#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 💔🔥🔥🔥🔥

#ثگيلة_للاربعين_


🏴🏴🏴💔🏴🏴🏴

يالجايه.....للمگبره لوليانج 
يالجايه....روحج تحن لخوانج

ايسي مايگعدون
الماتو مايرجعون

يالجايه ..........يالجايه

🏴🏴🏴💔🏴🏴🏴

يالجايه لخوانج وگلبج خذاج
گاعده وتحچين يم گبر الجفاج
افراكهم يالفاگده شكد عذباج
براضه هنانه يم عون
الماتو مايرجعون


يالجايه .......يالجايه

🏴🏴🏴💔🏴🏴🏴

براضه عتبي يالعقيله اعليهم
احنان اخوتج والعتب ياذيهم
ادري گلبج هوه  اليحاجيهم

گلبج  عله اليحنون
الماتو مايرجعون

يالجايه .......يالجايه

🏴🏴🏴💔🏴🏴🏴

گلبج يفرفح محنه  الليله
وكاعده يم الگبور نحيله
اه يافراگ الاهل شيشيله
يفگس فص العيون
الماتو مايرجعون


يالجايه.....يالجايه

🏴🏴🏴💔🏴🏴🏴

عيونج افراگ الاهل عاميها
كون بيبان المگابر بيها
جان شفنه احبابنه نحاجيها

واكلهم ضمي شلون
الماتو مايرجعون

يالجايه...........يالجايه


🏴🏴🏴💔🏴🏴🏴

افتحو گبوركم يهلي شجاكم
نوم المگبره كلش  كضاكم
شوفو اكلوبنه شسوت وراكم

كضت عالماينشدون
الماتو مايرجعون

يالجاية......يالجايه




🏴🏴🏴💔🏴🏴🏴

تمت بعون الله وتوفيقه 🧿

#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر عج

#يوم_الاربعين

رَد العليل وذابلات عيونه
مــأجـــــوره يــزهـــــراء
ٱمن السلسله برگبته دم ومتونه
مــأجـــــوره يــزهـــــراء
وچانت اُمنيته اِخوانه يتلّگونه
مــأجـــــوره يــزهـــــراء
ومِنّ الهزيله بچفهم ينّزلونه
مــأجـــــوره يــزهـــــراء

ما گام اخُو وحَيّاه ،، بس جابر اتلگاه
واتحاضنو حسرات ،، وشهگه ودموع وآه
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
زينب اجت ودموعهه حرّاگه
مــأجـــــوره يــزهـــــراء
مشتاگه لحسين شكثر مشتاگه
مــأجـــــوره يــزهـــــراء
بس وِصلته الشالع گلبهه فراگه
مــأجـــــوره يــزهـــــراء
يم گبره شُمرت روحهه من الناگه
مــأجـــــوره يــزهـــــراء

شتِحچي شتِضِم تحتار ،، وكل الجروح كبار
تبدي الشكايه منين ،، واهونهه سوط ونار
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
من گبر ابو الاكبر لگبر الكافل
مــأجـــــوره يــزهـــــراء
گامت وسيل اعبارهه متواصل
مــأجـــــوره يــزهـــــراء
عالراس لُطمت والگمر يستاهل
مــأجـــــوره يــزهـــــراء
وتگله حِملي وظَهري دُونك مايل
مــأجـــــوره يــزهـــــراء

شاهدو طولي اعداي ،، وجارو عليه هواي
واسمعهم يصيحون ،، اخت ابو فاضل هاي
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
تنشد اجت ام الرضيع  بحسره
مــأجـــــوره يــزهـــــراء
وين ابني يالسجاد دلني بگبره
مــأجـــــوره يــزهـــــراء
گَلهه اويه ابويه وسّديته بصدره
مــأجـــــوره يــزهـــــراء
واتشابگن نَحر الحُسين ونحره
مــأجـــــوره يــزهـــــراء

گعدت تون ساعات ،، وتنعه وتهل دمعات
عبد الله يبني اعليك ،، بروحي شكثر لوعات
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
ليلى ام الاكبر عالولد محتامه
مــأجـــــوره يــزهـــــراء
يم گبر ابنهه الگلب بَث الامه
مــأجـــــوره يــزهـــــراء
حنت لوجهه وذِكرت احله ايامه
مــأجـــــوره يــزهـــــراء
بطوله ومشيته وهيبته وهندامه
مــأجـــــوره يــزهـــــراء

