#bunyodkorlik

Yuqori Chirchiq tumanida zamonaviy agrotexnopark qurilishi boshlandi

O‘zbekiston milliy «Yangling» qishloq xo‘jaligida yuqori texnologiyalar agrotexnoparkiga poydevor qo‘yildi.

Mazkur loyiha O‘zbekiston hukumati va Xitoyning «Yangling Modern Agriculture International Cooperation Group Co., Ltd.” kompaniyasi hamkorligida amalga oshirilmoqda.

Maqsad — zamonaviy agrotexnologiyalar, ilm-fan va ishlab chiqarishni birlashtirgan ilg‘or agrosanoat markazini yaratishdir.

116,5 gektarlik hududda sanoat va demonstrasion maydonlar, dron va robot texnologiyalari sinov markazlari, «aqlli sug‘orish» tizimlari, 3D ekish laboratoriyalari hamda sovuq zanjirli logistika infratuzilmalari barpo etiladi.

Shuningdek, Xitoy, Yaponiya va Italiya tajribasi asosida O‘zbekiston olimlari bilan hamkorlikda yangi paxta, bug‘doy, sholi, makkajo‘xori va uzum navlari yaratiladi.

500 gektar maydonda pomidor, yong‘oq va quruq mevalarni yetishtirish va qayta ishlash, 5 ming gektarda esa qattiq bug‘doy ekish va tayyor mahsulotlar ishlab chiqarish rejalashtirilgan.

Natijada yangi ish o‘rinlari yaratiladi, eksport salohiyati oshadi va O‘zbekiston qishloq xo‘jaligi fan, texnologiya va ishlab chiqarish integratsiyasining yangi bosqichiga chiqadi.

✅Telegram 🌐Website 📹YouTube✅Facebook 🕊Twitter

#tajriba

Viloyat ishchi guruhi Qashqadaryoda ta'lim sohasida amalga oshirilayotgan tajribalar bilan tanishdi

Toshkent viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Otabek Sultanbekov boshchiligidagi ishchi guruh ta’lim sohasida amalga oshirilayotgan ilg‘or tajribalar bilan tanishish maqsadida Qashqadaryo viloyatiga tashrif buyurdi.

Tashrif davomida delegatsiya a’zolari Qarshi shahridagi “International School”, “Iqtidor” xalqaro maktabi, “Avitsenna” va “Oxford School” ta’lim muassasalari, shuningdek, “Kindervelt” o‘zbek–nemis bolalar bog‘chasi, “Orzu geniy” va “Bunyodkor” nodavlat maktabgacha ta’lim tashkilotlarining faoliyati bilan yaqindan tanishdilar.

Mehmonlarga ta’lim-tarbiya jarayonlarini samarali tashkil etish, ilg‘or o‘qitish uslublarini qo‘llash hamda xorijiy tajribalarni amaliyotga tatbiq etish borasida olib borilayotgan ishlar haqida batafsil ma’lumotlar berildi.

✅Telegram 🌐Website 📹YouTube✅Facebook 🕊Twitter

#jarayon

Viloyat markazi — islohotlar markazi hamdir

Nurafshon — navqiron shahar. U keyingi yillarda ijtimoiy-iqtisodiy sohalarning barcha tarmoqlarida jadal yuksalish va rivojlanish yo‘lini bosib o‘tmoqda. Ulkan bunyodkorlik maydoniga aylangan shahrimizning ertangi istiqboli yanada nurafshon bo‘lishi uchun keng ko‘lamli vazifalar ijrosi izchillik kasb etmoqda.

Shu bilan birga, hali shaharda ishga solinmayotgan imkoniyatlar ko‘p. Ularni hayotga bekamu ko‘st tadbiq etish Nurafshonni o‘z nomiga mos farovonlik va obodlik manziliga aylantirishi shubhasiz.

Xalq deputatlari Nurafshon shahar kengashining bugun bo‘lib o‘tgan navbatdagi sessiyasida shular xususida so‘z bordi.

Kun tartibiga muvofiq, sessiyada Nurafshon shahar hokimi Ilhom Klichxanov 2023-2025 yillarda shaharni ijtimoiy-iqtisodiy rivojlantirish borasida amalga oshirilgan ishlar tahlili hamda kelgusi ustuvor vazifalar yuzasidan shahar aholisiga murojaat qildi.

Shahar hokimi o‘z vazifalarini amalga oshirishda sustkashlikka yo‘l qo‘ygan soha va tizim rahbarlariga qat’iy intizomiy choralar ko‘rilishini ma’lum qildi.

Xususan, mahallalardagi 2 ta hokim yordamchisi, 2 ta ijtimoiy hodimni, shuningdek, "Inson" ijtimoiy xizmatlari markazi rahbarini vazifasidan ozod etish masalasi ko‘rib chiqilmoqda.

5 ta tijorat banki filiali, Bandlik bo‘limi va Mahallalar uyushmasi rahbarlari, shuningdek, soliq va kadastr idoralari rahbari o‘rinbosarlariga xayfsan berish bo‘yicha taklif kiritildi. Kommunal soha idoralari rahbarlari qat’iy ogohlantirildi.

Shahar hokimining murojaati yuzasidan deputatlar Jo‘ra Ahmedqulov va O‘tkir Rashidov o‘z fikr-mulohazalarini bildirdilar.

Kun tartibidagi masala yuzasidan tegishli qaror qabul qilindi.


✅Telegram 🌐Website 📹YouTube✅Facebook 🕊Twitter

#forum

Toshkent viloyati — Rossiya-O‘zbekiston kooperatsiyasi uchun ishonchli maydon

Xabar berganimizdek, Toshkent viloyati hokimi Zoyir Mirzayev boshchiligidagi viloyat delegatsiyasining Rossiya Federatsiyasiga safari davom etmoqda.

Bugun delegatsiyamiz Moskva viloyatida tashkil etilgan Rossiya va O‘zbekiston hududlari II kengashi yig‘ilishida ishtirok etdi.

🌐Batafsil

👈👈👈👈➡️➡️➡️➡️

Ташкентская область — надёжная площадка для российско-узбекской кооперации

Как сообщалось ранее, продолжается визит делегации Ташкентской области во главе с хокимом Зойиром Мирзаевым в Российскую Федерацию.

Сегодня наша делегация приняла участие во II заседании Совета регионов России и Узбекистана, которое прошло в Московской области.

✅Telegram 🌐Website 📹YouTube✅Facebook 🕊Twitter