" ማራቶን ካቋረጥሽ ፈርሚ ከተባለ እጅግ የሚያሳዝን ነው " ኃይሌ ገብረ ሥላሴ

ሻለቃ አትሌት ኃይሌ ገብረ ሥላሴ በፓሪስ ኦሎምፒክ ማራቶን ውድድር " አላቋርጥም ብለሽ ፈርሚ " የተባለ አትሌት አለ መባሉን " እውነት ከሆነ እጅግ የሚያሳዝን " ሲል ገልፆታል።

የኢትዮጵያ አትሌቲክስ ፌዴሬሽን ፕሬዝዳንት ረ/ኮሚሽነር ደራርቱ ቱሉ ስለ ጉዳዩ ከቀናት በፊት ተጠይቃ "  በፍጹም ልክ አይደለም ቅር ብሎኛል ግን ደግሞ ልጅቷ በራሷ ተማምና ሄዳ መፈረሟ በእሷ እንድደሰት አድርጎኛል።"ብላለች።

ከብሔራዊ ቴሌቪዥን ጋር በነበራቸው ቆይታ በጉዳዩ ላይ ማብራሪያ የሰጡት የኢትዮጵያ ኦሎምፒክ የቴክኒክ እና ህዝብ ግንኙነት ኮሚቴ ሰብሳቢ አቶ ቢልልኝ መቆያ " አሉባልታ ነው " ሲሉ የገለፁ ሲሆን " አልተባለም " በማለት ማረጋገጫ ሰጥተዋል።

አቶ ቢልልኝ አያይዘውም " መረጃው አትሌቷን የሚጎዳ እና ለሌሎች ሀገራት ሞራል የሚሰጥ ነው ፣ የኢትዮጵያ ኦሎምፒክ ኮሚቴ የሚሰራውን ያውቃል " ብለዋል።

ሻለቃ አትሌት ኃይሌ ገብረ ሥላሴ በበኩሉ " ስሰማው በጣም ደንግጫለሁ አይደለም ማስፈረም በቃልም አላቋርጥም በይ ካሏት ተገቢ አይደለም ሊታሰብም አይገባም " ሲል ከሸገር ኤፍ ኤም ስፖርት ጋር በነበረው ቆይታ ተናግሯል።

ይህንን የተባለችው አትሌት ትግስት " ካሸነፈችው የአለም ሪከርድ ወይም ኦሎምፒክን ብታስመርጣት ኦሎምፒክን የምትመርጥ ነች " ሲል ሻለቃ አትሌት ኃይሌ ገብረ ሥላሴ ገልጿል።

የአለም የማራቶን ሪከርድ ባለቤቷ አትሌት ትግስት አሰፋ ለማራቶን ከፍተኛ ዝግጅት ላይ ስትገኝ ሙሉ ወጪ በመሸፈን የህክምና ባለሙያና አሰልጣኟን ወደ ፓሪስ ይዛ በመሄድ የፓሪስ ማራቶን የሚደረግበት ቦታን መመልከት መቻሏ ተገልጿል።

@tikvahethsport     @kidusyoftahe

" ለማድሪድ ህይወቴን እሰጣለሁ " ምባፔ

የሪያል ማድሪድ ተጨዋች በመሆን በመታወወቅ ላይ የሚገኘው ኪሊያን ምባፔ ለክለቡ ህይወቱን እንደሚሰጥ በስነስርዓቱ ላይ በሰጠው አስተያየት ተናግሯል።

ኪሊያን ምባፔ ምን አለ ?

- " የሪያል ማድሪድ ተጨዋች የመሆን ህልም ነበረኝ ማሳካት ችያለሁ አሁን እዚህ ነኝ አሁን በትልቁ ክለብ ትልቅ ደረጃ ላይ መድረስ እፈልጋለሁ።

- እዚህ ቦታ ለመገኘት በርካታ አስቸጋሪ ሁኔታዎችን አልፌያለሁ አሁን በአለም ምርጡ ክለብ ውስጥ እገኛለሁ።

- ለወጣቶች ማለት የምፈልገው የማይሆን ህልም እንደሌለ ነው አሁን እኔ ደስተኛው ሰው ሆኛለሁ።

- ለሪያል ማድሪድ ሙሉ ህይወቴን እሰጣለሁ ሪያል ማድሪድ በእግርኳስ ታሪክ ውስጥ ምርጡ ክለብ ነው።"ሲል ተደምጧል።

@tikvahethsport     @kidusyoftahe