اليشبه رسول الله ،، بكسرة ظهر تنعاه
بگبري انتّ تحفر كون ،، مو گبرك احچي اوياه
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
ضجه ونواعي ولا صَمِت لا مُهله
مــأجـــــوره يــزهـــــراء
وبلوعه صِرخت آيجاسم رَمله
مــأجـــــوره يــزهـــــراء
شِلّه بحياته الفگد مثلك شِلّه
مــأجـــــوره يــزهـــــراء
الأم حيلهه فرگة ابنهه تشِلّه
مــأجـــــوره يــزهـــــراء

شَوفي اويه دمك راح ،، وعمري اويه جسمك طاح
ما چان حلمي ارثيك ،، حلمي تلمنه افراح
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;
ظلّن ثلثة ايام نوح ودمعه
مــأجـــــوره يــزهـــــراء
لحَد ما نظرهن ذاب مثل الشمعه
مــأجـــــوره يــزهـــــراء
لا رض المدينه عاودن يالبضعه
مــأجـــــوره يــزهـــــراء
تلّگيهن وبچّي الارض والسبعه

شباقيلهن بالبيت ،، وانذبحو اهل البيت
وزينب اجت وتصيح ،، المن أنه رديت
مــأجـــــوره يــزهـــــراء
;;؛؛;;؛؛;;؛؛;;؛؛;;؛؛;;؛؛;;؛؛;;؛؛;;


ياسر حسن
صفر ¹⁴⁴⁶

يتامى  و رايحين  لعمنه  عباس
جدم فوك الجدم وندور إحساس
        
عالم جنه غابه     خلونه بخرابه
            *------------------*-----------------*
                  
بدروب    السبي    خلفنا    آهات                
وبجرح  الطشت طاحت الدمعات                 
بعد   في  الأهل    ذبلن   الوردات             
و  ماتن   بالدرب   كلهن    رقيات
             
                
يرأس حسين فوكك طاحت ورود            
و  بحبك   تعدى   الشوك   الحدود
                    
ياراس النجابه   خلونه بخرابه
*---------------------*-------------------*
                    
يدور  هالضعن  عالكفل   وينه               
حزينه  وردت  عليك  الضعينه                   
دورنه    الوفاء    بكل    مدينه                 
اسم    عباس   ابدا   ما  لكينه
             
                  
طلع اسم الوفاء اتحمله الجفوف                   
وخلافه  بقينه  بحيره   و بخوف              
                  
تولتنه الذيابه      خلونه بخرابه
*------------------*------------------*
                                       
من كربلا درب الكوفه والشام                    
ماشفنا عدل بس شفنا ظلام                   
مابين الدروب تضيع الاحلام                      
كاتلنا العطش والماي أوهام
             
                  
ندور  عالشريعه  و نلكه  الفراك             
نريد نشوف عمنا لجوده نشتاك            
                  
ياراعي المهابه     خلونه بخرابه
*-------------------*-----------------*
              
جم نشغه اعلى رأس الغيره وتذوب                
و يصبح   موتها   بفركة   المحبوب                
بناتك   يا علي  أسرى  و  بالدروب               
راحن بلا  حسين وجسمه مسلوب
                              
ما بين  السبي  وما بين  الحسين                 
صفينا  يا  علي  أسرى  و  غريبين
                              
هم بالقلب صابه   خلونه بخرابه
*-------------------*------------------*
                  
يعباس  المصايب  كثرن  اهناك                  
و ما  ترهم  ابد    نمشي   بلياك                   
يا  ماي  العذب   عباس    ردناك                  
بالشام  و عذابه  اشكد  فكدناك
                                 
ردناك   اتحضر   وترد   الارجاس                  
تولونا   بظلمهم   يبو   الإحساس
                                      
بفركاك وعذابه   خلونه بخرابه
*------------------*--------------------*

محمد دعبل النوري

بالغالي نشتريك     واعلى الجدم نجيك
رغم الظلم   نرفع علم   لبيك ياحسين

*-----------------*-------------------*

كل الاطراف تحالفت ترهبنا
لمن دروك حسين مصدر حبنا
نفسه يزيد بكل عصر جربنا
اعله محبتك يحسين من حاربنا
رجعت أحفاده بالقتل تطلبنا
لكن انصدمو من لكو مذهبنا
                
