*وامحمداه~ عظم الله اجوركم* ها هي مولاتنا  فاطمة تبكي وتنادي وابتاه وامحمداه~آبه..آبه من بعدك للقبلة والمصلى..~
ابه..من بعدك لابنتك الثكلى..~ من بعدك لليتامى. ~ من بعدك للحسن والحسين .~ آه آه
آيبويه ~ فرگتك تصعب عليّه
آيبويه ~ دمعتي بعدك جريه
آيبويه ~ لانصب عليك العزيه
آيبويه ~ ظلمة بعدك هالليالي
آيبويه ~ فاگده عزي ودلالي
آيبويه ~ فرگتك ما هي على بالي
يا محمد ~ لا لا ترحل يا نبينه
يا محمد~ الزهره من بعدك حزينه
يا محمد ~ وانطفى نور المدينه
*عظم الله أجوركم*
واي عزاء يا فاطمة وان معك ملائكة السموات تنوح لرحيل رسول الله ص تگله
لحن الجفيري~
نايم يا بويه بالگبر
گلبي لْمصابك منكسر
الزهره عفتها للقهر
يالمندفن تحت التراب
〰️〰️〰️〰️
بعدك رزايا هالزمن
تنزل علينا والمحن
وما يرحموا ام الحسن
روحي عفتها للعذاب
〰️〰️〰️〰️
صعبه يا نايم باللحد
تفارگ عيوني للأبد
وما انظر لنورك بعد
وحي الله ينعى والكتاب
خادمة آل محمد ✍🏻

يا زهراء مدد~ لحن يمدللـه راح الدلال~ للشيخ علي البيابي🎤
الزهره اجت يم الرسول
ومدمعها عالوجنه هطول
تبچي على مصابه البتول
صعبه يبويه حالتك
〰️〰️〰️〰️〰️
دمعتها لاجله سايله
شافت عيونه مذبّله
وتصرخ يبويه معوله
تفارگها ابويه بضعتك
〰️〰️〰️〰️〰️
يگلها الصبر يم الحسن
بعدي تشوفين المحن
ظلم ومرارة هالزمن
وما تجف ابد لا دمعتك
〰️〰️〰️〰️〰️
گالتله وشلون الصبر
وانظر لحالك يالبدر
نوره انطفى وضي العمر
صعبه يبويه فرگتك
〰️〰️〰️〰️〰️
بعدي تشوفين الظلم
وضلع البتوله ينهشم
تتجرعي مرّ الألم
ما محنة تشبه محنتك
خادمة آل محمد✍🏻

*لحظات احتضار رسول الله (ص)*
غمّض عيونه ابو الزهره واسبل ايديه
وصاحت البضعه يبويه وناحت عليه
واملاك السمه نزلت تنعى وتبچيه
وحيدر گام يكفكف دموع العيون
〰️〰️〰️〰️〰️
الحسن وحسين من بعده يتامه
وزينب تون يمه والمدمع تهامه
والزهره تقبّل وبيدها تشيل العمامه
وجبريل الوحي ينعى الـ باللحد مدفون
〰️〰️〰️〰️〰️
واتزلزلت ارض المدينه ساعة انخطف لونه
وناحت الزهره الحزينه ولطمت المحزونه
واتمددت يمه وبيدها اتغمّض عيونه
تگله يالهادي صعب فرگاك يا نور العيون

خادمة آل محمد✍🏻

*وامـحمــداه* 😭 *عظم الله اجوركم يا ابا صالح~*
بِالمْدِينه ابو صالح ناصب تعزيه لجده
يبچي وينتحب يمّه ودمعه يسيل على خده
وانوار الكسا الخمسة كلها معزّيه عنده
أنين الزهره عالمسموم وتشمن تربة الاحباب
*صبت عليه مصائب لو انها صُبت على الايام صرنا لياليا* 😭
مهدينه بحزنه يهل جفنه بخيمة الاحزان
يم گبر النبي الهادي ناصب للعزا صيوان
يعين الزهره عالونات ويبچي عالنبي العدنان
واملاك السما يمه يرتل آية من الكتاب
〰️〰️〰️〰️〰️
*يلا نشارك مولاتنا فاطمة ع بحزنها* لحن الجفيري~
گِعْدت ياويلي عاللحد
وتنادي بويه يالعمد
مو انت لي كنت السند
وبعدك يبويه انهضم
〰️〰️〰️〰️〰️
يالراحل وعني تغيب
آيالرسول آيالحبيب
دين الله من بعدك غريب
والعترة تبچي من اليُتم
〰️〰️〰️〰️〰️
خادمة آل محمد ✍🏻

