في  استشهاد السفير ع✍️

وطن مسلم صحنه للماله وطن
ما نعوفك يشهد اعليـنه الزمن
**
مانعوفك لو ألف داعش يــرد
احنـه يوميـــة نسويلك حشـــد
شكِد أمس للمذهب انطينه وِلد
بحب علي يتنافسون على الچفن
**
مانعوفك حتـى لــو رد الظلم
حُبنــه هذا نريد ينطيهم عِلــم
الشعـــائر ما تركناها برغـــم
اليجي يم صحنك أعتبرة انسجن
**
مانعوفك لـــو يذبحونه يَحِــيد
زحف چنه نروح لحسين الشهيد
الشيعة كل واحد محضرلك وريد
فدوة هاي أعمارنه لباب الصحن
** 
ما نعوفك واليعــوفك مُتـــهم
يعني مو شيعي ولا عنده قيـم 
وحكَ زينب واليتامة والحــرم
عالعراق الشيعي يبقه مؤتمن
**
ما نعوفك وأخذ من عدنه العهد
عالمـــراقد ما نساومهم أبــــد
شكَــد تريد انصــار ننطيكم بعد
چنه جاسم عدنه چم شاب اندفن
** 
مانعــــوفك مو وَهم؟لا بالدليــل
بالزيارة جيل عدنه يوصي جيل
سادتي ما نَكــدر نرد الجمـــيل
حكَـــه بيكم كل موالـــي يُفتتن
**
ما نعوفك يا سفيـــر آل النبـــي
أمس لجلك دسنه راس الناصبي
بخدمتك مولاي آمـــــر وشتَـبي
هــــاي كل نحورنه إلكـــم رهن
** 
مانعـــوفك يالتعلمنه الســــخاء
أموال تنطي العالم؟وأنت دِمــاء
لون حاضــر بالطفوف بكربـلاء
عالأقــل ما سلبــو لزينب ضعن
**
ما نعوفك والســـواتر شـــاهدة
يوم دكَينـه الكــفر والقــــاعدة
بعد مســلم مـايظـــل الـــوحدة
كَبله هـــاي اجسادنه يتكَطعن
**
ما نعوفك سيدي ليـوم الحشر
ناخــذه ويانه حبــــك للــــكَبر
رادو يقتلـــونه أولاد الشـــمر
وصار حبك مملكة رغم الفتن
**
حيدر حسين الكَرعاوي

((جايب خبر))


خَيال أجه وجايب خبر وحسين شو بدموعه
وعباس إيده اعله الضهر شو چنه محني ضلوعه
واللوعه عاشت بالنضر مدري شكبرها اللوعه

ونصبو خيام التعـزيه
وحسين شو متنــگب
ياهو الننضره بدمعته
وآنه الگــلب متعطب

حاچوني
ياهـــــو اليجيبنه خبر حاچوني
يعيوني
صارت مثل مجرى النهر يعيوني

تعبانه
ياهــو اليسولفلي الجرى تعبانه
لهفانه
صرت اسمع بدم منحرى لهفانه

يابويه مسلم بويه ..
                """""""""""""""""""""""""""""""""""''''''''''''
عباس أجه وطب خيمتي وعيونه حمره عيونه
ياعمي سولفلي الخبر بس گلي ابوي شلونه
وبصدره أحس عبره وجرح ومو ذاك الاول لونه

گلالـــي يـــابت الوفه
وحسين بســمچ ناده
طبيت وحسين بدمع
يبچون كــــل الساده

گلالي
وبراسي ضل چفه يمر گلالي
ياحالي
دفعو أبوچ من القصر ياحـالي

وحاچاني
آنـــــه بمـثابت والدچ حاچاني
وصـــاني
آنه أبــــــوچ ومسندچ وصاني

يابويه مسلم بويه ..

"""""""""""""""""""""""""""""""""""''''''''''

ناده أعله زينب عمتي وصاها كلش بيه
گلتله ها خويه بدمع متبلله البوشيه
خويه حميده بخيمتچ نوميها يم أرقيه

اول يتيمه بـــالعشگ
وباچر يتامه هـــوايه
باچر جمر باچر حرگ
باچر اطيــــــح الرايه

بالحافر
يازينب وهذا الصدر بالحافر
ياباچر
يازينب الدنيــــا جمر ياباچر

مگلوبه
الدنيا بس سيف وذبـــــح مگلوبه
مسلوبه
فوگ الحرگ فوگ الجرح مسلوبه

يابويه مسلم بويه ..