بالقتل لن يبيد     ويحيا من جديد
أرواحنا  دمائنا     لبيك ياحسين
*-----------------*------------------*

يالماخذ اعقول الأمم بعلومك
يحسين ماكو يوم أشد من يومك
كل الطغات تحيرت وخصومك
أنت اليموت الموت في مفهومك
صوت الحقيقه اعله المظالم دومك

فحار الظالمين   بمنهج رصين
صوت الولا  قد اعتلى  لبيك ياحسين
*-----------------*-----------------*

ياثوره من رب العرش عنوانك
ياجمره تسعر بالقلب نيرانك
إنت الشجاعه الصامده بميدانك
يحسين منك ترتجف عدوانك
ربك رفع يوم المواقف شأنك
يالقدمت أهلك واعز إخوانك

هزمت الظالمين   بالدم ياحسين
وقد علا  صوت الدما   لبيك ياحسين
*-----------------*------------------*

لو تجري فوك الارض حمره دمانه
لا مايهم مادام عالي الوانا
نهواك بالذر وانت هم تهوانا
رب العرش أحباب إلك رادانا
مادام مثل الروح إنت ويانا
كل يوم خلي يموتونه اعدانا
                 
أن كان في الصمود  أو كان في الخلود
ندائنا       شعارنا    لبيك ياحسين
*-----------------*----------------*

يالماخذ اعقول الأمم بأفكارك
تحيرت كل الدنيا من انصارك
من كل كتر طلعت تحج انصارك
ضحت بكل شي حتى توصل دارك
والنصب موكب بالعزاء وشارك
والوكف يخدم بالشرف زوارك
                 
فاعلنو النفير    وقررو المسير
نحو العلى   لكربلا   لبيك ياحسين
*-------------------*---------------------*

محمد دعبل النوري

نعي  لسان حال العقيلة زينب عليها السلام

مارحل ليلي  لمن رحت يحسين   مارحل ليلي
هدمت حيلي  من بعدك الشوغات هدمت حيلي
من صحت ويلي مختنگ صوت الروح من صحت ويلي
علمشوا سيلي يدموعي مثل النار  علمشوا سيلي
نوحي وعويلي مابطله حد الموت نوحي وعويلي
شوفت چفيلي من فارگت ياحيف شوفت چفيلي
نار بدليلي  ماتنطفي للموت نار بدليلي

الشاعر حسن لعيبي الحريشاوي

بالغالي نشتريك     واعلى الجدم نجيك
رغم الظلم   نرفع علم   لبيك ياحسين

*-----------------*-------------------*

كل الاطراف تحالفت ترهبنا
لمن دروك حسين مصدر حبنا
نفسه يزيد بكل عصر جربنا
اعله محبتك يحسين من حاربنا
رجعت أحفاده بالقتل تطلبنا
لكن انصدمو من لكو مذهبنا
                
بالقتل لن يبيد     ويحيا من جديد
أرواحنا  دمائنا     لبيك ياحسين
*-----------------*------------------*

يالماخذ اعقول الأمم بعلومك
يحسين ماكو يوم أشد من يومك
كل الطغات تحيرت وخصومك
أنت اليموت الموت في مفهومك
صوت الحقيقه اعله المظالم دومك

فحار الظالمين   بمنهج رصين
صوت الولا  قد اعتلى  لبيك ياحسين
*-----------------*-----------------*

ياثوره من رب العرش عنوانك
ياجمره تسعر بالقلب نيرانك
إنت الشجاعه الصامده بميدانك
يحسين منك ترتجف عدوانك
ربك رفع يوم المواقف شأنك
يالقدمت أهلك واعز إخوانك

هزمت الظالمين   بالدم ياحسين
وقد علا  صوت الدما   لبيك ياحسين
*-----------------*------------------*

لو تجري فوك الارض حمره دمانه
لا مايهم مادام عالي الوانا
نهواك بالذر وانت هم تهوانا
رب العرش أحباب إلك رادانا
مادام مثل الروح إنت ويانا
كل يوم خلي يموتونه اعدانا
                 
أن كان في الصمود  أو كان في الخلود
ندائنا       شعارنا    لبيك ياحسين
*-----------------*----------------*

