#Mavsum_yumushlari
#press_tur

Viloyatda yigʻim-terim ishlari avj pallada

Ayni kunlarda hududlarda gʻalla yigʻim-terimiga qizgʻin davom etmoqda. Bundan tashqari, oziq-ovqat xavfsizligini, narxlar barqarorligini taʼminlash maqsadida, ertapishar kartoshka, piyoz, sabzi mahsulotlari aholi tomorqalari va fermer xoʻjaliklarida pishib yetilib, mahalliy bozorlarga, xorijga eksportga chiqarilmoqda.      
   
Mazkur jarayonlar bilan yaqindan tanishish maqsadida jurnalist va blogerlar ishtirokida Oʻrta Chirchiq tumaniga press-tur tashkil etildi.

Aytish mumkin, bu yil viloyat dalalarida jami 32 ming 93 gektar sabzavot, 2 ming 211 gektar poliz va 17 ming gektar maydonida kartoshka ekilgan. Shuningdek, gʻalladan boʻshagan 100 ming gektar maydonga takroriy ekin ekiladi.

Jurnalistlarning dastlabki manzili “Yuqoriovul” mahallasidagi “Sitora-Maftuna” fermer xoʻjaligining piyoz maydoni boʻldi. Dehqonlarning hosilni yigʻish va maxsus qoplarga joylashtirish jarayonlarini kuzatishdi.

Shundan soʻng, tumandagi 200 gektar yer maydonida yomgʻirlatib va tomchilatib sugʻorish asosida kartoshka yetishtirishga ixtisoslashtirilgan klaster faoliyati bilan tanishdi. Ayni kunlarda maydonlar sugʻorish jarayonida ekan. Tez kunlarda hosil yigʻishga kirishilishi  taʼkidlandi.

Tur davomida jurnalistlar gʻalla dalalaridagi oʻrim jarayonlari bilan ham tanishdi.

✅Telegram🌐Website📹YouTube✅Facebook🕊Twitter