ሮድሪ ከውድድር አመቱ ውጪ ሊሆን ይችላል !

ስፔናዊው የማንችስተር ሲቲ አማካይ ሮድሪ በትላንቱ የአርሰናል ጨዋታ ያጋጠመው ጉዳት ከባድ መሆኑን ዘ አትሌቲክ አረጋግጧል።

ይህንንም ተከትሎ የማንችስተር ሲቲው ተጨዋች ሮድሪ በጉዳቱ ምክንያት ለረጅም ጊዜ ከሜዳ ይርቃል ተብሎ ይጠበቃል ።

ማንችስተር ሲቲዎች ተጨዋቹ በጉዳት ከውድድር አመቱ ውጪ ይሆናል የሚል ፍራቻ እንዳላቸው ተነግሯል።

ሮድሪ በእግርኳስ ህይወቱ ከዚህ በፊት በጉዳት ምክንያት ለሀገሩ እና ክለቡ ያመለጡት ጨዋታዎች ስምንት ብቻ መሆናቸው ተገልጿል።

@tikvahethsport     @kidusyoftahe

ዋልያዎቹ ቀጣይ ጨዋታቸውን የት ያደርጋሉ ?

የኢትዮጵያ ብሔራዊ ቡድን ለ 2025 የአፍሪካ ዋንጫ ለማለፍ የሚረዳውን የምድብ ሶስተኛ እና አራተኛ ጨዋታ ከጊኒ አቻቸው ጋር የሚያደርጉ ይሆናል።

የሁለቱ ሀገራት የደርሶ መልስ ጨዋታ በኮትዲቯር ሊደረግ እንደሚችል ለማወቅ ተችሏል።

ከጊኒ እግር ኳስ ፌዴሬሽን እየወጡ ባሉ መረጃዎች ሁለቱንም ጨዋታ በ ኮትዲቯር ለማድረግ የሁለቱ ሀገራት ፌዴሬሽኖች በንግግር ላይ እንደሚገኙ ተዘግቧል።

የጊኒ እግር ኳስ ፌዴሬሽን የካፍን መስፈርት የሚያሟላ ስታዲየም ስለሌለው ለማጣርያ ጨዋታዎች ኮትዲቯርን ምርጫው አድርጎ ቆይቷል።

የሁለቱ ብሔራዊ ቡድኖች ጨዋታ 20,000 ተመልካችን በሚይዘው በያሙሶኩሮ ቻርለስ ኮናን ባኒ ስታዲየም ይደረጋል ተብሎ ይጠበቃል።

የደርሶ መልስ መርሐ ግብሩ መስከረም 30 እና ጥቅምት 4/2017 ዓ.ም ለማድረግ መታሰቡም ታውቋል።

ዋልያዎቹ በአንድ ነጥብ ሶስተኛ እንዲሁም ጊኒ ያለ ምንም ነጥብ የመጨረሻውን ደረጃ ይዘው በምድባቸው ይገኛሉ።

@tikvahethsport @kidusyoftahe