ويمنعون الزهراء عليها السلام من البكاء علی رسولِ الله صلوات الله عليه وعليها


😭😭


اليهجر گال . چنت اعلم بنيته
مايحشم عگب طاها  بنيته
بيت احزان بالهيمه بنيته
اعله ابوي ابچي وحرگ بيتي عليّه


لعن الله القائل
انه ليهجر

ام محمد الحجاج

عكيلي للرسول (ص)



اتنوح الزهره الليله وتنعه
١

اخر لحظات من العشره
بين الدنيه وبين الزهره
والوالد من ودع عمره
يعني الزهره بدمعه اتودعه
٢

هالليله اتودع والدها
ظلت حزنانه الوحدها
غير الاحزان اشظل عدها
گام اتحس اتموج السبعه
٣

ظلت محتاره بحسرتها
واتنوح بحيرة لوعتها
عالوالد وتصب دمعتها
والوالد يستاهل دمعه
٤

بين الدمعه وبين الحسره
راح اتموت الليله الزهره
والوالد من صار بكبره
اتمنت لو  بس يمها اتسمعه
٥

ياوسفه وحست مهضومه
ومن بعد الوالد مالومه
بيها الوالد اثر  يومه
وظلت حزنانه ومنفجعه
٦

بتوديع المختار  الليله
نتوجه المن نشكيله
للباري بدمعه وندعيله
يقبلنه بهل دنيه الوسعه





لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

إذا يرجع رسول الله  تطيب ابرجعته جروحي
مو بالخاتم اتصدق  إله اتصدق ابروحي
يا إلهي إشهد
فارگت محمد
___
1
الفارگ بشر ميبطل عويله
ونه دافن محمد مو قليله
كون ابگد رحمته دمعي اسيله
اوزع اضلوع مكسوره ابسبيله

اعلموده أصّبر عله الصار  يربي اتقبل السطره
بثوابه المحسن انقدمه اني وفاطمة الزهره
تنسطر على الخد
فارگت محمد
_
2
لمن عزريل اجه وروحه خذاها
شجاني وما بتت بفراش طه
وتقادير السمه اتبدِل قضاها
ابمكانه روحي تصعد للبراها

ميميزنه عزرائيل واحد يشبه الثاني
إذا ميت رسول الله معناها اموت اني
بعده ميت أنعد
فارگت محمد
_
3
شلون الدنيا تبقه بلا نبيها
السماء اشعجب ما طاحت عليها
روحي اتصيح وأنه اسمع حجيها
حياتي بلا محمد شلي بيها

برحيله ينكسر ضهري تره ويستضعفوني الناس
مثل كسرت وليدي حسين لمّن يوگع العباس
صعبه ناري تُخمد
فارگت محمد
_
4
كانَ المصطفى يهوى لقاكا
إذ قال لكَ حين دعاكا
تركت الخلق طراً في هواكا
وايتمتُ البتولَ لكي اراكا

حبيبك هذا يا الله ما آذوا نبي ابگده
وهوه عايش ايضلموه بموته تنذبح ولده
وآنه حيلي ينهد
فارگت محمد
___
5
بعد ما يرجع الخل الخليله
وإذا ردنا يحاجي ام العقيله
غير حسين ما عدنه وسيلة
يفك الجفن اقسم لو يجيله

طه لو يجيله حسين يطلع من الجفن ايده
يحن المصطفى المختار الصدره يشبكَ اوليده
والجرح ميبرد
فارگت محمد
_
6
إمندفنه راح اخلي بگبره ذكره
تحت خده احط سبحة الزهره
على فرگتها ما يحتمل صبره
ويّاها گضه المختار عمره

أمه جانت الزهراء بيوم فراگهم شحجي
 هيه بالأرض تنعاه وهوه بالسمه يبجي
محد الها محد
فارگت محمد
_

#الشاعر_مصطفى_الشافعي

ستشهاد النبي

الليله السمه حزينه
وضلمه تره المدينه
وحيدر علي ينادي
راح النبي امن ادينه

گلب الزجيه الليله مهموم
وحيدر علي يشوفونه مصدوم
موت الله وادم صيحو مات
وفاطم تگلهم والله مسموم

