#Innovator

“Innovator” sahifasining qahramoni — Azimjon Normurodov.


✅ Azimjon Normurodov 2009 yil 14-iyulda Qashqadaryo viloyati, Nishon tumanida tug‘ilgan. Hozirda u Toshkent shahridagi “Target International School”ning 9-sinf o‘quvchisi.

✅Azimjonning robototexnika va IT sohasiga bo‘lgan qiziqishi juda katta. Yosh ixtirochi sifatida u o‘zining innovatsion ishlanmalari bilan ko‘plab tanlovlarda ishtirok etib, katta yutuqlarga erishib kelmoqda.

✅ Jumladan Azimjon o‘zining ixtirochilik faoliyatida bir qancha muvaffaqiyatlarga erishgan. Masalan, “Robotlar jangi” festivalida birinchi o‘rinni egallagan. Shuningdek, “INNOWEEK - 2022” innovatsion g‘oyalar ko‘rgazmasida “Eng yosh loyihachi” unvoniga sazovor bo‘lgan. “TATU barkamol avlod bilan” tanlovida o‘zining “Hamshira roboti” bilan birinchi o‘rinni qo‘lga kiritgan, hamda “RAQAMLI TEXNOLOGIYA – YOSHLAR NIGOHIDA” respublika bosqichida ikkinchi o‘rinni qo‘lga kiritdi.

✅2024-yil 17-iyul kuni WRO (World Robot Olympiad) ning O'zbekistondagi hamkori Robokidz maktabi IT-Parkda WRO-2024 Uzbekistan saralash bosqichini oʻtkazdi. Unda Normurodov Azimjon jamoasi 2-o'rinni 🏆 egallab 2024-yil 28-30-noyabr kunlari Turkiyaning Izmir shahrida bo'lib o'tadigan final bosqichiga yo'llanma oldi.

✅Qahramonimiz yozgi taʼtilni ham bekor o‘tkazmadi. Bir yoshdan olti yoshgacha bo‘lgan bolalar uchun u maxsus innovatsion bolalar elektro mobilini yaratdi. Ushbu mobil zamonaviy monitor bilan boshqariladi va xavfsizlikni ta’minlash uchun turli datchiklar bilan jihozlangan. Azimjonning fikricha, bolalar bunday innovatsion ishlanmalar bilan tanishib, kelajakda ularga qiziqish bilan yondashadi.


✅ “Oliy maqsadim ixtirochi dasturchi bo‘lib, o‘z ixtirolarim uchun dasturlar yozishdir. Kelajakdagi orzuyim xalqaro tanlovlarda g‘olib chiqib, Vatanimiz bayrog‘ini yuqori ko‘tarish va yangi innovatsion loyihalar bilan yurtimning ravnaqi yoʻlida xizmat qilish,”— deydi yosh innovatorimiz.

✅Qahramonimizning kelgusi ishlariga zafarlar tilab qolamiz!

Facebook | Telegram | Web | Instagram