شوفوا راح احجي باختصار ووبساطة شديدة حتى توصل لاصغر عمر

بكل فتوة بالاسلام اكو اكثر من رأي، خاصة الاراء المهمة مثل الصيام، مثل السنة والشيعة بل حتى السنة والشيعة بداخل كل فئة اكو انقسامات، مثلا السيد الحيدري اليوم من فئة الشيعة اعتمادا على الفلك كال باجر عيد والمرجعية الشيعية المتمثلة بالسيد السستاني كال باجر نحدد

بالسنة كذلك اكو حكمين يمشون بي
١- حكم الامام ابو حنيفة النعمان
٢- حكم الامام الشافعي

الامام ابو حنيفة يكول : استنادا لحديث النبي (صوموا لرؤيته وافطروا لرؤيته) اذا انشاف بأي مدينة (دولة) فكل المنطقة تعتبر عيد عندهم لان تعتبر بنفس المنطقة وعلى هذا المنطق استندوا مشايخ كردستان العراق ودار الافتاء العراقي وغالبا بعض الدول العربية مثل والخليج بعد ما تمت رؤيته بالسعودية وتركيا

الامام الشافعي يكول : ان الرؤية تختص بكل دولة يعني لكل دولة او مدينة رؤيتها وهذا اللي اعتمده هذه السنة الوقف السني ومصر والمغرب وبقية الدول اللي اعلنت يوم الاثنين

زين ليش صار هذا الانقسام هل السنة بالذات؟

صار هذا الانقسام هل السنة بالذات بسبب وقت ولادة الهلال، الهلال انولد فلكياً ظهر اليوم، وهذا الشي خله الهلال ينشاف بدول معينة واستحاله ان ينشاف بدول معينة ثانية

لذلك رجعوا هذه السنة تحديداً لرأي الامام الشافعي وليس لرأي الامام ابو حنيفة.

زين منو الصح ومنو الغلط؟

هذا الموضوع هو مثل كل المواضيع المهمة واللي عليها جدل عبر التاريخ بالاسلام

ليش عليها جدل؟ لان بيها اكثر من رأي
وعبر التاريخ كل الاراء تحتمل من الصحة الشيء الكثير

لذلك عبر التاريخ محد كدر يحدد منو الصح ومنو الغلط لان كل فئة من الناس تمشي وره امام ورأي

والله اعلم، بالنهاية الاثم راح يكون على صاحب الفتوى اذا كانت الفتوى لمصالح سياسية او مصلحة شخصية، والله اعلم

- الرساله ؛ لعد ماكو خيار ثالث؟
اني فاطره بس ما عيدت🤣🤣
والله حيرونه الله لا يوفقهم

- شنو اللي يخلينه نتوه؟
= يعني.. هواي اشياء، لما هدفنا ما يتحقق، لما نزعل بوجع، لما ما نعرف شنو نسوي بايامنه الجاية وتضيع اهدافنا، مرات لما نحب، لما ما نعرف الويانه شيريد
- شدعوة هلكد اكو احتمالات!
= مرات نتوه بداخل نفسنه من نباوع على نفسنه وما نعرفها.. ما نلكاها، ندور هنا لااا، زين هنا! لا، مرات من ما تلكاها بداخلك تدورها بالناس الحولك، تبدي تدور روحك برا او روح تشبه روحك بلكي تسترجع ذاكرتك وتلكاها بداخلك
- وبنص هذا التوهان كله شلون نرجع نلكه الطريق
= حسب انت تايه وين، يعني اللي تايه بطريق يكدر يسأل ويندل منين يطلع، يختلف عن اللي تايه بروحه، ظلام من جوه و مو عارف يلكه شي
- واللي تايه بحبه
= الحب الحقيقي ما يخلق توهان، يمكن يخلق ضياع مؤقت، مشاكل تحسسك انك تايه، بس الحب دائماً يخليكم تلاكون بعض بالنهاية، ماكو حب يخلي كل شخص يروح بطريقة
- شلون؟ انت تعرف كلش زين ان هواي ناس حبو بعض بس طريقهم ما جان واحد
= معناها الحب ما كان كافي من احد الطرفين، صدكني ماكو اثنين يحبون بعض بشكل كافي وما يكملون سوه، وتلاكيهم من داخلهم عارفين هل الشي.
- تهت واني احجي وياك
= اسهل توهان، توهان الحوارات، بسرعة تتخطى بمجرد ما نخلص حجي، صفنه وحدة ويخلص الموضوع..

