ነበረች... ሳታየኝ እጇን ዘረጋች፡፡ "ተጠጊለት እንጂ? ና እዚህ ጋ!" አለችኝ፡፡ አጠገባቸው ተቀመጥኩ፡፡ "ወዴት ነው?" አልኳት አይን አይኔን እያየች የሆነ አይነት ወሬ እንደጠበቀች ስለገባኝ፡፡ "ክላስ" ብላ ወሬውን አንገቱን ቆረጠችው፡፡ "በአካል ታስታውሺኛለሽ ብዬ አላሰብኩም ነበር..." ሀሳቤ ላይ የመጣው ወሬ ይሄ ነበር... "አዎ..." ብላ ዝም አለች...
ቀጣይ ወሬ አልነበረኝም! የማታውቀውን ሰው ለማዋራት ከመጣር የበለጠ ስቃይ የለም! ጓደኛዋ ሌላ ወሬ ጀመረች... እኔን አያሳትፍም፡፡ አጠገባቸው ተቀምጬ አጠገባቸው አልነበርኩም፡፡
አሁን ከራሴ ጋር አወራሁ
1) በስሷ ኪሴ የሶስት ሰው ሂሳብ ልከፍል ነው፡፡ ያውም እስከ ሜክሲኮ ድረስ የማያገባኝን እና መስማት የማልፈልገውን ወሬ እየሰማሁ፡፡
2) የባዳነት ስሜት እየተሰማኝ... የማውቃት ግን ፍፁም የማላውቃትን ሀይሚን የጓደኛዋን ፊት አልፌ ሳያት... እያዋራቺኝ ደግሞ አይደለም፡፡ እነንደ ጎረቤት ጨዋ ልጅ ዝምምምምምም ብዬ!
3) የሆነ ያልተጠራሁበት ድግስ ላይ የተቀመጥኩ መሰለኝ!
ያስጠሉኝ ነገሮች በዙ! ይሄንን ሁሉ ጣጣ ያመጣብኝ የኀላ ወንበር ስለሆነ ጠላሁት ፣ ኀላ ወንበር ላይ ያሉ ሰዎች ሁሉ አስጠሉኝ ፣ ኀላ ወንበር ላይ የሶስት ሰው ወንበር ይዛ የምታጣብብበዋ ቂጣም አስጠላቺኝ ፣ ቂጥ አስጠላኝ ፣ ታክሲ ሲያስጠላ ፣ ፌስቡክ ሲያስጠላ ፣ ማርክ ዙከርበርግ ከነ ወፍራም ባለ ኮፍያ ሹራቡ ሲያስጠላ ፣ ትርፍ መጫን ሲያስጠላ ፣ ትርፍ ስጋ ሲያስጠላ ፣ ሜክሲኮ ሜክሲኮ እያለ የሚጣራው ረዳት ድምፅ ሲያስጠላ ፣ ሜክሲኮ መሄድ ሲያስጠላ... በተለይ የምታውቀው ከሚመስልህ ግን ከማታውቀው ሰው አጠገብ መሄድ ሲ-ያ-ስ-ጠ-ላ!!!!!

ይሄንን እንዳሰብኩ ሀይማኖትን ስልክ በያዘው እጄ ጠራሁዋት፡፡ ወሬዋን አቋርጣ ዞረች... ወሬው ሲቋረጥባት ጓደኛዋም ዞረች፡፡ 'ጨርሻለሁ' አልኳት፡፡ ምን ለማለት እንደፈለግሁ እንጃ! ብቻ ሀሳቤ እሱ ነበር፡፡ ጨርሼ ነበር፡፡ ወረድኩ እና እየተጣራ የነበረውን ረዳት ተረኛ ታክሲ የትኛው እንደሆነ ጠየቅሁት፡፡ እነ ሀይሚ ግራ ገብቷቸው ያዩኛል፡፡ ግልግል የሆነ ስሜት ተሰማኝ! አርባ ኩንታል ሸክም የወረደልኝ ያህል ረጅም ኡፍፍፍፍፍፍፍፍፍፍፍፍፍፍፍ አልኩ!
ምን ገባኝ መሰለህ...
አንዳንዴ ዝም ብለህ ወስን፡፡ እየተጨነክ ያለኸው በትንሽ ነገር ነው፡፡ ወስን ወዳጄ! የኑሮህ መንገድ በእጅህ እንዳለ ይሰማሀል፡፡ የማንም ባለ እዳ አይደለህም! በየትኛውም መንገድ ራስህን አትሰር... ራስህን ፍታ ወዳጄ! ራስህን ነፃ አውጣ!

