اقتنعت ان فعلا حتى لو بتتكلم ف الصح مش كل الصح يتقال ، لأنه مش دايما هتكون بتكلم بني آدم عقله قادر يدرك إن ده الصح ولا دايما هيكون عنده شجاعة تصحيح المفاهيم والتخلي عن معتقداته الغلط أو حتى الاعتراف بده ، و أنك تعرف تاخد كل واحد على قد عقله و تكلمه باللغة للي يفهمها هو دا الصح .
صباح الخير 💕
الناس اللي بتمسك فينا دي بتخطف قلوبنا حقيقي..إنّك تلاقي حد يقول لك: "خليك شوية، ما لسه بدري، ما تمشيش، طيب اِقعُد 5 دقايق كمان" الجُمل دي فيها كمية حُب مش طبيعي، وفِكرة إنّك تحس إن مرغوب فيك وإن وجودك مُهم فدي حاجة جميلة جدًا والله.
الناس اللي بتمسك فينا دي بتخطف قلوبنا حقيقي..إنّك تلاقي حد يقول لك: "خليك شوية، ما لسه بدري، ما تمشيش، طيب اِقعُد 5 دقايق كمان" الجُمل دي فيها كمية حُب مش طبيعي، وفِكرة إنّك تحس إن مرغوب فيك وإن وجودك مُهم فدي حاجة جميلة جدًا والله.
النضج دا مش ببلاش دا انا خارج من مدبحه خسران فيها نص قلبي ونص روحي ومكمل ف الدنيا دي حلاوه روح .
مفيش حد في الدنيا بيحترم ابدا كلمة "انا نفسيتى تعبانه" ، " انا مش قادر " الكل بيستهون بيها ، الكل عايز وقت مايطلب منك حاجه تخلص ف ساعتها ، الكل عايزك تبقي قدامه عادي وكيوت ومفيش حاجة ، محدش بيبص ليك ولا لنفسيتك ولا لتعبك ولا قد اي ممكن تكون مرهق ومش قادر ، الكل عايزك تضحك علشان هو ملهوش دعوه بنفسيتك .