Sharqshunoslar Boysun maktablarida!

Toshkent davlat sharqshunoslik universiteti jamoasi universitetga biriktirilgan Boysun tumanidagi 2-sonli ingiliz tili faniga ixtisoslashgan davlat umumiy oʻrta taʼlim maktabiga tashrif buyurishdi.

Tashrif davomida oʻquvchilarnig bilim olishlari uchun yaratilgan shart-sharoitlar bilan tanishildi hamda oʻquvchilar bilan suhbat oʻtkazildi.

Suhbat davomida mazkur maktab ingiliz tili faniga ixtisoslashtirilgani uchun bugungi kunda xorijiy tillarni bilish qanchalik muhimligi, xorijiy tillarni mukammal oʻrganish uchun esa tillarga ixtisoslashtirilgan oliy taʼlim muassasalarida taʼlim olishning ahamiyati toʼgʻrisida fikr yuritildi.

Toshkent davlat sharqshunoslik universiteti, Sharq mamlakatlari iqtisodiyoti siyosati va turizm fakulteti dekani Chori Xusanov universitetning barcha taʼlim yoʻnalishlari jumladan, filologiya va tillarni oʻqitish (sharq tillari) taʼlim yoʻnalishi boʻyicha maʼlumotlar berdi.

Universitet Yoshlar yetakchisi Komiljon Suyarov bugungi kunda mamlakatimizda yoshlarning xorijiy tillarni oʻrganishlari uchun barcha shart-sharoitlar mavjudligi jumladan, "Ibrat Academy" mobil ilovasi orqali bepul tarzda sharq va gʻarb tillarini mukammal oʻrganishlari mumkinligi toʻgʻrisida soʻz yuritdi.

"Ibrat Farzandlari" loyihasining sharq tillari boʻyicha faoliyat yuritayotgan ustozlarining koʻpchiligi Toshkent davlat sharqshunoslik universiteti ustozlari ekanligini faxr bilan tilga oldi.

Universitetning Prezident stipendiyasi sohibasi Sadoqat Habibullayeva esa oʻzining erishgan yutuqlari boʻyicha tajribasini bitiruvchi sinf oʻquvchilari bilan boʻlishdi. Hozirgi kunda faqatgina ingliz tilini oʻrganish bilan cheklanib qolmasdan sharq tillarini ham oʻrganish lozimligini taʼkidladi

Ushbu tadbir o‘quvchi- yoshlarga ko‘tarinki kayfiyat bag‘ishladi hamda o‘quvchilar o‘zlarini qiziqtirgan savollariga javob olishdi.

👉 Kanalga ulanish 👉https://www.tg-me.com/boysunaxborotxizmati

✅ Telegram 💬 Facebook 📹 YouTube 🌍 Web-site