هوسه لوفاة الرسول





اليوم ام الحسن تهمل دموع العين
ويمها ينوح عالهادي ابو الحسنين
يشوفونه ركد حيله ويهود ونين
واجه يم النبي يون الحسن وحسين
ياجد لاتخلينه وكصدك وين
اذا عنه رحت يغدر يجدي البين
شوف امنه يجدي حالها شلون
تحاجيك بدمعها وكلب محزون



الهوسه

((((عليك اتنوح ،بتك لا تخليها)))
خلافك ها يبويه العين لعميها
بس الضيم والدمعه تباريها
بعدك صحبتك لا مارعو بيها
محزونه تضل والحزن غاطيها
(مهظومه يابويه خلافك)



ام زينب السعداوي

وفاة الرسول الاعظم صل الله عليه واله

فزاعيه


تون اليوم عالهادي الزجيه

يبويه لوعفتني شلون بيه



تون اليوم والدلال يلهب

انه بفركاك دلالي تصوب

عينك لاتسدها وشوفني انحب

يبويه اروح وين بيا نويه



يبويه الروح ماتصبر بلياك

شلون اصبر دكلي خلاف عيناك

يريت الموت بويه يصير وياك

ويريت بساع تاخذني المنيه




اريد وياك اتوسد بلحدك

يابويه وانه اتمدد بكترك

عمت عين الزمان الي يغدرك

بويه شكد شفت ضيم واذيه





بويه فركتك مانكدر الها

بنيتك ليش خليته حملها

تدري تون يبويه خلاف اهلها

تدري تعيش بالضيم واذيه



الله يساعده اليفكد احبابه

يكبر بالكلب ضيمه وعذابه

شلون اكضي العمر كلي ييابه

جنت وياي سلوه والتجيه



انت سلوتي وسور الي الفيي

انت كل سند بالضيج يكفي

كلبي بفركتك ذبيت حملي

وين انطي الوجه وشلون بيه




ام زينب السعداوي ناصريه

لطمية مربعة إلى النبي عليها افضل الصلاة والسلام
===================
هليوم مهضومه ام حسن ودير العيون
شايل نبي الإسلام لجله الكون مرجون
===
حنت ونت للاابو من غمض العين
وتصيح بويه فركتك هزت الكونين
هليوم حزنانه المدينة والمسلمين
والدين لجلك ينبي هليوم محزون
===
ونت ونتها بهضم أه يزجيه
وتصيح يابويه عفتني اشلون بيه
عكبك بعد ياهوه اليدك بابي عليه
مسموم ابيها ويا وسف ومغير اللون
===
طبو حسن وحسين للمنزل ينشدون
يبجون بلحسره والم يمه يصيحون
شماله جدنه يلحنينة اصفر اللون
وام الحسن تبجي بالم ودير العيون
===
كالتله بويه لو رحت منهو إليه
عكبك يبويه تهجم الوادم عليه
ينغصب حكي ي الابو وشلون بيه
وناتي بابويه بوجع والكلب محزون
===
فراك الابو جتال مابيه اشيله
وناتي من بعدك تاذيني ثجيله
حملي يبوبه لو رحت مابيه حيله
بدار توجع حسرتي وتهل العيون
===
محزونه يابويه ودليلي عليك ذايب
مسموم وعيونك غفت بين النوايب
وام الحسن هليوم شبعانه مصايب
وتكله عني لو رحت دلالي محزون
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي ٢٨ ٨ ٢٤ ٠ ٢

🔥اصدار حصري  وجديد من ديوان زينب والطفوف جزء 👈 ٢٣ج نعي للرسول الاعظم عليه وعلى اهل بيته افضل الصلاة والسلام 🔥


نعي كرناوي

صدك شايل يبويه تريد لاوين
ناوي اعله السفر هاي المسيه

متعلمه عليك شلون يابوي
ريضلي الضعن ووكف اشويه

تعوف الغاليه بس تجري العيون
مااحمل هضم مو تدري بيه

شلون تنام بويه وعني تروح
انه اخلافك بعد ياهو اليه

تضل روحي تون يابوي متهيد
ودمعتي اعله الوجه تضل جريه

حملت ومشيت ولاتوانيت
شلون تروح وتعوف الزجيه

روحي تهدمت ماضل بعد حيل
من شال الضعن وابعد عليه

بووويه. ياااابوووويه

➖➖➖➖➖➖
ابوذيه

يالشلت النعش هاليوم. ون بيه
مجروح الكلب وشكثر... ون بيه
الهادي ارويحتي  وانا بيه.  ون بيه
يضل خيمه الابو نكعد بفيه