راح ابوها وكلشي راح
وجم حلم بالفرگه طاح
تدري لو غمضها عين
الغالي ميرجعه الصياح
السلام عليك يارسول الله
،،،،،،،،،،،،،،،،،،،،،،،،،،،،،،،،،،،،،
الدنيه انوخذ ضواها
اتيتم وحي سماها
الدنيه بعد نبينه
فگره الركض وراها

بالدنيه وادم ضلت اتميل
وباگ النهار اسوالف الليل
تحت السقيفه تجمعت ناس
وعافت نبيها ابلايه تغسيل

بنعشه حيدر ضل وحيد
ايعينه بس واحد يريد
ايد شالت نعش اخو
وعالضهر ياوسفه ايد
السلام عليك يارسول الله
،،،،،،،،،،،،،،،،،،،،،،،،،،،،،،،،،،،،،
شيجبرها والله حيره
كسرت علي الجبيره
ايغسل النبي يشيعه
الوين الوجه يديره

عثرت دمعته ابطارف العين
موسهله فرگت جد الحسين
المثل النبي عنده اخو جان
مثله بعد يلگه اخو امنين

يمشي گوه وحيله باد
وجها صاير جن رماد
الله يدري شگد جريح
والله سيف الفرگه حاد
السلام عليك يارسول الله
،،،،،،،،،،،،،،،،،،،،،،،،،،،،،،،،،،،،
هتزت تره العوالم
وي بيرغ الهواشم
حسين عله ايده غافي
حسباله جده نايم

انشالت جنازت طه ياناس
زغير الحسن ومشيب الراس
وتمنه حيدر امنيه اليوم
ابدفن الرسول ايعينه عباس

گلبه ضامي ودمعه حار
جن سمه ابلا نجمه صار
راح ابو الزهره امن اديه
وتسعر ابنص روحه نار
السلام عليك يارسول الله

ابوفايز الرافضي
الفاتحه على روح والدي

هوسات استشهاد الرسول ص

................
الزهرة تنادي اليله... يابو القاسم خذنه وياك

..............
طلعت وره ابوهه والدمع زاتوت
تكله انه وعلي وياك كون نموت
وسوه يخلونه يابويه بالتابوت

انه وحيدر بعدك......المن نبقه وليش نعيش

..............


المن بعد امشي وشكي سالفتي
وانه ويه الحزن ماتنتهي قصتي
يلكتلي انتي ام لوالدج صرتي

زغير وفاكد امي......وفاطم صارت ام البيت

...............

انهدم بيت النبوه وهزت اركانه
شال اليوم ابونه وسدهه بيبانه
يحيدر ياهو بعده يترس مجانه

الزهرة تنادي لحيدر....هذه اليوم الصرنه ايتام


..............

الشاعر مصطفى الحسني

انه الزهره الزچيه ياسيد البريه
========================
الگلب يسعرعلى افراگك وداوي
بفگدك يصرخ ابصوته وداوي
ظلعي انكسر افزعلي وداوي
يبويه او جارت الدنيه .عليه
========================
يبويه اهموم الك گلبي رسلهه
غرگ ببحور احزانك رسلهه
تدري ابغيبتك سيد رسلهه
على عيوني سطرني ابن الدعيه
========================
سطرني النذل بغيابك على العين
وبكسر الظلع شدعي على العين
نخيت الي قلع خيبر علي العين
علي اتچتف يبويه بالوصيه
========================
غدر بينه الوكت بعدك علي دار
يبويه ابغيبتك فزعو على الدار
بكسرظلعي انطبرراسه علي الدر
ابمحرابه وگع حامي الحميه
========================
الك نشكي هظم بينه نبينه
يالتدري الجره او عندك نبئنه
يريت ابكربله حاضر نبينه
تشوف حسين مرمي اعالوطيه
========================
يبو القاسم بيك احنه علينه
يريت ابكربله انته او علينه
تشوف الخيل من هجمت علينه
تشوف العيله من راحت سبيه
========================
لشاعر اهل البيت عليهم السلام
خالد عامر الزيادي