•• #وامحمـداه••
*السيدة فاطمة ع وآذان بلال* (لحن الجفيري♪)
لا تذكر اسمه يا بلال
جفني دِمه من حزنه سال
عزي فْگَدْته والدلال
ونوره تغيّب بالترب
〰〰〰
لا ترفعه صوت الآذان
تذكرني بٱيام الحنان
بغيابه وحشه هالمكان
فراگك يبويه شكد صعب
〰〰〰
غياب الأبو لا مو سهل
يوم الذي وافى الأجل
دمعاتي بعيوني تهل
ابكي لفقد احباب الگلب
〰〰〰
هالدنيا بعده مظلمه
ما إلنا من بعده حمه
وآنه العزيزه فاطمه
خلاني وحدي ويالغرب
〰〰〰
صوت الوحي من اسمعه
جفني يسيلن مدمعه
ابكي الي نام بمضجعه
تمدد بلحده عالترب

الشاعرة الحسينية
خادمة آل محمد✍🏻

#وامحمـداه
آيا بويه… انت يا عزي ودلالي
آيا بويه…صورتك دوم على بالي
آيا بويه… بفرگتك ظلمة الليالي
لا لا ترحل… تنوحن املاك السمه
لا ترحل… تنادي حسره فاطمه
لا لا ترحل… شگد مصيبه ومؤلمه
صعبة والله… يا دمع عيني وروحي
صعبه والله… فرگتك زادت جروحي
صعبه والله… امضي من بعدك بنوحي
(حضور ملك الموت)
بالله ساعه… ويّا الغالي خليني
بالله ساعه… احاچيه ويحاچيني
بالله ساعه… أودّعه ودمعتي بعيني
〰〰〰
للرزيه…استعدوا والحزن بادي
يالزچيه…مسموم النبي الهادي
بهالمسيه…املاك السمه تنادي
خادمة آل محمد✍🏻

*لحظات الوداع بين رسول الله (ص) والزهراء ع وامير المؤمنين ع*
يبو الزهره الله وياك وداعك يصعب علينه~
تودعنا يبعد الروح
ٱلمن عگبك تخلينه~
〰〰〰
إلمن تترك الزهره
للأصحاب والأمه
ندري ما تخاف الله
ولا تراعي الك حرمه
بعدك بويه هضموني
تدري يا نبي الرحمه
لا ترحل ينور العين
تغدر أمتك بينه
〰〰〰
أيتامي حسن وحسين
وحيدر بعدي ما يسلم
وانه يكسرو ضلعي
برد الباب يتهشّم
وجنيني ما يشوف النور
وانت بهضمتي تعلم
الوصيه ما يراعوها
وهاي الأمة تأذينه
〰〰〰
يگلها اتصبري بالله
وكفي دمعچ المنثور
لو هجموا على دارك
تدري هالضلع مكسور
واللطمة. على عينك
علامة بخدك المسطور
محنتك صعبه ادريها
وسبب آلام مآسينه
〰〰〰
ويدير العين عالكرار
ودمعة عينه عالخدين
يگله صعبه الوصيه
تشوف بعين ام حسين
يداحي الباب اتصبّر
لو هشموا لها ضلعين
صعّد حسره انفاسه
وٱحنى راسه وهل عينه
〰〰〰
خادمة آل محمد✍🏻

#وامحمـداه
*نعي شهادة النبي ص لسان حال السيدة فاطمة ع*
آيالنبي المصطفى
بعدك على الدنيا العفا
نورك تغيّب وانطفى
عن عيني يابو الزهره غاب
〰〰〰
اسمالله عاروحك والجسد
سيد الهواشم باللحد
نومه هنية يالعمد
غالي وتوسّد بالتراب
〰〰〰
يابويه بعدك شنتظر
يراويني مأساته الدهر
تدري بضلعي ينكسر
ويعظم عليّه هالمصاب
〰〰〰〰
بلحدك يا ليت انه اندفن
ولا تنزل عليّه المحن
ابكي على مرّ الزمن
واشكي الظلامة بالحساب
〰〰〰〰
افتحلي لحدك بالعجل
ليته لفى من الاجل
ولا غسلك بدمع المقل
وانصبلك الليله ثواب
خادمة آل محمد✍🏻

