#Tadorik

⭕️ Toshkent viloyati ulugʻ ayyomga oʻzgacha tayyorgarlik koʻrmoqda

📍 Bugun Nurafshon shahridagi “NURAFSHON BUSINESS CITY” hududidagi amfiteatrda Mustaqilligimizning 33 yilligi munosabati bilan Toshkent viloyati hokimligi tomonidan tashkillashtirilgan katta bayram tadbiri oʻtkaziladi.

✅ Bayram dasturi “Bir boʻlsak — yagona xalqmiz, birlashsak — Vatanmiz!” degan bosh gʻoyani oʻzida mujassam etdi. Uning bosh konsepsiyasi millatlararo totuvlik va xalqlar doʻstligiga bagʻishlandi.

🎬 Bayram tantanalarini “Nurafshon TV” telekanali, Toshkent viloyati hokimligi va viloyat hokimi Zoyir Mirzayevning rasmiy ijtimoiy tarmoqlarida toʻgʻridan-toʻgʻri kuzatib borishingiz mumkin.

🔰 Ijodiy guruh rahbari: Zoyir Mirzayev, Mahmud Toir, Rahmatilla Sheraliyev, Abdusamad Nosirov, Sayyora Fayziyeva, Zarifa Eraliyeva, Axror Mirzayev Behzod Qobulov;

📝 Senariy muallifi: Gʻayrat Sheraliyev, Zohidjon Olov;

📢 Bosh Rejissyor: Oʻzbekiston sanʼat arbobi Baxtiyor Toʻrayev;

🎼 Bayram tantanalari xronometraji 1,5 soatni tashkil etadi. Yakunda esa mushakbozlik ham rejalashtirilgan. Jumladan, Toshkent viloyati madaniyat boshqarmasi tashabbusi bilan isteʼdodli yosh ijrochilar, maqom va baxshichilik sanʼati vakillaridan iborat ijodiy guruhlar tomonidan katta sahnada 10 dan ortiq yangi qoʻshiqlarini ijro qiladi.

🎹🎤 Bundan tashqari, konsertga maxsus mehmon sifatida Tojikistonlik mashhur qoʻshiqchi Farangis Dunyo ham ishtirok etishi kutilyapti. Oʻzbekistonda xizmat koʻrsatgan madaniyat xodimi, taniqli sozanda va kompozitor Sultonali Rahmatov “Oʻzbekiston” musiqasi orkestr joʻrligida jonli ijro qilinadi.

Toshkent viloyati hokimligi Axborot xizmati.

✅Telegram 🌐Website 📹YouTube✅Facebook 🕊Twitter