🇪🇺 #BOMCA10 tomonidan navbatdagi texnik ko'mak bosqichi o'tkazildi. Import bo'ladigan mahsulotlarning sanitariya va fitosanitariya nazoratida standart operatsion tartibini (SOP) ishlab chiqishda texnik yordam ko'rsatildi. Tadbirda O'simliklar karantini va himoyasi agentligi vakillari ishtirok etishdi.

🛃 Texnik yordamning maqsadi - Markaziy Osiyo mamlakatlarining sanitariya va fitosanitariya xizmatlari tizimida zamonaviy ish uslublari va boshqa vositalarni takomillashtirishdan iborat. Shuningdek, karantin nazoratini olib boradigan inspektorlar uchun yuklarni amaliy tekshirishda, shuningdek, boshlang‘ich tayyorgarlik jarayonida qo‘llaniladigan umumiy standartlarni ishlab chiqishda ko'maklashish nazarda tutilgan.

🔰 karantin.uz 📱Facebook 📱Instagram📺Youtube ✖️Twitter

#eksport_dayjest

✔️ "Milliy bank" AJ: milliy valyutada eksport qilish imkoniyati ham bor

💬 Bugun Markaziy eksport shtabiga "Milliy bank" AJ mutaxassislari taklif etildi. Tijorat tashkiloti vakillari qishloq xo'jaligi mahsulotlarining eksporti bilan bog'liq holatlar yuzasidan tushunchalar berdi.

🖊 Shuningdek, "faktoring operatsiyasi"ni tuzishda mavjud xavflar ko'rib chiqildi.

🛕 Ma'lumki mavjud geosiyosiy vaziyat eksportyorlar uchun moliyaviy operatsiyalarni amalga oshirishda qiyinchilik tug'dirmoqda. Shu sababli O'zbekiston hududiga olib kirish va respublika hududidan olib chiqish bilan bog'liq tartib muhokama etildi. Alternativ yechim sifatida milliy valyutada operatsiyalarni amalga oshirish amaliyoti tushuntirildi.

🤵 E'tiborlisi — qishloq xo'jaligi mahsulotlari eksporti bilan shug'ullanuvchi tadbirkorlar uchun alohida tartib joriy etilgani haqida ma'lumot berildi.

💵 Bugungi uchrashuvdan olingan ma'lumotlar Markaziy eksport shtabi mutaxassislariga tadbirkorlarga bank-moliya operatsiyalari bilan bog'liq vaziyatlarda konsultativ yordam ko'rsatishda asqotadi.

🔰 karantin.uz 📱Facebook 📱Instagram📺Youtube ✖️Twitter

🇺🇿🇲🇾 O‘zbekiston va Malayziya biznes doira vakillari o‘rtasida B2B uchrashuv

🔰 Bugun Agentlikda O'zbekiston va Malayziya biznes doiralari uchun uchrashuv o'tkazildi.

🤝 Malayziyaning 10ga yaqin tadbirkorlari tomonidan O‘zbekiston mahsulotlariga qiziqish bildirilmoqda.

Asosiy mahsulot turlari:
✍️ dukkakli mahsulotlar;
✍️ ziravorlar;
✍️ mevalar;
✍️ ichimliklar.

👫 Mamlakatimizda mazkur turdagi mahsulotlarni yetishtirish va ishlab chiqarish bilan shug'ullanadigan 10 nafarga yaqin tadbirkor B2B uchrashuvida mahsulot namunalari va taqdimotlari bilan ishtirok etdilar.

✔️ Malayziya delegatsiyasi tarkibida mamlakatning yirik savdo tarmoqlari, logistika markazi, ishlab chiqarish quvvatlari rahbar va vakillari tashrif buyurishgan.

🤝 B2B uchrashuv davomida O‘zbekistondan Malayziyaga eksport qilish shart-sharoitlari, logistika, uzoq muddatli savdo hamkorligini yo‘lga qo‘yish masalalari muhokama etildi.

🏪 Shuningdek, Malayziyada tashkil etilishi rejalashtirilayotgan savdo uyiga mahsulotlarni yetkazish masalasi ko'rildi. Eslatib o'tamiz, hamkor davlatda o‘zbek mahsulotlari uchun 50-100 kv m² bepul ajratilishi ko'zda tutilgan.

🤵 Buning uchun O‘zbekistonlik tadbirkorlar quruq, qayta ishlangan va quritilgan meva-sabzavotlar bilan ushbu savdo uyini to‘ldirishi, assortiment taqdim etishi va faoliyatini doimiy olib borish uchun  tanlov asosida vakil tayinlab, Malayziyaga yuborishi zarur.

📣 Malayziyada savdo uyi tashkil etish bo‘yicha:

👉 RO‘YXATDAN o'tish uchun havola 👈

☎️ Qoʻshimcha savol va takliflar uchun:
+99871 202 00 00
+99871 202 77 76
(ichki raqam: 1518)

🔰 Masʼul xodim: Muhammadali Baxtiyorov

✅ Markaziy eksport shtabi eksportyorlarimizni qo'llab-quvvatlashga tayyor!

🔰 karantin.uz 📱Facebook 📱Instagram📺Youtube ✖️Twitter