نعي مجرد لرجوع زينب الى كربلاء
من ديوان #مواجع_الطف_الجزء_الثاني

ابوذيه …..

انا من بعيد اصيحآ بصوت يهلي
وصلت لكربله تلكوني يهلي
تعبانه ونحيله ودمعي يهلي
ولا واحد المنهم كام ليـه

•───✧◐◐✧───•

مولاتي زينب تخاطب الناكه بالمشي وعندما وصلت الى كربلاء نزلت من على ظهر الناكه وجلست على الارض تحثو التراب على رأسها وجعلت تنعي ولسان حالها تكول خووويه ياابن امي ياخويه
المن الونه والمن الآه يازينب
اوووي يمه اوووي يمه


تكلها

ياناكتي سرعي ابمشيج
ولكربله اخذيني بدربج
نزليني يم اخواني احلفج

•───✧◐◐✧───•

اشتاكيت لخواني واجيت
انه امفاركه وليهم تعنيت
مهظوم كلبي ويمهم بجيت

•───✧◐◐✧───•

كعدو لختكم ردت اليوم
من اليسر والحال مهدوم
يسباع كافيكم من النوم

•───✧◐◐✧───•

يم اكبورهم جريت ونه
كعدو تلكونه يهلنه
كلنه حرم طايح حملنه

•───✧◐◐✧───•

اكعدو ونشدوني اعله حالي
ميسوره اختكم ماكو والي
يخويه اليسر تعب احوالي

•───✧◐◐✧───•

حن الكلب الكم يطيبين
من يومكم ماسكتت العين
انا امفاركه وفراك السنين

•───✧◐◐✧───•

شيعود طبتكم عليه
يالنمتو بتراب الوطيه
عمله وعملها البين بيه

•───✧◐◐✧───•

مهظومه يابن امي اعتنيتك
من الشام ياخويه اجيتك
اكعد تلكه اضعون اخيتك

•───✧◐◐✧───•

لو تنشري بروحي شريتك
من هظم كلبي عاتبيتك
خلافك بعد يوحشني بيتك

•───✧◐◐✧───•

تعبانه اجيتك هظم بيه
وماكلت هاي اختي الأبيه
شمحلاك من تتشد عليه

•───✧◐◐✧───•

الوليان مانشدو عليه
رديت لرض الغاضريه
وفلت الخوه وهاي هيه

•───✧◐◐✧───•

يخوان باالله ماتكعدون
جيت وجبت وياي الضعون
بس الحرم وياي يمشون

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة

قصيدة لأربعين الحسين
لسان حال الزهراء للسيده زينب
من ديوان #مواجع_الطف_الجزء_الثاني

{ مستهل القصيدة }

ياشيعه ارد اوصيكم وصيه
اتلكو زينب بهاي المسيه

جابت راس اخوها
كلكم ساعدوها

لتقصرون يالكلكم حميه

•───✧◐◐✧───•

يشيعه ابنيتي اجت مهدودة الحيل
من يوم اهدعش مانامت اليل
ومابطل دمعها المدمع يسيل
سبي بنتي الجرحني وذاب الدليل

من يوم الخذوها
اسيره وكيدوها

بقت عيني عليها تصب جريه

•───✧◐◐✧───•

مصايبهم ثكيله وتوجع العين
مره الها اصد ومره لحسين
ويادرب السبي خلصته بونين
الروس كبالها تون للعزيزين

ونها يهدم اجبال
ويمها تون العيال

والأعظم والأشد موتت رقيه

•───✧◐◐✧───•

الله يعين كلبج يم الأحزان
شفتي كبال عينج ذبح الأخوان
وشفتي حسين طايح بيد عدوان
بكعب الخيل صدره صار ميدان

جروحه هواي كثره
تون زينب بكتره

ياجرح التشده يخف عليه

•───✧◐◐✧───•

معزيات اويه بنتي اليوم اريدن
وملايه بعازهن خليجيـبـن
وسط المكبره علن بچيچن
وانه حاضره واسمع نعيچن

اون ويه اليونون
واعميهن هالعيون

والطم عالضلع بثنين اديه

•───✧◐◐✧───•

احضركم يشيعه بساعة الموت
يالواسيتو ابني بدمعه وبصوت
وكل خادم خدم لحسين مبخوت
بجاه الظل غريب بغير زاتوت

وكل عام وتجوها
تواسوها باأخوها

ولو صاحت ييمه لحكي بيه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة

نعي مجرد لسيدة زينب عليها وقت بعد رجوعها من رحله السبي الى الشام
=================
بعيد الدرب واليل ضلمه
وردينه شبعانات هضمه
يحسين عيني اعليك تعمه
===
من بعيد رف كلبي لخيي
يبعد البزر ياهيبتي وفيي
اخلافك يا نور عيني وين اوجي
===
يمعدل وطيب المحاجي
وحزنك على الدلال لاجي
اخيتك بلغرب شبعت بواجي
===
احتامينه واليكم سيرينه
من بعيد سلمنه وبجينه
محد يخويه كام لينه
===
عدنه هضم وانريد نشجي
وخال ابني حنين واعتب عليه
حملي وكع وين اليلاكي
===
جبت البزر وعيالي كلها
واخيتك تنخت كوم الها
مرار الشام دولبها ونحلها
===
مسيورة راحت عينها تهل
وادري الهضم يحسين يكتل
وعليك دمع العين يهمل
===
ردتلك وعدها ابنيات
يتصارخن يمك محشمات
خطار اجينه للولي انبات
===
انبات بلمكبرة وننعى
ذاب الكلب وامطبك ضلعى
وضلت بطرف العين دمعة
===
ماكمتو يل كلكم حميه
ولا شفتو ضيم السده عليه
رديت محد كعد ليه
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي

