#Hamkorlik

Tatariston poytaxtida Toshkent viloyatining salohiyatiga bagʻishlangan rasmiy taqdimot oʻtkazildi

Avval xabar berganimizdek, Zoyir Mirzayev boshchiligidagi viloyatimiz delegatsiyasi Rossiya Federatsiyasi Tatariston Respublikasi poytaxti Qozon shahrida boʻlib turibdi.

Vakillarimiz Qozonda boʻlib oʻtayotgan “Halol eksport-2024. Rossiya va islom dunyosi” Xalqaro forumi ishtirok etmoqda.

Forum doirasida bugun “Oʻzbekiston-Rossiya” industrial muloqoti oʻtkazildi. Unda Savdo-sanoat palatasi viloyat boʻlimi raisi Abdurasul Abduxalilov, “Chirchiq” industrial zonasi rahbari Jahongir Abdurahmonov nutq soʻzladi.

Muloqotda Toshkent viloyatida biznes boshlash uchun yaratilgan imkoniyatlar va hududning iqtisodiy salohiyati haqida atroflicha fikr yuritildi.

✅Telegram🌐Website📹YouTube✅Facebook🕊Twitter

#Press_tur

Bugun “15-may- Xalqaro oila kuni” munosabati bilan oilalarda maʼnaviy-ahloqiy muhitni yaxshilash va ularning farovonlik darajasini oshirish, oilaviy ajralishlarning oldini olish, namunali oilalar hayotiy tajribalarini ommalashtirish, shuningdek, ibratli farzandlarni tarbiyalab voyaga yetkazayotgan oilalar faoliyatini keng targʻib qilish maqsadida, jurnalist va blogerlar uchun press-tur tashkil etildi.

Dastlab, OAV vakillari Parkent tumanidagi 8 nafar bolani “Mehribonlik uyi” dan asrab olib, tarbiyalayotgan Berdimurodovlar oilasida boʻlishdi. Soʻng, Yuqori Chirchiqdagi koʻpchilikka ibrat boʻlib kelayotgan, kashtachilik bilan shugʻullanib, bugun koʻplab shogirdlar orttirgan, ish oʻrinlari yaratgan ijodkor, Xolmuhammedovlar oilasidagi jarayonlar koʻrsatildi.

Tadbir yakunida Oʻrta Chirchiq tumanining “Oʻrta saroy” mahallasida 60 yilga yaqin umrguzaronlik qilib kelayotgan  Usmonali ota Rahmatov va Jamila aya Rahmatovalar xonadonida mehmon boʻlgan jurnalistlar ularning yoshlarga oʻrnak boʻlajak hayotiy tajribalari bilan oʻrtoqlashdi.

✅Telegram🌐Website📹YouTube✅Facebook🕊Twitter