⚡️Битирувчиларга диплом топширилди

Муҳаммад ал-Хоразмий номидаги Тошкент ахборот технологиялари университети Қарши филиалида битирувчи ёшларга диплом топшириш маросими бўлиб ўтди. Унда битирувчилар, профессор-ўқитувчилар, ота-оналар ҳамда жамоатчилик вакиллари иштирок этишди.

Тадбирни филиал директори Акбар Нормуродов очиб бериб, барча битирувчиларга илм йўлида омадлар тилади ва дипломларни тантанали равишда топширди.

Шунингдек, тадбирда сўз олган ота-оналар ёшларнинг илм олиши учун барча имкониятлар яратилганлигини такидлаб, устозларга ўз миннатдорчиликларини билдиришди.

Таълимда устозлар илмини олиб, устозлик шарафини эгаллашга шайланиб турган бакалавр ва магистр битирувчиларини муборакбод этиб, уларнинг келгуси ишларига зафарлар тилаймиз.

👉@TUITKF_UZ