قصيدة ( قبلة أحزاني ) عند رجوع السيده زينب عليها السلام إلى كربلاء




أجيــت  لقبـــلة احزانـــي     
ولا  واحـــــد   تـلگانــي
جبت جمر الخرابه ويـاي     
وي  جمــرات خــوّانـــي

****
اجيت وجمـرة العاشـر
       بعدها مــن الذبح تسعر
جرحك بالگلب يحسين
         طعنـات السبــي اكـبر
وادري بالعتــب ياذيــك
         ما أعاتـب يبو الأكبـر
عفتك عالرمل يحسين
        خويه أعلى الثرى موذر

رحت مسبيه يـــا وسفه     
وﭼـفي شامت يجتفه
وجمر الطف لهب تدري    
خويه بگلبـي چواني

****

يا خــويه عگـب عينـاك
          نــار التهـبـت اخيــامي
وايتامي على كبــر الگاع
            بالبـر طشّـت ايتامي
حلوه ايــام خويه ويــاك
           بعــدك ظلـمه ايــامــي
العفاف آنه يوسفه الشام
             علي بس نايبه يرامي

نار الشام ظــل تسعر       
مثل نار الخيم واكثر
تلهب ظلت بروحــي       
مـو تلهــب بصيواني

****


جبت جرح الخرابه وياي
           وضفته لجرحــك اليدّي
خاف الطف جروحه اشواي
           اچملهـن علــى العنــدي
جــرح بنتـــك رقيــه يزيد
           نـــاره لطلعـت المهــدي
السّـدهَ بعـدك يبــو الأكبر
           مـــا مثلــه اظن يسدي

بنت الزهـره والقــران      
اطب ياللاسف ديوان
وانه العفه والأخــلاق       
بيهن يــزهي ديــواني

****

اجيت من اليسر هاليوم
         وتجري من دمّه اعيوني
رحت مسبيه للشمــات
         وعليهم دخلـت اضعـونـي
السوگ وزمرته ونــاسه
          يخــويه الكـل يشتموني
وخيالي الما نظرلـه انسان
          بقصــر ظلـوا ينظرونـي

تمنيت الگمــر موجــود     
وما مگطوعه من ازنود
ما اروحن سبيه اهنــاك       
أنـــه عبـــاس عنوانــي

****

الاخت لــو غابـت الخوّان
               يــا خــويه اتلگــاهــا
وتسألها بسفرها اشصار
              وتنشدها أعلى بلوها
لـﭼن تحـت الثرى يا حيف
               والعــدوان تبـــراهــا
آنــه اول اخـــت جابـت
               روس إخــوتها ويـاها

غالي راسـه يم غــالي      
ودمعتي ظلــت تلالي
قرابين أعلى دين الله      
تقبــل ربـــي قــربـاني

****

تمنيته الكفل ضعنــي
        ســالم ينظــر لحــالــي
مــا احد وحگ عبـاس
        طـول الـدرب  يبــرالي
ولا واحــد نظــر طــولي
            يحلم ينظــر اخيالي
اعذره الطاحــن اﭼـفوفه
            بدم الهــامه وافـالي

اخو زينب يظل اسمــه    
نجيبــه وطــاهره امــه
وافه بهامـــه والچفين   
اخوي وعالي بي شاني

****
الشاعر
موسى البديري

١٥ صفر ١٤٤٦ هجريه

قصيدة إلى زينب وعودتها الى كربلاء


ردت لاهلها بالحزن وتنادي
مهظومه زينبكم يجدي الهادي
وين الوالي ويتلكاها

*-----------*------------*------------*                

هاي العزيزه الطاهره بت حيدر
مهظومه مابين العدا وتتفكر
يال العجب بت فاطمه تتاسر
وتروح اسيره بين أدين العادي
والامه تكيد بت طه
*------------*------------*--------------*                         
كومو يهلها بالدمع واسوها
متكبعه بالهم والحزن تلكوها
زينب عزيزه بياوصع عفتوها
وليه ولووها وين اخوي تنادي
يالكافل كوم اتلكاها
*--------------*-------------*--------------*                         
ثوره على اعروش الظلم شنوها
والامه بالحق ترتقي  رادوها
ال النبي بفيض الدما علوها
راية وفى وترفرف بكل وادي
والناس اعلى الحق دلاها
*--------------*-------------*--------------*                         
شجايه اجتكم يالاهل شجايه
تعتب على ذاك الفرات ومايه
الكافلها خويه هالاجتك هايه
كوم اعدل المحمل قهرني الحادي
زينب ياخويه اتولاها
*--------------*---------------*--------------*                     
ردت واجت تشكي الهظم والالام
متغيره من ظيم اليسر والظلام
مو هيه شو شمسويه بيها الأيام
ياظلم بت فاطم عليها اشسادي
زينب ماضلو ولياها
*------------*------------*--------------*                      

محمد دعبل النوري


     

نعي إلى السيدة  زينب عليها السلام


بيه الدهر ماضي اصوابه
وحيرني الحسين ابمصابه
اميسره صرت ابغيابه
اخلاف عينه مالي حماي

انظر مصابه وكلبي مفجوع
ولفراك اخوتي تجري الدموع
انحب على مرضوض الضلوع
عطشان اخوي وماشرب ماي

ضليت أنا بولية العدوان
اكفل يتامى وارعى نسوان
خويه عليه اهواي الاحزان
يحسين ماضليت وياي