*وامحمـداه*
لطمية شعبية لاستشهاد النبي ص لحن يا مجهز حسين♪
باللحد مدفون يالنبي المختار
تفرگها الزهره والدموع اعبار
〰〰〰〰
ناحت الزهره وصاحت يالغالي
يابويه تتركني يا عزي ودلالي
صعبه فرگاكم وظلمة الليالي
محرابك ينحب ولاجلك تبكي الدار
〰〰〰〰
يابويه الله وياك هالنومة هنيه
المن بعدك اليوم تعوف الزچيه
ومن تسكن بلحدك وانا ٱنصب عزيه
ابكي عليك ونوح وينحب الكرار
〰〰〰〰
اسالله عا طولك باللحد ممدود
عالله يابويه ايامي الحلوه تعود
وحي الله ينعاك وكتابه المعهود
وآياته ناحت عمصابك يالمختار
〰〰〰〰
لانصب عزيه عليك وتبكيلك عيوني
يابويه من بعدك گومك يهضموني
ابكي ببيت الاحزان وگومك يمنعوني
مظلومة الزهره من هالگوم الاشرار
〰〰〰
سبطك حسن وحسين ذاقوا مرّ الآلام
ومن بعدك الكرار غصْبوا حقه اللئام
والبضعة مقهورة آذوها هالظلام
ليت اندفن ويّاك ولا طالت الاعمار
خادمة آل محمد✍🏻

#وامحمـداه
روح القدس من السمه
يمّك يعزي فاطمه
ويهل مدامع ساجمه
بجناحه نعشك شايله
آيالنبي يالمصطفى
〰〰〰〰
نزلت ملائكة السبع
ولمحنتك هلّت دمع
تبكي الرسول بهالوضع
نعشه ارتفع سيد المله
آيالنبي يالمصطفى
〰〰〰〰
كتاب الله بنياحه وألم
ومحرابه ينعى والقلم
والكرسي والعرش انهدم
وكل الملايك معوله
آيالنبي يالمصطفى
〰〰〰〰
أذّن آذان الفاجعه
والزهره ويلي مروّعه
تبكي الحبيب بمصرعه
وتهل مدامع سايله
آيالنبي يالمصطفى

خادمة آل محمد✍🏻

••شكوى فاطمة ع لابيها محمد ص عندما تزور قبره ص••
نعي الوزن نصاري♪
(عكراوي)
اجيتك للگبر يا بويه وحدي~آه آه آه
گوم و خلي خدك فوگ خدي~
يجیني الموت واسكن ریت لحدي~
ولا شوفن یموت الغالي عندي~
〰〰〰〰
گوم امسح ادموعي الّي جريه~
ظل خال محرابك و دارک خليه~
يبويه ماتت الضحكة بعزيه~
نايم. بالگبر و آنه ابرزيه~
〰〰〰〰〰〰
صعبه اعلی البنت تفگد ابوها~
ومن بعد عينك هالقوم ظْلموها~
شخبرك يبويه هالبضعه أذوها~
هجموا على داري واطفالي روعوها~
〰〰〰〰
بعد يا رسول الله اسمع اسمع
يبويه اهل الغدر يم بابي عصروني~
يبويه والمحسن جنيني سقّطوني~
كسروا ضلوعي يبويه وما رعوني~
هالامة من بعدك يابويه هضموني~

الشاعرة الحسينية
خادمة آل محمد ✍🏻

عن لسان فاطمة الزهراء عليها السلام تخاطب ابيها رسول الله صلى الله عليه وآله وسلم

ماتغيب أحزاني وتعوف الگلب
ولايردك بويه    ويجيبك درب
★★★★★
چنت يابويه علداري من تمر
تواسي گلبي لورحل عني الصبر
بفگد امي  وهسه شلي  بالعمر
مااشوفك من اجي الدارك وطب
★★★★★
يابدر سعدي المثل بدر السمه
شلي بالدنيا بغيابك  مظلمه
گالوا شگد تبچي بعدك فاطمه
شكثر لاموني على دمعي اليصب
★★★★★
أبنيت عگب النايبه دار الحزن
مَلّت الوادم ونيني من احن
وانته لأجلك ينحب الكون ويون
وتبچي بعدك صحف يابويه وكتب
★★★★★
گالوا الحيدر  يحيدر مايصح
لوبليل الزهره تبچي  لوصبح
الگوم زادوا علجرح مية جرح
چن غريبه وعايشه ابديرة  غرب
★★★★★
شگد نوايب  ظَمَّت الدنيا الي
بعد عينك گلبي بيهن  مبتلي
بلاضوه وليلي حلف ماينجلي
الدنيا بس وياي چن  شدَّت حرب
★★★★★
أيامي گربت بويه من عني رحت
لحظه وحده كون عگبك ماعشت
يوم فگدك  يوم  مثله  ماشفت
بعمري هذا اليوم مامثله صعب

