#ParisOlympics2024

የፓሪስ ኦሎምፒክ እግርኳስ ጨዋታዎች ሲጀምሩ የሞሮኮ ብሔራዊ ቡድን ከአርጀንቲና አቻው ጋር ያደረጉትን የመክፈቻ ጨዋታ 2ለ2 በሆነ አቻ ውጤት አጠናቀዋል።

የሞሮኮን ግቦች ሶፍያን ራሂሚ 2x ከመረብ ሲያሳርፍ ለአርጀንቲና የአቻነት ግቦች ጅዩሊያኖ ሲሞን እና ክርስቲያን ሜዲና አስቆጥረዋል።

በጨዋታው አስራ አምስት የባከኑ ደቂቃዎች ሲጨመሩ አርጀንቲና በመጨረሻ ደቂቃ የአቻነት ግብ አስቆጥራ ነጥብ ተጋርታለች።

በሌላ ጨዋታ የስፔን ኦሎምፒክ ብሔራዊ ቡድን የኡዝቤክስታን አቻውን በማርክ ፑቢል እና ሰርጂዮ ጎሜዝ ግቦች 2ለ1 ማሸነፍ ችሏል።

@tikvahethsport     @kidusyoftahe

የአርጀንቲናን ግብ ከሰዓታት በኋላ በቫር ተሻረ !

ከሁለት ሰዓታት በፊት ሁለት አቻ እንደተጠናቀቀ የተገለፀው የአርጀንቲና እና ሞሮኮ የኦሎምፒክ የመጀመሪያ ጨዋታ ከሰዓታት በኋላ በዳኛው አዲስ ውሳኔ ተላልፎበታል።

ዋና ዳኛው አርጀንቲና 116ኛው ደቂቃ ላይ ያስቆጠረችውን የአቻነት ግብ በቫር ተመልክተው ከጨዋታ ውጪ በሚል ሽረውታል።

በጨዋታው መጠናቀቂያ ደቂቃዎች ላይ የሞሮኮ ደጋፊዎች ወደ ሜዳ መግባታቸውን ተከትሎ ዋና ዳኛው ጨዋታውን በይፋ አለማጠናቀቃቸው ተገልጿል።

በጨዋታው መጠናቀቂያ ደቂቃ የተቆጠረውን አጨያያቂ ግብ ተከትሎ ዋና ዳኛው የመጨረሻ ውሳኔ እስኪሰጡ ተጨዋቾቹ በመልበሻ ክፍል ለሰዓታት ሲጠብቁ ነበር።

ዋና ዳኛው የአርጀንቲናን የጨዋታ ውጪ ግብ ሽረው ተጨማሪ ሶስት ደቂቃዎች ያጫወቱ ሲሆን በመጨረሻም ጨዋታው በሞሮኮ 2ለ1 አሸናፊነት ተጠናቋል።

ተጨዋቾቹ እንዲጠብቁ የተደረገው የአርጀንቲና ግብ በቫር ታይቶ ከጨዋታ ውጪ ከሆነ ሶስት ደቂቃ ለመጫወት ሲሆን ትክክለኛ ግብ ከሆነ ጨዋታው እንደተጠናቀቀ ሊመዘገብ እንደነበር ተነግሯል።

@tikvahethsport     @kidusyoftahe

ኤደርሰን ኦርቴጋ ያገኘው ውዳሴ አላስደሰተውም ተባለ !

ማንችስተር ሲቲን መልቀቅ የሚፈልገው ኤደርሰን በክለቡ ላለመቆየት ተፅዕኖ ያሳደረበት አንዱ ኦርቴጋ የሰን ሁንግ ሚንን የግብ ሙከራ አድኖ ያገኘው ከፍተኛ ውዳሴ መሆኑ ተገልጿል።

ማንችስተር ሲቲ ከቶተንሀም በነበራቸው ወሳኝ የሊግ ጨዋታ ስቴፋን ኦርቴጋ ከሰን ጋር አንድ ለአንድ ተገናኝቶ ከፍተኛ አድናቆት ያስገኘለትን ሊቆጠር የተቃረበ የግብ ሙከራ ማዳኑ አይዘነጋም።

ብራዚላዊው ግብ ጠባቂ ኤደርሰን በተለይም የማንችስተር ሲቲ ደጋፊዎች ኤደርሰን ቢሆን አይመልሰው ነበር የሚሉ አስተያየቶች መስጠታቸው ተፅዕኖ እንዳሳደረበት ተነግሯል።

ኤደርሰን ማንችስተር ሲቲን የሚለቅ ከሆነ አሰልጣኝ ፔፕ ጋርዲዮላ ስቴፋን ኦርቴጋን የቡድኑ ቁጥር አንድ ግብ ጠባቂ እንደሚያደርጉ ተገልጿል።

@tikvahethsport     @kidusyoftahe

🇪🇹 ዋናው × ስፖርትን ከኛ ጋር 🇪🇹

✨💪🏾 ስፖርት፣ አነቃቂ ተዝናኖት፣ ጤናማ እንቅስቃሴ! 💪🏾✨

👉🏾 እርሶስ ምን ይጠብቃሉ? ጥራትና ውበትን የተላበሱ #የዋናው የጂምና የስፖርት እንቅስቃሴ አልባሳትን ይሸምቱ፣ #ይዘዙን!

📌 ለበለጠ መረጃና ትዕዛዝ 📲 0901138283፣ 0910851535 እና 0913586742 ላይ ይደውሉ።

👉🏾 እንዲሁም በቴሌግራም @Wanawsales ላይ የሽያጭ ሰራተኞቻችንን በቀጥታ በማናገር ወይም በቴሌግራም ቦት @WanawSportBot ይዘዙን።

🏅 ዋናው ወደፊት...

@wanawsportwear