✅ Fumigatsiya jarayoni bo‘yicha amaliy mashg‘ulot

🇮🇳 Hindistonning O‘simliklar salomatligini boshqarish milliy institutida (NIPHM) o‘tkazilayotgan malaka oshirish dasturi doirasida, O‘zbekistonlik soha xodimlari fumigatsiya jarayoni bo‘yicha amaliy mashg‘ulotlarda ishtirok etdilar.

🧪 Amaliy mashg‘ulotlar davomida, ilmiy xodimlar fumigatsiya uskunalarining ishlash tizimi, xavfsizlik choralariga rioya qilish va jarayonni qanday qilib samarali boshqarish kerakligi, mahsulotlarni zararkunandalardan to‘liq himoya qilish uchun fumigatsiya jarayonini amalga oshirish mexanizmini o‘rgandilar.

🌿 Fumigatsiya jarayonida xavfsizlik – bu jarayonning eng muhim qismi. Uskunalarni to‘g‘ri ishlatish va fumigatsiya moddalarini xavfsiz qo‘llash orqali nafaqat mahsulotlar, balki insonlar salomatligi ham himoyalanadi. Ilmiy xodimlar fumigatsiya paytida maxsus himoya niqoblaridan foydalanish, havo almashinuvini to‘g‘ri tashkil qilish va jarayonni nazorat qilish bo‘yicha amaliy ko‘nikmalarga ega bo‘ldilar.

🔴 Ushbu mashg‘ulot orqali fumigatsiyaning qishloq xo‘jaligi mahsulotlari sifatini saqlashdagi o‘rni, xavfsiz va samarali fumigatsiya usullarini tatbiq etish bo‘yicha chuqur bilimlarga ega bo‘lishdi. Bu kelgusida mahsulotlarni eksport qilish va ichki bozorda sifatni ta’minlashda katta ahamiyat kasb etadi.

#Karantin_yangilik #Karantin_hamkorlik #ITEC

🔰 karantin.uz 📱Facebook 📱Instagram📺Youtube ✖️Twitter

"UzCargo"da o'tkazilgan uchrashuv qanday yakunlandi?

"Uzbekistan Airways" aviakompaniyasi bilan hamkorlikda tashkil etilgan uchrashuvga havo bandargohi orqali tashuvlarni amalga oshirish istagida bo'lgan tadbirkorlar taklif etildi.

"UzCargo" AJ mutaxassislari terminalda amalga oshirilishi rejalashtirilayotgan rekonstruktsiya ishlari haqida taqdimot namoyish etishdi. Meva-sabzavot eksportida havo harorati, namligi va boshqa parametrlarning saqlanishi mahsulotning "umrini" uzaytiradi. Shu sababli aynan shu jihatlarga e'tibor qaratildi.

Diqqat markazida bo'lgan mavzulardan yana biri — tariflar masalasi bo'ldi. Jumladam mahalliy eksportyorlar uchun qulay tariflar setkasini ishlab chiqish ko'rib chiqildi. Qulay aviaqatnovlar Arab davlatlariga eksport hajmini oshirish imkonini beradi.

Shuningdek, havo bandargohida olib boriladigan karantin nazorati tadbirlari haqida ma'lumot berib o'tildi.

#eksport #export

🔰 karantin.uz 📱Facebook 📱Instagram📺Youtube ✖️Twitter

"Yosh eksportchilar" loyihasi Qoraqalpog'istonda

Qoraqalpog'iston Respublikasi Beruniy tumanidagi yoshlarga yer maydonlari ajratilib, ushbu yerlarga qishloq xo'jaligi mahsulotlari ekilmoqda.

O'simliklar karantini va himoyasi agentligining hududlardagi inspektorlari yoshlarga mahsulotlarga o'z vaqtida to'g'ri ishlov berish bo'yicha tavsiya va tushuntirish berib keladilar.

P.S. Tasvirlar "@Husniddin_Ismoilov_blog"idan olindi

#yoshlar_siyosati

🔰 karantin.uz 📱Facebook 📱Instagram📺Youtube ✖️Twitter