"""""""""""""""""""""""""""""""""""''''''''''

شدي أعله گلبچ بالصبر لامايضل كفالچ
انتي الكفيله اعله الحرم ويادمعتچ تبرالچ
من تبدي نيران الخيم محروگه خويه عيالچ

من تصفه خويه المعركه
وأعله الرمــــاح اخوانچ
بالخيمه ماتت عـــــاتكه
وأهـــنا تـــزيد أحــزانچ

محروگه
ماتت وأديها بالجمر محروگه
مخنوگه
دخانه والسوط اليمر مخنوگه

ياخويه
يازينب بروحــــــچ ألم ياخويه
يابويه
خيالچ مثل خيمه أنهدم يابويه

يابويه مسلم بويه ..

عبد زينب
محمد الابراهيمي

لحن(جايب خبر)
بصوت
سيد حيدر الموسوي
بصره

اتعذبت  روحي بغيابك......فاجئتني
وانه منتظره اعله بابك .....عودتني

اشلون  يامسلم تروح
كلبي عايش بالجروح
●●●●●●●●●●●●●●●●●●●●●●
ضاعت أحلام العمر...
..باقيه   المن انتظر 
تالي يذبحني الهجر
  ..........وانه صبحي بلا ندى

يحفر   بخدي الدمع....
.بلا ابو احني  الظلع
ليش بالكوفه انفجع..
..............والهضم بعدك سده
ينلچم عمري برحيلك .....لو عفتني
عايشه ابنبضة  دليلك.........عودتني

چفي   بعدك  ما يلوح
كلبي عايش بالجروح
●●●●●●●●●●●●●●●●●●●●●●
يلچم ابروحي الجرح
ليلي  ظلمه بلا صبح
صدري بالهم  ينشرح
.................ميته بحضان الدمع
تكسف اكبالي الشمس
جرحي بالون ينغرس
لو يرد   ليلي  بأمس
..............بويه بس اشعل شمع

عگرت چنهه السحابه.......بلايه مطره
ردت بس شمة ثيابه......محلى عطره

سري بس يمك يبوح
كلبي عايش بالجروح
●●●●●●●●●●●●●●●●●●●●●●
يوسفي بحسره انتظر
روحي   اطشنهه  نذر
بويه  ما ظل كل صبر
.....................نار بيه  اموجره
ضاكت انجوم الفضا
عمري خلص ونگضه
كلشي  بيه مضعضه
................ليلي ابقى مساهره

الفاتحه اقره بحياتي .....يا هضيمه
ليش ماتت  امنياتي......  چن يتيمه

دمعتي صارت سفوح
كلبي عايش بالجروح
●●●●●●●●●●●●●●●●●●●●●●
خنگه   بنفاسي   الهوه
ابعيني ماشوف الضوه
كلبي  بالحسره  انچوه.....
................وانت ما ظنك ترد

مسلم  اشلون الخبر
اشكد  رسايل انتظر
خايفه ابكلبي الهجر
.............. كلبي جمره مابرد

ياوسف رحت من اديه........وانه اناطر
اجويعده ابدرب المنيه .......بس اكابر

دمعي يحچيلك نضوح
كلبي  عايش  بالجروح
●●●●●●●●●●●●●●●●●●●●●●
ذابح    امالي  الدرب
رايحه   الديرة غرب
انه مسبيه انحسب..
..... ...........طبت الكوفه انلچم

العيس ما يرحم جرع
حيره  بالكوفه الوضع
ليش دربك بس شمع
............وانه بس حيلي انهدم

ليش من قصر الاماره..........بهل الرزيه
حشمت  وين  الغياره.......اعله الوطيه

بويه    جا المن اروح
كلبي عايش بالجروح
●●●●●●●●●●●●●●●●●●●●●●
تمت بعون الله
#خادمكم ●●يوسف الفتلاوي

إلى أنصار مسلم بن عقيل ع• هاني بن عروه وطوعه ع»»»»