➖➖➖➖➖➖
نعي مجرد

تبجي ام الحسن فكدت وليها
وني اوياها وساعديها
اليوم الحزن بين عليها

➖➖➖➖➖➖
ثاري الابو ياناس هيبه
والراح مني منين اجيبه
وكلبي على افراكه لهيبه

➖➖➖➖➖➖
يناس الابو ولله شحلاته
خيمه يضل ولله لبناته
ابجن عليه يالفاكداته

➖➖➖➖➖➖
ونت فاطمه ونه اعله ابوها
بس مات عدوانه اهضموها
هجمو عليها ولوعوها

➖➖➖➖➖➖
تون ام حسن للشال منهه
والبين لوعاته ولنهه
من هسه ابتده اوياها حزنهه

➖➖➖➖➖➖➖
ماينحمل يافكد الاحباب
يون بحزن ضل داحي الباب
للهادي يون ومصوب اصواب

➖➖➖➖➖➖
يون علي ياحال حاله
وحزام ظهره شلون شاله
ون والدمع لفراكه ساله

➖➖➖➖➖➖➖
رحمة الباري فاكدينه
واهلال عزنه مضيعينه
يارحمه يل بيك اهتدينه

➖➖➖➖➖➖
نعي طور الفراق

الدنيا ظلمه.... من بعد عينك يوالي
الدنيا ظلمه.... بالكدر يابوي حالي
الدنيا ظلمه.... الدمعه بعيوني تلالي

➖➖➖➖➖➖➖
هايبويه..... روحتك كلش كضتني
هايبويه.... والمصايب لوعتني
هايبويه..... الفركه صعبه وهدمتني

➖➖➖➖➖➖
بويه مكدر.... هالغياب شلون احمله
بويه مكدر.... منبرك خالي اصداله
بويه مكدر... بالكلب صارتلي عله


تمت✍️ الشاعره والمله ام حسين العامري
غير مبري الذمه من يحذف او يغير اويتلاعب بالكلمات او يحذف اسم الشاعره وينسب الكلام له

#قصيدة_للرسول_محمد
تقرى بطور السريع وطور الثكيل

#المستهل

رسول الله عليك العين لعميهه
ودمعاتي الزجيه تشهد اعليهه
رسول الله رسول الله رسول الله


•───✧◐◐✧───•

اعمي العين لوما تبجي لمصابه
وجمرات بدليلي اعليه لهابه
ابكل مجلس اصيحآ آه يايابه
ابو الأمه محمد هو حامينه
رسول الله رسول الله رسول الله

•───✧◐◐✧───•

اللطمه اعليك اشدهه واكسر اضلوعي
وبالمجلس اونلك واذرف ادموعي
تصرخ يامحمد هاي الجموعي
الدنيه اخلاف عينك طعم مابيهه
رسول الله رسول الله رسول الله

•───✧◐◐✧───•

وي جبريل كلنه اليوم حزنانين
وسفه اتروح ياجد الحسن وحسين
احنه ابحاجتك هاليوم مظلومين
الشيعه بكل وكت مولاي سابيهه
رسول الله رسول الله رسول الله

•───✧◐◐✧───•

ويه ام الحسن نبجي ونجر ونه
الف وسفه عليك انصيح سيدنه
كل هاي الخدم وياي تتعنه
الزهره بمجلسك جينه نواسيهه
رسول الله رسول الله رسول الله

•───✧◐◐✧───•

لاامسح دمعتي ولاابطل النوح
ودمعاتي على الوجنات تبقى اسفوح
وكلبي ابفركتك مولاي ظل مجروح
عندي اذنوب بس دمعتك تمحيهه
رسول الله رسول الله رسول الله

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

نعي
لأستشهاد النبي صلى الله عليه واله


.....

الزهره شگد فجعها بُعد ابوهه
شكثر شافت مصايب بعد ابوهه
منو الگال الهه غيره بعد ابوهه
لچن بعده احملت اعظم رزيه

.......