يالماخذ اعقول الأمم بأفكارك
تحيرت كل الدنيا من انصارك
من كل كتر طلعت تحج انصارك
ضحت بكل شي حتى توصل دارك
والنصب موكب بالعزاء وشارك
والوكف يخدم بالشرف زوارك
                 
فاعلنو النفير    وقررو المسير
نحو العلى   لكربلا   لبيك ياحسين
*-------------------*---------------------*

محمد دعبل النوري

(الوداع الوداع)
بعد انتهاء زيارة الاربعين
والعودة الى الديار

الوداع الوداع ياأرض كربلاء
الوداع الوداع ياأرض كربلاء

رايحين  گلوبنه تحن الضواچ
يلي وسط ارواحنه عايش هواچ
يارضا المعبود كله من رضاچ
ينسه روحه الي يظن لحظه نساچ
الوداع الوداع ياأرض كربلاء
الوداع الوداع يا أرض كربلاء

بيچ روح المصطفى وأشرف مقام
ابواليمه والامام   ابن الامام
ودعينه الجنه والناس الكرام
السلام عليچ ياأرض السلام
الوداع الوداع ياأرض كربلاء
الوداع الوداع ياأرض كربلاء

بيچ گبر الي بچت لجله السماء
ابواليمه خامس اصحاب الكساء
گبره روضه ينرفع بيها الدعاء
وتربه حل الخير بيها والشفاء
الوداع الوداع ياأرض كربلاء
الوداع الوداع ياأرض كربلاء

راحلين وهم نرد طول السنين
نروح عنچ والچ يدفعنا الحنين
جنة الفردوس عنچ رايحين
گلوبنه بلوعه تنادي ياحسين
الوداع الوداع ياأرض كربلاء
الوداع الوداع ياأرض كربلاء

صور ضلت بالجوارح ماتزول
كربلا وزيارتك سبط الرسول
حسين يبن المرتضى وابن البتول
يعز علينه فرگتك لمن نگول
الوداع الوداع ياأرض كربلاء
الوداع الوداع ياأرض كربلاء

الشاعر حسن لعيبي الحريشاوي

يعباس      انا المظلومة اختك
يعباس      يبو الغيرة على بختك
رحت واليوم اجيتك      ولا لحظة نسيتك

ما مره هجرتك وهجرتني 
ولا عفتك يبو الغيرة وعفتني
ابيا حالة اجيت ولو شفتني
    يمآي الضيف ريتك ضيفتني
    ‏
يعباس      اجيت بحالي اخبرك
يعباس      وابث همي على قبرك
بدمع عيني نخيتك      ولا لحظة نسيتك

غريبة احسبني ما چني العقيلة
ولا چن اني من اشرف قبيلة
عندك ضيف احسبني ودخيلة  
  على قبرك واكفة ودمعي اسيلة
  ‏
يعباس      اناديك بعويلي
يعباس      ولا چنك كفيلي
انا بهمي اعتنيتك      ولا لحظة نسيتك

ما لحظة نسيتك حتى اذكرك  
  يخوية وما جفيت وحتى اعذرك
بجفوفك سخيت وكطع نحرك
    ما جيتك اعاتب جيت اخبرك
    ‏
يعباس      ردت انا اسمعك
يعباس      اخاف احجي وافجعك
تجاوبني تنيتك      ولا لحظة نسيتك


ذكرتك خوية من حركوا خيامي 
وحين الي بگيت بلا محامي
ذكرتك انا من سلبوا ايتامي 
   ومن رحت بيسر وقليبي ضامي
   ‏
يعباس      حرت يا خوية حيرة
يعباس      انادي يبو الغيرة
لمن حانت منيتك      ولا لحظة نسيتك

ذكرتك من وكفت بمجلس يزيد  
  صحت وينك يبو فاضل يصنديد
جدام الشماتة مجتف الايد    
    واسمع ينشتم والدك يا حيد

يعباس      عمت عيني المصيبة
يعباس      بعد عينك غريبة
لحد ما فاركيتك      ولا لحظة نسيتك

اجيت مدوهنة والطم على الراس 
    اصيحن گوم حاچيني يعباس
رضيت شلون تحدي بضعني الارجاس   
   وتتفرج عليه بگت هالناس
   ‏
يعباس      وسف خدري تسلب
يعباس      انا المهضومة زينب
تشاهد حالي ريتك      ولا لحظة نسيتك


