✅ CABI: hamkorlikning navbatdagi bosqichida ko‘zda tutilgan asosiy vazifalar belgilandi🔰 O‘simliklar karantini va himoyasi agentligi direktori Ibrohim Ergashev CABI vakillari bilan uchrashdi.
✍️ Ma’lumot uchun: CABI Hukumatlararo notijorat tashkilot bo‘lib, o‘simlik zararkunandalari va kasalliklarini aniqlash, diagnostika qilish, kasalliklar tarqalishining oldini olish va nazorat qilish bo‘yicha o‘z tajribasi bilan butun dunyoda tan olingan.
💬 CABI tashkiloti vakillariga hamkorlikda amalga oshirilgan loyihalar holati, mamlakatimizda fitosanitariya sohasini takomillashtirish yuzasidan olib borilgan islohotlar, shunindek yaratilgan yangi axborot platformalari, qishloq xo‘jaligi va oziq-ovqat mahsulotlari eksportini rivojlantirish maqsadida tashkil etilgan Eksport bo‘yicha shtab faoliyati haqida ma’lumot berildi.
Tomonlar quyidagi yo‘nalishlarda hamkorlikni davom ettirish masalalarini ko‘rib chiqdilar:
➖ CABI va “Agroko‘makchi” mobil ilovasi platformalarini o‘zaro integratsiyasini amalga oshirish;
➖ o‘simlik klinikalari orqali innovatsion yondashuvlarni tajriba-sinov tariqasida ommalashtirish;
➖ pestitsidlar xavfini kamaytirish uchun biologik nazorat yechimlari va zararkunandalarga qarshi integratsiyalashgan boshqaruvdan foydalanishni rag‘batlantirish;
➖ asosiy qishloq xo‘jaligi mahsulotlarining jahon bozorida raqobatbardoshligini oshirish uchun SPS muvofiqligini ishlab chiqish;
➖ Milliy o‘simliklar salomatligi forumi o‘tkazilishini qo‘llab-quvvatlash hamda zararkunandalarni bashorat qilish uchun tahlil qilish va foydalanish uchun ma’lumotlar integratsiyasi bo‘yicha hamkorlikni rivojlantirish;
➖ mikrobial resurslarini himoya qilish va saqlash uchun mikrobial resurslarni ishlab chiqish va ulardan foydalanish;
➖ O‘zaro kelishuv asosida qishloq xo‘jaligiga oid axborot mahsulotlarini birgalikda nashr etish;
➖ Ekspertlar va delegatsiyalar almashinuviga ko‘maklashish;
➖ Qo‘shma loyihalarni amalga oshirish orqali hamkorlikni qo‘llab-quvvatlash;
➖ O‘quv kurslari, tahliliy seminar va uchrashuvlar tashkil etilishini qo‘llab-quvvatlash.
🤝 Belgilangan asosiy yo‘nalishlar bo‘yicha Agentlik va CABI o‘rtasida fitosanitariya sohasida Anglashuv Memorandumi imzolandi.
🔰 karantin.uz 📱Facebook 📱Instagram📺Youtube ✖️Twitter