يانبينه يانبينه
انكسر ظلع الزچيه ابغيبتك سيد البريه
▪▪▪▪▪▪▪▪▪▪▪▪
ظلمه ابرحيلك دنيتي صدگ يسيد الاكوان
بعدك يبويه المصطفى گمت اجرع انه الاحزان
ام الحسن انه اوآون وادموعي تسچب نهران
والدمع اصبح من دمه صاباني سهم الاشجان
تظل حزينه تظل حزينه
تصرخ ابونه شجيه بغيبتك سيد البريه
▪▪▪▪▪▪▪▪▪▪▪▪
تندب تناديك ابحزن بفگدك يبويه احتاريت
يابويه من كسرالظلع بالباب من انعصريت
لوهظم فگدك والدي والمحسن ابني الفگديت
هظموني بويه ابغيبتك نكرو يبويه اشوصيت
وبعلينه وبعلينه
غدرو ابحامي الحميه ابغيبتك سيد البريه
▪▪▪▪▪▪▪▪▪▪▪▪
شيسوى يهادينه العمر بعدك يبويه المختار
ظلمتني زمره كافره هجمو يبويه اعالدار
ترضاهه يضربني النذل وبعيني اصد للكرار
ماخلف بويه اوصيتك وفه العهدحامي الجار
ياولينه ياولينه
چم مصاب الصاربيه بغيبتك سيد البريه
▪▪▪▪▪▪▪▪▪▪▪▪
واتواكبت هاي المحن كسر الظلع والطبره
يابويه چبد المجتبى من سمهه تلهب جمره
وحسين ظل ابكربله جسمه امطبر عالغبره
زينب سبيه او تندبك ياجدي يابو العتره
انسبينه انسبينه
جارت الامه علينه ابغيبتك سيد البريه
▪▪▪▪▪▪▪▪▪▪▪▪
لشاعر اهل البيت عليهم السلام
خالد عامر الزيادي

ملا هذه القصيده على لحن قصيدة (من طلعنه امن المدينه وليه ياجدي انولينه) للملا جليل الكربلائي

اليوم طاح حسين طاحت فاطمه
بفگد طه اتهاوت انجوم السمه
〰〰〰〰〰〰〰〰〰〰〰
بفگد طه التمت اعلينه المحن
جرح ينزف ظل على طول الزمن
انكسر بالباب ظلع ام الحسن
وچم جرح بمصابه ظل ينزف دمه
〰〰〰〰〰〰〰〰〰〰〰
چم جرح بمصابه شفنه من الدهر
بفگده طاح الليث بالراس انطبر
حيدر الكرار غدروه الكفر
والمصابه الشيعه تبقه امٱلمه
〰〰〰〰〰〰〰〰〰〰〰
بفگده طاح الحسن مسموم الچبد
بالطشت ذب الچبد منه انمرد
والنعش صابوه بسهام الحقد
والگبر لليوم محد رممه
〰〰〰〰〰〰〰〰〰〰〰
بفگده طاح حسين مرمي عالثره
يمه اخوته او كل صحبته امطبره
اتگطعن چفين سبع الگنطره
يظل يومج كربله اعظم ملحمه
〰〰〰〰〰〰〰〰〰〰〰
بفگده زينب و اليتامه امگيده
اميسره للشام ودوهه العده
الجدهه تشكي الظيم والهم السده
والچبد صاير جمر من الضمه
〰〰〰〰〰〰〰〰〰〰〰
بفگده چم معصوم مظلوم ابغدر
بين سم او چتل ما بين الكفر
ظل املنه الحجه ننتظره ابصبر
ايعيد حملت حيدره حامي الحمه
〰〰〰〰〰〰〰〰〰〰〰
لشاعر اهل البيت عليهم السلام
خالد عامر الزيادي

طه طه زينب تنادي طه طه بين الاعادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
ياجدي نادت واعلينه فزعت خيل ال اميه
اعيالي هجت واخواني طاحت بالغاضريه
طايح ولينه وامخضبينه ابـن الزچيه
احنه انسبينه وامـسـلبينـه وانـه سبيه
طه طه ناده المنادي. طه طه والشمرحادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
طاح الكفلني والهم كتلني والدمعه تسچب
والي هظمني. زيدلي وني هاي النوايب
امشـي سبيه بالغاضريه ويه الاجانب
وي ال اميه بت الزچيه شوف العجايب
طه طه اعليك اعتمادي طه طه اتجرح فؤادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
حركو خيمنه ذبـحو زلمنه. ولـيه ولـونـه
نهتف يجدنه والي هظمنه ايسبون ابونه
اسـره ضعنه للشام اخذنه يسره خذونه
بالهيمه سرنه ايتام اوحرمنه وي راس اخونه
طه طه بالهم ينادي طه طه زين العبادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
ألوحده سجاد من بعد الامجاد اهل الشهامه
المجلس احقاد ياجدي ننگاد وسفه اوندامه
ابلايه ولينه انرد للمدينه بس اليتامه
انمر بالظعينه. يوم اربعينه. لهل الامامه
طه طه صرخة فؤادي طه طه هزت الوادي
طه طه وينك يهادي
ـــــــــــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خـالـد عـامـر الـزيـادي

