مرّني چِذبة
مرّني عيد بلا ظفيرة
لو حِلم مَغشوش مرّني
وانتَ تدري ركضة المَحروگ
ركضتها السنين
وكل بَسامير التوابيت اشتهتني
وهل مِتت موتت غَريب
بلايه بَچيه بلايّه أُمي
بلايّه أنت بلا ونين
وهَلبعدها عيوني مَفتوحه على طولَك
ردّلي بَس سَرگيلي عيني يَ الحَنين المو حَنين .

إعله گد إسمك رِسمت الصفنة مرجوحة
ولگيت إِسمي طفل فرحان بيك ويدفع بـِ روحة .

چانت تجربة و فزيت منها وحيد
عدل بس طايح من عيون عذالي
عدل بس تارس الحيطان
ذكرى و خوف و نفس
و السجن يبرد من يظل خالي .

ينناغيني ويگلي عيونچ یخبلن
وأگله خلاف وجهك ريتهن يعمن .

انتِ ليله تسوه ايامي كلها
وما عشتها انتِ فرحة وتمشت
عالرموش عيني وماشفتها وانتِ
حركة چلمه اطلع حگي بيها وما كلتها .

متگاودين وعينه أعله السمه
ونغفه ونفز شما يطگنه الهوه
ونتلاگه ضحكه وعين ديرة خجل
والحلوه نلگه چفوفنه هم سوه .