#Hindiston #malaka_oshirish

Hindistonning Bankirlar qishloq taraqqiyoti institutida TATU professor-o‘qituvchisi malaka oshirdi

Joriy yilning 5-9-avgust kunlari Kiberxavfsizlik fakulteti dekani Sherzod G‘ulomov Hindistonning Bankirlar qishloq taraqqiyoti institutida “Tashkilot va muassasalarda boshqaruvchanlik ko‘nikmalarini rivojlantirish” kursi bo‘yicha malaka oshirdi. Ushbu kursda qatnashishdan asosiy maqsad tashkilot va muassasalarda boshqaruvchanlik ko‘nikmalarini rivojlantirish zarurati va ahamiyatini belgilash, jamoa bilan ishlash elementlarini aniqlash, shuningdek, tashkilot va muassasalarda mojarolarni hal qilish ko‘nikmalarini o‘zlashtirish hamda hissiy intellektni oshirish bosqichlarini o‘rganishdir.

Kurs davomida boshqaruvchanlik ko‘nikmalarini yanada chuqurroq o‘rganish, jamoaviy ishlashda samaradorlikni oshirish hamda tashkilot va muassasalarda mojarolarni yechishda konstruktiv yondashuvlarni qo‘llash kabi muhim jihatlarni amaliyotda qo‘llash imkoniyatlari muhokama etildi.

Bundan tashqari, hissiy intellektni rivojlantirish orqali jamoaning umumiy ish samaradorligini oshirishga qaratilgan yangi yondashuv va modellar ham tahlil etildi.
 
✈️ @tuituz_official

#FGCH #musobaqa #TATU

Ajoyib g‘alaba!!!

🎉 Bugun 13-avgust kuni Oʻzbekistonning 2 ta terma jamoasi Almata shahrida bo‘lib o‘tgan nufuzli xalqaro First Global Challenge musobaqasining yarim finalida ishtirok etib qaytishdi. Bunda BAA va Qozoqiston terma jamoalarini ortda qoldirib g‘alaba bilan qaytishdi hamda Gretsiyada bo‘lib o‘tadigan final bosqichiga yo‘llanmani qo‘lga kiritishdi.

✅ O‘zbekiston terma jamoasiga 2024-yil 26-29-sentyabr kunlarida Gretsiyada bo‘lib o’tadigan musobaqada omad tilab qolamiz.

Terma jamoaning yuqori darajada tayyorgarlik koʻrishlari uchun Raqamli texnologiyalar vazirligi, Raqamli ta’limni rivojlantirish markazi, TATU, IT park rezidentlari Realsoft, Robotics Lab korxonalari hamda terma jamoa ustozlari yaqindan yordam berib kelmoqda.

👥 Terma jamoalarga universitetimizning TUIT FIRST GLOBAL laboratoriyasida Zarif Qodirov, Adizbek Ergashev va Temur Rajabovlar murabbiylik qilmoqda.

✈️@tuituz_official

#TATU
#TABRIK

Bugun Yoshlar masalalari va ma’naviy-ma’rifiy ishlar bo‘yicha birinchi prorektori Yaxshibayev Doniyor Sultonbayevich hamda AKT sohasida iqtisodiyot va menejment fakulteti dekani Saitkamolov Muxammadxo‘ja Sobirxo‘ja o‘g‘lining tug'ilgan kunlari!

🎉 Shu munosabat bilan Universitet nomidan ularga sog'lik-salomatlik va uzoq umr tilaymiz!

✈️@tuituz_official

#tashrif #õrganish

👥 Oliy taʼlim, fan va innovatsiyalar vaziri oʻrinbosari Sarvarxon Buzrukxonov Muhammad al-Xorazmiy nomidagi Toshkent axborot texnologiyalari universitetida bo‘lib, yangi o‘quv yiliga tayyorlik holati, ta’lim sifati va samarasi, o‘quv laboratoriyalar, talabalarga yaratilgan qulayliklar, talabalarni yashash joyi bilan ta’minlash kabi ishlarning borishini ko‘zdan kechirdi.

🗒 Shuningdek, “Talabalar turar joylari va ijara xonadonlari boʻyicha maʼlumotlar markazi” faoliyati bilan tanishildi hamda universitet yotoqxonalariga birma-bir kirib, barcha qavatlardagi xonalarda talabalar uchun yaratilgan imkoniyat va sharoitlar o‘rganildi. Ma’naviyat xonasi, kutubxona, kompyuter texnikalari, tibbiyot xonasi, talabalarga maishiy xizmat ko‘rsatish joylarini ko‘rib, tavsiya va ko‘rsatmalar berdi.

✈️@tuituz_official