ابوچ المانخلف شوره ورايه
يمن نسلچ بزغ آيه ورايه
اموت وموتتچ تصبح ورايه
بكسر ضلعچ وفاتچ يالزچيه
.....
الشاعر محمد حسن ضيغم


https://www.tg-me.com/alnaay2022

#في_الخدمة_المقدسة
#استشهاد_الرسول (صلى الله علیه وآله)

(قصيدة عمودية)


ومضى الحبيبُ وبالقضاءِ مُسلِّما
ربُّ السّما صلّى عليهِ وسلّما

نبكي لرزءِ مُحمدٍ خيرِ الورى
نبكي معَ الزّهراءِ دمعاً مُسْجَما

وهي التي أوصى بها من بعده
ذي بضعتي كانت وتبقى المَغْنما

ويلٌ لمن آذى البتولَ وولدَها
خَسرَ الحياةَ وبالمماتِ تندّما

وغدتْ تُلملِمُ حُزنها برحيلهِ
وتأنُّ إذ فقدتْ أباها والحمى

ومدينةُ النّورِ التي شعّتْ به
أمستْ بعتمٍ والأسى قد خيّما

أرختْ شجى الآلامِ حين وداعهِ
وكذا تضعضعَ رُكنُها وتهدّما

إنّي رجوتُكَ يا إلهَ محمدٍ
ثبّت على دينِ النبيِّ مُتيّما


#منال_بجيجي

واه محمداه...........واه محمداه
*******
احسب  اهموم الكلب وتعد  النجوم
وانه  بدموعي   يبويه تدري الهموم
صرت شوف الباب بيه چنه مرسوم
باچر يصير الهجوم وظلعي  ملچوم

واه محمداه........واه محمداه
*******
لا تخليني  وحيده   بحسره ظليت
بلا ضوه ارجع  خرابه  طبت البيت
الشمس غابت يبويه وانت ماجيت
باچر اتشوف العجايب وانه ناديت

واه محمداه......واه محمداه
*******
بويه  تدريني  ابغيابك  دمعه هليت
بيتي ظل بلايه نجمه شمعه طفيت
مااشم بالبيت عطرك كلشي حسيت
عن  قريب  تروح عني  وانه  ونيت

واه محمداه........واه محمداه
*******
ما شفت   مثلك  ابد  واحد يشيعون
امشي بالتشيع وعرف  من  يهجمون
همهم  اشلون  الخليفه  من  يعينون
ليش من چف الغدير بسرعه ينسون

 واه محمداه.......واه محمداه
*******
اه كدامي الزمن وتشوف الاصحاب
باچر يدفعون  ظلعي وينكسر  باب
ينوخذ مني فدك  كل هاي الاسباب
تفاجئت والنار تلهب جرحي ماطاب

واه محمداه........واه محمداه
*******
تمت  بعون الله 
خادم الرسول الاكرم ص...
يوسف الفتلاوي

╌╌ـ────═﷽═────ـ╌╌
#الرسول_الأعظم_صلى_الله_عليه_وآله.
#لطمية.
#صفر_1446هـ .

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

عالهادي  تبچي دموم ومگابله هدومه
وتگــلّه يالمسمــوم  تهـنــالك  النـومـه
وروحه عليها اتحوم ابنيته مهضومــه
گـعدت  على  التربــان  المندفن  بيهـا

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

تمشي وتگــع کلســاع محـد يواسيهــا
طــاح الأبــو عالگـاع و زادت مآسيهــا
بس الأميــر اليوم يبچــي ويحاچيهــا
أهــل الملامــة انــوب ملّــوا بواچیهــا

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

ملّوا بچیها الناس وگالوا يبت عدنــان
اذّانا صوت النوح خففي من الاشجان
راحت  تِوِن بمچان سمّوه بيت احزان
فاطم عليلة  اتعيش مــن دون واليهـا

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

كلما بلال ايصيح بســم النبي  الهـادي
تشهگ تنادي بصــوت يامهجة  افـادي
افراگ  النبي كالمـوت ماهو ابد عـادي
روح  احسن  الاكوان  صعدت  لَباريها