الشاعر حسن لعيبي الحريشاوي

لحن الجفيري♪ الزهراء ع عند قبر رسول الله ص تشكو محنتها

جيتك يبويه بلوعتي
گبرك أغِسْلَه بدمعتي
اسمع يبويه شكوتي
الظالم هشم مني الضلع
〰〰〰
جمعوا على بابي الحطب
وببابي مشتعلة اللهب
قتلو جنيني بيا سبب
ومحسن على العتبة وگع
〰〰〰
اطفالي تبكي من الرعب
مفجوعه يا ويلي الگلب
وطايح جنيني عالترب
وزينب گلبها منفجع
〰〰〰
شفت الحسن گلبه انكسر
شاف الكسر ضلع الصدر
وخيّه الحسين دمعه نهر
وكل أنّه مني يستمع
〰〰〰
اما الوديعة بت علي
صاحت يا يمه تمهّلي
ادري الألم ما تحملي
صعبه اشوفن هالوضع
〰〰〰
شحكي وعدد من محن
يابويه مرمرني الزمن
شفت بعيوني ٱبا الحسن
بقيوده من بيتي طلع
〰〰〰
خادمة آل محمد✍🏻

🏴🏴🏴

في تعزية أمير المؤمنين صلوات الله عليه باستشهاد النبي الأعظم صلى الله عليه وآله

أعظَمَ الله لكَ الأجرَ بطَٰهَ
ماتَ مقتولاً بسُمٍّ منْ قِلاها

أيُّ فقدٍ يا عليٌّ فقْدُهُ
وبهِ جُذَّتْ عنِ الأرضِ سماها ؟! *

أيُّ صبرٍ فيكَ والشُّمُّ إذا
مَسَّها مِنْ بعْضِهِ هُدَّتْ ذُراها ؟! *٢

جاءكَ الخِضْرُ يُعزِّيكَ كما
أعولتْ تُنشي المراثي أنبياها *٣

جازعاً لمْ تختضبْ منْ بعدِهِ
يا لها من نكبةٍ دامَ عزاها !

أظلمَ الإثنينُ في عينيكَ مِنْ
غدرةِ الإثنينِ في شمسِ ضحاها

والذي آلَمَهُ منْ أُمَّةٍ
آجَرَتْ خيرَ البرايا بِجفاها

غصبُهمْ إيَّاكَ يا وارِثَهُ
وهوْ ملْقىً لمْ يُوسَّدْ في ثراها

هجموا جهراً على الدارِ التِّي
حَفِظتْ مِنْ ثغرِهِ آيَ عُلاها

كسروا نَصْبَكَ ضِلْعَيْ فاطمِ
وبعصرٍ أسقطوا حمْلَ حشاها

أنتَ سيفُ اللهِ لوْ تنظُرُها
بقِرابِ السيفِ كمْ أجْرَوْا دماها

أنتَ درعُ اللهِ لو تحضرُها
بيديها تتقي سوطاً علاها

أنتَ حبلُ اللهِ لو تسمعها
كيفَ جرُّوكَ بحبلٍ يا فتاها ؟!..

🖌تمت بعناية صاحب الزمان عجل الله فرجه في مرقد أمير المؤمنين عليه السلام


*ورد في زيارته (صلى الله عليه وآله) : فما أعظم المصيبة بك حيث انقطع عنا الوحي..
زيارة النبي (ص) في مفاتيح الجنان

*٢إشارة إلى قوله (عليه السلام) : فنزل بي من وفاة رسول الله (صلى الله عليه وآله) ما لم أكن أظن الجبال لو حملته عنوة كانت تنهض به.
(البحار ج ٢٢ ص ٥١٢)

*٣ عن الثعلبي انه قبض حين زاغت الشمس فلما قبض رسول اللّه (صلى الله عليه واله)جاء الخضر فوقف على باب البيت وفيه عليّ وفاطمة والحسن والحسين (عليهم السلام) ورسول اللّه (صلى الله عليه واله)قد سجِّي بثوب فقال:
السلام عليكم يا اهل البيت، كل نفس ذائقة الموت وانما توفون اجوركم يوم القيامة....

