#karantin_yangilik

⚡️Hududlarda kanal va ariqlar tozalanib, betonlash ishlari olib borilmoqda.

📆 Davlatimiz rahbari raisligida Prezident Shavkat Mirziyoyev raisligida 2023-yilning 29-noyabr kuni qishloq xoʻjaligida suv resurslaridan oqilona foydalanish va yoʻqotishlarni kamaytirish chora-tadbirlari yuzasidan videoselektor yigʻilishi boʻlib oʻtgan edi.
Unda iqlim oʻzgarishi oqibatida suv manbalari yil sayin kamayib borayotgani, bugungi vaziyatning taʼsirida 2030-yilga borib yurtimizdagi suv tanqisligi 15 milliard kub metrga yetishi prognoz qilinganiga eʼtibor qaratildi.

🌊 Mamlakatimizdagi jami suv resursining 90 foizi qishloq xoʻjaligida sarflanayotganini inobatga olgan holda isrofgarchilikni oldini olish boʻyicha topshiriqlar berildi. Birinchi muhim vazifa etib kanal va ariqlarni betonlash belgilandi. Prezident tomonidan berilgan topshiriqdan kelib chiqib, hududlarda irrigatsiya arteriyalarini betonlash ishlari olib borilyapti.

✅ Shuningdek, Agentlik inspektorlari tomonidan hududlarda aholi oʻrtasida targʻibot ishlari olib borilib, ariq va kanallarni betonlash maqsadi tushuntirilmoqda.

➡️ Davlatimiz rahbarining tashabbusi bilan suv xoʻjaligida eʼlon qilingan “kanallarni betonlash boʻyicha zarbdor yil” doirasida hududlarda amaliy ishlar davom etmoqda.

#Karantin_yangilik #14_yanvar #Vatan_himoyachilari_kuni

✅ Qurolli Kuchlar davlat muzeyiga ekskursiya tashkil etildi

🇺🇿 O'simliklar karantini va himoyasi agentligi markaziy apparatining bir guruh yoshlari hamda faxriylari tomonidan Agentlik kasaba uyushmasi qo'mitasi hamkorligida O‘zbekiston Respublikasi Qurolli Kuchlari tashkil etilganligining 32 yilligi hamda Vatan himoyachilari kuni munosabati bilan O‘zbekiston Respublikasi Qurolli Kuchlar davlat muzeyiga ekskursiya tashkil etildi.

🏛 Ushbu muzeyda Agentlik xodimlariga Qurolli kuchlar tarixi, Markaziy Osiyo xalqlari harbiy san'ati, shu bilan birga O‘zbekiston Respublikasi Qurolli Kuchlari rivojlanishining hozirgi davri, shuningdek, buyuk sarkarda Amir Temurga bag‘ishlangan alohida "Temuriylar davri harbiy san'ati" ekspozitsiyasi haqida ma'lumotlar berildi.

✍️ Bundan tashqari, Ikkinchi jahon urushiga bag‘ishlangan "Mustaqil O‘zbekistonni qo‘riqlash" ekspozitsiyasi orqali qo‘shin turlari, harbiylar hayoti, ularning jangovar va harbiy-siyosiy tayyorgarligi haqida ham ma'lumotlar olindi.

💬 Ekskursiya davomida Agentlik faxriy xodimi, Afg'on urushi qatnashchisi Zokir Abdullayev yoshlikning navqiron chog‘larini urush olovlarida, janggohlarda o‘tkazib, bosqinchi va yovuz kuchlarga qarshi mashaqqatli kurashlarda bukilmas iroda hamda mardlik namoyon etib jonini fido qilgan mard va jasur yurtdoshlarimiz jasorati haqidagi xotiralari bilan o‘rtoqlashdi. Darhaqiqat, xalqimizning tarix sahifalarida o‘chmas harflar bilan bitilgan bunday mardlik va matonati hamda yuksak ma’naviyati barchamizning qalblarimizga cheksiz g‘urur-iftixor bag‘ishlaydi.

💐 Ekskursiya so‘nggida Agentlik markaziy apparati faxriylari hamda yosh xodimlari tomonidan Qurolli Kuchlar davlat muzeyi tashqarisida bunyod etilgan “Vatanga qasamyod” monumenti poyiga gulchambar qo‘yildi.

🔰 karantin.uz 📱Facebook 📱Instagram📺Youtube ✖️Twitter