اهتزت اركان السمه راح والد فاطمه
گامت اتنوح الزچيه ابهذا الآمصاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يوم راح النبي الهادي فاطمه اتهل الدمع
تنادي ابونه شجيه بويه احس گلبي انشلع
بويه ظلمتني الآعادي وانكسر من الظلع
بويه والمحسن تصوب راح مني منصرع
شوف بويه ابن الدعي هل سطرني ابعيني
گامت اتسيل ابدماهه او دمع سچاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من غبت سيد رسلهه خالفو عهدك الي
وبجمعهم بالسقيفه خلفو البيعه العلي
فزعو اعلى الدار لينه چتفو بويه الولي
ٱلتزم بويه ابوصيتك ماخلف عهده الوصي
بويه خلفو بيعتك خم غدير انسوهه
غدرو ابحيدر علينه داحي الباب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
آه يابويه شوصف گلبي چم لوعه حمل
من جمر فگدك تچوى والجسم مني نحل
بلوعة السطره يوالي عيني حمره واتهمل
وانكسر بالباب ظلعي بويه واگليبي ذبل
بويه محنيه الظهر من رحت يالغالي
دمعي بالعصره اختلط وي دم الآصواب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه بالحسرات والهم خلص بعدك هالعمر
دنيتي جارت عليه بظيم وآآهات و قهر
بعد ماغمضت عيني حيدر ابراسه انطبر
والحسن تدري ابغيابك چبده بالسم نفطر
و الحسين ا بكربله الشمر حز رگبته
وزينب الحره سبيه ابين الاجناب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه من گبري وانوحن باليسرويه الحرم
وبدمع سكنه او رقيه گلبي يابويه انهظم
طفلي وي طفل الرباب بنبلة الطاغي انفطم
وصدري رضنه الحوافروي صدرابني انهشم
صوباني حرمله يوم صاب حسيني
دمي من ظلعي جرى وي دم الآخضاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لشاعراهل البيت عليهم السلام
خالد عامر الزيادي

ملا هذه القصيده على لحن قصيدة (اسمعي يمي فاطمه) للملا احمد الباوي

نـزل مـرسال الـمنيه
استٱذن السيد الـبريه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليله بدموعك يحيدر ودعت سيد الرسل
ياعلي وايعينك الله اشلون گلبك يحتمل
اشلون ودعته اخيك مـن گـرب ليه الاجل
بقت لو وياه روحك راحت اوياه من رحل
راح طاهه ابهل مسيه
صعبه كلش هالقضيه
حـيدر ايـفارگ اخـيه بالانين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشحال الأيوسداخيه بيده وابوكت الدفن
وحسرة الفاگد عضيده مايفيد الهه الحزن
ماتوفي ادموع عينه لو تصب شبه المزن
عظم الله اجرك يحيدرعالمصايب والمحن
ياعـظـم هـاي الـرزيه
وحده ظل حامي الحميه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليله بـغيابه حزينه فاطمه ابحسره اوألم
جارت اعليهه النوايب من رحل سيدالأمم
الأبوخيمه اعلى بنته لوتحس بنته ابهظم
ابياألـم ياحسره ظلت ابيامصاب اوياظلم
من تون ونـه شجيه
راح ابوالزهره الزچيه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليله بالـهم ابـغيابه الـحسن دمعه ايـهمل
والغريب حسين بعده بحسره ماضله امل
شافواخلافه الاذيه مـن ظلم اهـل الـجهل
واليتامه اتلوع ضلت لاولي لاعـدهه أهـل
الـحزن عـم عالوطيه
راح ابوالطلعه البهيه
حـيدر ايـفارگ اخـيه بالأنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لشاعر اهل البيت عليهم السلام
خالد عامر الزيادي

لشهادة رسول الله صلى الله عليه واله وسلم

ودعتني وتدري الموادع ثكيل..
الضلمه موش اليل بويه الفركه ليل
...............
1_بويه كمت اصرخ وصيحين ياهضيمه..
العدهه ابو مثلك يسموهه يتيمه..
ليلة افراكك يبو القاسم اليمه..
وحكي لو صيح الابو ياناس خيمه..