ثنين للكوفه الشرف شرفوها
بيهم الدين إعترف قدسوها
هاني وي طوعه الكرام•••زادو الكوفه إحترام
☆☆☆
لونويت تزوره مسلم        قبله كون تزوره هاني
هذا بابه ومن تدكه          مـــــــنه تتعلم معاني
وزور طوعه وقره إلها      سورة السبع المــثاني
إبفضلهم قلبي حايـــر      ويعجز إيوصف لساني
مأتمك من ينصب    إذكــــــــر إلهـــم
خلي دمعاتك تصب   مــــــــن أجلهم
الفاتحه إهديها وسلام ••؛؛ ••زادو الكوفه إحترام
☆☆☆
چم ألف بايع لمسلم          وبالشدد نقضو عهدهم
مـــــاكو غيره ولاحميه          لاضماير همه عدهم
الزلم مسلم جمعهم            وبالصلاة قسم عددهم
الكوفه بس ناتجها هاني  وطوعه طلعت هي منهم
ويالحجر تلكه الدُرر    والجواهر
ضل إسمهم ينذكـــــــــر عالمنابر
مايوصفهم كلام••؛؛ ••زادو الكوفه إحترام
☆☆☆
الكوفه لو مابيها طوعه    وهاني تاريخ إلها أسود
بلده من مسلم دخلها      ضلمه حرمه البيها فرقد
عنها لومسلم تسألـــــه      إلها چا بلسانه مــــــجد
وكاال أتمنه بضريحي     الطوعه كون يصير مرقد

عليها سلم ياشهـــــــم     لـــــوزرتني
حـــــرمه بس تسوه الزلم  ناصــرتني
هي وي هاني بمقام••؛؛؛ ••زادو الكوفه إحترام
☆☆☆
بروحة ضحه الضيفه هاني   وبالكرم نال الصداره
ونرمه هوه ويمسلم      من سطح قصر الأماره
دمه سال على الوطيه   حضره خضرله ومناره
وطوعه كون إباب مسلم    تنكــــتب إلها زياره

  والله تستاهل بعـــــد     إلها حضره
وبمـــــــــجالسنه  لطم     إلها   نقــره
إنواسي أنصار  الأمــــــام••؛؛؛ ••زادو الكوفه إحترام
****
الكوفه حزنت مـن أهلها   أونت أكثر من ونيني
وسفه أحس صاحت أرضها محد إيضيف اليجيني
والله لو مــابيه هاني وطوعه وصمه أني بجبيني
حسين شرفني بسفيره وأني إله زايد  حــــــــنيني

تبچي من دم  هاالأرض     من خجلها
ظعن أبو اليمه    يجي      كل أمـــــلها
لو أهل جاب وعمام••••زادو الكوفه إحترام
*
إنسدت أبواب  المدينه   ماكو ماسد بابه واحد
ومسلم إباب   العفيفه    ضامي بالغربه  المجاهد
روته إبماي  الكريمه     إتكله   شعلوها   المواكد
الليل إجاني وأنه حرمه    وإنت زلمه إبابي  كاعد

     كلها عمي المرتظى   مــــسلم أني
      طوعه صاحت ياهله   باالأجاني
ونكشف وجه الضلام••زادو الكوفه إحترام

للشاعر نسيم الحميداوي

حيو مسلم   ..   للحرب قادم
حيو مسلم   ..   يابني  هاشم
…………………………..
سيفه ..   ينزل عل رگب
ناده ..   قد حان الغضب
أگباله  ..   ماواحد صعب
هذا قائدنه

رجفت  ..   گدامه العده
خافو   ..   عرگت گصته
هيبه   ..   الحومه رادته
وسيفه شاهدنه

قائد  ..  شايل چم علم
يمه  ..  ما واحد سلم
فرو  .. لوهب وهجم
بدمه عاهدنه

أصفوف كل  …   أجيوشهم هادم
حيو مسلم     …   للحرب قادم
…………………………..
گالو   ..   مو هيچ الحرب
ماظن  ..  ينطينه درب
بصوبه   ..   مايقبل نطب
هذا أبو طاهر

كاسر   ..    بيهم چم ظهر
شبعو   ..   من سيفه قهر
ماذل   ..    كل عمره أنتصر
وعالحرب صابر

قاسي   ..  سيفه بالكفر
ناذر    ..    لحسين العمر
حالف   ..   مايبقه شمر
للعده قادر

صاح فرو   ..    مسلم الهاجم
حيو مسلم    ..   للحرب قادم

………………………………
خضره   ..    رفت رايته
طوعه   ..   تسلم نادته
وسفه   ..   ناسه خانته
سيف المجرب

ناوي    ..    يقضي عله الظلم
أبزوده   ..   مايبقه هضم
بيهم   ..   كاسر چم عضم
المنه يتقرب

أمنيته    ..   ينشر بالعدل
يمحي    ..   كل  جور وقتل
ويلم    ..    للدين الشمل
من الظلم يغضب