كونك يخويه وياي يحسين
وتشوف بيه شيعمل البين
بناتك ينوحن والنساوين
انخا ولا من يرد نخواي

مابينهم امشي هظيمه
عدوان وانفسهم لئيمه
بالعرب مامش بقت شيمه
وين ابو الشيمه الكمر رجواي

خويه الدهر دارت ايامه
واصبحنا بيد اهل اللئامه
أنا وبناتك واليتامى
امشي يسيره بولية اعداي

عفتك يخويه ابحر الرمال
وتيسريت ابين الانذال
مال الزمن من حال لاحال
الجاتل اخيي صار حداي



محمد دعبل النوري

شوط كربلائي للاربعين




رديـنـه حـرم و ايـتــام مــن الـشـام رديــنـه
ننشد عـالكـفـلـنه ويـن وعـن حـسيـن والـيـنه

◼️▪️◼️▪️◼️

اريـد الـلي كـفـلـنـه كـون ضعـن الـعــايـلـه أيـشـــوفـه
مـن اول طـفـل مـچـتـوف لاخـــر طـفــلـه مـچــتـوفـه
خل يحسبـنـه عـنـده ضيـوف اللـيـله ويكـرم اضيـوفـه
من يكـرم يشيل الـراس
اخـويـه والنـعـم عـباس
الجود امـبـيـن ومقـياس
و اول جـوده بـالـطـف چـان جـاد بـچـفـه وبـعــيـنـه

◼️▪️◼️▪️◼️

واريـد حـسيـن ابـو الـيـمـه يـشاهـدنـه حـرم وايـتــام
مـن بـعـد اليـسـر كـلـنــه سبـايـه وجـيـنـه مـن الشـام
نـريـد حسيـن ابـو السجـاد نـشوفـه والگـلـب محـتـام
نـلـوذ ونـگـعـد بسـده
بـدموع العيـن ونشده
نگله الضعـن شيـرده
لـرض الـوطـن يامهـيـوب خـويـه حسيـن حـاچـيـنـه

◼️▪️◼️▪️◼️

واريد احچي ويراعي الجود واخبره بالجره والصار
يساره مـن بـعـد عـيـنـه مـشيـنـه والـفـكــر مـحـتــار
نـفـكــر بـالـبـقـه وعـفــنـاه نـفـكـر والگـلـب بـي نـار
يساره اخلافكـم رحنه
ورديـنه بالــف محـنه
احنه البـعـرش احـنـه
يخـويـه مـن گـبـل ادم بشرف مكـتـوبـه اسامـيــنـه

◼️▪️◼️▪️◼️

واحاچي حسيـن ابـو السجاد خـويـه وشوف حـالتـنه
يساره وچـنـه بــرض الشام وانـظـر هـسـه ردتـنــه
اجـيـنـه نـشـوفـك ومـاشيـن لـرض الـوطـن نـيـتـنـه
اجـيـنـه والـدمع هـمـال
يخويه بس حرم واطفال
وعـلـيـلـك انظـر بياحال
امگـيـديـنـه بسـلاسـل چـان ابـنـك عـلي امگـيــديـنـه

◼️▪️◼️▪️◼️

واريـد انـشــد عـلى الكـافـل خـل يگـعـد يـشـاهــدنــه
سبـايـه ومـن بـعـد عـيـنـه ولا والـي الـبـقـه عــدنــه
مـثـل مـا جـابـنـه العـبـاس يـرد بـيـنه لـوطـن جــدنـه
كـفـيلي والنـعـم مـنــه
طـاح بـدمـه وتـحـنــه
نـذر عـمـره ولا چـنـه
نـطـاهـم عـالنـهـر عـبـاس عـيـنه وضـحـه چـفـيـنـه

◼️▪️◼️▪️◼️


شاعر اهل البيت (ع)
رياض الرسل الجابري

انه زيـــنب انه زيـــنب انه زيـــــنب

****


من رجعنه لكربلا هناك شلگيـــــنه ؟
لا حسيــــن ولابو فاضل رد علــينه
وينه ليث الموت شو تارك عريـــنه
ها يـخوتي الموت فرقنا انتهـــــيـنه

انه زيـــنب انه زيـــنب انه زيـــــنب


،،،،،،،،،،،،،

انه عندي عتــــاب ويــا الفارگوني
بالكلب كلمات والدمعه بعيـــــوني
ما اكول عداك يلكافل سبـــــــوني
ادري ما ترضاهه يلحادي بضعوني

انه زيـــنب انه زيـــنب انه زيـــــنب


،،،،،،،،،،،،،،،

علنهر صديـــــــــــت وشصار بدليلي
 گمت احاچي الماي ما يرجع كفيلي ؟؟
يا نهر منتظره يــــــــشتاگ ويجيلي
يرجع ونتلاگه يــــــــا ماي اندعيلي

انه زيـــنب انه زيـــنب انه زيـــــنب


،،،،،،،،،،


 كلشي بيــــــه وما نسيتج يا طفوفي
هنا دعائي وهذا موتـــي وهذا خوفي
هنانه رايه شكـد بچـت رادت جفوفي
وهايه جربة كافلي ويـــبست جروفي

انه زيـــنب انه زيـــنب انه زيـــــنب

،،،،،،،،،،،،،،،،



يــا نهايــــة عشرتي واصعب نهايـــه
لا اهل ويـــــــاي بس دمع السبايـــــه
وانا بنت النــــــــــور واسرار الولايه
حيل ثكلت خطوتي بدرب المنايـــــه

