#maʼnaviy_hayot

Olmaliq shahrida ma’rifat saboqlari

Olmaliq shahrida navbatdagi siyosiy ma’rifat soati o‘tkazildi. Unda Respublika Ma’naviyat va ma’rifat markazi rahbari Otabek Hasanov ishtirok etdi.

O‘quv mashg‘ulotida quyidagi masalalarga alohida e’tibor qaratildi:
• bugungi siyosiy jarayonlar;
• islohotlarning amaldagi ifodasi;
• hududlardagi ijobiy o‘zgarishlar;
• ta’lim sohasiga qaratilayotgan e’tibor;
• davlat xizmatchilarining daxldorlik pozitsiyasi.

Tadbir davomida ishtirokchilarga mavzuga doir dolzarb ma’lumotlar yetkazildi va fikr-mulohazalar almashildi.

✅Telegram 🌐Website 📹YouTube✅Facebook 🕊Twitter

#bunyodkorlik

Bogʻizilol sohili – yangi sayilgohga aylanadi

Toshkent viloyati hokimi Zoyir Mirzayev Toshkent tumanidagi Bogʻizilol mahallasida amalga oshiriladigan loyiha bilan yaqindan tanishdi.

Tuman hokimi Sardorbek Ergashev loyiha taqdimoti davomida sohil boʻylab 5 kilometr uzunlikda sayilgoh barpo etilishi rejalashtirilayotganini maʼlum qildi. Unga koʻra, aholi dam olishi uchun zamonaviy sharoitlar yaratiladi: xizmat koʻrsatish shoxobchalari, ovqatlanish nuqtalari, doʻkonlar va koʻngilochar maskanlar qurilib, bu hudud toʻliq dam olish markaziga aylantiriladi.

Loyiha doirasida bir yarim kilometr yoʻl toʻliq rekonstruksiya qilinadi, 5 kilometr uzunlikdagi sohil boʻyi sayilgohi quriladi va obodonlashtiriladi. Bu esa 15 mingga yaqin aholining sifatli dam olishi va vaqtini mazmunli oʻtkazishi uchun qulay imkoniyat yaratadi.

Viloyat hokimi loyihaning amalga oshirilishi yuzasidan oʻz taklif va tavsiyalarini bildirib, bu tashabbus nafaqat Bogʻizilol mahallasi aholisi, balki butun tuman ahli uchun eng zamonaviy qulayliklar yaratishi lozimligini qayd etdi.

Shunga oʻxshash sayilgohlarni tumanning boshqa chekka hududlarida ham bosqichma-bosqich barpo qilish koʻzda tutilgan.


✅Telegram 🌐Website 📹YouTube✅Facebook 🕊Twitter