#KOICA #Kookmin #loyiha

🤔 Joriy yilning 15-noyabr kuni “TUIT INCUBATION CENTER” da iqtidorli talabalarimizning, jamiyatning muhim muammolari yechimiga qaratilgan, innovatsion g‘oyalarga asoslangan startap loyihalarini dastlabki taqdimoti bo‘lib o‘tdi.

💻 Muhammad al-Xorazmiy nomidagi Toshkent axborot texnologiyalari universiteti va Janubiy Koreyaning KOICA agentligi hamda Kookmin universiteti hamkorligida 2023-2027-yillarga mo‘ljallangan qiymati 5 million AQSH dollariga teng “TATUda innovatsion biznes IT ta’lim tizimini tashkil etish” grand loyihasi amalga oshirib kelinmoqda.

🎓 Ushbu loyiha doirasida Living Lab Preparatory School - LLPS (FabLab) konsepsiyasi asosidagi talabalarning innovatsion yechimlari, ishlanma (prototip) va xizmatlarini ishlab chiqarish hamda rivojlantirishga qaratilgan dastur ishlab chiqilgan bo‘lib, mazkur dasturning bu yilgi mavsumida universitetning 24 nafar iqtidorli talabalari jalb etilgan.

✈️@tuituz_official

#olimpiada #kriptologiya

💻 Muhammad al-Xorazmiy nomidagi Toshkent axborot texnologiyalari universitetida joriy yilning 17-noyabr kuni KRIPTOLOGIYA bo‘yicha respublika fan olimpiadasining yakuniy bosqichi o‘tkazildi. Olimpiadada respublikamizdagi 27 ta oliy ta’lim muassalaridan 70 dan ortiq talabalar g‘oliblik uchun bellashishdi.

Quyidagi ishtirokchilar faxrli o‘rinlarni egallashdi:
🥇1-o‘rin: Otaqo‘ziyev Axrorbek Abdunazar o‘g‘li (O‘zMU Jizzax filiali);
🥈 2-o‘rin: Saidova Sevara Sobirjon qizi (BuxMTI);
🥉 3-o‘rin: Ubaydullayev Dilshod Feruzovich (TATU).

G‘olib bo‘lgan ishtirokchilarga Oliy ta’lim, fan va innovatsiyalar vazirligining 1, 2, 3-darajali diplomlari va qimmatbaho sovg‘alar berildi.

💰 Olimpiada g‘oliblariga Vazirlar Mahkamasining 2020-yil 31-yanvardagi 59-son qarori bilan tasdiqlangan Oliy ta’lim muassasalari talabalariga stipendiyalar tayinlash va to‘lash tartibi to‘g‘risida nizomga asosan 1- o‘rin uchun — 6 (olti) oy davomida bazaviy stipendiyaning 50 foiz, 2- o‘rin uchun — 5 (besh) oy davomida bazaviy stipendiyaning 50 foiz miqdorida, 3- o‘rin uchun — 4 (to‘rt) oy davomida bazaviy stipendiyaning 50 foiz miqdorida qo‘shimcha stipendiya tayinlanadi va to‘lanadi.

✈️@tuituz_official

#IqtidorliTalabamiz

🥇 Joriy yilning 11-17-noyabr kunlari Qozog‘istonda o’tkazilgan “Worldskills Central Asia Friendship Competition-2024” musobaqasida O‘zbekiston terma jamoa tarkibidagi Dasturiy injiniring fakulteti talabasi Raximjonov Azizbek Sharifjon o‘g‘li ishtirok etib, 1-o‘rin sohibi bo‘ldi.

✈️@tuituz_official