 انه زيـــنب انه زيـــــــنب انه زيـــــنب



كلمات/ رعـــد الفريــجي

*بشان اربعين الحسين عليه السلام*

🚩🚩🚩🚩

*جابر ياجابر جِيت وهمومي ثجيله*
*ويالحـرم ننصب عـزا لبن الجـليله*

&&&
جابر ياجابر گوم واسيني بلاحباب
گلبي تلوع بالهضيمه ودمعي سچاب
چم نايبه چم فاجعه جرعت ومصاب
*من الاعادي بكربلا روحي نحيله*
&&&&&
اهنا ياجابر ريت حاضر ارض الطفوف
شـفت الرزايـه والابـو مابين الالـوف
مذبوح ضامي بلا رحم ابحد السيوف
*الشمس غابت والسمه تنعه رحيله*
&&&

جابر ياجابر والمصيبه تهد الجـبال
يوم الصعد شمر الخنا صدره بالنعال
هبر وداجه بمرهفه والراس له شال
*عالرمح راسه مشهره دمه يسيله*
&&&
جـابر اخبرك بالكفيل اعله الشريعه
بالعمد راسه منفضخ والله فجيعه
منه يساره ويمنته صارت گطيعه
*والماي يمه ماشرب ذايب دليله*

&&&
جابر شبيه المصطفى جسمه توذر
والقاسم بدم حنته وگلبه تفطر
وبـنبلـه صابـوه الـرضيع الله وكبر
*ابلوعه انظر للاهل ماعدي حيله*
&&&

جمره بدليلي ودمعتي ماتهيد بالليل
عمتي شفتها بـالـفلا بين المچـاتيل
ويتام كلها مروعه مسحوگه بالخيل
*اتنادي وينك ياعلي حامي دخيله*

&&&

اعظم مصيبه شاهدت دخلنته لشام
طبت المجالس عمتي ومنشره اعلام
ويزيـد يتشمت علينه وحـنه بـالام
*ايگول منعدنه اشتفه وبرد قليله*

&&&
جابر ياجابر لوشـفت راس الشفيه
بـالخـيزرانـه يـنكـثـه ابن الدعيـه
ايگول يوم بـيـوم يـاابـن الزچـيـه
*الثار خذنه وهم سبينها للعيله*
&&&
حيلي تهدم من اجينه شفنه الگبور
كل الحرم اطايحن إيلطمن اصدور
روس الاحبه بيديهن والدمع منثور
*وگلبي عليهم بالهظم زايد عويله*



*عاشقة الولايه*

*نسالكم الدعاء*

*تصيح الحزينه*

ااا*فزاعيه في الاربعين*

*يابو فاضل قوم لينا*
*ردت تصيح الحزينه*

قوم واتلقه حرمكم
من اليسر ردن اجنكم
شيلهاا الرايه وعلمكم
*تصيح وينك ياولينه*
___

يبوفاضل قوم لختك
تحشم الليله اجتك
قوم بالخوه نختك
*قوم ماتنشد علينه*
___

قوم فك بابك اليه
مادريت اختك سبيه
اشلون ترضى هالرزيه
*اشلون ترضونه سبينه*
___

شوف واسياط بمتوني
تدري ياخويه اشتموني
بالسلاسل ربطوني
*اسمع الونه وبجينه*
____

قوم من قبرك يغالي
جيت ملهوفه ياوالي
قوم ياعزي ودلالي
*شوف يم قبرك اجينه*
____


بقلم : بنت الشمري
_الكويت _

💔فزاعية للاربعين
................
جايه زينب لعد ولياها
جايبه روس الاهل وياها
-----------
رديتلج ياكربله انطيني جواب
شفت منج بس قهر انه وعذاب
من رجعت شفت اخوتي تحت التراب
ومنهم الحرة اكطعت رجواها
---------------
كربله رديتلج باحزاني
كربله من الشام ولولياني
كربله ما واحد اتلكاني
اطفالهم وعيالهم جبناها
--------------
كربله من المدينه ابعز اجيت
وباليسر وي الشمر تالي مشيت
صحت وينه كافلي بصوتي ونخيت
الجابها خله يجي وياها
------------
كربله وين الكبر يتصارخن
كربله يهل المروة حشمن
كربله اعله كبورهم تالي هون
مانهض واحد سمع نخواها
--------------
كربله جيناج وتعنينه
كربله كوميلنه اتلكينه
كربله اعلى كبورهم دلينه
نخت وما واحد سمع نخواها
-------------
كربله منج لعد بلدة الشام
كربله ومحيره بعيله وايتام
كربله وبخوف وبليل وظلام
كربله وبيها الهظم شفناها
----------
كربله امرار اليسر لوعنه
كربله واليوم ليج ارجعنه
كربله انصيح ومنو اليسمعنه
هذه غدرج كربله اعرفناها
------------
كربله من جيت انه بعزتي
كربله وبجال اهلي واخوتي
كربله وهاليوم اجرن حسرتي
كربله ليج وجهت شكواها
---------- -------
اربعين ليله وين تالي اكضيتهن
بالشام كل ساعه بسنه عديتهن
كربله اضفوف الحزن لميتهن
رايحه اشجيهن الجدي طه
---------- ------
ام عمار تمدحلج او دومها خادمه
تظل تجهر ابد لامو نادمه
بجاه ابو اليمه التغرج بالدمه
بالحشر رايدتكم انتو وياها
---------- ------
تمت بعون الله تعالى
لشاعره اهل البيت ام عمار الصائغ
نسالكم الدعاء

💔للاربعين
:
🚩 آه وا ويلاه يا أم الخدر 🚩



آه وا ويلاه يا أم الخدر

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اليوم ردت زينب الأرض الطفوف
والدموع إبهذا محملها تطوف
تصيح يا عباس يا راعي الجفوف
ردت أختك كَوم و إتلكاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

