🔰 Oʻsimliklar karantini va himoyasi ilmiy-tadqiqot instituti ilmiy xodimlari “Fitosanitariyaga kirish, terminologiya” mavzusidagi seminarda!

💾 Hindistonning Oʻsimliklar salomatligini boshqarish milliy institutida (National Institute of Plant Health Management – NIPHM) Oʻzbekistondan tashrif buyurgan delegatsiya a’zolari uchun “Fitosanitariyaga kirish va terminologiya” mavzusidagi dastlabki seminar bo‘lib o‘tdi.
Ushbu muhim tadbir ilmiy-tadqiqot va qishloq xo‘jaligida fitosanitar nazoratining terminologik asoslarini chuqur tushunishga qaratilgan edi.

😄 Seminarning asosiy maqsadi: Fitosanitar xavfni tahlil qilishda va zararkunandalarga qarshi kurashish jarayonida xalqaro standartlarga asoslangan terminologiyani o‘rganish. Seminar davomida xalqaro fitosanitar amaliyotlar, ekologik xavfsizlik va qishloq xo‘jaligi zararkunandalariga qarshi kurashda qo‘llaniladigan usullar bo‘yicha muhim bilimlar berildi.

🔬✅ Laboratoriyalar bilan tanishuv: Seminardan so‘ng ilmiy xodimlar dastlabki laboratoriyalar faoliyati bilan yaqindan tanishdi. Ushbu laboratoriyalar zamonaviy texnologiyalar yordamida zararkunandalarning biologik xususiyatlarini o‘rganish, ularni aniqlash va nazorat qilish usullarini o‘z ichiga oladi.

🤝 Ilmiy hamkorlikning ahamiyati: Ushbu tadbir ikki davlat fitosanitariya sohasidagi ilmiy aloqalarni mustahkamlash, zararkunandalar xavfini nazorat qilishda yangi bilimlar va tajribalar almashish uchun muhim qadam hisoblanadi.

📈 Seminardan olingan bilimlar O‘zbekistonda zararkunandalarga qarshi samarali kurashish va ekologik barqarorlikni ta’minlashda xizmat qilishi kutilmoqda.

🔰 karantin.uz 📱Facebook 📱Instagram📺Youtube ✖️Twitter

🎃 Yevropada kichik qovoqqa talab ortmoqda

💽 Niderlandlarda o'tkazilgan kuzatuvlar so'nggi yillarda kichik hajmdagi qovoqqa talab ortayotganini ko'rsatmoqda. Tahlilchilarning fikriga ko'ra, bu talab bugungi kunda har bir oilaga a'zolar soni kamayib borayotgani bilan bog'liq.

💻 Niderlandlik fermerlar odatda qovoq hosilini avgust oyining boshida yig'ib oladilar. Biroq jorij yilda yog'ingarchilik ko'p bo'lgani, havo harorati past bo'lgani sababli ekish ishlari kechiktirildi. Hosil yig'ish davri esa avgust yakuniga to'g'ri keldi.

🛕 Fresh Plaza nashriyotining xabariga ko'ra, Niderlandlardagi eng katta qovoq yetishtiruvchilardan biri Kris Pulen. U 15 turdagi iste'molga yaroqli navdagi qovoqlarni mahalliy bozorga chiqaradi. Hukumat Kris Pulen kabi mahalliy fermerlarni qo'llab-quvvatlashga e'tibor qaratmoqda. Qovoq mavsumi yil yakuniga qadar davom etgani sababli import mahsulotlarga ham talab ortadi.

🌏 Jahon bozoridagi talabni inobatga olgan holda joriy yilda tajriba tariqasida viloyatlarda qovoq yetishtirildi. Poliz ekinini zararli organizmlardan samarali himoya qilish maqsadida karantin inspektorlari tomonidan ko'rsatma va tavsiyalar berib borildi.

🛒 Olingan barakali hosil aholi xonadonlaridan yig'ilib, eksportga yo'naltirilmoqda.

🔰 karantin.uz 📱Facebook 📱Instagram📺Youtube ✖️Twitter

Xabar berib borayotganimizdek, “Texnik va iqtisodiy hamkorlik dasturi” doirasida Hindistonning Haydarobod shahrida o‘quv-seminarlarida ishtirok etayotgan 29 nafar Agentlik mutaxassislari zararkunandalar diagnostikasi va ularni xavfini tahlil qilish bo'yicha amaliy tajriba oshirmoqdalar.

#Karantin_yangilik #Karantin_xamkorlik #ITEC

🔰 karantin.uz 📱Facebook 📱Instagram📺Youtube ✖️Twitter