🔰 Agentlik xodimlari uchun Yunus Rajabiy uy-muzeyiga ekskursiya tashkil etildi

✍️ O‘simliklar karantini va himoyasi agentligi markaziy apparatining bir guruh xodimlari “Moziyga sayohat” dasturi doirasida Yunus Rajabiy uy-muzeyiga tashkil etilgan sayohat orqali ma’naviy-ma’rifiy bilimlarini yanada boyitdilar.

✅ Bu yerdagi 7000 mingga yaqin eksponat, xususan, Yunus Rajabiyning shaxsiy buyumlari, hunarmandlik namunalari, shogirdlari va musiqa ixlosmandlarining ko‘plab sovg‘alari Agentlik xodimlariga katta taassurot qoldirdi.

💬 Ekskursiya davomida O‘zbekiston xalq hofizi Hasan Rajabiy bilan ijodiy uchrashuv tashkil etildi. Unda Hasan Rajabiy muzeyni tashkil etish jarayoni, otasi – Yunus Rajabiy bilan bog‘liq iliq xotiralarini xodimlarga so‘zlab berdi. Ayniqsa, ustoz hofiz tomonidan ijro etilgan diltortar navolar barchaga ko‘tarinki kayfiyat ulashdi.

🔰 karantin.uz 📱Facebook 📱Instagram📺Youtube ✖️Twitter

📢📢

Ayni vaqtda O'simliklar karantini va himoyasi agentligi direktori Ibrohim Ergashevning Xitoy Xalq Respublikasiga ishchi tashrif davomida mamlakat Bosh bojxona maʼmuriyati bilan uchrashuvi boshlandi.

‼️ Ma'lumot uchun, Xitoyda fitosanitariya yo'nalishidagi vazifa va xizmatlarni davlatning Bosh bojxona ma'muriyati amalga oshiradi. Agentlik mutaxassislari O'zbekistonda yetishtirilgan mahsulotlarning Xitoyga eksporti borasidagi muzokara va kelishuvlarni mazkur organ bilan hamkorlikda olib boradilar.

Mamlakatimizning Pekindagi elchixonasi ko'magida tashkil etilgan navbatdagi uchrashuv doirasida oʻzaro hamkorlik yoʻnalishlari boʻyicha ikki tomonlama muzokaralar oʻtkazish masalasi muhokama etilmoqda. Jumladan,

🫒quritilgan, dukkakli va boshqa mahsulotlar boʻyicha eksportchi korxonalarni Xitoy Reyestriga kiritilishini tezlashtirish;

🌱 bodom eksporti uchun fitosanitar ruxsat olish maqsadida xitoylik mutaxassislarning respublikamizdagi bodom yetishtiriladigan dalalar, bogʻlar va qadoqlash korxonalarida karantin tekshiruvlarini oʻtkazish uchun Oʻzbekistonga tashrifini tashkil etilishi kelishilmoqda.

#life #Xitoy #export

🔰 karantin.uz 📱Facebook 📱Instagram📺Youtube ✖️Twitter

🐛 Kartoshka kuyasi (Rhthorimaea orerculella Zell)

🥔 Asosan kartoshka (ildiz, poya, tuganak) õsimligiga zarar yetkazadi, kartoshka barglarini va ba’zan butun õsimlikni quritib qõyadi. Urğochi kuya umrida 150-200 tagacha tuxum qo'yadi, bir yilda 5–6 avlod beradi.

✔️ Agrotexnik kurash choralari.
Zararkunandani dalada qishlab qolishiga yõl qõymaslik uchun yer maydonlarini chuqur haydash va yaxob suvi hamda shõr yuvush kabi tadbirlarni õtkazish kuyaning qishlovga ketgan ğumbaklarini 50-70 % gacha nobud qiladi.

🚻 Kimyoviy kurash choralari: Kartoshka kuyasiga qarshi ta’sir etuvchi moddasi Emamektin benzoat, Tiametoksam, Imidakloprid, Dimetoat, Sipermetrin bo'lgan kimyoviy preparatlar bilan ishlov berish lozim. Kartoshka kuyasi tarqalgan maydonlarda tavsiya etilgan kimyoviy himoya vositalari bilan 2-3 marta 15–20 kun oralatib ishlovlar o'tkazish zarur.

👉 Urug‘likka mo‘ljallangan kartoshkani kuzda quyidagi insektitsidlar bilan dorilab saqlash maqsadga muvofiqdir. Selest top (0,05% lik), detsis (0,1% lik) va sipermetrin (0,03% lik) preparatlari suvdagi eritmasida kartoshkani “cho‘miltirib” olib, quritib, keyin saqlab qo‘yilsa, urug'lik kartoshkani 95% gacha saqlab qolish mumkin.

🥔 Omborxonalarda kartoshkani saqlash jarayonida past harorat (3-5°) da saqlash orqali kartoshka kuyasi rivojlanishdan to‘xtashi va nobud bo‘lishiga erishish mumkin.

🔰 karantin.uz 📱Facebook 📱Instagram📺Youtube ✖️Twitter

🇺🇿🇨🇳Xitoyda oʻtkazilgan muzokaralar samarali yakunlandi: 4 turdagi mahsulotni eksport qilish uchun Bayonnoma imzolandi

Kun avvalida xabar berganimizdek, Oʻsimliklar karantini va himoyasi agentligi direktori Ibrohim Ergashev Xitoyda ishchi tashrif bilan Xitoy Xalq Respublikasida boʻlib turibdi. Tashrif davomida Agentlik rahbari Bosh Bojxona maʼmuriyati vakillari bilan uchrashuv oʻtkazdi.