إبصوت صاح الكافل و مدمع يسيل
إشلون هالحرة يحاميها عليل
ما مشت بت حيدر إبلاية كفيل
إبروحه كافلها يسير وياها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تصيح زينب يا شبل خير الرجال
هالمصيبة هدمت حتى الجبال
لا تدور عنها ما بين العيال
خولة بنتك ماتت إبممشاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

زاد صوت الحسرة و إزداد النحيب
بس جسد للحرة جن كَام الغريب
يصرخ بصوت الجروح ألما تطيب
إبنيتي خولة وجانت إشمحلاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كَال أريد أسأل يزينب بس سؤال
شو رقية ما إجت وي الأطفال
جن جنت أسمعها تصرخ بس تعال
الله يلعن كل بشر آذاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نادت الحرة على رقية السلام
عن وصف لوعتها يحتار الكلام
جانت تريد بوسط حضنك تنام
وتشكي عندك ضربة البجاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تالي ماتت يا وسف بنتك حرام
هالكريمة الطاهرة بنت الكرام
بكل حقد ضربوها أشياع الظلام
تعنتك و إنت الذي تراعاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

#إم_الخدر
🍀 #علي_حسن_الكناني

لطميه
اربعينية العباس عليه السلام
......

قبل الاربعين
( طوركل ما اشوفك بالطيف باسم )
......
كل ما اشوفك عباس
يا هيبتي اوتاج الراس
يا خويه ياضي عيني
ضليت اون خويه اعليك
واذكرها كطعة ايديك
يالخوتك تحييني
......
يالي نمت علمشرعه اويمك اجفوف امكطعه
اوكلبي تهل عيني دمعته
اومن انظر اهناك العلم
والعين طراها السهم
والماي فايض من كربته
انحب وانادي يالاخو
بعدك على الدنيه العفو
يا اخو مثلك ضيع اخته
خويه اربعينك كربت
يالعفت اختك اورحت
كلبك يخويه ما كسرته
ياخويه جا مايشجيك
نوحي ولا اياثر بيك
مو انته الشاريني
كل وكتي خويه ابطاريك
واذكرها كطعة ايديك
يالخوتك تحييني
......
خويه أربعينك كرب
طرني الفلك ويه التعب
او ضيم الدهر لاختك صدعها
عباس منته كافلي
انته الي كلت ادللي
كوم امسح الاختك دمعها
زينب تراني ام الخدر
وانته الدكيت الصدر
خويه الدهر عيني شلعها
اتمنيت لا طال العمر
واصرخت وينك يا صبر
روحي شلي بيها اشنفعها
يا خويه طالت الايام
مهظومه اختك بالشام
عباس متحاجيني
يا خويه محتاجه ليك
واذكرها كطعة ايديك
يالخوتك تحييني
......

عباس خويه رايتك
جابوها واختك حيتك
من موضع الكف قبلتها
ابوسط الطغاة انه اهتفت
عباس مرحب مضرعت
اورايتك خويه انا شلتها
بيك افتخر يا عزوتي
ياتاج عزي اوهيبتي
النهظه اختكم كملتها
مرفوع راسي بخوتي
اميسريني بس ابنظرتي
اعداي كلها حقرتها
بت حيدر اناالكرار
وانتو يا ابناء العار
تحجيها عيني
اخباري انشد تنبيك
واذكرها كطعة ايديك
يالخوتك تحييني
.......
خويه يعباس اليوم
احجي اوكلبي مالوم
عن محنة الشام اوهضمها
الشام كلهم ارجاس
لا دين الهم لااحساس
محنه اوشلت خويه المها
مله فلا عدهم دين
دف اوطبل فرحانين
جهال بس الدنيا همها
ايقضت بيهم فطره
من كلت ابن الزهره
اولاد النبي الخضبهادمها
تدرون هذا الحسين
جده النبي الياسين
والدين ديني
النبي جدنه ايقاضيك
واذكرها كطعة ايديك
يالخوتك تحييني
.....
خويه اريدن للوطن
ارجع امكبعه بلمحن
ما اريد انسه الشفناه
من جور عباد الوثن
شوفونه انواع المحن
مر الهظم جرعناه
مصاب الحسن اتذكره
ومصاب عاشور الجره
كاس الشدد شربناه
صابره وحز كلبي الصبر
مجبوره اصبر والصبر
امن امنه درس حفضناه
خويه اريد اوصل ليك
واعتب لمن ابجيك
يا نورعيني
يمته اشوكت اوصل ليك
اذكرها كطعة ايديك
يالخوتك تحييني
......
خويه وصلت الكربله
وياي جبت العايله
عباس چا وين الكاه
نايم حبيبي بالثره
وزنوده الي امبتره
دفنوها انشد وياه
والعمد راسه امهشمه
اوعينه اصبيها من همه
اذكره لا ما انساه
اكعد يبو فاضل جيت
خويه ارد اقبل ايديك
اسمحلي اوخليني
يا خويه اريد احييك
اذكرها كطعة ايديك
يالخوتك تحييني
.......
الحاجة ام احسان الخاقاني

#اربعين_الحسين


يالماخذك گوة الگبر....اگعدلي جيت من اليسر

انوب نگعد من صدگ....يحسين ابد مانفترگ

يخوية يخوية


.............................

اگعد لخيتك يالولي راح اتموت
يالماحظيت بلا غسل لاتابوت
وماشيعك ولاصاح بيك الزاتوت
گعديت يم گبرك او مبحوح الصوت

يحسين خويه عودينه... جيناك شو دطلع علينا

يخوية يخوية

.................................

