#tashrif #Xitoy

Kuni kecha, 27-iyun kuni Xitoyning Yangju universiteti delegatsiyasi TATUga hamkorlik aloqalarini o'rnatish maqsadida tashrif buyurishdi.

🗒 Ikki universitet vakillari o'rtasida bo'lib o'tgan uchrashuvda axborot muhandisligi, dasturiy injiniring, tadqiqot markazlari faoliyati bo'yicha qo'shma loyihalar amalga oshirish imkoniyatlari muhokama etildi. Bir kamar - bir yo'l tashabbusi bilan amalga oshirilishi kutilayotgan Xitoyga tashrif chog'ida o'zaro manfaatlarni ko'zda tutgan anglashuv memorandumi imzolashga kelishib olindi.

➡️ Dunyo universitetlar ichida nufuzli QS va THE reytinglarida Top-400 o'rindan joy olgan Yangju universitetining TATUdagi ilk tashrifi chog'ida universitetda yaratilgan shart-sharoitlar, so'nggi ijobiy o'zgarishlar va zamonaviy laboratoriyalar bilan tanishtirildi.

✈️@tuituz_official

#Bitiruv_marosimi #BDIRU #TATU_bitiruvchilari

2024-yil 28-iyun kuni Muhammad al-Xorazmiy nomidagi Toshkent axborot texnologiyalari universiteti delegatsiyasi Minsk shahrida xizmat safarida bo'lib, Qo'shma ta'lim bitiruvchilarining Davlat attestatsiya komissiyasi ishlarini yakunlash hamda BDIRU diplomini tantanali berish marosimida ishtirok etishdi.

Tadbirda O’zbekiston Respublikasining Minsk shahridagi elchixonasi vakillari ham qatnashdilar.

✈️@tuituz_official

#uchrashuv #tashrif

💬 Kuni kecha, 28-iyun kuni Muhammad al-Xorazmiy nomidagi Toshkent axborot texnologiyalari universitetida “Akademik olimlar bilan uchrashuv” tadbirining navbatdagi mehmoni bilan uchrashuv bo'lib o'tdi.

Unda Berdaq nomidagi Qoraqalpoq davlat universiteti rektori, texnika fanlari doktori, professor, O‘zbekiston Respublikasi Fanlar Akademiyasining akademigi Reymov Axmed Mambetkarimovich "Hayotiy tajribalari, ilm yo‘llaridagi faoliyati" bilan o'rtoqlashdi.

Uchrashuv davomida ikki universitet o'rtasida akademik, ilmiy-tadqiqot va xalqaro yo'nalishlarda yaqindan hamkorlik aloqalarini yo'lga qo'yish, malakali kadrlar tayyorlashda o'zaro ko'maklashishni ko'zda tutuvchi hamkorlik memorandumi imzolandi.

Shundan so'ng Axmed Mambetkarimovich TATU da talabalarga yaratilgan shart-sharoitlar, amalga oshirilayotgan innovatsion loyihalar bilan yaqindan tanishdi.

✈️@tuituz_official