ICT WEEK UZBEKISTAN 2024 ko‘rgazmasiga tashrif buyuruvchilar uchun bepul avtobuslar qatnovi yo‘lga qo‘yiladi

17-20-sentabr kuni Toshkent shahridagi CAEx majmuasida bo‘lib o‘tadigan Axborot-kommunikatsiya texnologiyalari sohasidagi eng yirik tadbir ICT WEEK UZBEKISTAN 2024 haftaligiga tashrif buyuruvchilar uchun 4 kun davomida shaharning turli nuqtalaridan bepul avtobuslar qatnovi yo‘lga qo‘yiladi.

Haftalikka tashrif buyurib, siz eng so‘nggi zamonaviy texnologiyalar va innovatsiyalarning so‘nggi yutuqlari bilan tanishish va tajriba almashish imkoniga ega bo‘lasiz.

Bundan tashqari haftalik turli mavzulardagi qiziqarli forum va konferensiyalarni o‘z ichga oladi. “IT ta'lim va frilansing forumi”, “IT sohasida ayollar uchun yaratilgan imkoniyatlar” kabi tadbirlar shular jumlasidan.

ICTWEEK UZBEKISTAN 2024 haftaligida mehmonlarni kutayotgan tadbirlar bilan ushbu havolada tanishishingiz mumkin:

Tadbirga qiziquvchi barcha kishilar va kompaniyalarni ushbu ko‘rgazmada ishtirok etishga taklif qilamiz.

Avtobuslar jo‘naydigan manzillar:

1. IT Park UZBEKISTAN (Ibrohim Muminov ko‘chasi, 4)
2. "O‘zbekiston" mehmonxonasi
3. "Do'stlik" metro bekati
4. "Buyuk ipak yo'li" metro bekati (Muhammad Yusuf kochasi, sobiq Dagestanskiy ko'cha)
5. Shimoliy vokzal bekati

📝Avtobuslar soat 9:00 dan boshlab har soatda 18:00 ga qadar qatnaydi.

✈️@tuituz_official

#TATU #Hakaton

🎉 TATU talabalari "K-Lab Idea Hackathon" da "Study Track" nomli loyiha bilan g'olib bo'lishdi!

✅ Yaqinda bo'lib o'tgan, mukofot jamg’armasi
50 million so'mga teng bo’lgan "K-Lab Idea Hackathon" tanlovida Toshkent аxborot texnologiyalari universiteti talabalari o'zlarining innovatsion "Study Track" loyihasi bilan katta muvaffaqiyatga erishdi. Hakatonda 90 dan ortiq jamoa va 30 dan ziyod oliy ta'lim muassasalaridan talabalar ishtirok etdi.

💻 TATU jamoasi, ya’ni Salohiddinov Ramzjan (311-21 guruh talabasi), Qoʻziboyev Jahongir (314-22 guruh talabasi) va Aliqulov Azizjon (712-21 guruh talabasi) lar tomonidan ishlab chiqilgan "Study Track" loyihasi talabalarning ta'lim jarayonini boshqarish, nazorat qilish va o'zlashtirishni yaxshilashga qaratilgan innovatsion platforma. Bu loyiha o'zining foydalanuvchilarga qulay interfeysi, samaradorlikni oshirish imkoniyatlari va texnologik yangiliklari bilan ajralib turadi.

🤔 Ishtirokchilarimizning sa'y-harakatlari va ijodkorliklari tufayli, "Study Track" loyihasi hakamlar tomonidan yuqori baholanib, g'oliblikni qo’lga kiritishdi. Bu nafaqat jamoa, balki butun universitet uchun katta yutuqdir.

🗒 Ma’lumot uchun:
"K-Lab Idea Hackathon"
innovatsiyalar, texnologik yechimlar va zamonaviy muammolarni hal qilishga qaratilgan yirik tanlov bo'lib, ishtirokchilar o'z g'oyalari orqali real hayotdagi qiyinchiliklarni yengib, yangi texnologiyalarni joriy qilish va jamiyatga foydali loyihalar yaratishga qaratilgan raqobatdan iborat.

✈️@tuituz_official

#malaka_kurslari #xalqaro_hamkorlik

Hurmatli TATU doktorantlari va professor-o‘qituvchilari diqqatga ❕

🇨🇳 Xabaringiz bor Muhammad al-Xorazmiy nomidagi Toshkent axborot texnologiyalari universitetida “Muhandislik maktabi” ochilgan bo‘lib, ushbu maktabda yosh kadrlar o‘z bilim, ko‘nikma va malakalarini nazariy hamda amaliy tarzda oshirib kelmoqdalar. Yaqinda ushbu muhandislik maktabi qoshidagi Xitoy Xalq Respublikasining Xi’an Jiaotong universitetining malakali professor-o‘qituvchilari hamkorligida universitetimizning barcha izlanuvchi hamda ushbu sohaga qiziquvchi professor-o‘qituvchilari uchun “Sun’iy intellekt va Chuqur o‘qitish (AI va Deep Learning)” malaka oshirish kurslarini tashkillashtirilish rejalashtirilgan.

💻 Universitetimizning barcha talaba va o‘qituvchilarini hamda ushbu kursga qiziquvchilarni malaka oshirish kursining ochilish marosimiga taklif qilamiz. Malaka oshirish kursini ochilish marosimida shaxsan Xi’an Jiaotong Universiteti prezidenti Prof. Zhang Liqun ishtirok etadilar.

🎓 Shuningdek, Malaka oshirish kursini olib boruvchi professor va malakali muhandislari:
➖Dr. Hequan Sun - Xi'an Jiaotong Universiteti Bioinformatika texnologiyalari professori;
➖Dr. Qinghe Du – Informatika va Kommunikatsiya muhandisligi professori;
➖Dr. Xi Chen – Kompyuter texnologiyalari doktori;
➖Dr. Peilin Jiang – Sun’iy intellekt texnologiyalari mutaxassisi;
➖Dr. Laiyi Fu - Avtomatlashtirish fanlari muhandisi olib boradilar.

✅ Ushbu yo‘nalishda karyerangizni boshlash va “Sun’iy intellekt va Chuqur oʻqitish (AI va Deep Learning)” mutaxassislaridan qimmatli bilimlarni o‘rganish uchun ushbu imkoniyatni qo‘ldan boy bermang❕

🗓Sana : 17-sentyabr
🔜 Vaqt : 15:00
📍 Manzil : TATU katta majlislar zali

📝 Quyidagi havola orqali, malaka oshirish kursida o‘qish uchun ro‘yhatdan o‘tishingiz mumkin.

✈️@tuituz_official