اللي مهم بالنسبة الك مو شرط مهم بالنسبة لغيرك
اللي اولوية بحياتك مو اولوية بحياة غيرك
اللي انت تحبه مو شرط كل الناس تحبه
اللي تبذل بيه جهد يمكن غيرك حتى ما سامع بي
اللي تبچي ع موده يمكن يِضَحِك غيرك
اللي تتعب عليه يمكن غيرك يحصله برمشة عين
اللي يضعفك يقوي غيرك

مو من حقك ولا حريتك ولا مسموح الك
تستهزئ او تستنقص او تقلل من قيمة اي شي يعني كل شي لغيرك!

تشوف شرارة الحب و الشغف بعين اللي گدامك تجي انت تطفيها ؟

محد ديطلب منك إنُ تشوف هذا الشي مهم بالنسبة الك
بس اللي مطلوب منك إنُ تتحترم كونه مهم بالنسبة لغيرك.
احترم السعادة اللي يحس بيها و هو يسوي وينجح بي

عسى ما إنت تشوفه أسخف شي بالكون
هو مو سخيف بالنسبة لغيرك.

نظرتك هي نظرتك (إنت وحدك)
احتفظ بيها اذا كانت سيئة
انصح اذا عندك نصيحة حلوة و بأسلوب مؤدب و محترم

و اذا ما عندك نصيحة او كلمة حلوة تگولها …أصمت افضل

ارائك السلبية و اللي مبنية ع الاستنقاص لا تطلق الها العنان
احتفظ بهذا السم بداخلك وحدك لتخاف ترا ميأذيك تراكمه … الحية ما تموت من سمها 😂

أكبر أنجازات الإنسان أنشغاله بنفسه