جيناك يابو سكينه لمة نسوان
مابينا حيل ويبره لينه الوجعان
جينه ولگينه الولي ابنص التربان
وذبيت روحي امن الهزل يالعطشان

مالايگتلك نومة الطين... شفت الگبر وانفگست العين


يخوية يخوية


.....................................

من عگب ذيچ الخرايب يالولي
وذاك چتالك اليبره المحملي
جيت امرك آخ ياريحة هلي
بلكي تطلعلي وتگلي اتعطلي

بلكي اسمعنك تصيح.... خل اخيتي تستريح

يخوية يخوية

....................

جبت راسك لاچن ابلايه ضوه
امغير امن الشمس يحسين انچوه
راس وجناتك يمذبوح استوه
وشيبتك يحسين دمرها الهوه

امگابلينك بالدموع... اه يمرضوض الضلوع

يخوية يخوية

................................

اليوم يوم الاربعين ابكربله
وبعد مامش ملگه ومامش هله
بعده حزنك ياحسين ابأوله
شلون بيه الفگد مااتحمله

وراح تبطون اشكثر.... بيش يطلبني الهجر

يخوية يخوية

.....................................

ام علي رضا الشريفي الحسيني


رحم الله من يقرا سورة الفاتحة مسبوقة بذكر محمد وآل محمد لارواح👇

حسيبة بنت كلثوم
علية بنت غندة
رغد بنت مريم
عبدالحسين بن حواء

قصيده للاربعين
على طور ناذر اسنيني

اليوم ردينه انزور والينه
بالالام
نجذب الحسره ونوصل الكبره
بالالام
🏴🏴🏴🏴
من بعد غيبه طويله اليوم رديت
لشوفت ابن امي يهالوادم تعنيت
من شفت كبره طحت وعليه ونيت
صحت ياخويه وجمر من عيني هليت

صحت حاجيني اسمع اونيني
بالالام
اهمل العبره واوصل لكبره
بالالام
🏴🏴🏴

جيتكم احجيلكم ضيم العليه
خويه من يو م الرحت عنكم سبيه
وانتو يخواني ضحايا عالوطيه
عالهزل ركبوني وشدوا اديه

بحبل جتفوني وبجوا اعيوني
بالالام
والدمع يجره اوصل لكبره
بالالام
🏴🏴🏴
خذونه للكوفه يساره نلطم الراس
التمت اعلينه يخويه وتنضر الناس
واحنه نصرخ وين عنه اليوم عباس
يحضرلنه يشوفنه صاحب النوماس
يشوف حالتنه باليسر متنه
بالالام
كلبي شيصبره اوصل لكبره
بالالام
🏴🏴🏴
خويه مسبيات رحنه لديره الشام
مقيده بحبال خشنه ويه الايتام
وعالرمح راسك امعلك خويه جدام
وانه اصد ليه وعليه اتزيد الالام
امنصب اكبالي يذوب دلالي
بالالام
المنكطع نحره اوصل الكبره
بالالام
🏴🏴🏴
خويه برض الشام يبن امي انولينه
طلعت الوادم وتتفرج علينه
واحنه مجتوفات ومقيد ولينه
لو تشوف اشلون حالتنه وسبينه
ايتام ويانه وفتنه ديوانه
بالالام
لحالي اتنظره اوصل لكبره
بالالام
🏴🏴🏴
ريت شفتو دخلونه بالدواوين
واحنه نصرخ وين اهلنه نهمل العين
شفنه راسك بالطشت ياخويه يحسين
اكبالنه يضربه اللعين ويشتفي زين
يضربه جدامي راسك الدامي
بالالام
النار مستعره اوصل الكبره
بالالام

◾️◾️◾️◾️◾️◾️◾️◾️◾️◾️
خادمه اهل البيت
ام حسين الهلالي
اسالكم الدعاء لي ولوالدّي
لا اجيز شرعا ًحذف الاسم

نعي للحسين عليه السلام

مثل يحسين مازورك وطب لحضرتك نعاي.
اريد بقبري تحضرني وبالوحشه تكون وياي.
احضرني يابوليمه في ساعة لا احد ينفع.
وحق الحسره بعروقي وحق الطمه والمدمع.
خصوصا ليلة الجمعه لمن تلفي لا تطلع.
تنور قبري بوجودك يلي ما شربت الماي.
مثل ما كنت احط ايدي على قبرك
انا بعمري .
اقرا الفاتحه ليه وحط ايدك على قبري .
شوف التربه يم راسي وانت بها الامر تدري.
بحياتي وموتي يالغالي اشوفك منيتي ورجواي .
فنيت بخدمتك عمري وتشرفت
بالخدمه لا تنساني في موتي
واحضرني يابو ليمه.
شرفني على ترابي .
واكشف عني الظلمه .
حتى بعالم البرزخ.
اطلبك ياحسين بهاي.
بضغطة القبر ادري اماني والوسيله انته.
تعال هناك واحضرني قبل ما عظمي يفته.
ومن خشمي حليب امي بعده ما طلع حتى.
ارحم ضعفي هالساعه والغربه في
بيتي الجاي.
حط ايدك تحت راسي تشاهد سيدي
منديل بيه انا كنت امسح دمعي الي عليك يسيل .
واسمك عالكفن مكتوب وانا مرتله ترتيل .
والله يجيتك قبري يالغالي تقر عيناي.