اتبده حيلي ومابعد ضل بيه حيل..
الضلمه موش اليله بويه الفركه ليل
.................
2_فاركتني وشيبت بويه ابشبابي..
بويه والسمك اخلافك حرك بابي..
الكسر ضلع ابنيتك وزيد مصابي..
اشلون يتسمه يبو القاسم صحابي..

صطر خدي اودمعتي ضلت تسيل..
الضلمه موش اليل بويه الفركه ليل
................
3_ودعتني شلون يلعمري اعله عمرك..
بويه كلشي ايهون بس شلون اخسرك..
حسين هذا اليغفه ليليه اعله صدرك..
يبجي ضل بويه ويشم اتراب كبرك..

الدنيه تحله ابعينه عكبك مستحيل..
الضلمه موش اليل بويه الفركه ليل
..................
4_بنار فكدك انه وولادي انجوينه..
اوضلمه ماتنطاق بجفاك المدينه..
ياخسارتنه الجبيره يانبينه..
ياهضيمه اتروح يلغالي امن ادينه..

العشره تكصر والهجر كلش طويل..
الضلمه موش اليل بويه الفركه ليل
...................
5_اشكثر ناديتك يغالي انه الزجيه..
بويه لا موعادتك مترد عليه..
كون كبلك انه تاخذني المنيه..
ندم يوم اجفاك اعض ضليت اديه..

الدنيه عكبك فوكي يابويه تميل..
الضلمه موش اليل بويه الفركه ليل

كلمات خادم اهل البيت
مصطفى الغريباوي

لاستشهاد النبي محمد صلى الله عليه واله وسلم (وزن الهجري)

يبو الزهره يلرحت  
گلوب طاحت من طحت
ويه املاك السمه    عليك تنحب فاطمه
★★★★★
شغيَّب انوارك علينه        
موالك هذا الغياب
ياجمال الدنيا  نورك  
كل طعم من عدها ذاب
يارسول الله وحبيبه    
گلوبنه   اهموم وعتاب
يلي اديت الرساله      
وفسرّت معنى الكتاب

چانت الدنيا هوان     صارت بنورك امان
بعد نورك مظلمه     عليك تنحب فاطمه
★★★★★
يلي صحيّت البريه 
من جهلها والمنام
كل هوان ارفعت عنهم 
وادفعت سيل الظلام
شلت روح البغض
منهم  علمتهم علسلام
علمتهم علكرامه   
وعلحلال وعلحرام

وسفه انوارك تغيب   ودارك احزان ونحيب
ويه حمّاي الحمة      عليك تنحب فاطمه
★★★★★
ياحزنها الزهره بعدك   
مايمر بيها السرور
والكتب تنعاك  صارت 
والصحف وي الزبور
كتب من اجلك رسمها  
وابسمه حبك تدور
بلايه نورك يبو  الزهره 
مايشع بالدنيا  نور

فاطمه ظلت وراك     شلون تتحمل جفاك
من الجره متالمه     عليك تنحب فاطمه
★★★★★
يارحيلك كل مصيبه  
اگبالها حتما  تهون
تزلزل الكون برحيلك 
ونتفض حته السكون
اهتزت اجبال الخليقه    
ومابقه للدنيا لون
رحل شخصك يامحبه 
وگلب علوادم حنون

راح فيض العاطفه    من رحت يلمصطفى
دموعها تنزل دمه      عليك تنحب فاطمه
★★★★★
يلي ودّعت التحبهم    
جرح بيهم مايطيب
بعدك الزهره حزينه 
المرتضى عايش غريب
الحسن تچوي دمعته
حسين ظل گلبه ابنحيب
المصايب بعد عينك   
جاورتهم  ماتغيب

