من تهمس تجيس الليل غفوة ليل
وصفوف المجرة بلا نجوم تطوف .

خليني يمك يا ضوة
ما احب لحظه بدونك
من الدنيا اني شحصلت
امي وجمال عيونك .

شوف روحك..
يا أسم تذكر اذا بالشده طاحت
شوف ضحكاتك الحلوه
بسبب يا انسان راحت طيح وحدك.

طيح واتوچه اعله حزنك غنّي حزنك
جيس روحك بالاغاني جيس روحك
بـ الدروب الشربت دموعك و حلمك
اتطشر وتاني اليلمّك طيح يمك .

منين ما اشمّه
بنفسج رازقي وجوري
وعطر ما ينطي اسمه
لجن يفوح بِ مودة
بالجزر ياخذني
جوة بعيييد واشهگ
خايف اغرگ على جزرك
يصعد يضوّگني مدّة
مدّ جزر يَ طويب
وكلش لبيب الروح اريدك
گلي هم اني اريدك !

انة اطمئن يمك واذا تبتعد
من كلشي يمي انه احس بخطر
الليل يدري شكد احبك لان
وياك عيني تستلذ بالسهر