...................
تمت بقلم ام علي اسالكم الدعاء

في حق زينب والحسين ع


وين وداج الزمان وين رحتي
ليش يازينب عليه اتأخريتي
شبيهن امتونج زرك.
بيدج امبين حرك
وين رحتي

-----------------
خذتي وياج الكلب من مشيتي ويه الغرب
رحتي للشام
كلشي متغير اشوف وجهج يسولف طفوف
وبيج الام
راسمه بعينج صور. وذكريات عله. النهر
كلهن احلام
راجعه من السبي. كلجن ابطرك. العبي
وعندج ايتام

بالجمر مجويه اشوف اجدامج
ينكسر كلبي منشوف ايتامج
مبين عليهم تعب
عدهم هوايه عتب
وين رحتي

-----------------
بحسره جيتي الكربله. وياج كل العائله
وانه مذبوح
حالج يبجي الصخر. ظهرج شماله انكسر
يكتل النوح
سولفيلي عله اليسر وارجو ياخيتي العذر
مابقت روح
حتئ وانه. بلكبر. عندي هموم اشكثر
بدخلي اجروح

خبريني يختي عن حالت روقيه
ادري بيه مداله وراحت سبيه
زغيره ماتحمل ضرب
شلون نامت علترب
وين رحتي

----------------
ذني اديج منل الحبل. مجتفه وفوك الهزل
بحسره تبجين
صرتي ابطولج جرح. مثل اخوج المنذبح
وين ماوين
انتي كل نكلت جدم. يعني مصيوبه بسهم
ماكو معين
راجعه بكلبج ندم. شفت نيران. الخيم
بيج نارين

من رجعتي جبتي وياج المصايب
كلهم احبابج صفو حدر الترايب
نوحي وبجي علكبر
وسولفي بظيم اليسر
وين رحتي

------------------
وَيَنَ جنتي بيابلد. كلبي ياخيتي نمرد
حيل مشتاك
انه منج مستحي. وخففي شويه البجي
صعب الفراك
شفت بعيونج عتب. مدمعج يجري ويصب
جمر حراك
سامحيني كلشي راح. بقت بس حسره وجراح
عمري انباك

رحتي للشام ورجعتي بلايه رايه
ويغرب تمشين وبطرك العبايه
ونتج طعنت رمح
تلجم ابروحي جرح
وين رحتي

----------------
بمجلس الشامت يزيد. ونتي بيدينج حديد
كلهه شمات
شفتي يلحره عذاب. تحمليتي شكد مصاب
وبيج طكات
شمي ياخيتي الكبر. الصبر يامحله الصبر
جروح واهات
كومي رجعي للوطن. وخذي وياج المحن
وبيه حسرات

رجعي بظعونج يزينب لمدينه
ولو يسئلونج اخوج حسين وينه
انذبح كولي بكربله
نسبت كل العائله
وين رحتي

----------------
الخادم
رحيم الصالحي

(عزيه لبداية مجلس الاربعين (الشيخ البيابي)
🚩🚩🚩🚩🚩🚩🚩🚩

مشتاقه لخواني
ماحد تلقاني
ماحد تلقاني
ياكربلا جيت
🚩🚩🚩🚩🚩🚩
انا العزيزه زينب الكبرى .
ياكربلا شوفيني متغيره .
مرّه اجيت بأخوتي ومره .
انشد عن اخواني وأصب عبره .

♦️هالمّره هالجيه
مفجوعه مسبيه
مفجوعه مسبيه
ومشتاقه رديت
🚩🚩🚩🚩🚩🚩
دليني قبر حسين والعباس.
يشوفون بيا اشسوت الارجاس .
آنا العزيزه وهلي اهل الباس
ذليت واعليا ينوح الراس

♦️كلما نظر حالي
صبّ دمعه قبالي
صبّ دمعه قبالي
يسمعني ونّيت
🚩🚩🚩🚩🚩🚩
ياكربلا لوما ذبح اهلي
ماحد هظمني ولا لمح ظلي
ياكربلا بالله انشدچ قِلّي
ماحد نشد عن خدري ورحلي.

♦️مانشدوا شلوني
اهلي اليحبوني
اهلي اليحبوني
اسرى وبلا بيت
🚩🚩🚩🚩🚩🚩
چنها تقلها كربلا وتنحب
شرفتي اهلا بيچ يازينب
متغيره راسچ بالسبا شيّب
لاتخافي ماظل عندي مترّب

♦️مدفونه احبابچ
وترابي اترابچ
وترابي ترابچ
بيهم توصّيت
🚩🚩🚩🚩🚩🚩
هذي اقبور اهلچ يابت حيدر.
ماظل على ترابي ولامعفّر
مدّي البصر شوفي يضوّي البرّ
قبه ومناير باچر واكثر

♦️باچر ترفّ رايه
وتجيني مشايه
وتجيني مشايه
حسبيني وفّيت
🚩🚩🚩🚩🚩
قومي يازينب شوفي اشصاير.
ضجه وبواچي بجانب الحاير
لبيك نادى بحرقه كم زاير
يتمنى لو موجود بالعاشر

♦️ياليت وبعاشور
يوقف ويحامي خدور
يوقف ويحامي خدور
ياليت ياليت
🚩🚩🚩🚩🚩🚩
تمت
نسالكم الدعاء🌹🌹