رحت عنهم ياكفيل   تكتل ايام الرحيل
احوالها متازمه     عليك تنحب فاطمه

الشاعر حسن لعيبي الحريشاوي

لاستشهاد النَّبِيِّ مُحَمَّدٍ صَلَّى اللَّهُ عَلَيْهِ وَآلِهِ وَسَلّمَ (وزن الطويل)

وَدَّع طَه دنياهُم . الخلَّاها نَعيْم تصير
ماشاف الرَبع مِنْهُم . لارحمه وَلَا كل خَير
★★★★★
وكت مُوتَه أجوا رَبعَه بَيْن إلَيّ يضد ويحبْ
راد يخط كِتَاب اِلْهُم حال مِنْ الْوَكْت يرهبْ
أَوَّل چلمه گالوها . يَهْجُر . حَتَّى لايكتب
صَارُوا مِثْل شارب ماي ذَبّ الْحَجَر وَسَط الْبير
★★★★★
چلمه الصعبَه گالوها . چلمه اتگطع الْأَنفاس
چلمه مِنْهَا ضَلّ مهظوم . مثل السيف فوگ الرأْس
يرِيد يخط كِتَاب الْهُم . بيه يَنْفَع جَمِيعِ النَّاس
حَتَّى لاتضيع الگوم . ولامخلوق بيها ايحيير
★★★★★
جاباهم الدرب النُّور . ناس أَدوَّر الظلمَة
مقصدهم يَضِيع الرَّاي  يَوْم تَنَازعَوا يَمَّه
وَذَاك الْهَدَّم الْإِسْلَام . مَا اريدن أُجِيب اسمَه
هُو الأَسَس الْبَاطِل . وَحَارَب آيَة التَّطْهِير
★★★★★
الْخصُومَه ماتصح عندي . ناداهم أَبُو الزهرَه
لمَّن كَشْف قَصد الگوم . وَدره بنيَّاتهُم گشرَه
حَرْب ضِدّ الْعَدْلَ وَالدِّينَ وَضِدّ الْخَيْر وَالْعِتْرَة
الْخِلَافَة الحيدر أَوْ وَلَدِهِ . أصلاً ماتصح لِلْغَيْر
★★★★★
انصدمت ناس بِالْمَوْضُوع . عَلَيْهِم صَعُبَت الصَّدْمَة
أعيون . الْحَقّ يجرحَّها . وَمَن شَمْس الصُّبْح تعمَه
مِثْل ميريد مايردون . . هَمُّهُم مو مِثْل هَمُّه
حقد مَالِه نهايَه وحَدّ  منين نجيبله تَفْسِير

الشاعر حسن لعيبي الحريشاوي

(نزله  بمناسبة  شهادة الرسول ص)
________

للموت.......هذا  العهد
للموت....منطي الوعد
*******
بعد طه النبي هاك انظر الأمه
ظلت بالندم والحيره والظلمه
عاشت بس ظلم والنكبه والنقمه

علينه اشكد صعوبه نحمل اغيابه
********
محمد رحمة الله ويا عمود الدين
انحنه لجله الدهر بالخلقه وتكوين
انخلق منه الضوه والعفه والكونين

محمد ايت الله ومنزل اكتابه
*******
قبس نور النبي من نور وجه الله
وربك  بس  لطه  الكون يتجله
السموات السبع بس لنبي  اتدله

وربك  بس لطه بين  احجابه
********
باب الله محمد منزل اياته
ودستور العدل معناها كل ذاته
وظلت بالصحابه تحجي چلماته

يانهج العقيده ونعرف اسبابه
******
ماتخلص حسرته وكل دموع العين
جان بكل حياته من يون بالبين
كل دمعه اشوف اتصيح اه يحسين

صدر طه ترضرض چنه بصوابه
*******
حضر عنده  النبي وحيدر يشوفونه
يشوف احسين دمه ويسمح اعيونه
خياله اعله صدره وتسحك امتونه