(الأنوار البهية للشيخ القمي ص ٤٢(


🖌الشاعر علي العسيلي العاملي


#شهادة_الرسول_الأعظم
#اللهم_عجل_لوليك_الفرج

#هوسات_للرسول_من_ديوان_عبرات_وانين_ج٥
❥━──➸➽❥❂❥━──➸➽❥❂
اليوم المصطفى حملهن ظعونه
وشال وخلة بتة عليه محزونه
يفراگ الابو يصعب تعرفونه
*((اشحال الزهره//بيوم الفگدت واليها))*
❥━──➸➽❥❂❥━──➸➽❥❂
ظلت تنتحب واتسيل عيناها
ابوها شال عنها ووسفه خلاها
خل نبچي ونون عالوالي وياها
*((باحمد ومصابه//انعازي الزهرة))*
❥━──➸➽❥❂❥━──➸➽❥❂
عاف الزاچية مهظومة ووحيده
واعليه يون ظل حيدر عضيده
مصيوب الگلب ياناس شيهيده
*((الكون واهله//ايون اعليه))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

رحيل رسول الله صلی الله عليه واله

نعي لسان حال مولاتي الزهراء عليها السلام 


فگدك يبويه مالي حيله
روحي امن فراگك نحيله
ليلي ونهاري دمعي اسيله
كونك ترد للدار ليله
وشكيلك الفرگه الطويله
وهموم البگلي الثجيله
وفلان بيّه عال عيله
برّد حقد گلبه وغليله
سوّه الولا  صاير مثيله
حگي خذاه ياهو اشتكيله
تراب الگبر بيدي اهيله
عله راسي يخو حامي دخيله
مالت علينه الگوم ميله
ومعروفهم گطعوا سبيله
لقهري ولا خلّوا وسيله


وامحمداه 

ام محمد الحجاج

نعي لوفاة نبي الرحمة صلى الله عليه واله  يصور حال أمير المؤمنين عليه السلام 



صبر امنيلّه الفاگد عضيده
ويشيل النعش للمگبره بيده
الليله شبگه بروحك يالصميده
چن روحك اويالهادي دفنتهه


روحك لو ابن عمك دفنتهه
اويلي بحين ودّعته وحضنتهه
ياعلي چن المييت انته 
شهگت موت بوداعه اشهگتهه 


نزّلته بحفرته وهلت التراب
بكل حفنه تذبهه الگلب ينصاب
رسول الله وحبيبه باللحد غاب
هاي شلون بالله تحملتهه


.. .. ..
.. .. ..



ابتلَ تراب القبرِ بالادمعِ
وانحنت لفقد ِ طه الاضلعِ
كيف التصبّر والجوی في مهجتي
وانينُ فؤادي قد علا حزنا َ معي 


ابو ذيات


تراب الگبر من دمعي  .. بليته
گلبي شعظم ياطه  .. بليته
حيلي امن الحزن والون .. بلينه
على فراگك  يبو الزهره الزچيه




تراب الگبر دمع العين  ..  بلّاه
گلبي انجرح بالحسرات  .. بل آه
مودع ياحبيب الروح  .. بالله
لچن نيران دلالي سريه

.. .. ..
.. .. ..

أم محمد الحجاج


نعي لفقد سيد الكائنات صلوات الله وسلامه عليه


ياعين صبي الدمع مدرار
لفگد النبي الهادي المختار
غاب وطفت بالكون الانوار
ظلت تون الزهره بالدار
ظهره انحنه حيدر الكرار
ينادي يكون الموت يندار
نفديك كلنه كبار وزغار
وترخص يبو ابراهيم الاعمار
خليتنه للهم والاكدار
وگلوبنه متوجّره بنار
يامن مثل يومك ولا صار


عظم الله اجوركم واجورنا


ام محمد الحجاج

#قصائد_في_خدمة_الخطباء
#صفر_١٤٤٦
#شهادة_رسول_الله(ص)

[قصيدة عمودية]

