🎞Festival mehmoni

Superyulduz Hema Malini Toshkent kinofestivali mehmoni bo'ladi

Mashhur hind aktrisasi Hema Malini "Ipak yo'li durdonasi" XVI Toshkent xalqaro kinofestivaliga mehmon sifatida tashrif buyurishi kutilmoqda.

Hema Malini — hind aktrisasi, raqqosa, prodyuser va kinorejissyor. Muxlislar uni egizaklar Zita va Gita rollari bilan tanishadi. Umuman olganda, aktrisaning filmografiyasi 160 dan ortiq filmlarni o'z ichiga oladi. Eng yaxshi aktrisa uchun "Filmfare" mukofoti sovrindori. U hind kinosi rivojiga qo‘shgan hissasi uchun "Padma Shri" davlat mukofoti bilan taqdirlangan.

Milliy kinematografiyani rivojlantirish markazi Axborot xizmati

🚀Telegram📷Instagram🔵Facebook 🌐Veb-sayt

Festival filmi

🎞Toshkent kinofestivalida namoyish etilishi kutilayotgan film: "Muz-3"

"Ipak yo'li durdonasi" XVI Toshkent xalqaro kinofestivali davomida Rossiya kino kunlari bo'lib o'tadi. Uning doirasida Yuriy Xmelnitskiy rejissyorligidagi "Muz-3" filmi namoyish etiladi.

"Muz 3" - bu sport, romantik, komediya dramasi bo'lib, to'liq metrajli film hisoblanadi. Aleksandr Petrov va Mariya Aronova bosh rollarni ijro etgan. Film "Muz" va "Muz-2" hikoyalarining davomi bo'lib, avvalgilari singari blokbasterga aylangan va kassada 20 mln dollardan ortiq daromad keltirgan.

Milliy kinematografiyani rivojlantirish markazi Axborot xizmati

🚀Telegram📷Instagram🔵Facebook 🌐Veb-sayt

🦠“Pandemiya” filmining yopiq premyerasi boʻlib oʻtadi

9-sentabr kuni Kinematografiya agentligi hamda Sogʻliqni saqlash vazirligi hamkorligida “Yagona Cinema” studiyasi tomonidan yaratilgan “Pandemiya” badiiy filmining maxsus premyerasi o'tkaziladi.

Filmda bosh rolni Matyoqub Matchonov ijro etgan. Shuningdek, kartinada Tamara Mirmaqsudova, Aysanem Yusupova, Saidkomil Umarov, Farhod Abdullayev, Bahodir Musayevlar suratga tushgan.

Film 2020–2021-yillarda butun dunyoga, xususan, Oʻzbekiston aholisi hayotiga xavf solgan Covid-19 virusi va uning mamlakatdagi tibbiyot sohasiga taʼsiri haqida hikoya qiladi.

Senariy muallifi Husnillo Jomonqulov, rejissyor Abu Tolib Adamqulov, operatorlar Dilmurod Turdiboyev va Alisher Ahmedov, prodyuser Abror Nabiyev.

Milliy kinematografiyani rivojlantirish markazi Axborot xizmati

📱Telegram 📱Instagram 📱Facebook 📱Veb-sayt