IX Turk dunyosi hujjatli filmlar festivalida gʻolib boʻlgan filmlar namoyishi bo’lib o’tdi

Bugun “Rennesans” kino uyida O‘zbekiston Respublikasi Madaniyat vazirligi huzuridagi Kinematografiya agentligi hamda Turkiya Madaniyat va turizm vazirligi Kino boshqarmasi hamkorligida IX Turk dunyosi hujjatli filmlar festivalida g'olib bo'lgan filmlar namoyishi bo‘lib o‘tdi.

Tadbir avvalida ikki qardosh xalqning davlat madhiyalari yangradi.

Namoyishni ochib berish uchun Kinematografiya agentligi direktori Shuhrat Rizayev, Turk dunyosi jurnalistlari federatsiyasi raisi Menderes Demir, O’zbekiston Kinoarboblari ijodiy uyushmasi raisi Matyoqub Matjonov, Turkiyaning O’zbekistondagi favqulodda va muxtor elchisi Olgan Bekarlar so’zga chiqib, turk va o’zbek hamdo’stligi madaniy aloqalar bilan yana-da mustahkamlanayotgani, turk xalqlarining san’atda birlikka erishishi, yangi ishlangan filmlarni o’zaro targ’ib etish zarurligi haqida to’xtalib o’tishdi.

Mehmonlar ota yurtlari O’zbekistonga Turkiyadan qizg’in salomlar yo’lladilar.

Kinematografiya agentligi direktori Shuhrat Rizayevga “Turk dunyosi faxriysi” mukofoti topshirildi.

Shundan so’ng, IX Turk dunyosi hujjatli filmlar festivalida gʻolib boʻlgan “Kaya”, “Istiklal için istikbalinden vazgeçenler jandarma Albay Mümin” filmlari namoyish etildi.

Kinematografiya agentligi Axborot xizmati

🌐 Website 🔵Facebook 📷Instagram 🚀Telegram