KOICA: dehqon katta salohiyatga ega, tizim yaxshi shakllangan

Bugun Oʻsimliklar karantini va himoyasi agentligida KOICA vakillari bilan uchrashuv oʻtkazildi. Eʼtibor qaratilgan asosiy mavzu – eksportbop mahsulotlar yetishtirish.

📆 Maʼlumot oʻrnida qayd etish lozim, 29-30-iyul kunlari KOICA mutaxassislari Namangan viloyatida boʻlib viloyatning qishloq xoʻjaligi yoʻnalishida eksport salohiyatini oʻrgandi. Muloqotda oʻrganishlar natijasi muhokama etildi.

📁 Xalqaro ekspertlar dastlabki kuzatuv natijalariga koʻra, eksportbop mahsulot yetishtirishning muhim shartlaridan biri toʻgʻri nav tanlovi ekanligini qayd etdilar. Shuningdek, mahsulot yetishtirishda toʻgʻri kuzatuv olib borish, saralash, kalibrlash, qadoqlash va yakuniy bosqich – marketingga urgʻu berish muhimligiga eʼtibor qaratildi.

🍑 Masalan, Namanganda yetishtirilayotgan shaftoliga Janubiy Koreyada talab bor. Biroq mevasi kichik navga ehtiyoj yoʻq. Bunda ilmiy yondoshuv asosida yangi navlarni yaratish taklif etildi. Umuman olganda Oʻzbekiston iqlim, yer unumdorligi, yogʻingarchilik meʼyorida boʻlishi qishloq xoʻjaligi mahsulotlari yetishtirish uchun qulay sharoitga ega. Koreya Respublikasida bu borada imkoniyatlar cheklanganligi aytib oʻtildi.

☘️ Shuningdek, tomonlar oʻsimliklar karantini va himoyasi yoʻnalishida mutaxassislarni tayyorlash, toʻgʻri metodologiyani joriy etish asosida eksport hajmini oshirish masalalarini muhokama etdilar. Koreya Respublikasida mavjud amaliyot asosida tajriba tariqasida har bir mahsulot turi boʻyicha alohida uyushmalar tashkil etilib, eksportga koʻmaklashish taklif ilgari surildi.

🤝 Muhokama etilgan yoʻnalishlar yuzasidan hamkorlikni kuchaytirishga kelishib olindi.

#KOICA #xalqaro_hamkorlik #export

🔰 karantin.uz 📱Facebook 📱Instagram📺Youtube ✖️Twitter

📢📢 Ayni damda Nukus shahrida O'simliklar karantini va himoyasi agentligi, Ekportchilar uyushmasi, Uztest davlat muassasasi, shuningdek, eksportchi korxona rahbarlari hamda tadbirkorlar ishtirokida qishloq xo'jaligi mahsulotlarining eksport salohiyatini oshirish masalalariga bag'ishlangan ochiq muloqot bo'lib o'tmoqda.

📈 O‘simliklar karantini va himoyasi agentligi direktorining birinchi o‘rinbosari Bobur Xamrayev ishtirokidagi tadbirda tadbirkorlarning eksport qilishda duch kelayotgan muammolarini o'rganilmoqda.

#live #export #ochiq_muloqot

🔰 karantin.uz 📱Facebook 📱Instagram📺Youtube ✖️Twitter

#live

Prezidentning tadbirkorlar bilan Ochiq muloqotiga tayyorgarlik koʻrish maqsadida eksport bilan shugʻullanuvchi korxona vakillari ishtirokida muammoli masalalar va ularning yechimi boʻyicha takliflarni shakllantirish maqsadida biznes muloqot boʻlib oʻtmoqda. Unda sohaga oid vazirlik va idoralar rahbarlari hamda vakillari, jumladan O'simliklar karantini va himoyasi agentligi direktori Ibrohim Ergashev mavjud muammolar yechimi, dolzarb masalalar yuzasidan fikr almashmoqda.

Uchrashuv jonli efirda translyatsiya qilinmoqda

#live #export #ochiq_muloqot

🔰 karantin.uz 📱Facebook 📱Instagram📺Youtube ✖️Twitter