🦗 Hududlardan xabarlar: chigirtkaga qarshi kurash tadbirlari davom etmoqda

✅ Chigirtkaga qarshi kurash tadbirlarini zararli chigirtka 3-4 yoshida bo‘lganida o‘tkazish maqsadga muvofiq. Bu zararkunanda qanot chiqargunigacha bulgan faza. Sababi chigirtka qanot chiqarganidan so‘ng bir kunda kamida 50-60 kilometr masofani bosib o‘tishi va yo‘lida uchragan barcha yashillikni yeb bitirishi mumkin.

📍 Qoraqalpog‘iston Respublikasi hamda Navoiy, Buxoro va Samarqand viloyatlari hududlarida tungi kimyoviy ishlov berish tadbirlari tongga qadar olib borilib, bugungi kunda saksovul bukur chigirtkasi bartaraf etilmoqda.

🔴 Muhim eslatma: saksovul bukur chigirtkasi qishloq xo‘jaligi ekinlari, yaylovlarga xavf tug‘dirmaydi!

🦗Bu turdagi to‘da hosil qiluvchi chigirtkalar saksovul bilan oziqlanadi. Hasharot saksovulzorlarga zarar yetkazmasligini ta’minlash maqsadida kimyoviy tadbirlar monitoring asosida olib borilmoqda.

⚡️ Alohida e’tibor transchegaraviy hududlarga qaratilib, qo‘shni davlatlardan zararli hasharot kirib kelishi va tarqalishini oldini olish maqsadida ma’lumotlar almashinuvi yo‘lga qo‘yilgan.

🔰O‘simliklar karantini va himoyasi agentligining Chigirtka va tut parvonasiga qarshi kurash xizmati xodimlari tomonidan chegaradosh viloyatlarda tun-u kun nazorat tadbirlari olib borilyapti.

#chigirtka #chigirtkaga_qarshi_kurash

🔰 karantin.uz 📱Facebook 📱Instagram📺Youtube ✖️Twitter

🖥🖥🖥 — Упаковка и маркировка – значимые составляющие в экспорте плодоовощной продукции 👆

🔰 karantin.uz 📱Facebook 📱Instagram📺Youtube ✖️Twitter

✅ “Biohimoya bo‘yicha dolzarb o‘ttiz kunlik” e'lon qilindi

🦗🦗 O‘zbekiston Respublikasining 2023-yil 9-noyabrdagi “O‘simliklarni himoya qilish to‘g‘risida”gi Qonunga asosan, tabiatda biofonni rivojlantirish va zararkunandalar tarqalishining oldini olish hamda ularga qarshi biologik kurash ishlarini tashkillashtirish maqsadida “Biohimoya bo‘yicha dolzarb o‘ttiz kunlik” tadbiri o’tkaziladi.

Shu maqsadda maxsus ishchi guruhlar tashkil etilgan bo’lib, tasdiqlangan chora-tadbirlar rejasi asosidagi tizimli ishlar olib borilishi belgilandi.

📍Reja asosida hududiy bo‘linmalar hamda zaruratga ko‘ra Agentlik ilmiy-tadqiqot institutining olim va mutaxassislari tomonidan biomahsulotlarni dalada qo‘llanilishining maqbul muddati, me’yorlari hamda iqtisodiy samaradorligi bo‘yicha ko‘rgazmali seminarlar tashkil etilishi ko’zda tutilgan.

🤝 Bu kabi tadbirlar aholi xonadonlari, dehqon va fermer xo‘jaliklari vakillari ishtirokida ham o'tkaziladi.

🔰 karantin.uz 📱Facebook 📱Instagram📺Youtube ✖️Twitter

😄 - Quvasoy giloslari Xitoy va Janubiy Koreya bozorlarida

🔰 karantin.uz 📱Facebook 📱Instagram📺Youtube ✖️Twitter

✅ Hududlarda zararli chigirtka xavfi bartaraf etilmoqda

🦗 Respublikamizning barcha hududlarida birdek zararli chigirtkaga qarshi kurash tadbirlari davom etmoqda. Xususan, Buxoro, Navoiy, Xorazm, Samarqand, Toshkent, Surxondaryo, Sirdaryo viloyatlari hamda Qoraqalpog‘iston Respublikasida kun davomida olib borilgan jarayonlardan foto va videotasvirlarda kimyoviy kurash samarasini ko‘rish mumkin.

🔴 Eslatib o‘tamiz, chigirtkaga qarshi kurash mavsumini betalofat o‘tkazish maqsadida 144 ta OVX va VP-1 traktor purkagichi, 309 ta motorli osma qo‘l purkagichi, 28 ta yuqori unumli purkagichli avtomashinalar – jami 500 dan ortiq texnika jalb etilgan.

📌 Ma’lumot uchun, 2024 yilda respublikada zararli chigirtkalarning 574,8 ming gektar maydonda kurash tadbirlari olib borilishi bashorat qilingan. Bugungi kunga qadar respublika bo‘yicha 383, 3 mingdan ortiq gektar maydonda kimyoviy ishlov o‘tkazildi.

🔍Kuzgi va bahorgi kuzatuvlar natijasida hasharot tuxum qo‘ygan areallar ham ko‘zdan kechirilib, favqulotda vaziyat yuzaga kelishini oldini olish maqsadida kurash choralari davom etmoqda.

👆Eslatib o‘tamiz, zararli chigirtkaga qarshi kurash tadbirlarini olib borish bepul. Aholi murojaatlari 1288 va 71 202 28 88 raqamlariga qabul qilinadi.

📍Hududiy xizmatlar rahbarlari va agronomlarining raqamlari rasmiy manbalarda berilgan bo‘lib, telegram tarmog‘idagi rasmiy sahifada ham ko‘rsatib o‘tilgan.

🖥 OAV vositalari, ijtimoiy tarmoqlardagi axborot kanallari, internet nashrlari uchun tezkor ma’lumotlarni taqdim etib borish maqsadida zararli chigirtkaga qarshi kurash tadbirlariga oid xabarlar #chigirtka va #chigirtkaga_qarshi_kurash xeshteglari ostida joylashtirib kelinmoqda.

#chigirtka #chigirtkaga_qarshi_kurash

🔰 karantin.uz 📱Facebook 📱Instagram📺Youtube ✖️Twitter