للشاعر الاديب الاستاذ السيد سعد الذبحاوي

بمجرتك كلشي يفترلك معفلاك
واجيلك اعمه وامشيلك معفلاك
ويقيني العافية الاجلك معفلاك
والك كل قطرة دم ادور بيه
........
الشاعر
اياد الفرح المهدوي

ارتفعنه بصايتك لاما وطينه
مشينه والارض كلها وطينه
ودربك نشتم ترابه وطينه
بدونك يختنك النفس بيه
..........
الشاعر
اياد الفرح المهدوي

الك سبعه السمه حزنت وارضلاك
مصاب حسين هد حيلك وارضلاك
وضلك هسه ضل رحمه وارضلاك
تنام الفقرة يا ضامنها هيه
........
الشاعر
اياد الفرح المهدوي

شوط كربلائي للاربعين




رديـنـه حـرم و ايـتــام مــن الـشـام رديــنـه
ننشد عـالكـفـلـنه ويـن وعـن حـسيـن والـيـنه

◼️▪️◼️▪️◼️

اريـد الـلي كـفـلـنـه كـون ضعـن الـعــايـلـه أيـشـــوفـه
مـن اول طـفـل مـچـتـوف لاخـــر طـفــلـه مـچــتـوفـه
خل يحسبـنـه عـنـده ضيـوف اللـيـله ويكـرم اضيـوفـه
من يكـرم يشيل الـراس
اخـويـه والنـعـم عـباس
الجود امـبـيـن ومقـياس
و اول جـوده بـالـطـف چـان جـاد بـچـفـه وبـعــيـنـه

◼️▪️◼️▪️◼️

واريـد حـسيـن ابـو الـيـمـه يـشاهـدنـه حـرم وايـتــام
مـن بـعـد اليـسـر كـلـنــه سبـايـه وجـيـنـه مـن الشـام
نـريـد حسيـن ابـو السجـاد نـشوفـه والگـلـب محـتـام
نـلـوذ ونـگـعـد بسـده
بـدموع العيـن ونشده
نگله الضعـن شيـرده
لـرض الـوطـن يامهـيـوب خـويـه حسيـن حـاچـيـنـه

◼️▪️◼️▪️◼️

واريد احچي ويراعي الجود واخبره بالجره والصار
يساره مـن بـعـد عـيـنـه مـشيـنـه والـفـكــر مـحـتــار
نـفـكــر بـالـبـقـه وعـفــنـاه نـفـكـر والگـلـب بـي نـار
يساره اخلافكـم رحنه
ورديـنه بالــف محـنه
احنه البـعـرش احـنـه
يخـويـه مـن گـبـل ادم بشرف مكـتـوبـه اسامـيــنـه

◼️▪️◼️▪️◼️

واحاچي حسيـن ابـو السجاد خـويـه وشوف حـالتـنه
يساره وچـنـه بــرض الشام وانـظـر هـسـه ردتـنــه
اجـيـنـه نـشـوفـك ومـاشيـن لـرض الـوطـن نـيـتـنـه
اجـيـنـه والـدمع هـمـال
يخويه بس حرم واطفال
وعـلـيـلـك انظـر بياحال
امگـيـديـنـه بسـلاسـل چـان ابـنـك عـلي امگـيــديـنـه

◼️▪️◼️▪️◼️

واريـد انـشــد عـلى الكـافـل خـل يگـعـد يـشـاهــدنــه
سبـايـه ومـن بـعـد عـيـنـه ولا والـي الـبـقـه عــدنــه
مـثـل مـا جـابـنـه العـبـاس يـرد بـيـنه لـوطـن جــدنـه
كـفـيلي والنـعـم مـنــه
طـاح بـدمـه وتـحـنــه
نـذر عـمـره ولا چـنـه
نـطـاهـم عـالنـهـر عـبـاس عـيـنه وضـحـه چـفـيـنـه

◼️▪️◼️▪️◼️


شاعر اهل البيت (ع)
رياض الرسل الجابري

انه زيـــنب انه زيـــنب انه زيـــــنب

****


من رجعنه لكربلا هناك شلگيـــــنه ؟
لا حسيــــن ولابو فاضل رد علــينه
وينه ليث الموت شو تارك عريـــنه
ها يـخوتي الموت فرقنا انتهـــــيـنه