🖋 Tomonlar Xitoyga eksport qilinadigan mahsulotlar nomenklaturasini kengaytirish boʻyicha hamkorlikni mustahkamlashga kelishib oldilar. Bugungi kunda Chin mamlakatiga 22 turdagi qishloq xoʻjaligi mahsulotlarini fitosanitariya sertifikati asosida eksport qilish imkoniyati mavjud. 900 dan ortiq korxona Xitoy reyestriga kiritilgan boʻlib, Oʻzbekiston eksportni rivojlantirish yoʻnalishida faollik koʻrsatayotgan davlatlardan biri ekanligi eʼtirof etildi. Bunday ijobiy oʻzgarishlarda ikki mamlakat rahbarlarining oʻzaro doʻstona munosabatlari va ishonchi asos boʻlayotgani alohida qayd etildi.

📢 Muzokaralar davomida yana 4 turdagi mahsulotni eksport qilish huquqini beruvchi Bayonnoma imzolandi. Endi Oʻzbekiston tadbirkorlari fitosanitariya sertifikati asosida oʻrik, nektarin, olxoʻri va za'faron mahsulotlarini Xitoy talabiga rioya qilgan holda eksport qilish mumkin.

🤝 Agentlik rahbari eksportni jadallashtirish maqsadida qisqa fursatlarda 4 turdagi mahsulotni eksport qiluvchi korxonalar reyestrini shakllantirilishini maʼlum qildi, Xitoy tomoni oʻz navbatida roʻyxatni koʻrib chiqish hamda reyestrni tasdiqlashni tezlashtirishga vaʼda qildi.

🍈 Shuningdek, qovun eksport qiladigan korxonalar reyestriga Surxondaryo viloyatidagi korxonalar ham kiritiladigan boʻldi. Bugungi kunga qadar Xitoyga bunday imkoniyat faqatgina Xorazm, Jizzax, Sirdaryo, Qashqadaryo viloyatdagi korxonalarga taqdim etilgandi.

🍇 Yangi uzilgan uzum va bodom eksporti uchun yetishtiruvchi korxonalarning reyestrga kiritilishi maqsadida Xitoy mutaxassislari tashrifi amalga oshirilib, inspeksiya oʻtkazilishi belgilangan edi. Bosh Bojxona xizmati Agentlik mutaxassislariga ishonch bildirib, videotranslyatsiya shaklida inspeksiya oʻtkazishga kelishildi. Jarayon natijasiga koʻra, uzum va bodom eksportini ham boshlash mumkin boʻladi.

📱Eʼtibor qaratilgan mavzulardan yana biri Agentlikning e-Phytouz avtomatlashtirilgan tizimining Xitoy platformasi bilan to’g’ridan-to’g’ri integratsiyasi masalasi boʻldi. Mazkur yoʻnalishdagi rejalarni amalga oshirish maqsadida Oʻzbekistonlik mutaxassislarning Xitoyga tashrifini tashkil etishga kelishib olindi. Natijada hujjatlar almashinuvini tezlashtirish, chegara maskanlarida yuk qolib ketishi, qalbaki sertikifatlar rasmiylashtirilishining oldin olinadi.

🖊 Shuningdek, ilmiy yoʻnalishda hamkorlikni kuchaytirish masalasi ham koʻrib chiqildi. Bunda yangicha yondashuv asosida eksport\import operatsiyalarida ishtirok etadigan mutaxassislarning malakasini oshirishi uchun kurslar oʻtkazilishiga kelishildi. Inspektorlar avia, temir yoʻl va yuk mashinalari postlarida jarayonlarni oʻrganish, fumigatsiya tizimidagi yangi texnologiyalar bilan tanishishi, ichki karantin xizmati inspektorlari esa mahsulotni eksportga tayyorlash, dalalar va bogʻlarda fitosanitar nazorat va tahlillarni toʻgʻri olib borish bosqichlari bilan tanishish imkoniga ega boʻladilar.

🌱 Maʼlumki, yangilik sifatida ilk bora gʻoʻza maydonlariga Xitoy navlari qadaldi. Shu sababli hamkorlikning alohida tarmogʻi sifatida gʻoʻzani zararli organizmlardan himoya qilish, sifatli feromonitoring olib borish, dala nazorati kabi yoʻnalishlar belgilandi.

🍉 Istiqbolda tarvuz, piyoz, xurmo, olma va bodring mahsulotlariga fitosanitar ruxsatnoma olish jarayonlarini tezlashtirishga kelishib olindi. Shuningdek, aloihad departament tomonidan tariq mahsulotiga fitosanitar ruxsatnoma olish uchun muzokaralar olib borilishi borasida ham kelishuvga erishildi.

‼️ Fitosanitar ruxsatnoma olingan 4 turdagi mahsulot: oʻrik, nektarin, olxoʻri va za'faronni Xitoyga eksport qilish bilan bogʻliq talablar Agentlikning rasmiy manbalarida eʼlon qilinadi.

🔰 karantin.uz 📱Facebook 📱Instagram📺Youtube ✖️Twitter