ኢትዮ ቴሌኮም ከሲንቄ ባንክ ጋር በአጋርነት 15 ቢሊየን የብር መጠን ያለው የቴሌብር የሞባይል ፋይናንሺያል አገልግሎቶችን እና የዲቫይስ ፋይናንሲግ አገልግሎቶች ማስጀመሩን በይፋ ስናበስር በታላቅ ደስታ ነው!

በዚህ የአጋርነት ትብብር ለጥቃቅንና አነስተኛ ኢንተርፕራይዞች/ነጋዴዎችና ወኪሎች አነስተኛ ንግድ/ቢዝነስ እንዲጀምሩ ወይም እንዲያስፋፉ በዋስትና እና ያለዋስትና እስከ ብር 1.2 ሚሊየን የሚደርስ ብድር እንዲያገኙ የሚያስችል ስምምት የተደረገ ሲሆን፣ ይህም በዓመት እስከ ብር 10 ቢሊየን ለደንበኞች ለማቅረብ ያስችላል፡፡

በተጨማሪም የደመወዝ ብድር አገልግሎቱ ወርሃዊ ደመወዛቸው በቴሌብር እና በሲንቄ ባንክ ለሚከፈላቸው የግል እና የመንግስት ተቋማት ሰራተኞች፣ እስከ 1 ሚሊዮን ብር ድረስ ብድር እንዲያገኙ የሚያስችል ሲሆን፣ ይህም በዓመት እስከ 1.3 ቢሊየን ብር የሚደርስ የብድር አቅርቦት ስምምነትን ያካተተ ነው፡፡

ሁለቱ ተቋማት በአጋርነት የስማርት ስልክ ስርጸትን ለማሳደግ ያለመ የዲቫይስ ፋይናንሲንግ አገልግሎት ያስጀመሩ ሲሆን፣ ይህም ዝቅተኛ ገቢ ያላቸው ዜጎች ስማርት ስልኮችን እና ሲም ካርዶችን በተመጣጣኝ ዋጋ እና በረጅም ጊዜ ክፍያ እንዲያገኙ የሚያስችል ሲሆን፣ እንደ ተቋም በዓመት እስከ 2 ሚሊዮን ዲቫይሶችን ለማቅረብ በማቀድ ከሲንቄ ባንክ ጋር የ4 ቢሊዮን ብር የገንዘብ አቅርቦት ስምምነት ተደርጓል።

ይህም የኢትዮጵያን የዲጂታል ትራንስፎርሜሽን ስትራቴጂ በቀጥታ ከመደገፉም ባሻገር የዲጂታል ክፍተትን ለማጥበብ በተለይ ቀደም ሲል አገልግሎት በበቂ ሁኔታ ያላገኙ የማህበረሰብ ክፍሎችን በመደገፍ ለሀገራችን ዲጂታል ኢኮኖሚ ግንባታ ቁልፍ ሚና ይጫወታል፡፡

ለተጨማሪ መረጃ፡ https://bit.ly/4cZKlLd

ኩባንያችን የዲጂታል አካታችነትን ለማረጋገጥ 2 ሚሊየን ስማርት ስልኮችን በረጅም ጊዜ ክፍያ ሊያቀርብ ነው!

ኩባንያችን የስማርት ስልክ ስርጸትን በማሳደግና የዲጂታል ክህሎት እድገትን በማገዝ አካታችነትን ለማረጋገጥ፣ በዓመት 2 ሚሊየን ስልኮችን በተመጣጣኝ ዋጋ በረጅም ጊዜ ክፍያ ለዜጎች ለማቅረብ አቅዷል።

ከዚህም ውስጥ፣ ኩባንያችን ከሲንቄ ባንክ ጋር በአጋርነት በዓመት በ4 ቢሊየን ብር በጀት ዝቅተኛ ገቢ ላላቸው እና በገጠር ለሚኖሩ የማህበረሰብ ክፍሎች የስማርት ስልኮችን በረጅም ጊዜ ክፍያ ማቅረብን ያካትታል።

ኩባንያችን በቀጣይም የዲጂታልና የፋይናንስ አካታችነትን ለማረጋገጥ እና ዜጎች በዲጂታል ኢኮኖሚው ውስጥ ተሳታፊ እና ተጠቃሚ እንዲሆኑ የሚያደርጉ ተመሳሳይ ጥረቶችን ከሌሎች አጋሮች ጋር መተግበሩን ይቀጥላል፡፡

ኩባንያችን ከሲንቄ ባንክ ጋር በድምሩ 15 ቢሊየን የብር መጠን ያለው የሞባይል ፋይናንሺያል እና የዲቫይስ ፋይናንሲንግ አገልግሎቶችን ይፋ ማድረጉ ይታወሳል፡፡

#RealizingDigitalEthiopia #Ethiotelecom #telebirr #Siinqee #DigitalAfrica #DigitalEthiopia #SmartAfrica #GSMA #ITU #WorldBank #OECD #G6countries #HOPR #HoF