انه زيـــنب انه زيـــنب انه زيـــــنب


،،،،،،،،،،،،،

انه عندي عتــــاب ويــا الفارگوني
بالكلب كلمات والدمعه بعيـــــوني
ما اكول عداك يلكافل سبـــــــوني
ادري ما ترضاهه يلحادي بضعوني

انه زيـــنب انه زيـــنب انه زيـــــنب


،،،،،،،،،،،،،،،

علنهر صديـــــــــــت وشصار بدليلي
 گمت احاچي الماي ما يرجع كفيلي ؟؟
يا نهر منتظره يــــــــشتاگ ويجيلي
يرجع ونتلاگه يــــــــا ماي اندعيلي

انه زيـــنب انه زيـــنب انه زيـــــنب


،،،،،،،،،،


 كلشي بيــــــه وما نسيتج يا طفوفي
هنا دعائي وهذا موتـــي وهذا خوفي
هنانه رايه شكـد بچـت رادت جفوفي
وهايه جربة كافلي ويـــبست جروفي

انه زيـــنب انه زيـــنب انه زيـــــنب

،،،،،،،،،،،،،،،،



يــا نهايــــة عشرتي واصعب نهايـــه
لا اهل ويـــــــاي بس دمع السبايـــــه
وانا بنت النــــــــــور واسرار الولايه
حيل ثكلت خطوتي بدرب المنايـــــه

 انه زيـــنب انه زيـــــــنب انه زيـــــنب



كلمات/ رعـــد الفريــجي

*بشان اربعين الحسين عليه السلام*

🚩🚩🚩🚩

*جابر ياجابر جِيت وهمومي ثجيله*
*ويالحـرم ننصب عـزا لبن الجـليله*

&&&
جابر ياجابر گوم واسيني بلاحباب
گلبي تلوع بالهضيمه ودمعي سچاب
چم نايبه چم فاجعه جرعت ومصاب
*من الاعادي بكربلا روحي نحيله*
&&&&&
اهنا ياجابر ريت حاضر ارض الطفوف
شـفت الرزايـه والابـو مابين الالـوف
مذبوح ضامي بلا رحم ابحد السيوف
*الشمس غابت والسمه تنعه رحيله*
&&&

جابر ياجابر والمصيبه تهد الجـبال
يوم الصعد شمر الخنا صدره بالنعال
هبر وداجه بمرهفه والراس له شال
*عالرمح راسه مشهره دمه يسيله*
&&&
جـابر اخبرك بالكفيل اعله الشريعه
بالعمد راسه منفضخ والله فجيعه
منه يساره ويمنته صارت گطيعه
*والماي يمه ماشرب ذايب دليله*

&&&
جابر شبيه المصطفى جسمه توذر
والقاسم بدم حنته وگلبه تفطر
وبـنبلـه صابـوه الـرضيع الله وكبر
*ابلوعه انظر للاهل ماعدي حيله*
&&&

جمره بدليلي ودمعتي ماتهيد بالليل
عمتي شفتها بـالـفلا بين المچـاتيل
ويتام كلها مروعه مسحوگه بالخيل
*اتنادي وينك ياعلي حامي دخيله*

&&&

اعظم مصيبه شاهدت دخلنته لشام
طبت المجالس عمتي ومنشره اعلام
ويزيـد يتشمت علينه وحـنه بـالام
*ايگول منعدنه اشتفه وبرد قليله*

&&&
جابر ياجابر لوشـفت راس الشفيه
بـالخـيزرانـه يـنكـثـه ابن الدعيـه
ايگول يوم بـيـوم يـاابـن الزچـيـه
*الثار خذنه وهم سبينها للعيله*
&&&
حيلي تهدم من اجينه شفنه الگبور
كل الحرم اطايحن إيلطمن اصدور
روس الاحبه بيديهن والدمع منثور
*وگلبي عليهم بالهظم زايد عويله*