وللحسين أبكل  ..  عهد قاسم
حيو مسلم   ..  للحرب قادم
………………………………..
الحبه   ..    چانت حسرته
عنه    ..     قلت نصرته
الوادم    ..    كلهه خسرته
ماخسر هوه

الخانه   ..   ماعنده وفه
مسلم   ..    هو أجمل صفه
نوره   ..    باقي ومنطفه
وگفته حلوه

الركضو    ..    عالماينتفع
عافو   ..     نور الله اليشع
صيته    ..   عالي وينسمع
وكل زمن يقوه

أبزوده مسلم   ..    كل بشر عالم
حيو مسلم     ..    للحرب قادم

#مسلم_بن_عقيل

▪️گليلي بس وين▪️

حال السيده حميده في فقد والدها مسلم بن عقيل عليه السلام
طور مااحتمل فرگاهم
الملا جبار الحريشاوي
رابط الطور:

https://youtu.be/ODRnCAGoUzg?si=8SThSn_3xxE789JN





ياروحي والله اشتاگيت    گليلي  بس وين الگاه
للغالي والله   حنيت   مااحتمل هم فرگاه

قلبي دوه ابنار         ماعنه اخبار 
ياروحي والله اشتاگيت
———
ياروحي بالله هوّدي   كافي تونين
من فارگج والله الابو    وانت تحنين
مسلم ياروحي مايرد   بسج تقولين
باجر نشوفه والورد    انطشه صوبين

شب الحنين ابهالروح    ما تنطفي نيراني
عنه ولا جت اخبار       يالوعتي واحزاني
      ظل دمعي نثار  ماعنه اخبار
ياروحي والله اشتاگيت
————-
كل ليله اغفه بهالحلم    باحضانه انبات
اعليّه يلولي كالطفل   يسكتلي ونات
ومن نومي افز ابلهفتي    وترويني دمعات
مسلم ولا يرجع بعد     كطعيها ظنّات

مايرحم الروح الليل     تكثر تراهي اجراحه
تكتل دليلي الحسبات  وكله يمر بنياحه
      ياليل الاكدار     ماعنه اخبار
ياروحي والله اشتاگيت
————
اقعد اون امن الصبح    ياوالدي اشلون
ابذيج المسيه امن ارحلت  دلالي مرهون
قلبي يسولف ماترد  بهمومه محزون
وروحي ابحلمها تنتظر  واتشوفك اعيون

تانيت يابويه خبر   ووياك أنا اتلاگه
اتسولفلي روحي ماترد    صبحك طفى مشراگه
  دلالي محتار     ماعنه اخبار
ياروحي والله اشتاگيت
————
يمسح على راسي الولي   واگليبه جن ذاب
يسلم اشوفه من بعد    آ يبن الاطياب
بالكوفه ظني منچتل     آيغلى الاحباب
والوالي دمعاته تهل     هذا اول إصواب

بالكوفه روحه فارگت   مايرجع اردود
اول مصاب الصوبج     والجايج ابزود
    يارب ياستار   ماعنه اخبار
ياروحي والله اشتاگيت
———-
#بنت_الشمري

مسلم  ابنحره  ارتجل
عالعرش خط مستهل
.........الكوفه خانت بالوعد
***
ارسلت مسلم عليهم ...حتى يلقيهه الحجج
والكتب بيدك شفتهه  ...حقد مليانه المهج
وبسفيرك ليش خانت  العله چانت  بالعرج
منكم وتبدي الخليقه  ..تنتهي بيوم  الفرج

مسلم بحيره وگف
يدير وجهه للنجف .....
.........صاح ياحيدر مدد
***
اتغيرت كل المعالي ........والنظم والبسمله
وانچفه القرآن وجهه...حيره شفنه المسألة
مسلم يناديك اسمعه.....ليش  گاصد كربله
والله مشروطه الخيانه...بيها سبي العايله

والله مايحصل ثقات
خالي من اربع جهات
.........بلايه ناصر  لا سند
*****
لاتجي  يحسين افضل..ذوله مابيهم صدك
والسقيفه تخون بيتك..باچر اتشوف الحرك
امنين ماتفتر تطعنك.....وادم وخيل وسحك
خانوا بألله وكتابه....ضيعوا  معنى العشك

كلها   منتظره   تطيح
ياعجب مسلم يصيح!!
..............وسفه ماعدهم عهد
*****
انكشفت ادروب الخيانه....والجهل بيهم طبع
يلتفت مسلم  عجيبه...ليش كل هذا الجمع
صارت  الكوفه جهنم......وختلف سير الوضع
الكوفه بس طوعه حقيقه.... طلعت بهذا الفزع

