#Rasmiy

Yangiyoʻl tumani kompleks ijtimoiy-iqtisodiy rivojlantiriladi

Oʻzbekiston Respublikasi Vazirlar Mahkamasining 2024-yil 19-iyuldagi “2024-2025-yillarda Toshkent viloyatining Yangiyoʻl tumanini ijtimoiy-iqtisodiy rivojlantirish va aholining yashash sharoitlarini yanada yaxshilash chora-tadbirlari toʻgʻrisida”gi Qarori mazkur hudud hayotida oʻziga xos tarixiy voqea boʻldi.

Bugun Xalq deputatlari Yangiyoʻl tumani Kengashi deputatlari, tuman faollari va mutasaddilar ishtirokida mazkur qarorda belgilangan vazifalar ijrosiga doir kengaytirilgan yigʻilish boʻlib oʻtdi.

Yigʻilishda Toshkent viloyati hokimi Zoyir Mirzayev ishtirok etdi va nutq soʻzladi.

Aytish mumkinki, 2024-2025-yillarda tumanda 49 ta loyiha bajariladi, shu maqsadga jami 1,6 trillion soʻm mablagʻ yoʻnaltiriladi.

Zoyir Mirzayev qaror doirasida bajariladigan ishlarga toʻxtalib, bunda jamoatchilik nazorati instituti faol boʻlishi muhimligiga eʼtibor qaratdi.

Tuman hokimi Odiljon Ataullayev mazkur qaror ijrosiga doir taqdimot qilib, qarorda belgilangan vazifalarni oʻz vaqtida va yuqori saviyada bajarish chora-tadbirlari xususida axborot berdi.

Yigʻilish tafsilotlari haqida bugun qoʻshimcha axborot beriladi.

✅Telegram🌐Website📹YouTube✅Facebook🕊Twitter