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

✍ #الشاعرة_زينب_الخفاجي
🤲 #اللهم_صل_على_محمد_وآله

يا ضواها الدنيه ضلمه بلا ضوه
يا نفسها الزهره  مختنكه بهوه
:::::-----:::::
يارسول الله الصحابه ماحصل منهم نفع
خانو الصحبه الجليله اتفقو بكسر الضلع
الما رعو بيت الرساله  كون نافيهم شلع
كون من عينك تذبهم مثل ماتبجي الدمع
صدك لو كالو عصابه  قاتله
من تفكرها جبيره  المسأله
بغضه كلبك يارسول الله نجوه
:::::-----:::::
يا رسول الله بغيابك فاطمه ضلت توون
على فكدك يبو القاسم ماطبك الها جفن
ذبل من بعدك عمرها ماتت بليل الحزن
جان خيمه يضلل الها العافها بهم الزمن
انته بيدك رسم خطيت السلام
ما نسيتك الله شاهد مو كلام
ياطبيب الجرح يا احسن دوه
:::::-----:::::
يا علم دين الله يا راعي الرساله الطاهره
الله خصك بالرساله ودين طييب مضهره
بغيبتك خليني اخبرك بالطفوف  الي جره
من غبت سيد الرساله حسين كطعو منحره
ليش نكروها الوصيه وخالفوك
فدك  رادوها بغيابك  مارعوك
دفع باب وكطعت للخنصر سوه
:::::-----::::::
بحزن املاك اعله فكدك وفاطمه ماتت الم
بجت بس  فضه عليها حيدره حيله انهدم
تبجي لمصابك يبوها و ذبلت بكثر الندم
ضاكت الدنيا عليها  وتحلم بشوفك حلم
تنوح لمصابك البضعه طاهره
الحال يا حاله علينا  حيدره
بالمصايب كلب حيدرنه ارتوه
:::::-----::::::
الليل لوجاها بهمومه الزهره ماتطبك جفن
انطوه ياضهر الزجيه و عمت عين ام الحسن
ناحت اعليك وجفنها ماغمض ساعه وسكن
تبجي والزهره ضلعها انكسر  يم باب الفتن
ياذخرها يبو القاسم  فكدتك
انته  ضلها وللشدايد  رادتك
كلب بتك بس مصايب بي حوه
:::::-----:::::

حسن صالح العيساوي

‏مقطع صوتي من حسن صالح العيساوي

رسول الله رسول الله محمد يا رسول الله
::::::-----::::::
اولهم  محمد كال   الله  الوصه بالعتره
اضلم كل ضوه الدنيا وناحت فاطمه الزهره
تنوح ارض وسمه وياها يحزن عالم بأسره
املاك السمه بهل يوم تبجي اعليك بالعبره
:::::-----::::::
زلزال الارض  بيها   موتك يا رسول الله
يمن خطيت دين الله  بسمك تكمل القبله
خاتم للنبوه انته  يغيب اعلينه مو سهله
اليوم العالم بأسره  ينعه ويلطم الاجله
:::::----::::::
اجينه يا ابو الزهراء  نحمل ضيم دنيانه
نشكيلك هضمنه اليوم اجينه بروح حيرانه
جور وضلم هاي اعداك الماترحم يمولانه
مصابك يارسول الله تنوح السمه المبجانه
:::::-----::::::
فكدك مو سهل والله علينه لا تضن فكدك
شوف شلون ديانه لعبت بينه  من بعدك
انته البل عرش صوتك انته الباري اليودك
مثلك ما يصح مولاي  لا قبلك  ولا  بعدك
:::::-----:::::
اول بالرسل اول  خلافك موحشه الدنيه
محمد يا رسول الله  بحبك صادق  النيه
وكتنه الما رحم بينه  تعال وشوف  تاليه
الما بطل دمع عيناه   حيدر عينه جاريه
:::::----:::::
حسن صالح العيساوي

لسان حال الزهراء على قبر ابيها
صلى الله عليهما وآلهما وسلم💔 :

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تعال  وشوف  حالي  شصار ..... دمعن