أَرْدَ اسُولِفْلَكْ وَاخَافَنْ تِنْلِچِمْ
عَالْعَقِيلَه لْيَسِّرُوهَه وْيَه الزِّلِمْ
-----------------------
يَا بُو صَالِحْ مِنْ وِگَعْ رَاعِي الْعَلَمْ
وِالْحُسِينِ بْگَلْبَه صَابُوهِ بْسَهَمْ
وِانْذِبَحْ عَالْغَبْرَه هِجْمَوْ عَالْخِيَمْ
بِالْعِدَه تِدْرِي تَرَه مَاكُو شَهِمْ
-----------------------
زِينَبِ احْتَارَتْ تْدَوٍّرْ عَنْ سِتِرْ
يَا وِسَفْ يَبْنِ الْحَسَنْ ضَاعِ الْخِدِرْ
كَلْفَه عَمْتَكْ تُوگَفِ گْبَالِ الشِّمِرْ
مْسَلَّبَه وْمَچْتُوفَه وِيلِي وْتْنْشِتِمْ
-----------------------
طِلْعَتِ بْدَرْبِ السَّبِي أُمِّ الصَّبُرْ
مِنْ بِعَدْ چَفِّ الْگُمَرْ تَالِي زَجُرْ
يِحْدِي نَاگَتْهَه الْهِزِيلَه بِالْيِسُرْ
وْلُو بِچَتْ زِينَبْ تِشُوفَه يِبْتِسِمْ
-----------------------
بِالْحِبَالِ الْخَشْنَه گَيَّدْهَه النَّذِلْ
وِالدِّمَه مِنْ چَفْهَه تِجْرِي عَالْحَبِلْ
بْهَالْوَضِعْ نَادَتْ يَخَيْ يَا بَا الْفَضِلْ
بْحَالِتِي يَا كَافِلِي عِنْدَكْ عِلِمْ
-----------------------
طَبَّتِ لْدِيرَةْ غُرُبْ أُمِّ الْحِزِنْ
وِالْمَتِنْ أَسْوَدْ غِدَه مِنْهَه الْمَتِنْ
بْچَمْ خَرَابَه نَاحَتِ وْگَامَتْ تِوِنْ
لْچَمْ قَصُرْ دِخْلَتْ عَلَى صُوتِ الشَّتِمْ
-----------------------
عَجِّلِ بْيُومَكْ وِاخِذْ ثَارِ السَّبِي
وِالسَّبِي مَا يِنْحِمِلْ يَبْنِ النَّبِي
شْگَدْ صَعُبْ جَرْحِ الدًّلَالِ الزَّيْنَبِي
مِنْ عَسَنْ كِلْمَا جَرَى عْلِيهَه حِلِمْ
-----------------------
#محرم_١٤٤٥هج
الشاعر حسن خنافر العاملي

*لسان حال مآسي اربعينية المولى ابي عبد الله الحسين وجبل الصبر عقيلة الطالبيين*
🚩🏴🚩🏴🚩🏴🚩🏴
*قوم خويه من القبر شوف الجرى*
*من عگُب عينك صرِت اميسّره*

*بعد ذبحك حرقوا اعلينا الخيّم*
*وفرّت الأطفال ويّاها الحرَم*
*ومن ضرُب لعدا ترى ماحد سلَم*
*وصارت العيشه يخويه مرمره*

*وهَم بعد ربطونا لعدا بالحبِل*
*وركّبونا ويل قلبي اعلى الهزِل*
*ولا يرحموا لاكبير ولا طفل*
*واللي يبچي يضربونه الكفرَه*

*بالمذّله رحنا للكوفه سبي*
*چنا مو والدنا حيدروالنبي*
*وصار يتفرج علينا الأجنبي*
*والدعي ابن زياد يشتم حيدره*

*ومن بعد كوفان ودّونا اليزيد*
*شقد صعُب هذا الدرُب وشقد بعيد*
*وابن اخويه امغليلينه بالحديد*
*وآني انظر ليه وچبدي امفطّره*

*يگلّي عمّه لا ترفعين الونين*
*لا يسمعوچ العدى هالمجرمين*
*اتصبّري والمجزي رب العالمين*
*وانتي معروفه يعمّه امخدرّه*

*قالت آني امخدّره بليّا خدر*
*بعد ابوفاضل ترى ضاع الستر*
*بعده الناقه يسوگنّها الشمر*
*لكن ادري بهذي خويه مادرى*

*من وصلنا شفنا بالشام العجَب*
*بالشمس وقفونا ابذاك اللهب*
*وآني علناقه يويلي ابلا قتب*
*وقالوا عنّي خارجيه اسمي ترى*

*بالخرابه قرروا لينا السكن*
*وزادت اعلينا المآسي والمحن*
*أبچي من اسمع اطفالي يصرخّن*
*وعيني من كثر البچي متحمّره*

*لكن ارقيّه بچيها شقد شديد*
*لين ماوصّل الى مجلس يزيد*
*سأل عنها قالوا ليه بت العميد*
*تريد ابوها اللي بقى فوق الثرى*

*قال ودوا راس ابوها المنقطع*
*وافجعوا ليها قلبها ابهاالوضع*
*بلكت من الروعه هذي تصطرع*
*وخلّي نار احزانها اموجّره*

*فوق راس الوالي بنته اسكتت*
*وروحها للباري وسفه فارقتت*
*والسما لهذي المصيبه اتزلزلت*
*والعلقيله اوقفت متحيُره*

*بعد هالآلام جينا الكربلا*
*آني والسجاد ويا العائله*
*جينا بعد الذلّه وانواع البلا*
*ولو افصّل هالأمر ماتقدره*

*سمعت الونّه العقيله من القبر*
*قال وشبيدي يخيّه ابها الأمر*
*وراسي قطعونه يخيّه من النحر*
*وجثتي بلسام كلها امهبّره*
🚩🏴🚩🏴🚩🏴🚩
*عبد الهادي احمد الجنبي*
*1446/2/20*
*كربلاء المقدسه*