من دار فاطمةٍ أنينٌ قد علا
فالموتُ نحوَ أبي البتولةِ أقبَلا

فوق الفراش رأتهُ مَن كانت لهُ
أمًّا وبنتًا والعزاءُ ترتّلا

أخذت بكفّيها يدًا قد أُسبِلَت
وهوت تقبّلُها وقد حلَّ البَلا

أبه يا رسولَ اللهِ مهلًا ضُمَّني
دعني أشمُّكَ فالفِراقُ تنزَّلا

أبه ليت عيني ما رأتكَ مُمَدَّدًا
قلبي كأنفاسي لأجلِكَ أعوَلا

كتبت لنا الأيامُ أصعَبَ غُربَةٍ
شاءت لنا كفُّ القضا أن تَرحَلا

هذا حُسينٌ قد بكى كالمُجتبى
حُزنًا عليكَ وكُلُّ حُزنٍ قد حَلا

وعليُّ أجرى دمعَهُ متفجِّعًا
فالرُّزءُ قد أبكى السّماواتِ العُلى

كيفَ التّصبّرُ إن أدرتُ بناظري
للنعشِ لو فيهِ وُضِعتَ لِتُحْمَلا

أم كيفَ أرجو طيبَ عيشٍ أو حياةٍ
بعدَ أنْ بالهَمِّ متني أُثقِلا


#عظم_الله_أجوركم ◾️


فاطمة علي رزق

اسألكم الدعاء

#قصائد_في_خدمة_الخطباء
#صفر_١٤٤٦
#شهادة_رسول_الله

صورة شعرية: لسان حال الزهراء عليها السلام لأبيها رسول الله صلى الله عليه وآله في آخر لحظات حياته..


ريته جسمي بْدال جسمك .. بيهْ هذا السَّم سِرَى
ريت انه اللّيله يبويه .. أنحمل للمگبَره!

مو فقط گلبي بْرَحيلك .. يا حبيبي منفجع
ظَهَر كلّ الكون مايل .. وكلشي الك صبّ الدّمع
شلون انته الما كو مثلك .. بالمهابه وبالطبع
تْغيب عنّ الدّنيا شمسك .. وتندفن تحت الثّرى!

هذا لِحْسين عْلى صدرك .. يبچي ودموعه نهر
والحسن مثله ينوح وْ .. گلبه من حزنه انكِسَر
وهذا حيدر ينعى يمّي .. عْليك يا خير البَشَر
اللّيله منصوبه العزيّه ..  والنواعي محضّره

عندي يا بويه وصيّه .. وْتدري بيّه شْراح اگول 
سلّم عْلى امّي خَديجه .. وگلها مشتاگه البتول
گلها تدعيلي أجي وال .. غيبه عنها ما تطول
أوصي واطلب من أمير ال .. مؤمنين المَعذِره!


#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#صفر_١٤٤٦
#شهادة_رسول_الله (ص)
#شهادة_الإمام_الحسن_المجتبى (ع)
#شهادة_الإمام_الرضا (ع)


(وزن الطويل المسوبع)

گِعدَت يم ابو محمد .. تِوَدعه بالعجل زينب
مثل ما وَدِّعَت أمها .. رسول الله بگلب يلهب

١/نَفِس لِهْموم شافتها .. وْنَفِس لِمْصاب والمأساة
يموت اليوم اخوها بْسَم .. مثل ما جدها بالسّم مات
مثل ما گعدت الزهره .. ورفعت للنبي الآهات

إخْتِ الحَسَن صاحت آه
على المسموم واويلاه
ظلّت تنحب وتنعاه

ويِعلى صوت وَنّتها .. شْما چَفّ الأجل گرّب

٢/تنظر للحسن زينب .. على فْراش الأجل مطروح
وْتِظَل تسچب دموع العين .. وتنعى عْلى الأخو وِتْنوح
تِمَنَّت گبل لا يرحل .. تطلع من جسدها الروح

مثل ما گالت الزهره
ريته ما خلص عمره
الأبو وْلا ينحفر گبره

وريثةْ أمها هم صارت .. بالتّوديع تِتعَذّب!!

٣/الزّهره يم رسول الله .. وزينب يم ابو محمد
كلمن گعدت تْواسي ال .. حبيب بْكل ألم يشتد
لكن وين ليواسي .. الرّضا لو ما حضر له احّد!!!

الرضا لو سارت سْمومه
بْجسمه وْكِثرَت هْمومه
ما تِحْضَرَه المعصومه!

بعيده هواي عنّه تصير .. والله هالأمر يِصعب


#عظم_الله_أجوركم ◾️

فاطمة علي رزق
اسألكم الدعاء