🇩🇪🇺🇿 Agentlikda GIZ loyihasi rahbari B.Shorayt bilan uchrashuv tashkil etilib, O‘zbekistonda eksportni rivojlantirishga qaratilgan istiqboldagi hamkorlik chora-tadbirlari muhokama qilindi.

💬 Muhokamalar jarayonida asosiy e’tibor sifatli meva-sabzavot mahsulotlarini yetishtirish, xususan, ushbu jarayonlarga xalqaro mutaxassislarni jalb qilgan holda mahsulotlarni qayta ishlovchi korxonalarga yangi texnologiyalarni joriy qilishga qaratildi.

Mahsulot yetishtirish va eksport qilishda xalqaro sertifikatsiya tizimi, xususan, Global GAP sertifikatsiyasi muhim omillardan ekanli muhokama qilindi. Agentlik va GIZ hamkorligida fermer xoʻjaligi va korxonalarni Global GAP dasturi boʻyicha malakasini oshirish choralarini koʻrishga kelishildi. Bunda, GIZ koʻmagida 17 nafar malaka oshirgan davlat va xususiy sektor vakillari imkoniyatidan ham foydalaniladi.

Organik mahsulot yetishtirishni keng joriy etish masalasi ham muhokamalar markazida bo'ldi. Mavjud ma'lumotlarni oʻzbek tilida tayyorlab, qoʻllanmani Agentlikning “Agrokoʻmakchi” mobil platformasi orqali keng ommaga yetkazishga kelishildi.

Shu oʻrinda, yetishtirilayotgan mahsulotlarning xavfsizligi, jumladan, ularning inson salomatligiga salbiy taʼsirini oldini olishda mahsulot tarkibidagi pestitsid va ogʻir metall tuzalarini meʼyorini nazorat qilish muhim vazifalardan ekanligi va bu yo'nalishda ham hamkorlik olib borishda kelishib olindi.

#GIZ #xalqaro_hamkorlik #export

🔰 karantin.uz 📱Facebook 📱Instagram📺Youtube ✖️Twitter

🇺🇿 Prezident raisligida agrar sohadagi ustuvor vazifalar va rejalarga bag‘ishlangan yig‘ilishi bo'lib o'tmoqda