ከዛ... ከዛማ... በኩራት ተራመድ
(በረከት ታደሰ)


@wegoch
@wegoch
@wegoch

@tebeb_mereja
@tebeb_mereja
@tebeb_mereja

🇪🇹🇪🇹🇪ዘጠነኛው የብርሃን ዕለት የመጀመሪያው ማክሠኞ ነሀሴ 7። ይምጡና አብዝተው ያትርፉ እንድቅትዮን በ አዲስ አበባ ትያትር እና ባህል አዳራሽ(ፒያሳ) ።
ልዩ እና እውቅ የጥበብ ሰዎች ግጥም እና ወግ በባህላዊ ሙዚቃ ታጅበው ያቀርባሉ።

እማይቀርበት ልዩ የጥበብ ምሽት!


@tebeb_mereja
@tebeb_mereja
@tebeb_mereja

ለጁምኣችን
💚💚💚

☞ ደስታ የሚጀምረው ከፍቅር ግንኙነት ከስራ ከገንዘብ አይደለም ከራስ ነው


ደስተኛ
ሁናችሁ ዋሉ

ውብ ቀን💚

@wegoch
@wegoch

እንደውም እንደውም የ ከተማው መስተዳድር ምልክት የኢሉምና'ጢ' ነው!
፠፠፠፠፠፠፠፠፠፠፠፠፠፠፠፠
ርዕሱ ላይ ያለው 'ጢ' በምክንያት ነው የገባው፡፡
ቅድም ደክሞኝ ነበር፡፡ እንዲሁ ስንከራተት ነበር የዋልኩት (በእግሬ)፡፡ ከተወለድኩ ጀምሮ እስከ አሁን ድረስ እግረኛ ነኝ... የሰው ልጅ በመራመድ ብዛት እንደ ላጲስ የሚያልቅ ቢሆን የእኔ እግር አንገቴ ጋር የሚደርስ ይመስለኛል፡፡ ብቻ ደክሞኝ ነበር... ከግቢ ወጥቼ ወደ ሰፈር ለመሄድ እንደ ብዙሀኑ የሀገሬ ሰው ተሰለፍኩ... ከመንገደኛ ጋር ተገለማመጥኩ... የአላፊ አግዳሚ ፊት አየሁ... ፀሀይ ደበደበኝ (ጥብስ ጥብስ የምሸት ይመስለኛል አንዳንዴ ፀሀይ ሲመታኝ...) መጨረሻ ላይ ሸገር ባስ ውስጥ ገባሁ፡፡ የሸገር ባስ የመጨረሻው ወንበር ሁሌ ይገርመኛል፡፡ ከ ተሳፋሪዎች ጋር በየደቂቃው አይን ለአይን ትተያያለህ... የተቀመጡት ሁሉ ቅንድብ ቅንድብህን እያዩህ ይመስልሀል፡፡ አንዳንዴ የሆነ ስሜታዊነት ይመጣብኝና 'ንግግር አድርግ አድርግ' የሚል ስሜት ያንቀኛል፡፡ ከዚህ ሁሉ ሶስተኛ አለም ማህበረሰብ ፊት ለፊት ስትቀመጥ ልጁን የዳረ ደጋሽ ነው የምትመስለው፡፡ ለሚያይህ ሁሉ ጥሩ ፊት ማሳየት ግዴታህ ይሆናል፡፡ ገብቼ የሆነ ቦታ መርጬ ተቀመጥኩ... ወሬ ለመስማት የሚመች ቦታ... መንገድ ስንጀምር ሬድዮ ተከፈተ፡፡ ተሳፋሪዎች ከመስኮት ወዲያ አይናቸውን ተከሉ፡፡ አንዳንዴ ተሳፍረህ ስትሄድ ሹፌሩ መስማት የሚፈልገውን ነገር እስፒከሩ መጨረሻ ድረስ ከፍቶ የማትፈልገውን ነገር ያሰማሀል (በእኔ ቋንቋ አንድ ሰው የአርባ ምናምን ሰው ጆሮ አስገድዶ ይደፍራል!) ብቻ ሬድዮው ስለ 666 ኢሉሚናንቶች ምናምን የሰማነውን ይደግምልናል፡፡ ተሳፋሪው ውይይት ጀመረ፡፡ "አይ ዘመን!" አለች ከአጠገቤ የተቀመጠችዋ ወፍራም ሴትዮ... ስትመቻች አንገቴ በመስኮት ይሾልካል... ይቺ ሴትዮ መልስ ሳይሆን ዳይት እንደሚያስፈልጋት ተረዳሁ፡፡
"ይኸው አሁንማ አጥለቀለቁን" አለ ስራ ሊፈልግ እንደወጣ የሚያስታውቀው ላባም ወጣት፡፡
"አሁን እኛ ጋር ጠቅልለው ገብተዋል አሉ... መሬት ስር ቆፍረው ነው የሚኖሩት አሉ፡፡" አለ ብረት ባልያዘው እጁ ላቡን እየጠረገ፡፡
"አይገርምም?" አለችኝ ወፍራሟ ሴትዮ ወደ እኔ ዞር ብላ
"አዎ! አንቺን ለምታክል ቶን ሴት ከእኛ እኩል ማስከፈላቸው እጅግ ገርሞኛል" ልላት አሰብኩ፡፡ ግን ግራ እጇን በሙድ ጣል ብታደርግብኝ ሞራሌንና የህይወት ጉዞዬን በቀላሉ ልታደናቅፈው እንደምትችል ገባኝ፡፡
"በጣጣጣጣጣጣም!" አልኳት፡፡
ስራ ፈላጊው ወጣት ዶክመንት የያዘበትን ሽሮዋማ ዶሴ ብብቱ ስር ከቶ ስለ ምልክታቸው ፣ አላማቸው ፣ እና መገኛ ስፍራቸው እየተወራጨ ያስረዳል (ስራ ያገኘ እየመሰለው ይሆን?)
"... ይሄ የፍየሉ ቀንድ ነው!" አለ ሁለት ጣቶቹን አንስቶ (አይደለም የኔ ወንድም እርሱ የአንተ ሁለት ጣት ነው፡፡ )
ብቻ ብዙ ነገሮችን በኢሉምናንትነት ፈረጀ፡፡ የሀይሌ ገብረስላሴን ፈገግታ ጨምሮ 666 ነው አለ፡፡
ሁሉም በጉዳዩ ተወያየ፡፡ ሁሉም የማያውቀውን የሚገምተውን ከአደባባይ የለቀመውን እውቀት ሳያስፈቅድ አካፈለን፡፡ ከአጠገቤ ያለችውም ሴትዮ ስለ ዘመኑ ክፉነት አስገድዳ አስረዳችኝ... ተገድጄ አመንኩላት... (ምናለ ለእንደኔ አይነት ምስኪኖች አብይ ቢያስብልን? ነፃ ቢያወጣን ከዚህች ቶን የምታክል ሴትዮ!) አሁን ምን አስባለው መሰለህ... መንገድ ሄዶ ሄዶ ለሁለት ከተከፈለ ኢሉምናጢ ነው! በሁለት አይንህ አፍጥጠህ ካየኸኝ ኢሉምናጢ ነህ! ብቻ እነርሱ ወደኛ ሳይመጡ እኛ እየሄድንባቸው መሰለኝ፡፡ ፒያሳ ያለው የሚንልክ ሀውልት ፈረሱ ኢሉምናጢ ነው(ምክንያቱም ቂጡ ለሁለት ተከፍሏል!)፡፡ በጣም የሚያስቀኝ ግን እንደ መረዳጃ እድር ተሰብስበው ተቀላቀሉ ምናምን የሚለው ነው፡፡ ምን ያህል እንደ ሰለቸኝ ይሄ ወሬ! እንደውም እንደውም የ ከተማው መስተዳድር ምልክት የ ኢሉምናጢ ነው! ለምዶብን የለ?