وياكم.... ابكلشي تگول
بس رضا الزهره البتول
............. وگفت بيوم الشدد
*****
هاك يحسين النماذج....اگلوبهه ضد حيدره
والعجب شفنه الحقيقه....كلها ناس امزوره
صعد فوك القصر سلم..والدمع عالخد
جره
حسين واصلك سلامه ..ابدم  رگبته ومنحره

بطحيته شامخ  يظل
هم شفت طايح جبل
............ثورة الطف تستعد
*****
حتى چان الماي ضدك.....يدري حسره ابمهجتك
احترام العذب لجلك .....ظل ينوح الچبدتك
تدري باچر اه باچر.....العرش يبچي المحنتك
لاچن انت تريد عايش....مثل مسلم  غربتك

والضماير   تصحه بيش
اتحولت شو كلها جيش
...........كلها ضد مسلم تصد
****
#تمت بعون الله تعالى
#خادمكم.......يوسف الفتلاوي

القصيدة // مسلم بنحره ارتجل
كلمات الشاعر الموفق// يوسف الفتلاوي
اداء خادمكم// سيد علي الحسيني

طاح  شامخ  من سطح قصر الأماره
طاح   صاح  حسين من   الله   تجاره

يرتفع كلما يطيح ودمعه بعيون الأثاره
حسين انطاه الرساله وللله وصلها بحراره

................................



معجزه  مسلم  قضيه ابتدت منها الطفوف
جان أول حرف منه وحسين في قلب الحروف

      (مس) ت* ح*(ي)ل  ا(ن)عيش  
بالذل    والله خالقنه    (س)يوف
 
نعوف دنيانا ونضحي وكلشي لله خل نعوف 


...........................


اشلون يا مسلم حميده تعوفها بدمعه تلالي  
يكًول لا تخبر  حميده  شصار يبه وشنو حالي

يم    الحسين    الأمانه  والله   يعوضها دلالي   
   يم  الحسين   حميده    بالله   أمن   عيالي   

..............................


  مثل ما  تنسبي زينب خلي اهلي تنسبي   
   خلي اوصلن رساله  ثوره تاريخ العبي
 
نذر كل عمري وحياتي لهذا الحسين الابي   
بيا علي نرفع الرايه وصوت كَلبي يا علي


...............


القصيدة بعنوان ( مستحيل انعيش بالذل)
قلم الشاعره الحيدريه فاطمة الشمس ✍
أعظم الله أجورنا وأجوركم وساعد الله قلب مولانا صاحب الزمان 🥺🤲

القصيدة// مسلم بجفه العزم
كلمات الشاعر الموفق// يوسف الفتلاوي
اداء خادمكم// سيد علي الحسيني

حميده تناشد حسين
تنادي ياضوى العين
عودي يمته يرجع   علي گلبي تصدع
حميده تناشد حسين
***
حميده تناشد حسين وتگله
ابوي وين والمدمع تهله
يعمي بگلبي صارت ترى عله
شي يصبره الراح عنه بعيد خله
يظل سهران ليله    وهمومه ثجيله
وبس يصفگ بالايدين    حميده تناشد حسين
***
شيصبرني على فراگه يعمي
اليوم بروحي احسن زاد همي
واحزان شكثر ملتمه يمي
اخافن طاح برض الكوفه علمي
عليك بفاطمه امك    مسلم ابن عمك
صفى بي الوكت وين   حميده تناشد حسين
***
روحي حنت الراعي المحنه
واشتاگيت ياعمي الحضنه
شوكت من سفرته يرد المحلنه
وبي يلتم يبو سكينه شملنه
وگله هلا وحياك     صار هواي اتناك
بجيتك يا هلاوين     حميده تناشد حسين
***
عندي احساس مايرجع عليه
اخافن قتله علوج ال اميه
تظل عيني على دربه ربيه
تخبرني علي يبن الزݘيه
اذا ميت فده يروح    الك يامالك الروح
يحامي العرض والدين    حميده تناشد حسين
***
وحگ المصطفى المختار جدي
يجاوبها حميده امردتي ݘبدي
ترى عودݘ يبنتي غالي عندي
جرحه مايطيب بروحي يدي
يبقى ينزف دموم   علي كل محب مالوم
وي جمع الموالين    حميده تناشد حسين
***
ناده حسين بت مسلم تعالي
ودمعته بعينه ياويلي تلالي
مسح عالراس وتگله يغالي
ابوي انݘتل ياعمي يوالي
راسي من مسحته   يتيمه تگلي انت
اظلن كل السنين     حميده تناشد حسين
***
خادم اهل البيت / ابومحمد العاشور (07810010732)