هواي مرات ما نكون بيها نشبه نفسنه، لما نقسى مثلا واحنه احن الناس، لما المقابيلك يجبرك تتعامل بطريقة ما تشبهك، لما تبدي تخزر بعينك اللي جانت دائماً مبتسمة، لما ملامحك تتحول ويغلبها الحيرة بعد ما كان اكثر شي يكولوه الك "ملامحك مليانه حنية" ، مرات الحياة تجبرنا ومرات الناس ومرات داخلنا ويبقى المقابل يتساءل هذا شغيره!.

- الرساله ؛ جنت اگلب بالقديم الك وفكرت هو اني ليش كل فترة ارجع اقرة القديم الك مو الجديد بعدين وصلت لشي حيل غريب وهو

اول شغلة تذكرت لما عرفت اول فترة جنت حيل حابة تفكيرك وكولشي تحجي أتعلم منه هووواي تعلمت منك لدرجة صرت من الأشخاص الي اذكرهم لما يكولون منو الأشخاص الي صنعوكم اليوم وراها فترة صرت متعودة على الي تحجي وعرفتة تقريبا بعد سنتين او اكثر شوية وكمت أتوقع ردك وكلامك وافهمة ولما وصلنا للي انت عليه انت اليوم تقبلت انك استغنيت عن هواي اشياء احنا فئتنا تحبها أو حتى شخصية صغيرة منك انت تخليت عنها مثل لما قررت تتخلى عن بالمصري

نرجع للسؤال الأهم اني ليش ارجع للقديم الك حالياً لان ببساطة جاي أحسه هو نفسه الي يرهم ويا مشاعري عاطفتي تفكيري لأن نفس العمر الي انت كتبتة بي ولأنك زارع هوواي منك بينا نحس انو ننتمي لهذا الكلام الي انت كاتبة جزء هم من شخصيتنا ماعرف إذا فاهمني بعد كل هذا الحجي بس الي اعرفة انو الي كدر يجمع بين حب عبد الحليم و ابيوسف راح يفمهني بكل لخبطتي بالكلام 😂🤍

حب كبير لكل الي قدمتة وراح تقدمة لاخر يوم الك ويانا 🤍

_

- الرساله ؛ أني ممشتركه بالقنَاه لَـگِنْ فجائه دخلتليهاا منَ خلال رساله محولتهاا الحسابي وشفتَ المقروء ، انتَ ! تدري أنك بهل كلام قتنعتَني بصوره خلتني اراجع أفكاري وقناعاتي ألي صارلي 6 أشهر ! احاول افتهمها ومداوصل النقطَه تفهمني ياهاا ، بسَ انتَ فهمتنياهاا بطريقه عدَه المقروء اكثر منَ مرهَ ،
أخر سَطر رسملي ابتسامه عَ وجهي لان الكلته كان صحَ بكُل متحمل معنىَ الكلمه
احس فتحتلي بابَ جنتَ ادورله مفتاحَ وكلامكَ كان هل مفتاح
شَكراً ألك 🤍

عفواً

تسير الحياة بشكلٍ غريب
ولكنه مثالي، ليس بالمثالية المعروفة
انما مثالي بطريقة ما تعرفها الحياة
وبشكلٍ غريب تشاهده انت مع تكرار المشاهد لكل اولئك العابرين في هذه الحياة، كل قطرة عمر تعطي شيئًا ما من ذلك الذي عاشه من كان قبلك،

"الحياة تكرر نفسها باستمرار ولكن الناس هم من يتغيرون!"

لو نظرت بعمقٍ اكبر في هذه الحياة لوجدت شيئاً واحداً وغريباً جداً..

وهو ان الزمن بالنسبة للحياة واقف، فالحياة واحدة لا تمضي انما الناس يمضون بها بنفس المراحل المتكررة!..

_