(በረከት ታደሰ)

@wegoch
@wegoch

ለቅዳሚታችን
💚

ደስተኛ ሰዎች ወደየትኛውም አቅጣጫ ይመልከቱ፣ የትም ቦታ ይሁኑ፣ ምንም ይሁኑ
አብዛኛው ሰው የማይመለከተውን ውበት የማየት ተክህሎ አላቸው፡፡ አብዛኛው ሰው
ፍልሚያውን ብቻ በሚያይበት ቦታ መልካም አጋጣሚዎችን ያያሉ፤ አብዛኛው ሰው እጥረትን
ብቻ በሚያይበት ቦታ ትርፍ ያያሉ ለዚህ ሁሉ ነገርም ምስጋና ያቀርባሉ ። ምስጋና ለደስታ
----------------------------------------------


እንስቃለን!!!!

በቅዳሜ ሰማይ፤
በደጋጎቹ ሃገር ፤
በማር ዘነብ ቀዬ፤ በላይኛው ወሎ፤
ፍንሽንሽ ፍልቅልቅ፤
ፍንድቅድቅ ብለናል፤ እንደ ፋፎ ቆሎ።

((( ጃ ኖ )))💚💛❤️


የሸገነ፤ የተሸባረቀ፤ የተገማሸረ ቅዳሜ
ጀባ ብለናል!!!!!!!!!💚💛❤️

@wegoch
@wegoch
@balmbaras