صاح مسلم انه عمي حيدره
مااهاب الموت يوم الزمجره
***
صاح مسلم عمي حماي الدخيل
مااهاب الموت اقسم بالجليل
ويل اراويكم يجند ابليس ويل
وخله اهل الكوفه كلها محيره
صاح مسلم انه عمي حيدره
***
الويل اراويكم يعباد الصنم
منكم الشارد فقط مني سلم
انزل اعليكم مثل راعي العلم
حالف انثركم حثث فوگ الثرى
صاح مسلم انه عمي حيدره
***
بالعمر افدي ابن عمي الحسين
ماتهمني جموعكم ياحاقدين
اهجم اعليكم هجوم المؤمنين
وبيمينه الجمع ذاكه طشره
صاح مسلم انه عمي حيدره
***
ابو طاهر من هجم ظلو ذهول
حيرت هجماته كل ذيݘ العقول
صولة الكرار ظل بيهم يصول
والدناله بسيفه نصين اشطره
صاح مسلم انه عمي حيدره
***
وحده هو والاجته بالالوف
سل حسامه بعزم وتلگه الصفوف
ݘنه ملك الموت من بيهم يطوف
ريته حاضر ابو اليمه وينظره
صاح مسلم انه عمي حيدره
***
بالغدر اهل الغدر اخذوه غدر
وماي ماشربوه وگطعوله النحر
وجثته شمروها من فوگ القصر
زمرة الملعون ابن شر الوى
صاح مسلم انه عمي حيدره
***
خادم اهل البيت / ابومحمد العاشور (07810010732)

مسلم مثل عمه مايهاب الموت
صاح انه فده لحسين بعله الصوت
***
مسلم مثل عمه صال عالفرسان
دمدم عالرگاب بساحة الميدان
خلاها اتناثر عالثرى الجيمان
ومثل الموت بالمعركه من يفوت
مسلم مثل عمه مايهاب الموت
***
مثل الموت من يفوت عالحومه
واليدنه الغضنفر يگص زردومه
خله اذناب اميه عالارض نومه
والشافه وشرد بالمعركه مبخوت
مسلم مثل عمه مايهاب الموت
***
الهج بالمعركه مبخوت من عدهم
مسلم من حمل عالگاع جندلهم
والكوفه تحولت حمره من دمهم
ولزم بيده زلمهم بقى بيها يلوت
مسلم مثل عمه مايهاب الموت
***
لزم بيده الزلم مسلم ولواها
وجموع الاجته بسرعه رداها
ونجوم الظهر للعداه راواها
ومن الخوف واحدهم تشوفه ينوت
مسلم مثل عمه مايهاب الموت
***
ربته الغيارى طيب الانساب
عالكلفه يفوت وابد لا ميهاب
سيفه من يهد مثل الجمر لهاب
على جموع الظلاله الطاعوا الطاغوت
مسلم مثل عمه مايهاب الموت
***
اسمع مسلم لجمع الكفر شيكول
ابن عمي الحسين ومنه انه مرسول
ومثل عباس عالالاف ظل يصول
عليهم من هجم خله الجمع مبهوت
مسلم مثل عمه مايهاب الموت
***
خادم اهل البيت / ابومحمد العاشور (07810010732)

#شوط كربلائي



منهاج العداله جاي......
..........طلبتو اگصد الكوفه
لبن عمي كتبتو اهواي....
..........رسايل كلها ملهوفه
***
اقبل  عندك  الالاف ......تريد اتبايعك انصار
صارو عالرهن مقبوض....نواياهم تريد افكار
كلمن  طينته ابخده......ضمايرهم بدت تندار

حبرهم عالصحيفه اشكال
ظاهرهم    تشوف  اخيال
آصرو  ... تعرف   الاجيال
يوصلهم سفير احسين .....
............غايتهم تره اتشوفه
***
خبرهم واضح ومكشوف.....وجوه الامه مختلفه
باطنهم   قبيح  انشوف.........آثار   الحقد  صلفه
قبل  لايوصل اكتابي......اشوف الكوفه  منحرفه