باجر بالقيامه  كلمن   احسابه
********
خادم  الرسول  الاعظم ص
يوسف  الفتلاوي

عن قريب.......عالسفر ناوي رحيلك
عن قريب.......بويه لاتمشي دخيلك
عن قريب.....الباب حاقد واشتكيلك
فاطمه تدري بخبرها....
***
امر  من  رب  الجلاله
لنبي     بين   خصاله
بيك مختومه الرساله
... ..................يالحبيب
خبر عاجل هسه نازل
صار جبريل  المراسل
الملك  بالعتبه  واصل
.....................يالحبيب
انتظر وبعيني  صوره
السمه  صارت غيوره
تبچي بغيابه وشعوره
......................يالحبيب

بالسماء.....كل ملك اسمع ينادي
بالسماء.......ياهلا بجيت الهادي
بالسماء.....بويه مرتبطه بدليلك
***
نزل  جبريل  اعله  بابه
يشكي كل همه وعذابه
دمعته  وحسرة  غيابه
...........................يالرسول
فاطمه تنادي  اباها
حضرت نفسك يطه
الملك بالباب  اجاها
........................يالرسول
قصة الباب  ومصابك
واكفه الدنيا عله بابك
شاهد  الامه  بغيابك
........................يالرسول

بالدخول .....استأذن الهادي يجيلك
بالدخول .....الموت يحضر يعتنيلك
بالدخول .......تلتقي هسه  بخليلك
***
خله صار الدين عرشه
بالسماء  اليوم  دهشه
الهادي لو شيعو نعشه
.......................كلبي ذاب
كلبي  مسجد  صار اسره
من المدينه وشفت نظره
تيتمت   فاطمه   الزهره
.........................كلبي ذاب
وحشه  دارك  ياولينه
طلعت تنادي المدينه
ظلمه   هاليله   علينه
....................     كلبي ذاب

بالنداء ....اتوجهت صوب الخليقه
بالنداء...........عافت الامه الوثيقه
بالنداء .........نكرت الدنيا سبيلك
***
من رحيلك شوف حالي
ضاكت  بعيني   الليالي
كلشي   بالدنيا  صفالي
.........................بس جروح
والنبي  بعده  بمصابه
نام   والهادي   بعذابه
هجمت  اعليه صحابه
........................بس جروح
لوعتي  حسره وخفيه
وين صارت هالوصيه
بويه يم داري  الرزيه
.......................بس جروح

كلشي راح.....بضعة الهادي انكروها
كلشي راح.......فاطمه  بعدك ولوها
كلشي راح..... حتى منعوني اجيلك
***
والعجب شوف السقيفه
كسرو اظلوع  العفيفه
ما رضو  حيدر  خليفه
...........................اعتراض
الحقد  عدهم   عقيده
يوصي بحفاده اليريده
يبغض  بنهج  الصميده
............................اعتراض
دين ما عدهم حسافه
بالذبح  صارت  ثقافه
كلشي يمهم ظل خرافه
............................اعتراض

بالنحيب........تستمر دمعة حدادي
بالنحيب.......والجرح هسه بفؤادي
بالنحيب........اني كل ليله اعتنيلك
***
خادم الرسول الاعظم  ص
يوسف  الفتلاوي

وداعاً يا ابا الزهراء
ــــــــــــــــــ 
تكتل جلمة التوديع مو جلمة
سهمِ بنحر طفل يباوع اعله امه
وداع حسين من ودع علي وضمة
هيجي الزهرة من توديعه متألمة

وداعاً يا ابا الزهراء
ــــــــــــــــــ
بخاصرته علي من ينطبع جفه
ودموعه تطيح من الحزن كلفة
من غسل رسول الله بالف وسفة
وشيع روحه بيدة ويا ثقل جتفه

وداعاً يا ابا الزهراء
ــــــــــــــــــ 
جبرائيل جنحة من الدمع ناگع
واسرافيل لجل المصطفى ينازع
وميكائيل جن من السمه وواگع
وعزرائيل من گد الخجل راكع

وداعاً يا ابا الزهراء
ــــــــــــــــــ
كل الكون بفلاكة ومجراته
تبجي من وداعه بهاية ساعاته
والقرآن ضج بحزنة وآياته
والإسلام دم التجري دمعاته

وداعاً يا ابا الزهراء
ــــــــــــــــــ 
دمع حسين يكسر الخاطر الخاطر
ووضعه من الالم جن ليلة العاشر
قلبه الچنة رضه من الوجع حافر
يندب اه ياجدي وروحك تسافر