عين أعليك  تجري  دموع  .....دم عين

لضل   دهري   أهل  عليك   ....... دمعاً

الى     أن      ننجمع      يمك    سويه💔

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

جهاد البصيراوي

نتفارك انه وياك بويه هضيمه
من عكب ذاك رباك أصبح يتيمه
وابقى متيها الرأي
لا أم لا أبو وياي
بويه هضيمه
...................
يبويه العدها وإلي اتعيش مهيوبه
وعلى جناح الأمل تتخايل ادروبه
اليصلي اعليك بويه تنمحي ذنوبه
يباء البسمله يا سورة التوبه
صبح ومسه إنعاك واهمل دمتي
ولا لحضة بويه انساك واعلك شمعتي
جرحك جمره بحشاي
لا أم لا أبو وياي
بويه هضيمه
.......................................
ما بيه وبعد ما أحمل الفركه
يبويه وليش كلبي بفكدك اتحركه
جنت اغفه واعيش بعالم الشبكه
وجنت مثل الهوى ماتعشك الخنكه
كل لحضه بويه اشتاك اشتم عبيرك
مابيه حيل إفراك ما عندي غيرك
انته الهوى والماي
لا أم لا أبو وياي
بويه هضيمه
.........................
يبويه لورحت شينشف الدمعه
يالماشي بدرب مابي بعد رجعه
أخذ روحي ودليلي أمن الهرش كطعه
شلي بدنياي بويه وشلي بالشمعه
بعدك يماي العين شلي بحياتي
ومثلك اجيب آمنين ساعة مماتي
بيدك تمسح بجاي
لا أم لا أبو وياي
بويه هضيمه 
................................

يبويه أكعد وعاين حالتي الليله
عليك اعيوني دم المدمع اتسيله
عاين حيدر الفكدك هدم حيله
انه وياه يتجيلي واتجيله
أكعد يبويه وشوف حال الصميده
محني وعليك ايطوف جثة عضيده
وأنه محيره بهاي
لا أم لا أبو وياي
بويه هضيمه
..............................
يم نعشك يبويه اهنا تكابلنه
ننعى وزينب ويه اخوتها تسمعنه
مثل ماننعه تنعه ويجري مدمعنه
ومثلها حسين شمك وانه اشمنه
أذكر كلتلي بيوم بويه اعله حاله
ايذبحونه هاي الكوم وتسبي عياله
وتبقى بلايا حماي
لا أم لا أبو وياي
بويه هضيمه
....................................
خادم خدمة الحسين
الشاعر
محمد الموالي

قصائد مقدمة المجلس
#رقم_315

شهادة الرسول الأعظم (صلى الله عليه وآله)
الخطيب السيد سجاد الحسيني

1ـ رَحِيلُكَ يَا رَسُولَ اللَّهِ أَدْمَى
قُلُوبَ الْمُؤْمِنِينَ فَهُمْ حَيَارَى

2ـ وَعَمَّ الْكَوْنَ  احْزَانٌ وَغَمٌّ
فَرَكبُ  الْمَوْتِ  بِالْمُخْتَارِ سَارا

3ـ وَبَعْدَكَ فَاطِمٌ لَطَمْتْ خُدُودًا
وَدَمْعُ الْحُزْنِ آهَاتٍ  تَجَارَى

4ـ تَصِيحُ أَبِي تُفَارِقُنَا سَرِيعًا
وَتَتْرُكُ يَا أبي فِي الْقَلْبِ نَارا

5ـ ألَا يَا مُهْجَتِي لَا تَسْتَرِيحِي
وَنُوحِي  الْيَوْمَ مَنْ عَافَ  الدِّيَارَا

6ـ أوَجْهُكَ يا أبي يَا نُورَ  عَيْنِي
وَيَا سَلْوَايَ عَنْ عَيْنِيْ تَوَارَى

7ـ فَهَلْ بَعْدَ الرَّسُولِ يَطِيبُ عَيْشِي
وَهَلْ كَسْرِي لَهُ ألْقَى  جُبارا

8ـ وَهَلْ بَعْدَ الرَّسُولِ أَرَى سُرُورًا
وَطَيرُ السَّعْدِ  عَنْ دُنْيَايَ طَارَا

9ـ أَرَى الْحَسَنَيْنِ يَنْتَحِبَانِ حُزْنًا
وَحَيْدَرَ  يَشْتَكِي فَالدَّهْرُ جَارا

10ـ فَبِيَتِي مُظْلِمٌ وَالْحُزْنُ بَادٍ
بِهِ وَالْخَصْمُ يَا مَبْعُوثُ غَارا

11ـ يُهَدِّدُنِي بِنَارِ الْحِقْدِ ظُلْمًا
أَتَاني مُحْرِقًا بَابِي  جَهارا

12ـ ظُلِمْتُ وَلَيْسَ لِي عَوْنٌ وَخَصْمِي
يُرِيدُ أَذِيَّتِي لَيْلًا نَهَارا

***

چنت ظني عگب عينك يبويه ويا بعد روحي
اذا هاج الألم بيه وزادت ونتي ونوحي
تجي أصحابك تسليني بعزاي تضمد جروحي
وابد ما حسبت بالنار تگصدني وتطب داري