بديت انطيهم  اعتابي
عقيده وحيدر اجوابي
عليهم   ناشر   اكتابي

وصلتني  القبائل هاي.........
..............تريد البيعه مشغوفه
***
بعدني بسورة الإخلاص....اشوفنهه الزلم عشره
بعد ذاك العدد  چاوين ......تميل الكفه والكثره
بقيت انه ونفر وياي...........ميادين الزمن غدره

يكلي مسلم انت وحيد
ارجع   والطريج  ابعيد
عساكر  جهزت  تجنيد

بقيت الوحدي ابدنياي
.................صارت كلها مكشوفه
***
خانت بالعهد يحسين.......هاي الكوفه تدريها
نقضو  بيعتك  مولاي........عليه  اتمد اياديها
اساليب الغدر  خذلان.........هاي  الدنيا تاليها

خانت  بالعجل يحسين
ما اندل طريجي امنين
اشوف  ابغربتي لاوين

يبو اليمه  غدرهم صار..
..................بيها الكوفه معروفه
***
شفت الما خطر عالبال....... ناس بلا وعي تنكاد
خانت والضمير يموت.......تاليهه  الوشاكه اعناد
صارو  للخيانه  اشكال....بين  الطاغي والاصفاد

باعوها  الذمم  دينار
صارت للحقد  اشرار
بغضهم  حيدر الكرار 

اسلاف الظلم مفروض
.............وسافه الباطل انشوفه
**
عالمنزل اشوف الجيش .....كلها انكلبت الاشرار
بس طوعه وفيه بهاي......بالكوفه عظيمه اسرار
طعنوا  بالظهر  يا حيف.......خانت  امة  المختار

صارت  دمعتي بسكوت
لبو اليمه رفعت الصوت
من قصر الاماره الموت

ابلغنك سلامي حسين ......
             وفيت ابنحري ماعوفه
***
تمت بعون الله تعالى
خادمكم........ يوسف الفتلاوي

مسلم ابن عقيل عليه السلام



دك بابي بحذر وبلوعه يمكن شي ورا
ماخذني العطش يا طوعه ومبين ضما
طب لا تبقه متاني
هلا بحسين الثاني

يا هلا ولا تبقه مستحي
مو كبل خادمكم الوحي
لو ردت من يمك انمحي
دارك وانت اوله بدارك
طب يمشيم خطارك
مو فشل من عمك الفحل
لو زعل من عندي لو زعل
لا تهم والعنده هيج أهل
سلطان وتاجه براسه
نار ويا فكره الجاسه

مسلم مو صدك والضاهر اسمك حيدره
مشيت الزلم يالقاهر مثل المسطره
يعجز بيك الساني
هلا بحسين الثاني


"""""""""""""""""""""""""""""""""""""""""""""""""

ما شفت كل عمري هجي صل
لا يفر من عركه لا يمل
لو زئر بالكوفه ما يقل
عن ذاك ابن البدويه
نفس الروح الحربيه
ما رجف من عسكر وحرس
لا قلق من فارس وفرس
لا قره على الخوه لا درس
هذا المن كاعه يوافي
راضع من مرضع صافي
من قبل الخلق متحضر ومحضر دما
هذا بكل وكت متصدر والوادم ورا
من كماطه يتاني
هلا بحسين الثاني


"""""""""""""""""""""""""""""""""""""""""""""""""


صده عزمك رج اميه رج
على مهلك والتخزره هج
نبي سيفك وبمرامه حج
كبر يم داري وصلا
يا شيطان اليوصلا
كضه خلكه وغيم ورعد
قره ايه توضه واستعد
اجه يومه وسرفن وصعد
فوك الشكره المعروفه
شاهين بنص الكوفه

صرر عاد اجت لو طير ونازل لبرهه
يامر والزلم تتراجف فارس ابهه
كلهم ياهوه اني
هلا بحسين الثاني

"""""""""""""""""""""""""""""""""""""""""""""""""


يغضب طب هزه مجسله
افه واليوصلك يخسه
يفحل طَب ديرة النسه
أسبعهم خوف محشه
من يشوفك يتغشه
مالكو بالكوفه ند الك
لا نسوا كل سطره من هلك
علي كبلك هم لعب فلك
خيبر ردت بالكوفه
رد القالع وجفوفه
عز الله القروا تاريخك كالو معجزه
مسلم ينذبح بس فنه اليذبح منجزه
اصرارك رباني
هلا بحسين الثاني

"""""""""""""""""""""""""""""""""""""""""""""""""