*عاشقة الولايه*

*نسالكم الدعاء*

*تصيح الحزينه*

ااا*فزاعيه في الاربعين*

*يابو فاضل قوم لينا*
*ردت تصيح الحزينه*

قوم واتلقه حرمكم
من اليسر ردن اجنكم
شيلهاا الرايه وعلمكم
*تصيح وينك ياولينه*
___

يبوفاضل قوم لختك
تحشم الليله اجتك
قوم بالخوه نختك
*قوم ماتنشد علينه*
___

قوم فك بابك اليه
مادريت اختك سبيه
اشلون ترضى هالرزيه
*اشلون ترضونه سبينه*
___

شوف واسياط بمتوني
تدري ياخويه اشتموني
بالسلاسل ربطوني
*اسمع الونه وبجينه*
____

قوم من قبرك يغالي
جيت ملهوفه ياوالي
قوم ياعزي ودلالي
*شوف يم قبرك اجينه*
____


بقلم : بنت الشمري
_الكويت _

💔فزاعية للاربعين
................
جايه زينب لعد ولياها
جايبه روس الاهل وياها
-----------
رديتلج ياكربله انطيني جواب
شفت منج بس قهر انه وعذاب
من رجعت شفت اخوتي تحت التراب
ومنهم الحرة اكطعت رجواها
---------------
كربله رديتلج باحزاني
كربله من الشام ولولياني
كربله ما واحد اتلكاني
اطفالهم وعيالهم جبناها
--------------
كربله من المدينه ابعز اجيت
وباليسر وي الشمر تالي مشيت
صحت وينه كافلي بصوتي ونخيت
الجابها خله يجي وياها
------------
كربله وين الكبر يتصارخن
كربله يهل المروة حشمن
كربله اعله كبورهم تالي هون
مانهض واحد سمع نخواها
--------------
كربله جيناج وتعنينه
كربله كوميلنه اتلكينه
كربله اعلى كبورهم دلينه
نخت وما واحد سمع نخواها
-------------
كربله منج لعد بلدة الشام
كربله ومحيره بعيله وايتام
كربله وبخوف وبليل وظلام
كربله وبيها الهظم شفناها
----------
كربله امرار اليسر لوعنه
كربله واليوم ليج ارجعنه
كربله انصيح ومنو اليسمعنه
هذه غدرج كربله اعرفناها
------------
كربله من جيت انه بعزتي
كربله وبجال اهلي واخوتي
كربله وهاليوم اجرن حسرتي
كربله ليج وجهت شكواها
---------- -------
اربعين ليله وين تالي اكضيتهن
بالشام كل ساعه بسنه عديتهن
كربله اضفوف الحزن لميتهن
رايحه اشجيهن الجدي طه
---------- ------
ام عمار تمدحلج او دومها خادمه
تظل تجهر ابد لامو نادمه
بجاه ابو اليمه التغرج بالدمه
بالحشر رايدتكم انتو وياها
---------- ------
تمت بعون الله تعالى
لشاعره اهل البيت ام عمار الصائغ
نسالكم الدعاء

💔للاربعين
:
🚩 آه وا ويلاه يا أم الخدر 🚩



آه وا ويلاه يا أم الخدر

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اليوم ردت زينب الأرض الطفوف
والدموع إبهذا محملها تطوف
تصيح يا عباس يا راعي الجفوف
ردت أختك كَوم و إتلكاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

إبصوت صاح الكافل و مدمع يسيل
إشلون هالحرة يحاميها عليل
ما مشت بت حيدر إبلاية كفيل
إبروحه كافلها يسير وياها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تصيح زينب يا شبل خير الرجال
هالمصيبة هدمت حتى الجبال
لا تدور عنها ما بين العيال
خولة بنتك ماتت إبممشاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

زاد صوت الحسرة و إزداد النحيب
بس جسد للحرة جن كَام الغريب
يصرخ بصوت الجروح ألما تطيب
إبنيتي خولة وجانت إشمحلاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كَال أريد أسأل يزينب بس سؤال
شو رقية ما إجت وي الأطفال
جن جنت أسمعها تصرخ بس تعال
الله يلعن كل بشر آذاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نادت الحرة على رقية السلام
عن وصف لوعتها يحتار الكلام
جانت تريد بوسط حضنك تنام
وتشكي عندك ضربة البجاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تالي ماتت يا وسف بنتك حرام
هالكريمة الطاهرة بنت الكرام
بكل حقد ضربوها أشياع الظلام
تعنتك و إنت الذي تراعاها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

#إم_الخدر
🍀 #علي_حسن_الكناني