يبويه واركضت للباب اسدهه بيوم شفت النار
ولن ذاك العدو جاني وعلي عصر باب الدار
بضلعي نبت البسمار وطحت ما ادري بيه شصار
صحت يا فضة عينيني وتشب من الألم ناري

يفضة وين ابو الحسنين ما يحضر إلى ويشوف
يرضه شلون يضربوني وعلي بيوم الحرب معروف
تگللهه ابو الحسنين للمسجد خذوه مچتوف
چتفته الوصية وراح مكظم والدمع جاري

الزهرة تصيح يا بويه وسافة باللحد مدفون
وعلي ينادي يبن عمي صرت مابينهم هارون
وزينب ويه اخوهه حسين وأبو محمد غدو يبچون
وكل بيت النبي مرعوب بيت الطهره الباري

مراثي الأطهار عليهم السلام

رَحِيلُكَ يَا رَسُولَ اللَّهِ أَدْمَى

بصوت الخطيب الشيخ كاظم المياحي

قصائد مقدمة المجلس
  #رقم_41

رحيل #الرسول_الأعظم (صلى الله عليه آله)
للسيد صالح الحلي (ت ١٣٥٩هـ)

1_ رُزءٌ أطلَّ فَجَلَّ في الأرزاءِ
زفراتُه هبَّت على الغَبراءِ

2_ يا نَكبةً عمَّت على كلِّ الورى
عمَّت على الآفاقِ والأرجاءِ

3_ تاللهِ رزءُ محمدٍ أوهى القوى
وطوى الضلوعَ ومضَّ في الأحشاءِ

4_ اليومَ قد فقدت أباها فاطمٌ
فقدت أباها أرأفَ الآباءِ

5_ من ذا يُعزي المرتضى في المصطفى
والأنبياءَ بسيدِ الأمناءِ

6_ من ذا يُعزي المجتبى في جدِّه
حسنَ الزكي وسيدَ الشهداءِ

7_ ومهابطَ الوحي التي قد عُطِّلت
لرزيةٍ عمَّت على البطحاءِ

8_ وتَعُجُّ فاطمةٌ بقلبٍ والهٍٍ
وحشىً مسجَّرةٍ بلا إطفاءِ

9_ أبتاه قد أصبحتُ نهبَ حوادثٍ
هتكت صروفُ الدهر سِترَ عَزائي

10_ دارت عليَّ النائباتُ بأسرها
لم يُلفَ لي جَلَدٌ على البلواءِ

**
 
ابو ابراهيم لمّن فارگ الروح
عليه عجّت أملاك السبع بالنوح
بجه اعليه العرش والقلم واللوح
وما ظل گلب ما ذاب وتولّم

تصيح ام الحسين ابدمع جاري
يبويه أظلم على افراگك نهاري
يبو إبراهيم يا رحمة الباري
عگب عيناك ريت الكون يعدم

يبو إبراهيم يا مخدوم الاملاك
دگلي اشلون صبري الخلاف عيناك
يبويه منبرك موحش الفرگاك
وصار الفگدك المحراب اظلم

يبويه انكسر گلبي ودمعتي اتسيل
وعن بيتي انگطع من غبت جبريل
يومك يشبه النفخة اسرافيل
اخذ منه الگلوب وعالخلگ عم

يبو إبراهيم نورك من خفه وغاب
غدت ظلمه المدينة بكثر المصاب
عليك الحسن يبجي وگلبه انعاب
وأخوه حسين يبجي بدمع من دم

گظيم الهم واصيحن آه واراه
اصل دار النبي بيا عين واراه
أناشد يا هو وسط اللحد واراه
كالوا حضر بس حيدر وصيه

على الهادي الدموع إبحزن تنصاب
وحـگها فاطمه إبفرگاه تنصاب
الـسقيفه  گبل دفن النبي تنصاب
وإديـهـا إنخضبت إبدم الزجيه

تظل دنياي بعدك حيف ظلماي
وابجي و مابعد بالعين ظلماي
شلون يهون بويه عليك ظلماي
يوم تغيب من هاي الدنيه


مراثي الأطهار عليهم السلام