يخشن ومدرب وجسر
يترف وبمشيتك وقر
يبحر مو سهله تنحزر
يمفصل من يا طينه
والما ينهان تهينه
يقفل باب الله يا سخي
يشهم للعشره تنتخي
ما ثبت كدامك الرخي
والما يعرف تدبيره
حضه يطيح وتقديره
كالوا وحدك تتحاصر والكثره التعم
وانت الفارس اليتمشه على شوارب زلم
فوت بضهرك هاني
هلا بحسين الثاني


"""""""""""""""""""""""""""""""""""""""""""""""""
يوفي بنص شحة الوفه
ينجم بالضلمه ما خفه
يجرح بالكوفه ما شفه
موش ازلام الكتبولك
خيرهم فدوه لطولك
يعنب ما لاحك القزم
مو غبي القارعته وانهزم
ما طحت يا كلمة النعم
موت وضل رافع راسك
اكبر شارب ومداسك

قيمتهم صفر كدامك وانت بكد علي
كلهم يا اهل يالخنث تتقاس بهلي
معصومين اخواني
هلا بحسين الثاني

"""""""""""""""""""""""""""""""""""""""""""""""""
محمد رسول الحميري

لطمية / مسلم ١٤٤٦
💧💧💧💧💧💧💧💧

مسلمٌ إبنُ عقيلْ ثورةٌ في كلِّ جيلْ
     ضد طاغوتِ الزمانْ

١/ حيدريٌّ في الهوية لا يبالي بالمنيّة
إسألوا عنهُ الحميّة  والإبا والعنفوان ْ

٢/ثائرٌ حرٌّ معلِّم  ضد طاغوتٍ ومجرمْ
أعلن الثورةَ مسلم ْ دمُهُ خَطَّ البيانْ

٣/مسلمٌ بات غريب ْهاتِفاً ما من مجيبْ
ذاكَ واللهِ عجيب ْ آهِ من غدرِ الزمانْ

٤/لا تقُل ْ كوفانُ تابَتْ حين شَبَّت ما استجابت ْ
وعلى الخذلانِ شابت ْ رسَبَت في الامتحان ْ !


٥/لهف نفسي للسفير ْ وحدَهُ الآنَ يسير ْ
تائهاً أين المسير ْ حاصروهُ بالسِنان ْ

٦/يا أميراً غدروهُ. وأسيراً قيدوهُ
ومن القصرِ رموهُ ليس للعهدِ ضمانْ

٧/ليس للكوفة ذِمّة  إسألوا عنها الأئمة
إن للرزءِ  تتمة...    مسلمٌ دون أمانْ

٨/أخبروا المولى الحسينا مسلمٌ يبكيهِ عينا
صاحَ لا تأتِ إلينا لا وفاءَ للجبان ْ!

٩/مسلمٌ حيدرُ ثانِ من أذى الغدرِ يعاني
جُرَّ في السوقِ وهاني وأميرَ الأمسِ كان ْ !!!!

١٠/ مسلمٌ ألفُ مقاتل معنا اليومَ يقاتل
دكَّ بالنارِ المعاقل فعلا منها الدخان ْ!

١١/في طريقِ القدسِ جاءَ ينزفُ اليومَ الدماءَ
سيفُُهُ نوراً أضاءَ منهُ نصرُ اللهِ بان ْ!!

١٢/ إسمعوا قولَ الحسينِ  في الجنوبِ الآنَ  منّي
أنتمُ اليومَ بعيني والجنوبُ لا يُهان ْ !


محمد طالب العاملي

حميده  وحيده  وبوهه انحز وريده
تنـادي  يغـالي  يرد سالــــــم تريـده
          *
تــــــون ويهل دمعهه
وبو الأكبـــــر سمعهه
انكسر كَلبه الوضعهه
ومسـح دمعتهه بيده
               
ابـــوي اتنـاي وينـــــه
مشــــه ومـــارد علينه
اشـوكت سالــم يجينه
رحل رحلـه بعيـــــــده
                 
بنـــات حسـين اجنهه
على الهــــــم صبرنهه
لعــد زينب خــــذنهه
وبجت بنت الصمـيده
              
طفت شمعت عمرهه
بعد غيبت بـــــدرهه
القدر بالطف نطـرهه
ومصايبهه عديــــده
              *
يمن جنت ألهه خيمـه
بقــت بعـــــدك يتيمه
ليالــــــي الطف أليمه
عليهه الهم تزيده
               *
تصيح ارجــع يغايب
شفت بعـدك عجايب
جوت كَلبــي النوايب
مصيبتنــــه شديـــده
              ***    

         الخادم
     كامل السعيدي