وداعاً يا ابا الزهراء
ــــــــــــــــــ 
يم راسة اجة الأذان بس ينعه
والاسلام يشكي ومنكسر ضلعة
كل الدنيا اجت يم داره وتودعه
بس الي تسمو صحبته وربعه

وداعاً يا ابا الزهراء
ــــــــــــــــــ
من آدم لحد اخر نبي القبلة
عد رأسه يودعه ويوكف يقبله
والمحراب يمه الأقصى والقبلة
متألم الكون وداعه ميقبله

وداعاً يا ابا الزهراء
ــــــــــــــــــ
الشاعر زين العابدين الشمري 

((شهيد الحب محمد))


بده بيك الحزن مُــــنذَ الولاده
لحد ما حطت أعليك الشهاده
لحد كلمةّ اليهجر من شياطين
وصار الوهم عد اهـــل العباده

محمد .. روح الايــمان
محمد .. كان مـــا كان
محمد .. مات عطشان .. محمد

محمد .. عـــروةّ الدين
محمد .. طف الحسين
محمد .. جـرح السنين .. محمد

ابو فاطم .. ابو القاسم .. الروح الاحمديه
بتقاسيمه .. حرگ خيمه .. وزينب ياسبيه

شهيد الحب محمد ...
"""""""""""""""""""""""""""""""""""''''''''''

لأن بحيدرى مــــولاي مِـــهتم
ضريبةّ حُــــبك وگلبك تسمم
اول شيعي لجل الحب يذبحوّ
اليحب المرتضى يتــوشح بدم

شيعي .. وجرحه ملچوم
شيعي .. ومـــوته محتوم
شيعي .. وضلمته الگــوم .. محمد

شيعي .. وصاحب اسرار
شيعي .. وأمــــره مختار
شيعي .. إيــــــوالي كرار .. محمد

ابو البيعه .. ابو الشيعه .. مُبَلغ للرساله
الحب شمره .. من ابوالزهره .. عرفنا من خلاله

شهيد الحب محمد ...
"""""""""""""""""""""""""""""""""""''''''''''

اذا تكـــبر دمعتك والجرح وين
حبيبي أتصيحله كرار ابوحسين
أنه أبلياك طير ومـــاله جنحين
لو ما أنــــته مدري الوادم منين

دمعتي .. تخضر جروح
دمعتي .. أنسان مذبوح
دمعتي .. بيــدك أتروح ... محمد

دمعتي .. تحـــبك هواي
دمعتي .. أتشوفك الماي
دمعتي .. هــــــا يرجواي .. محمد

علي أنته .. العشگـ صنته .. شبابي ويا مشيبي
أودنك .. احبنك .. يبو زينب حبيبي

شهيد الحب محمد ...

"""""""""""""""""""""""""""""""""""''''''''''

من صار الحـــسن گلبك تألم
دمعتك طاحـت وسرك تكتم
الزهره أتعاين بخدينك دموع
وتگلها الولد هذا يذبحه السم

يذبحه .. وسره مفضوح
يذبحه .. وگلبه مجروح
يذبحه .. ويغدي مذبوح .. محمد

يذبحه .. بخنجر الويل
يذبحه .. والشمس ليل
يذبحه .. ومايضل حيل .. محمد

ظل ينعه .. بيا دمعه .. الحسن ريحانه روحه
والزهره .. تجر حسره .. وتّناغي بجروحه

شهيد الحب محمد ...

"""""""""""""""""""""""""""""""""""''''''''''

من صار الحســـين ودمعه يشتد
اول مجـــــلس ينصــبه محــــمد
ظل أيصيح ابني حسين عطشان
وليش الحـــــافر بصــدرك تعمد

حوافر .. تاكل أصدور
حوافر .. حــاقده أثور
حوافر .. يوم عاشـــور .. محمد

حوافر .. تذبح أزغار
حوافر .. والخـيم نار
حوافر .. مـن بدر ثار .. محمد

ظل ينحب .. على زينب .. من تصعد هزيله
بيا حيره .. بيا ديره .. ياهو التشتكيله

شهيد الحب محمد ...

عبد زينب
محمد الابراهيمي

لحن(شهيد الحب محمد)
بصوت
ملا خالد الفيصل
بصره