#ERASMUS #seminar_trening

🇱🇹 Joriy yilning 30-sentyabr kuni Litvaning Vilnius texnika universiteti (Vilnius Gediminas Technical University)da ERASMUS+ “New master’s degree and training course programs in the field of medical engineering in Uzbekistan 101082221 – UzMedEn” loyihasi doirasidagi trening kurslariga start berildi. Dasturni Vilnius texnika universiteti rektori Prof.Dr.Romualdas Kliukas kirish so‘zi bilan ochib berdi. 

  ⚪️Mazkur loyiha doirasida O‘zbekiston Respublikasining 7 ta oliy ta’lim muassasalaridan 30 dan ortiq professor-o‘qituvchilar jumladan, universitetimizning 4 nafar professor-o’qituvchilari ishtirok etmoqda.  Erasmus+ "Oliy ta'limda salohiyatni oshirish - CBHE" dasturi tomonidan moliyalashtirilgan "UzMedEn: O‘zbekistonda tibbiyot muhandisligi sohasida yangi magistratura dasturi va malaka oshirish kurslarini ishlab chiqish" loyihasi doirasida tashkil etilayotgan treyning kurslari 30-sentyabrdan 11-oktyabrga qadar davom etadi hamda  professor-o‘qituvchilar biotibbiyot muhandislik sohasida Yevropa ittifoqining ilg‘or tajribasini o‘rganish imkoniyatiga ega bo‘lishadi.

📁 Ma’lumot uchun: Yevropa mamlakatlari tajribalarini o‘rganish va taʼlim jarayonlariga joriy etish bo‘yicha Muhammad al-Xorazmiy nomidagi Toshkent axborot texnologiyalari universiteti bugungi kunda ko‘plab xalqaro loyihalar koordinatori va ijrochi tashkiloti sifatida salmoqli ishlarni amalga oshirib kelmoqda.

✈️@tuituz_official

#ERASMUS #Litva

🇺🇿 O‘zbekiston Respublikasining 7 ta oliy ta’lim muassasalari jumladan, Muhammad al-Xorazmiy nomidagi Toshkent axborot texnologiyalari universiteti ishtirokida Yevropaning ERASMUS+ “New master’s degree and training course programs in the field of medical engineering in Uzbekistan 101082221 – UzMedEn” loyihasi amalga oshirib kelinmoqda.

💻 Mazkur loyiha doirasida Muhammad al-Xorazmiy nomidagi Toshkent axborot texnologiyalari universiteti professor-o‘qituvchilaridan iborat delegatsiya Litvaning yetakchi (QS reytingida TOP 851da qayd etilgan) Vilnius texnika universiteti (Vilnius Gediminas Technical University)da talabalar uchun yaratilgan shart-sharoitlar bilan tanishildi. Bunda universitetning Sun’iy intellekt, Robototexnika hamda yuqori texnologiyalar laboratoriyalariga tashrif buyurib, ularda amalga oshirilayotgan ilmiy loyihalar, jumladan, “Information and information technologies security”, ”Smart signal processing and telecommunication technologies”, “Geoinformation technologies” sohasida yaratilgan yangi ishlanmalar bilan tanishish imkoniga ega bo‘ldi.

🗒 Ma’lumot uchun: Vilnyus Gediminas texnik universiteti (VILNIUS TECH) Litvaning yuqori malakali mutaxassislarni tayyorlaydigan xalqaro QS va THE reytinglarida TOP 851-o‘rinlarda qayd etilgan innovatsion universitetidir. Universitet texnologik fanlar sohasida yetakchi oliy ta’lim muassasalaridan biri bo‘lib, u o‘z ichiga 13 ta institut, 3 ta ilmiy tadqiqot markazi, 22 ta tadqiqot laboratoriyalarni oladi.

✈️@tuituz_official