انتِ ليله تسوه ايامي كلها
وما عشتها انتِ فرحة وتمشت
عالرموش عيني وماشفتها وانتِ
حركة چلمه اطلع حگي بيها وما كلتها .

متگاودين وعينه أعله السمه
ونغفه ونفز شما يطگنه الهوه
ونتلاگه ضحكه وعين ديرة خجل
والحلوه نلگه چفوفنه هم سوه .

انا أجيت
من أخر سنيِن الطفوله
لحد مشيبك
انا الأستاهل يسمُوني حبيبك .

ألطف من ندى الغبشه
الـ يمر اعله الورد و الياس
ما عدها وجه مكروه
مثل جية الرزق ع الناس .

هذاك أنتَ دوه لجروحي
أمس گالوا عليك تراب
لاچن چذبتهم وأحلفت برحيّ
يكون العمر ما بيه ناس، بس أنتَ
ويكون الگلب ما يرتاح
اذا منك تجي علته.

حاسبينك من العزاز ويَّ أهلنه
شبدر منه ومن تلاگينه أعبرتنه
وما نعاتب عاذرينك ما شفتنه
هواي بيها وجوه عينك.